ဧရာဝတီတိုင်းဒေသကြီး ၊ ပုသိမ်ခရိုင် ၊ ပုသိမ်မြို့နယ်ရှိ ကျေးရွာအုပ်စုများတွင် ငရုတ်သီးနှံများကို စိုက်ပျိုးမြေအနေအထား အပေါ်မူတည်၍ စိုက်ပျိုးကြကြောင်းနှင့် စိုက်ပျိုးရာတွင် ရေသွင်းရေထုတ် လွယ်ကူစေရန်အတွက် မြေဘောင်များပြုလုပ်ပြီး တစ်ပင်တန်း စိုက်ပျိုးခြင်း၊ နှစ်ပင်တန်းစိုက်ပျိုးခြင်းဟူ၍ အမျိုးမျိုး စိုက်ပျိုးကြပြီး တစ်ပိုင်တစ်နိုင်စိုက်ပျိုးထားသော ဒေသခေါ်တောင်ယာငရုတ်သီးများ ပေါ်ဦးပေါ်ဖျား ပေါ်ချိန်ဖြစ်၍ ယခုနှစ်တွင် အသီးအထွက်နှုန်းလည်းကောင်းကာ ဈေးကောင်းလည်းရရှိသဖြင့် မိသားစုအပိုဝင်ငွေတိုးကာ စားဝတ်နေရေး အဆင်ပြေလျက်ရှိသည်။
မြို့နယ်အတွင်းရှိ ကျေးလက်ဒေသနေပြည်သူအများစုသည် လယ်ယာလုပ်ငန်းနှင့် တွဲဖက် ကာ ငရုတ်စိုက်ပျိုးသည့် လုပ်ငန်းကို နှစ်စဉ်လုပ်ကိုင် စိုက်ပျိုးကြကာ ငရုတ်သီးကို ဒေသနေ ပြည်သူများအနေဖြင့် ထမင်းဝိုင်းတွင်မပါမဖြစ် စားသုံးကြကြောင်း၊ ထမင်းလည်းမြိန်ကာ တောင်ယာငရုတ်သီးကို ပုံစံအမျိုးမျိုးဖြင့် ချက်ပြုတ်စားသောက်ကြကြောင်း၊ လူကြိုက်များသည့် မီးဖိုချောင်သုံးသီးနှံဖြစ်ကာ ဈေးကောင်းလည်းရရှိသဖြင့် စိုက်ပျိုးရောင်းချသူများ ယခင်နှစ်ထက် ပိုများလာကြောင်း သိရသည်။
ငရုတ်သီးမှာလည်း မိုးမျှော်ငရုတ်သီး၊ ငရုတ်သီးအရှည်၊ ငရုတ်သီးအပု၊ငရုတ်သီးအပွဆိုပြီး အမျိုးမျိုးရှိပြီး ဈေးနှုန်းများအနေဖြင့် မိုးမျှာ်ငရုတ်သီးလက်ကားဈေးနှုန်း တစ်ပိဿာလျှင် (၉၀၀၀) ကျပ်နှင့် လက်လီဈေးနှုန်း တစ်ပိဿာလျှင် (၁၀၀၀၀) ကျပ်၊ ငရုတ်သီးအရှည် လက်ကားဈေးနှုန်း တစ်ပိဿာလျှင် (၅၀၀၀) ကျပ်နှင့်လက်လီဈေးနှုန်း(၆၀၀၀)ကျပ်၊ ငရုတ်သီးအပု လက်ကား ဈေးနှုန်း တစ်ပိဿာလျှင် (၄၅၀၀) ကျပ်နှင့် လက်လီဈေးနှုန်း(၅၀၀၀)ကျပ်၊ ငရုတ်သီးအပွ လက်ကားဈေးနှုန်း တစ်ပိဿာလျှင် (၂၀၀၀)ကျပ်နှင့် လက်လီဈေးနှုန်း တစ်ပိဿာလျှင် (၃၀၀၀)ကျပ် တို့ဖြင့် အရောင်းအဝယ်ဖြစ်လျက်ရှိကြောင်း သိရပါသည်။
DOCA(ဧရာဝတီ)
