ပြည်တွင်းကုန်သွယ်မှုသတင်း

  စစ်ကိုင်းတိုင်းဒေသကြီး၊ မုံရွာမြို့တွင် ရာသီပေါ်သီးနှံများကို စိုက်ပျိုး ရောင်းချလျက်ရှိရာ ယခုအခါ ကြက်ဟင်းခါးပင်၊ ခဆော့ပင်နှင့် ကင်းမုံသီး များကို  မိမိတို့နေအိမ်ခြံဝင်းများတွင် လည်းကောင်း၊ မိမိပိုင်လယ်တောများတွင်လည်းကောင်း တစ်နိုင်တစ်ပိုင် စိုက်ပျိုး၍ မုံရွာမြို့ ပေါ်ရှိ ဈေးဟောင်းနှင့်ရပ်ကွက်ဈေးများတွင် လာရောက်ရောင်းချကြကြောင်း သိရှိရပါသည်။  

          ၂၀၂၅ ခုနှစ်၊ အောက်တိုဘာလ ပထမပတ်တွင် မုံရွာမြို့၊ ဈေးဟောင်းတွင် ရောင်းချ လျက်ရှိသော  ကြက်ဟင်းခါးသီးဈေးနှုန်းများမှာ ကြက်ဟင်းခါးသီး (၂၅)ကျပ်သားလျှင် (၈၀၀) ကျပ်၊ (၅၀)ကျပ်သားလျှင် (၁၆၀၀)ကျပ်၊ (၁)ပိဿာလျှင် (၃၀၀၀)ကျပ်၊ ခဆော့သီးတစ် (၁)ဘူးလျှင် (၄၀၀)ကျပ်နှင့် ကင်းမုံသီ(၁)ပြည်လျှင် (၂၄၀၀)ကျပ် ဖြင့် ရောင်းချလျက်ရှိကြောင်း ကုန်စိမ်းရောင်းချသူများထံမှ  သိရှိရပါသည်။

DOCA(စစ်ကိုင်း)

  အာလူးထွက်ရှိရာဒေသပြောင်းလဲမှုအနေအထားနှင့် လမ်းခရီးခက်ခဲမှု ရှိနေခြင်း စတင်ထွက် ရှိရာဒေသမှ အောင်ပန်းဈေးကွက်သို့ ပုံမှန်ဝင်ရောက်မှုမရှိခြင်း၊ သက်တမ်းနုအနေ အထားရှိနေသဖြင့် ဝယ်ယူခဲ့မှုများ လျော့ကျခဲ့သဖြင့် ဈေးနှုန်းမြင့်တက်မှု ရှိလာခဲ့ပါသည်။        

   ကုလားပဲ စိုက်ပျိုးရန်အတွက် မျိုးသုံးစွဲရန် အချိန်နီးကပ်လာမှုကြောင့် ကုန်ကြမ်းဈေးနှုန်းမြင့် တက်မှုရှိခဲ့ပြီး ကြိတ်ခွဲထုတ်လုပ်မှုတွင် လျော့ကျမှု ရှိခဲ့ပါသည်။ မိတ္ထီလာနှင့် ပျော်ဘွယ် တို့မှ ဝင်ရောက်မှုလျော့ကျခဲ့ပြီး မန္တလေးမှသာ ဝင်ရောက်မှုရှိခဲ့သဖြင့် ဈေးနှုန်းမြင့်တက်မှု အနည်းငယ်ရှိခဲ့ပါသည်။ ကြက်သွန်ဖြူစိုက်ပျိုးရန် နီးကပ်လာပြီး တောင်သူလက် ဝယ်ကျန်ရှိနေမှုများ ဈေးကွက်သို့ ဝင်ရောက်မှု အားကောင်းလာခဲ့ပြီး ဈေးနှုန်းနိမ့်ကျမှု ရှိခဲ့ပါသည်။ လက်ကားဈေးနှုန်းနိမ့်ကျလာမှုနှင့် အတူ လက်လီဈေးနှုန်းတွင်လည်း နိမ့်ကျမှုရှိလာပါသည်။ 

   ကြက်ဥဈေးနှုန်း/ဈေးကွက်အနေဖြင့် (ရှမ်း)တောင်မှ ဝင်ရောက်မှုအားကောင်းနေသည့်အပြင် ဒေသတွင်းထွက်ရှိမှုတွင်လည်း ပိုမိုအားကောင်းခဲ့သည်ဟု သိရှိခဲ့ရပါသည်။ ကြက်ဥဝင် ရောက်မှု အားကောင်းခဲ့သည်နှင့်အတူ ဈေးနှုန်းလျော့ကျမှု ရှိလာခဲ့ပါသည်။ ဘဲဥဝင် ရောက်မှုတွင်လည်း ပုံမှန် ရှိနေပြီး ဒေသတွင်းသုံးစွဲမှု လျော့နည်းခဲ့သဖြင့် ဈေးနှုန်းနိမ့်ကျမှု ရှိလာပါသည်။

 DOCA(နေပြည်တော်)

  ပြည်‌ထောင်စုနယ်မြေ၊ နေပြည်တော်အတွင်း မိုးစပါးရိတ်သိမ်းလာမှုများကို တွေ့ရှိလာရပြီး၊ အောက်တိုဘာလ(၁၅)ရက်နောက်ပိုင်းတွင် ဖြိုင်ဖြိုင်ရိတ်သိမ်းလာနိုင်မည့် အနေအထားများရှိနေပါ သည်။ မိုးရွာသွန်းမှုအားကောင်းနေလျှင် တောင်သူများအနေဖြင့် ရိတ်သိမ်းရန်ရက်ရွှေ့ဆိုင်းမှုများ ရှိလာနိုင်ပါသည်။ လက်ရှိရိတ်သိမ်းနေမှုများအား ဝယ်ယူမှုတွင် အခြောက်ခံစက်ရှိ ဆန်စက်ကြီးများ မှ ဝယ်ယူနေမှုကို တွေ့ရပါသည်။ စပါးသိုလှောင်သူများအနေဖြင့် ဝယ်ယူမှုမရှိသေးသည်ကို သိရှိရပါ သည်။ ဆန်စက်ကြီးများမှဝယ်ယူကြိတ်ခွဲပြီး ရန်ကုန်ဈေးကွက်သို့တင်ပို့မှုရှိနေသည်ကို သိရှိရပါ သည်။ မိုးစပါးသစ် ကြိတ်ခွဲတင်ပို့မှုနှင့်အတူ နွေစပါးကြိတ်ခွဲမှုများပါ တွေ့ရှိလာရပြီး၊ ရန်ကုန်ဈေး ကွက်သို့ တင်ပို့မှုရှိခဲ့သည်ဟု သိရှိရပါသည်။

          စပါးဈေးနှုန်းဖြစ်ပေါ်မှုတွင် မိုးစပါးသစ် မနောသုခ အစို(၁၅)ပိဿာ တစ်တင်းလျှင် ကွင်းဈေး (၁၂၅၀၀)ကျပ်ရှိနေပြီး၊ အခြားကုန်ကျစရိတ်များနှင့် ပေါင်းလျှင် တစ်တင်းကုန်ကျစရိတ် (၁၄၅၀၀) ကျပ်ခန့်ရှိနေသည်ဟု သိရပါသည်။ တောင်သူလက်ဝယ်ကျန်ရှိနေသော မိုးစပါး(ဟောင်း)များ ဝယ် ယူရာတွင် အရည်အသွေးကောင်း မနောသုခစပါး (၁၄)ပိဿာ တစ်တင်းလျှင် (၂၀၀၀၀)ကျပ် ရှိနေ သည်ကို သိရှိရပါသည်။

 DOCA(နေပြည်တော်)

         သီးသီးပင်နှင့် ‌ဂွေးချိုသီးပင်သည် နှစ်ရှည်သီးပင်ဖြစ်ပြီး အညာဒေသတွင် အများဆုံးပေါက်ရောက်လေ့ရှိ သည်ကိုတွေ့ရပါသည်။ သီးသီးနှင့် ဂွေးချိုသီးကို သားရေ စာအဖြစ်အလည်းကောင်း၊အချဥ်ပေါင်းသည်များမှ ဝယ်ယူရောင်း‌ချလျက်ရှိသောကြောင့်အပိုဝင် ငွေရရှိ နေကြောင်း သတင်းရရှိပါသည်။ ၂၀၂၅ခုနစ်၊ စက်တင်ဘာလတတိယပတ် တွင်ရောင်းချ လျက်ရှိသော သီးသီးဈေးနှုန်းမှာ(၁) လုံးလျှင် (၅၀)ကျပ်နှုန်း ဖြင့် လည်းကောင်း၊ (၅) လုံးလျှင် (၂၀၀)ကျပ်နှုန်း ဖြင့်လည်း ကောင်းရောင်းချလျက်ရှိပြီး၊ ဂွေးချိုသီး (၃)လုံးလျှင် (၅၀) ကျပ်နှုန်းဖြင့်လည်းကောင်း ရောင်းချလျက်ရှိကြောင်း ဈေးသည်များထံမှသိရပါသည်။

DOCA(စစ်ကိုင်း)

    သထုံခရိုင်အတွင်းရှိမြို့နယ်များတွင် အောက်တိုဘာလ၏ ပထမအပတ်တွင် စပါး၊ ဆန် စျေးနှုန်းမှာ တည်ငြိမ်လျှက်ရှိကြောင်းသိရှိရပါသည်။ သထုံခရိုင်အတွင်းမှ အခြားတိုင်းဒေသကြီး နှင့် အခြားခရိုင်မြို့နယ်များသို့ ဆန်စီးထွက်မှုနှုန်းမှာ မော်လမြိုင်သို့ (၂၃၀၀) အိတ်ခန့်၊ ကရင် ပြည်နယ်သို့  (၂၁၀၀) အိတ်ခန့်၊ စုစုပေါင်း (၄၄၀၀) အိတ်ခန့်၊ တန်ချိန်အားဖြင့် (၂၁၂) တန် စီးထွက်ခဲ့ပါသည်။ ယခုအောက်တိုဘာလ၏ ပထမအပတ်တွင် မော်လမြိုင်သို့ (၂၃၀၀) အိတ်ခန့်၊ ကရင်ပြည်နယ်သို့ (၂၀၀၀) အိတ်ခန့်၊ စုစုပေါင်း (၄၃၀၀) အိတ်ခန့်၊ တန်ချိန်အားဖြင့် (၂၀၇)တန်ခန့် စီးထွက်ခဲ့ပြီး ယခင်လ စတုတ္ထအပတ်နှင့် နှိုင်းယှဥ်ပါက အနည်းငယ်လျော့၍ စီးထွက်ခဲ့ပါသည်။

သထုံခရိုင်အတွင်းသို့ စက်တင်ဘာလ၏ စတုတ္ထအပတ်တွင် ဆန်စီးဝင်မှုနှုန်းမှာ ရန်ကုန်တိုင်းဒေသကြီးမှ (၁၉၀၀) အိတ်ခန့်၊  ပဲခူးတိုင်းဒေသကြီးမှ (၁၉၀၀) အိတ်ခန့်၊ စုစုပေါင်း (၃၈၀၀) အိတ်ခန့်၊ တန်ချိန်အားဖြင့် (၁၈၃) တန်ခန့်စီးဝင်ခဲ့ပြီး ယခုအောက်တိုဘာလ၏ ပထမအပတ်တွင် ရန်ကုန်တိုင်းဒေသကြီးမှ (၁၈၀၀) အိတ်ခန့်၊ ပဲခူးတိုင်းဒေသကြီးမှ (၁၉၀၀) အိတ်ခန့်၊ စုစုပေါင်း (၃၇၀၀) အိတ်ခန့်၊ တန်ချိန်အားဖြင့် (၁၇၈) တန်ခန့် စီးဝင်ခဲ့ပြီး သထုံခရိုင်အတွင်းသို့ ဆန်စီးဝင်မှုနှုန်းမှာ ယခင်စတုတ္ထအပတ်နှင့်နှိုင်းယှဥ်ပါက အနည်းငယ် လျော့၍ စီးဝင်ခဲ့ပါသည်။

    သထုံခရိုင်အတွင်း၌ ယခုအောက်တိုဘာလ၏ ပထမအပတ်တွင် စပါး၊ ဆန်စျေးနှုန်းများ မှာ စပါးတင်း (၁၀၀) လျှင် ဒေသပေါက်စျေး ကျားပျံဟိုတယ် (၂၇၅၀၀၀၀ိ/-) ခန့်၊ ပေါ်ဆန်းဝါ    (၂၄၀၀၀၀၀ိ/-)ခန့်၊ ကမာကြည် (၁၅၀၀၀၀၀ိ/-) ခန့်၊ ဧည့်မထ (၁၂၀၀၀၀၀ိ/-) ခန့်နှင့် (၂၄) ပြည် ဝင်ဆန် တစ်အိတ်လျှင် ကျားပျံဟိုတယ် (၁၀၅၀၀၀ိ/-) ခန့်၊ ပေါ်ဆန်းဝါ (၁၀၅၀၀၀ိ/-) ခန့်၊   ကမာကြည် (၆၆၀၀၀ိ/-) ခန့်၊ ဧည့်မထ (၄၉၀၀၀ိ/-) ခန့်ရှိပြီး ယခုအပတ်တွင် စပါး၊ ဆန် စျေးနှုန်းမှာ တည်ငြိမ်လျှက်ရှိကြောင်း သိရှိရပါသည်။

DOCA (မွန်)