မိုးရာသီသို့ ရောက်ရှိလာချိန်တွင် သီးနှံမျိုးစုံ ထွက်ရှိနေသည့်သီးနှံများထဲမှ မာလကာသီးလည်း တစ်မျိုးအပါအဝင် ဖြစ်ပါသည်။မာလကာသီးကို အိမ်ခြံထဲတွင် တစ်နိုင်တစ်ပိုင် စိုက်ပျိုးကြသလို စီးပွားဖြစ်လည်း စိုက်ပျိုးကြပါသည်။ ဟင်္သာတခရိုင်အတွင်းရှိ အင်္ဂပူမြို့နယ်၊ မြန်အောင်မြို့နယ်၊ ကြံခင်းမြို့နယ်နှင့် ထူးကြီးမြို့များတွင် စီးပွားဖြစ် စိုက်ပျိုးကြပြီး၊ ရန်ကုန်မြို့ သီရိမင်္ဂလာဈေးသို့ တင်ပို့ ရောင်းချကြပါသည်။ အလုံ ၈၀ပါအိတ်ကို ၄၀၀ဝိ/-မှ ၅၀၀၀ဝိ/-အထိ ဝယ်ယူကြရပြီး၊ ပုသိမ်မြို့တွင် လက်လီအဖြစ် အလုံး အကြီး/အသေးအပေါ် မူတည်၍ ၁၀လုံးကို ၂၀၀ဝိ/-၃၀၀ဝိ/- ဈေးဖြင့် ပြန်လည် ရောင်းချနေကြောင်း သိရှိရပါသည်။

DOCA(ဧရာဝတီ)

         ဩဇာသီး၏အရသာမှာ အချိုဓာတ် လေးလေး ပင်ပင်ရှိသောကြောင့် အင်မတန်အရသာထူးသော အသီးတစ်မျိုးဖြစ်ပါသည်။

         ထို့ပြင် လူသားများအတွက် ကျန်းမာရေးကိုအထောက်အကူဖြစ်စေသော အဟာရဓာတ်များ အများအပြားပါဝင်ပါသည်။ ဩဇာသီးမှာ အသီးသာမက အစေ့၊ အရွက်နှင့် အမြစ်များပါမကျန် ဆေးဖက်ဝင်ကြောင်း လေ့လာသိရှိရပါသည်။အမျှင်ဓါတ်ပါဝင်သောကြောင့် ဝမ်းချုပ်ခြင်းမှကာကွယ် ပေးပါသည်။ ဩဇာရွက်ကိုကြိတ်၍ သောက်သုံးပေးခြင်းဖြင့် သန်ကောင်နှင့်တုတ်ကောင်များကို ကျစေနိုင်ပါသည်။ အစာခြေစနစ်ကောင်းမွန်သောကြောင့် ထမင်းစားပြီးတိုင်း မှီဝဲသင့်သော အသီးတစ်မျိုးဖြစ်ပါသည်။

          ပုသိမ်မြို့တွင်းသို့ ဝင်ရောက်လာသော ဩဇာသီးများမှာ အလုံးကြီး၊ လတ်၊ သေး အလိုက် (၁)လုံးလျှင် ၇၀၀ ကျပ်၊ ၈၀၀ကျပ်နှင့် ၁၀၀၀ ကျပ်အထိ ဈေးကောင်းရလျက်ရှိကြောင်း ပုသိမ်မြို့၊ မြို့မဈေးရှိ အသီးရောင်းချသူတစ်ဦးထံမှ လေ့လာသိရှိရပါသည်။

(DOCA ဧရာဝတီ)

      ဧရာဝတီတိုင်းဒေသကြီး၊ ပုသိမ်မြို့နယ်သည် စိုက်ပျိုးရေးလုပ်ငန်းများ ဖြစ်သည့် စပါး၊ပဲမျိုးစုံနှင့် ဆီထွက်သီးနှံတို့ကို အဓိကစိုက်ပျိုးသည့်အပြင် ရာသီစာသီးနှံများနှင့် စားဖိုဆောင်သီးနှံများကိုလည်း စိုက်ပျိုးကြသည်။

     ယခုအခါ နံနံပင်နှင့် ပင်စိမ်းပင်များကို စိုက်ပျိုးကြကြောင်း၊ နံနံပင်နှင့် ပင်စိမ်းပင်များကို ပုသိမ်မြို့မဈေးတွင်ရောင်း ချကြောင်း၊ ၂၀၂၅ခုနှစ်၊ စက်တင်ဘာလ ပထမပတ်အတွင်း နံနံပင်(၁)စည်းလျှင်(၂၀၀)ကျပ်၊ (၃)စည်း လျှင်(၅၀၀)ကျပ်၊(၇)စည်းလျှင်(၁၀၀၀)ကျပ်နှင့် ပင်စိမ်း(၁)စည်းလျှင် (၂၀၀)ကျပ်၊ (၃)စည်းလျှင် (၅၀၀)ကျပ်ဖြင့် အရောင်းအဝယ်ဖြစ် လျက်ရှိကြောင်း၊ နံနံပင်နှင့်ပင်စိမ်းပင်များကို အိမ်ရှင်မများ ဟင်းချက်ရာတွင်လည်း ကောင်း၊ နံနံပင်များကို မုန့်ဟင်းခါးဆိုင်များနှင့် အသုပ်ဆိုင်များမှအများဆုံး ဝယ်ယူကြသဖြင့် အရောင်းအဝယ်သွက်လျက်ရှိကြောင်း မြို့မဈေးရှိ ကုန်စိမ်းရောင်းချသူ တစ်ဦးထံမှ သိရှိရပါသည်။

(DOCA ဧရာဝတီ)

     ပုသိမ်မြို့အတွင်းရှိ ဈေးများသို့ မုန်လာဥနီများ ဝင်ရောက်လျက်ရှိပြီး မုန်လာဥနီ သီးနှံသည် တစ်နှစ်ပတ်လုံး စိုက်ပျိုး၍ရကြောင်း ၊ အေးသောဒေသတွင် ပိုမိုဖြစ်ထွန်းကြောင်း ပြင်ဦးလွင် ၊ နောင်ချိုနယ်များတွင်လည်း စိုက်ပျိုးကြကြောင်း၊ ဟင်းသီးဟင်းရွက်များထဲမှ အဟာရဓာတ် အများဆုံး ပါဝင်သော မုန်လာဥနီကို လူအများနှစ်ကြိုက်စွာ စားသုံးလျက်ရှိကြောင်း မုန်လာဥနီကို ဖျော်ရည် ၊ အသုပ်သုပ်စားခြင်း၊ သီးနှံစုံဖြင့်ရော၍ အစိမ်းကြော်ကြော်၍ စားသုံးကြပါသည်။ မုန်လာဥနီ ဈေးနှုန်းအနေဖြင့် ယခင်လတွင် ဖောက်သည်ဈေး တစ်ပိဿာလျှင် (၃၅၀၀/-)ကျပ်၊ လက်လီ တစ်ပိဿာလျှင် (၄၀၀၀/-)ကျပ် ဖြင့်ရောင်း  ဝယ်လျက်ရှိပြီး   ယခုလတွင် ဖောက်သည်ဈေး တစ်ပိဿာလျှင် (၅၀၀၀/-)ကျပ်၊ လက်လီ တစ်ပိဿာလျှင် (၆၀၀၀/-)ကျပ်မှ(၇၀၀၀/-)ကျပ် ဖြင့်ရောင်းဝယ်လျက်ရှိပြီး  ကုန်စိမ်းသည်များမှ တစ်နိုင်ဝယ်ယူ သူများအတွက် (၁၀၀၀/-)ကျပ် မှ (၁၅၀၀/-) ကျပ်တန် အထုပ်ကလေးများ ထုပ်၍ရောင်းချပေးသောကြောင့် ဝယ်ယူသူများ အဆင်ပြေ လျက်ရှိကြောင်း၊ မုန်လာဥနီအား စားသုံးခြင်းဖြင့် သွေးတွင်း ကိုလက်စထရောဓာတ်ကို လျော့ချ ပေးနိုင်ခြင်း၊ ခန္ဓာကိုယ်အလေးချိန်အား လျော့ချစေနိုင်ခြင်းနှင့် မျက်စိအားကောင်းစေခြင်း တို့ကြောင့် ကျန်းမာရေးအကျိုးကျေးဇူးများစွာပါရှိသော မုန်လာဥနီကို နေ့စဉ်စားသုံးသင့်ပါကြောင်း ရေးသားတင်ပြအပ်ပါသည်။ 

(DOCA ဧရာဝတီ)

      ဧရာဝတီတိုင်းဒေသကြီး ပုသိမ်မြို့တွင်  ရာသီပေါ်သီးနှံတစ်မျိုးဖြစ်သည့် နာနတ်သီးများ ဇွန်လနောက်ဆုံးပတ်မှ စ၍ သီပေါနာနတ်သီးများ လှိုင်လှိုင်ထွက်ပေါ်လာပြီး ဈေးကွက် အတွင်းတွင် ရောင်းချလျက်ရှိကြောင်း သိရသည်။

         ပုသိမ်မြို့ တစ်ရက်လျှင် နာနတ်သီး ကား ၃ စီးမှ ၅ စီးအထိ ဝင်ရောက်နေပြီး တစ်စီးလျှင် နာနတ်သီး အလုံးရေ ၅၀၀၀ ကျော်ပါရှိကြောင်း သိရသည်။ နာနတ်သီး ဈေးနှုန်းများမှာ  အလုံးကြီးတစ်လုံးလျှင် ၃၅၀၀  ကျပ်၊ အလတ်တစ်လုံးလျှင် ၃၀၀၀ ကျပ်၊ အသေး တစ်လုံးလျှင် ၂၅၀၀ ကျပ်တို့ဖြင့် ရောင်းချလျက်ရှိပြီး  အရောင်းအဝယ်သွက်နေကြောင်း သိရသည်။

(DOCA ဧရာဝတီ)