ပြည်ပကုန်သွယ်မှုသတင်းများ

         စင်ကာပူအခြေစိုက် United Oversea Bank(UOB) က၂၀၂၅ ခုနှစ်တွင် ဗီယက်နမ်၏ စီးပွားရေးကြီးထွားနှုန်းကို ယခင်ခန့်မှန်းထားသည့် ၆ ရာခိုင်နှုန်းကိုကျော်လွန်၍ ၇ ရာခိုင်နှုန်း တိုးမြှင့်ခန့်မှန်းထားကြောင်းသိရပါသည်။ UOB မှကျွမ်းကျင်ပညာရှင်များ၏အဆိုအရ ဗီယက်နမ် သည် ၂၀၂၄ ခုနှစ်၏ စတုတ္ထ ၃ လပတ်ကာလတွင် GDP ကြီးထွားနှုန်း ၇.၅၅ ရာခိုင်နှုန်းနှင့်အတူ ၂၀၂၄ ခုနှစ်ကို အားကောင်းစွာ ပိတ်သိမ်းနိုင်ခဲ့ကြောင်း သိရပါသည်။ နောက်ဆုံး ၃ လပတ် ကာလတွင် အားကောင်းသောစွမ်းရည်ပြသနိုင်မှုနှင့်အတူ ဗီယက်နမ်၏ စီးပွားရေးသည် ၂၀၂၄ တွင် ၇.၀၉ ရာခိုင်နှုန်းတိုးချဲ့နိုင်ခဲ့ပြီး ၂၀၂၃ ခုနှစ်တွင် ၅.၁ ရာခိုင်နှုန်းတိုးချဲ့ နိုင်ခဲ့ကြောင်း သိရပါသည်။ ကုန်ထုတ်လုပ်မှုနှင့် ဝန်ဆောင်မှုကဏ္ဍများသည် ကြီးထွားမှုတွင် အဓိကမောင်းနှင် အားအနေဖြင့် ဆက်လက်တည်ရှိနေပြီး ကုန်သွယ်မှုသည်လည်း အားကောင်းသောလမ်းကြောင်း ပေါ်တွင် ဆက်လက်တည်ရှိခဲ့ကြောင်းသိရပါသည်။ ၂၀၂၃ နှစ်လည်မှစ၍ ဆီမီးကွန်ဒတ်တာ ရောင်းချရမှု မြင့်တက်ခဲ့သည့်အဟုန်သည် ၂၀၂၅ ခုနှစ်၏ ပထမ နှင့် ဒုတိယ ၃ လပတ် ကာလ အထိ ဆက်လက်မြင့်တက်မည်ဟု မျှော်လင့်ရကြောင်း သိရပါသည်။ အမျိုးသားညီလာခံက ယခုနှစ်အတွက် စီးပွားရေးတိုးတက်နှုန်းကို ၆.၅-၇ ရာခိုင်နှုန်း မြင့်တက်ရန်ခန့်မှန်းထားကြောင်း သိရပါသည်။ ဝန်ကြီးချုပ် Pham Minh Chinh ကမူ အခြေခံအဆောက်အအုံ ဖွံ့ဖြိုးတိုးတက်မှုနှင့် ရင်းနှီးမြှုပ်နှံမှုအသစ်များကို ဆွဲဆောင်မှု အရှိန်မြှင့်တင်ရန် အများပိုင်ရင်းနှီးမြှုပ်နှံမှုအတွက် မြန်ဆန်စွာငွေထုတ်ပေးမည်ဖြစ်သောကြောင့် အနည်းဆုံးစီးပွားရေးတိုးတက်နှုန်း ၈ ရာခိုင်နှုန်း ရရှိရန်တောင်းဆိုထားကြောင်း သိရပါသည်။ ဘဏ်သည်ကုန်ထုတ်လုပ်မှု၊ စားသုံးသူငွေသုံးစွဲမှုနှင့် ခရီးသွားလာမှုအစရှိသည့် ပြည်တွင်းမောင်းနှင်အားများထံမှ အပေါင်းလက္ခဏာဆောင်သည့် အဟုန်ကိုရရှိရန်ခန့်မှန်းထားကြောင်း သိရပါသည်။ သို့သော် ၂၀၂၅ ဒုတိယနှစ်ဝက်တွင်မူ ပို့ကုန်ကိုမီခိုမှုမြင့်တက်လာမှုကြောင့် ဗီယက်နမ်အတွက် စွန့်စားရမှုများရှိလာနိုင်ကြောင်း သိရပါ သည်။  ၂၀၂၄ ခုနှစ်တွင် ဗီယက်နမ်၏ ပို့ကုန်ဝင်ငွေရရှိမှုမှာ စံချိန်တင် အမေရိကန်ဒေါ်လာ ၄၀၀ ဘီလီယံရှိပြီး ၎င်းတို့၏ GDP မှာ အမေရိကန်ဒေါ်လာ ၄၅၀ ဘီလီယံဖြစ်ကြောင်းသိရပါသည်။

DOCA(ရန်ကုန်)

          ဗီယက်နမ်နိုင်ငံသည် ၂၀၂၄ ခုနှစ်တွင် ငရုတ်ကောင်းတင်ပို့မှု ပမာဏကျဆင်း လာ သော်လည်း တင်ပို့မှု တန်ဖိုးမြင့်တက်လာခဲ့ကြောင်း ဗီယက်နမ် ငရုတ်ကောင်းနှင့် ဟင်းခတ် အမွှေးအကြိုင်အသင်း၏ ထုတ်ပြန်ချက်ကို ကိုးကား၍ ဗီယက်နမ် သတင်းအေဂျင်စီမှ ၇.၁.၂၀၂၅ နေ့က ပြောကြားခဲ့သည်။ ဗီယက်နမ်နိုင်ငံသည် ပို့ကုန်ပမာဏ ၅.၁% ကျဆင်းခဲ့သော်လည်း ၂၀၂၄ ခုနှစ်တွင် ပို့ကုန်တန်ဖိုး ၄၅.၄% တိုးလာခဲ့ပြီး အမေရိကန်ဒေါ်လာ ၁.၄ ဘီလီယံနီးပါးအထိ ရောက်ရှိခဲ့ကြောင်း အဆိုပါ အသင်း၏ ထုတ်ပြန်ချက်အရသိရသည်။ ဗီယက်နမ်နိုင်ငံသည် ၂၀၂၄ ခုနှစ်တွင် ငရုတ်ကောင်းမဲ ၂၂၀၂၆၉ တန် နှင့် ငရုတ်ကောင်းဖြူ ၃၀၃၃၁ တန် အပါအဝင် အမေရိကန်ဒေါ်လာ ၁.၁ ဘီလီယံအထိ ရရှိခဲ့ပြီး ငရုတ်ကောင်းဖြူ တင်ပို့မှုမှ အမေရိကန်ဒေါ်လာ ၂၀၀.၆ သန်းရရှိခဲ့သည်။ သွင်းကုန်ဘက်တွင်လည်း ဗီယက်နမ်သည် ၂၀၂၄ ခုနှစ်တွင် ဒေါ်လာ ၁၇၆.၂ သန်း တန်ဖိုးရှိသော ငရုတ်ကောင်း ၃၆၇၂၇ တန် ကိုဝယ်ယူခဲ့ပြီး ပမာဏအားဖြင့် ၃၈.၄% တိုးလာကာ ၂၀၂၃ ခုနှစ်နှင့် နှိုင်းယှဉ်ပါက တန်ဖိုး ၉၉.၅% တိုးလာကြောင်းသိရသည်။

DOCA(ရန်ကုန်)

          ဗီယက်နမ်နိုင်ငံသည် အစိုးရကသတ်မှတ်ထားသည့်  ၂၀၂၅ ခုနှစ် စီးပွားရေးကြီးထွားမှု ရည်မှန်းချက် ၈ ရာခိုင်နှုန်းပြည့်မီရန် များစွာသော စီမံချက်များ ဆောင်ရွက်သွားမည်ဟု စီမံကိန်း နှင့် ရင်းနှီးမြှုပ်နှံမှုဝန်ကြီးဌာန ဒုတိယဝန်ကြီးဖြစ်သူ Nguyen Duc Tam က ဇန်နဝါရီလ ၈ ရက် နေ့က အစိုးရသတင်းစာရှင်းလင်းပွဲတွင် အကျဉ်းချုပ်ပြောကြားခဲ့ပါသည်။ Tam က ၂၀၂၄ ခုနှစ် ဒီဇင်ဘာလကုန်ပိုင်းတွင် ဝန်ကြီးချုပ်က ဝန်ကြီးဌာနများနှင့် ကဏ္ဍများအား ၂၀၂၅ ခုနှစ်တွင် အနည်းဆုံးစီးပွားရေးကြီးထွားနှုန်း ၈ ရာခိုင်နှုန်းရရှိရန်အတွက် အကောင်အထည်ဖော်ကြရန် တရားဝင်ထုတ်ပြန်ခဲ့သည်ဟု ပြောကြားခဲ့ပါသည်။ ထိုထဲတွင် Hanoi၊ Ho Chi Minh၊ Binh Duong နှင့် Dong Nai ကဲ့သို့သောအဓိကစီးပွားရေးမြို့ကြီးများအတွက် မျှော်လင့်ချက်မြင့်မားစွာ ထားရှိမှုပါဝင်ကြောင်း သိရပါသည်။ အကယ်၍ ထိုဒေသများသည် ၂၀၂၄ စီးပွားရေးရလဒ်များ ထက် ကြီးထွားခဲ့ပါက နိုင်ငံစီးပွားရေးအတွက် သိသာထင်ရှားစွာ ပူးပေါင်းပါဝင်ပေးနိုင်မည်ဟု သိရပါသည်။ Tam က ၎င်း၏ဝန်ကြီးဌာနသည် ၂၀၂၅ ခုနှစ်တွင် အဖွဲ့အစည်းမူဘောင်တိုးတက် ရေးနှင့် ဆန်းသစ်တီထွင်မှုများ ဆက်လက်ပြုလုပ်သွားရန် အာမခံခဲ့ကြောင်း ပြောကြားခဲ့ပါ သည်။ လာမည့် ၉ ကြိမ်မြောက် အမျိုးသားညီလာခံတွင် အစိုးရသည် စီမံခန့်ခွဲမှုဥပဒေနှင့် စီးပွားရေးလုပ်ငန်းများနှင့် ကုန်ထုတ်လုပ်ခြင်းတို့တွင် နိုင်ငံတော်မတည်ငွေသုံးစွဲမှုပါဝင်‌သော များစွာသောဥပဒေများကို ပြင်ဆင်ရန်စီစဉ်ထားကြောင်း သိရပါသည်။ သို့သော် စီးပွားရေး လုပ်ငန်းဥပဒေကိုပြန်လည်ဆန်းစစ်ခြင်းသည် ကုမ္ပဏီများစွာထံမှ စိန်ခေါ်မှုများနှင့် ရင်ဆိုင်ရန် မျှော်လင့်ရကြောင်း သိရပါသည်။ ထို့ပြင် မက်ခရိုစီးပွားရေးတည်ငြိမ်ရေး၊ ငွေကြေးဖောင်းပွမှု ထိမ်းချုပ်ခြင်းနှင့် အဓိကစီးပွားရေးမျှချေရှိရေးအတွက် စီမံချက်များအကောင်အထည်ဖော်သွား မည်ဟု သိရပါသည်။ အခြားအဓိကဖြေရှင်းချက်များတွင် ရင်းနှီးမြှုပ်နှံမှု၊ ပြည်တွင်းစားသုံးမှုနှင့် ပို့ကုန်-သွင်းကုန်များစသည့် စီးပွားရေးမောင်းနှင်အားများကို ထပ်မံကြိုးပမ်းမှုတို့ပါဝင်ကြောင်း သိရပါသည်။ စီမံကိန်းနှင့် ရင်းနှီးမြှုပ်နှံမှု ဝန်ကြီးဌာနသည်၂၀၂၅ ခုနှစ်အား ပြည်တွင်းနှင့် ပြည်ပမှခရီးသွားများအား ဆွဲဆောင်ရန်အားထုတ်မှုပါဝင်သော ပြည်တွင်းစားသုံးမှု ကိုလှုံ့ဆော် မည့် နှစ်တစ်နှစ်အဖြစ် သတ်မှတ်ထားကြောင်း သိရပါသည်။ ထို့ပြင် ဟာလာကုန်ပစ္စည်း ဈေးကွက်အားမြှင့်တင်ခြင်းနှင့်အတူ လွတ်လပ်သောကုန်သွယ်ရေး သဘောတူညီချက် ၁၇ ချက်ကို အကောင်အထည်ဖော်ရန် အရှိန်မြှင့်ဆောင်ရွက်သွားမည်ဟု သိရပါသည်။ အခြေခံ အဆောက်အအုံဖွံ့ဖြိုးတိုးတက်ရေးသည်လည်း စီးပွားရေးဖွံ့ဖြိုးတိုးတက်ရေးအတွက် အဓိက မောင်းနှင်အားတစ်ခုဖြစ်သောကြောင့် ၂၀၂၅ နှစ်ကုန်ပိုင်းတွင် ကီလိုမီတာ ၃၀၀၀ ရှည်လျားသော အဝေးပြေးကားလမ်းနှင့် ကီလိုမီတာ ၁၀၀၀ ရှည်လျားသော ကမ်းရိုးတန်း လမ်းမကို အကောင် အထည်ဖော်နိုင်ရန် မျှော်လင့်ရကြောင်း Tam ကအသားပေးပြောကြားခဲ့ ပါသည်။

DOCA(ရန်ကုန်)

          စီးပွားရေးနှင့်ကုန်သွယ်ရေး ပူးပေါင်းဆောင်ရွက်မှုသည် ဗီယက်နမ်-တရုတ်ဆက်ဆံရေး တွင် အားကောင်းတည်ငြိမ်သော ဖွံ့ဖြိုးတိုးတက်မှုနှင့်အတူ တောက်ပစွာရှိနေကြောင်း တရုတ် နိုင်ငံရှိ ဗီယက်နမ်ကုန်သွယ်ရေးအတိုင်ပင်ခံပုဂ္ဂိုလ်ဖြစ်သူ Nong Duc Lai က ဗီယက်နမ်သတင်း အေဂျင်စီနှင့် အင်တာဗျူးတွင် ပြောကြားခဲ့ကြောင်း သိရပါသည်။ Lai က တရုတ်နှင့် များစွာသော ၎င်းတို့၏မိတ်ဖက်များအကြား ကုန်သွယ်မှုကျဆင်းနေသော်လည်း ဗီယက်နမ်သည် တရုတ်နှင့် ကုန်သွယ်ရေးဆက်ဆံမှုတည်ငြိမ်သည့် နိုင်ငံအနည်းငယ်ထဲမှတစ်ခုအဖြစ် ဆက်လက် ရှိနေကြောင်း‌ ပြောကြားခဲ့ပါသည်။ ဗီယက်နမ်သည် တရုတ်၏ ကမ္ဘာပေါ်တွင် စတုတ္ထ အကြီးမားဆုံး ကုန်သွယ်ရေးမိတ်ဖက်ဖြစ်ပြီး အာဆီယံတွင်အကြီးဆုံးဖြစ်ကြောင်းသိရပါသည်။ နှစ်နိုင်ငံကြား ကုန်သွယ်မှုသည် မြင့်မားစွာကြီးထွားလျှက်ရှိပြီး ၂၀၂၄ ၏ ပထမ ၁၁ လတာ ကာလတွင် နှစ်နိုင်ငံကြား အပြန်အလှန်ကုန်သွယ်မှုတန်ဖိုး အမေရိကန်ဒေါ်လာ ၂၃၅.၄ ဘီလီယံ ရောက်ရှိခဲ့ပြီး ၂၀၂၃ တူညီသည့်ကာလထက် ၁၄ ရာခိုင်နှုန်း မြင့်တက်ခဲ့ကြောင်း သိရပါသည်။ ထိုပမာဏသည် ၂၀၂၄ နှစ်ကုန်တွင် အမေရိကန်ဒေါ်လာ ၂၅၀ ဘီလီယံကျော်ထိ‌ ရောက်ရှိခဲ့ ကြောင်း သိရပါသည်။ ဗီယက်နမ်စိုက်ပျိုးရေးထုတ်ကုန်များ တရုတ်ဈေးကွက်ဝင်ရောက်မှု တိုးတက်မှုမှာလည်း အားကောင်းခဲ့ကြောင်း သိရပါသည်။ နှစ်နိုင်ငံသည် ဗီယက်နမ်မှ လတ်ဆတ်သောအုန်းသီးများ၊ အေးခဲထားသောဒူးရင်းသီးများနှင့် မွေးမြူရေးမိကျောင်းများကို တရုတ်သို့တင်ပို့ရန် သံတမံခင်း ကျင့်ဝတ်များကို လက်မှတ်ရေးထိုးပြီးဖြစ်ကြောင်း သိရပါသည်။ ၂၀၂၅ ခုနှစ် ကုန်သွယ်ရေးနှင့် ပတ်သတ်၍ အတိုင်ပင်ခံပုဂ္ဂိုလ်က လတ်တလော အပြန်အလှန် မိတ်ဖက်ဖွဲ့မှု ဖွံ့ဖြိုးတိုးတက်လာမှုနှင့်အတူ ခေါင်းဆောင်အမြင့်ပိုင်းများကြား အပြန်အလှန် အလည်အပတ်ခရီးသွားလာမှုများကြောင့် ပူးပေါင်းဆောင်းရွက်မှုများ အားကောင်း လာလျက် ရှိကြောင်းသိရပါသည်။ ထိုလည်ပတ်မှု များသည် ကဏ္ဍအားလုံးတွင်ပိုမိုနက်ရှိုင်းသော ပူးပေါင်း ဆောင်ရွက်မှုများအတွက် လမ်းကြောင်း ဖန်တီးပေးနိုင်မည်ဖြစ်ပြီး စီးပွားရေးနှင့် ကုန်သွယ်ရေး မိတ်ဖက်ဖွဲ့မှုမှာ အရေးပါသော ဒေါက်တိုင် အဖြစ် ဆက်လက်တည်ရှိနေကြောင်း သိရပါသည်။ ထိုလတ်တလော နှစ်နိုင်ငံခေါင်းဆောင်များ အကြား အပြန်အလှန်အလည်အပတ် ခရီးစဉ်များ အတွင်း စီးပွားရေးနှင့် ကုန်သွယ်ရေး ပူးပေါင်း ဆောင်ရွက်မှုကို အဓိကထားသော များစွာသော သဘောတူညီချက်များကို လက်မှတ်ရေးထိုးခဲ့ ကြပြီး ၂၀၂၅ ခုနှစ်မှ အလွန်အထိ ပူးပေါင်း ဆောင်ရွက်မှုအတွက် ခြေလှမ်းတစ်ရပ်ကိုဖန်တီး နိုင်ခဲ့ကြောင်းသိရပါသည်။

DOCA(ရန်ကုန်)

          ဗီယက်နမ်လျှပ်စစ်ဓာတ်အား(EVN) သည် Ninh Thuan ပြည်နယ်ရှိ နျူကလိယစွမ်းအင် စက်ရုံများပါဝင်သော စွမ်းအင်စီမံကိန်းသစ်များ၏ ရင်းနှီးမြှုပ်နှံသူအဖြစ် ဆက်လက် တည်ရှိ နေနိုင်ကြောင်း ညွှန်ကြားရေးမှူးဖြစ်သူ Nguyen Anh Tuan  ဇန်နဝါရီလ ၆ ရက်နေ့က ဟနွိုင်းမြို့တွင် ကျင်းပခဲ့သော EVN ၏ နှစ်ကုန်ဆန်းစစ်ချက်ညီလာခံတွင် ပြောကြားခဲ့ပါသည်။ Tuan ၏ အဆိုအရ နျူကလိယစွမ်းအင်သည် တည်ငြိမ်ခြင်း၊ သဘာဝပတ်ဝန်းကျင်နှင့် သင့်လျော်ခြင်းနှင့် တည်ငြိမ်သော စွမ်းအင်အရင်းအမြစ်ဖြစ်ခြင်းတို့အပြင် ထိုစွမ်းအင်ကို ဖွံ့ဖြိုး တိုးတက်အောင် ဆောင်ရွက်ခြင်းအားဖြင့် နိုင်ငံ၏စွမ်းအင်ပံ့ပိုးမှုကို ကွဲပြားစေနိုင်သောကြောင့် စွမ်းအင်ဖူလုံရေးနှင့် ၂၀၅၀ တွင်ကာဗွန်ထုတ်လွှင့်မှုကို သုညထိလျှော့ချရေးတို့တွင် ပံ့ပိုးပေး နိုင်မည်ဟု သိရပါ သည်။ ဇန်နဝါရီလ ၃ ရက်နေ့ကထုတ်ပြန်ခဲ့သည့် Directive 01 တွင် ဝန်ကြီးချုပ် Pham Minh Chinh က စက်မှုနှင့်ကုန်သွယ်ရေးဝန်ကြီးဌာနအား Ninh Thuan နျူကလိယစွမ်းအင် စက်ရုံများအား ငါးနှစ်အတွင်းအကောင်အထည်ဖော်ရန်နှင့် ပြီးမြောက်ရန် အတွက်ကြီးကြပ်ရန် ညွှန်ကြားခဲ့ကြောင်းသိရပါသည်။ ယခုနှစ်အတွက် GDP ကြီးထွားမှု ရန်မှန်းချက် ၈ ရာခိုင်နှုန်းနှင့်အတူ လျှပ်စစ်စွမ်းအားသုံးစွဲမှုမှာ ၁.၅ ဆတိုးမြင့်လာမည်ဖြစ်သည့် အတွက် နိုင်ငံ၏လျှပ်စစ်စနစ်သို့ ထပ်တိုး ၈၀၀၀-၁၀၀၀၀ မဂ္ဂါဝပ်လိုအပ်လာမည်ဟု Tuan ကပြောကြားခဲ့ပါသည်။ ထို့ကြောင့် EVN သည် Ninh Thuan နျူကလိယစက်ရုံများနှင့်အတူ စွမ်းအင်စီမံကိန်းသစ်များတွင် အဓိက ရင်းနှီးမြှုပ်နှံသူအနေဖြင့် ပူးပေါင်းဆောင်ရွက်မှုကို ဆက်လက်တာဝန်ပေးအပ်ရန် ဝန်ကြီးချုပ် အား ကမ်းလှမ်းခဲ့ကြောင်းသိရပါသည်။ Tuan က EVN သည် ဆောက်လုပ်ချိန်နှင့် ပြင်ဆင်ချိန် တိုတောင်းသော အရေးပေါ်စီမံကိန်းများ အမြန် အကောင်အထည်ဖော်ရန်အတွက် ဝန်ကြီးချုပ်၊ ဝန်ကြီးဌာနများနှင့် ပြည်တွင်းအာဏာပိုင်များ ထံမှ ပံ့ပိုးမှုကိုတောင်းဆိုခဲ့ကြောင်းလည်း သိရပါ သည်။

DOCA(ရန်ကုန်)