ပြည်တွင်းကုန်သွယ်မှုသတင်း

   မန္တလေးတိုင်းဒေသကြီး၊ ညောင်ဦးခရိုင်သည် လယ်ယာစိုက်ပျိုးရေးနှင့်မွေးမြူရေးလုပ်ငန်းများ ကိုလုပ်ကိုင်ကြပြီး သီးနှံမျိုးစုံစိုက်ပျိုးလျက်ရှိရာ မိုးဦးပဲစဉ်းငုံကိုလည်း စီးပွားဖြစ်စိုက်ပျိုးလျက်ရှိကြောင်း သိရသည်။ ယခင်နှစ်မိုးဦးပဲစဉ်ငုံစိုက်ျပျိုးမှုအနေဖြင့် (၈၉၅၅၇)ဧက လျာထားခဲ့ပြီး၊ စိုက်ပျိုးမှုအနေ ဖြင့်(၉၆၅၃၇)ဧက စိုက်ပျိုးနိုင်ခဲ့သဖြင့် လျာထားချက်ထက် (၆၉၈၀) ဧက ပိုမိုစိုက်ပျိုးနိုင်ခဲ့ကြောင်းနှင့် တစ်ဧကပျမ်းမျှအထွက်နှုန်းအနေဖြင့်(၁၁)နှုန်းခန့် ထွက်ရှိခဲ့ကြောင်း သက်ဆိုင်ရာဌာန စာရင်းများအရ သိရသည်။

    ၂၀၂၅-၂၀၂၆ ခုနှစ်၊ စိုက်ပျိုးရာသီတွင် မိုးဦးပဲစဉ်းငုံစိုက်ပျိုးမှုအနေဖြင့် (၁၁၈၆၈)ဧက လျာထား ပြီး (၁၀၃၃၀)ဧက စိုက်ပျိုးနိုင်ခဲ့ကြောင်း သိရသည်။ ဈေးနှုန်းအနေဖြင့် ယခင်နှစ်ပဲစဉ်းငုံတစ်တင်းလျှင် (၉၀၀၀၀)ကျပ်၊ ယခုနှစ် ပဲစဉ်းငုံတစ်တင်းလျှင်(၇၈၀၀၀) ကျပ်ဖြင့် အရောင်းအဝယ်ဖြစ်ခဲ့၍ ယခင်နှစ်နှင့် ကာလတူနှိုင်းယှဉ်လျှင် စိုက်ပျိုးမှုအနေဖြင့်လည်း လျော့နည်းသွားကြောင်း သိရသည်။

DOCA(မန္တလေး)

   မန္တလေးတိုင်းဒေသကြီး၊ ညောင်ဦးခရိုင်သည် လယ်ယာစိုက်ပျိုးရေးနှင့်မွေးမြူရေးလုပ်ငန်းများကို လုပ်ကိုင်ကြပြီး သီးနှံမျိုးစုံစိုက်ပျိုးလျက်ရှိရာ နွားစာအတွက် နှံစားပြောင်းကိုလည်း စီးပွားဖြစ်စိုက်ပျိုး လျက်ရှိကြောင်း သိရသည်။ နှံစားပြောင်းကို ညောင်ဦးမြို့နယ်တွင် ၂၀၂၅-၂၀၂၆ ခုနှစ် စိုက်ပျိုးရာသီတွင် ဩဂုတ်လကုန်အထိ(၇၁၅၃)ဧက၊ ငါးသရောက်မြို့နယ်တွင်(၃၂၃၃)ဧက စိုက်ပျိုးပြီးဖြစ်ကြောင်း သက် ဆိုင်ရာဌာ၏ စာရင်းများအရသိရသည်။

          နှံစားပြောင်းသီးနှံကို ဇူလိုင်လတွင် စတင်စိုက်ပျိုးကြပြီး နိုဝင်ဘာလတွင် စတင်ရိတ်သိမ်းကြ ကြောင်း၊ စိုက်ပျိုးသောမျိုးများမှာ ရွှေဝါ၊ အထွက်တိုး(နီ)၊ အထွက်တိုး(ဖြူ)မျိုးများစိုက်ပျိုးကြကြောင်း၊ စိုက်ပျိုးရာတွင် ထွန်ကြောင်းဆွဲ အစေ့ချစနစ်ဖြင့် စိုက်ပျိုးပြီး တစ်ဧကပျမ်းမျှကုန်ကျမှုအနေဖြင့် မျိုး၊ သွင်းအားစု၊ လုပ်သားခအပါအဝင် ငွေကျပ်(၃၀၀၀၀၀)ကျပ်ခန့် ကုန်ကျကြောင်း၊ ယခင်နှစ်အထွက် နှုန်းအနေဖြင့် တစ်ဧကလျှင်ပျမ်းမျှ (၂၅၊ ၃၀)တင်းခန့်ထွက်ရှိကြောင်း၊ ဈေးနှုန်းအနေဖြင့် နှံစားပြောင်း ပေါ်စအချိန်တွင် တစ်တင်းလျှင်ငွေကျပ်(၄၀၀၀၀)ကျပ်မှ(၄၅၀၀၀)ကျပ်နှုန်းများ ဖြစ်ပေါ်ခဲ့ရာ အကျိုး အမြတ်အားဖြင့် တစ်ဧကလျှင် (၈၀၀၀၀၀)ကျပ် ဝန်းကျင်အမြတ်ရရှိခဲ့ကြောင်း၊ ဈေးကွက်အနေဖြင့် ထွက်ရှိသောနှံစားပြောင်းများကို တောင်သူများသည် ညောင်ဦးမြို့ရှိ ပွဲရုံများသို့ရောင်းချပြီး ထိုမှတစ် ဆင့် မန္တလေးနှင့်ရန်ကုန်မြို့များသို့ တင်ပို့ရောင်းချကြောင်း သိရသည်။ နှံစားပြောင်းစိုက်ပျိုးခြင်းဖြင့် တိရစ္ဆာန်အစားအစာများ ဖူလုံသည့်အပြင် ပြောင်းရိုးများကိုလည်း နွားစာအတွက် အခင်းပြတ်ရောင်း ချရသဖြင့် အပိုဝင်ငွေများရရှိသောကြောင့် နှံစားပြောင်းသီးနှံကို နှစ်စဉ်တိုးချဲ့စိုက်ပျိုးလျက်ရှိကြောင်း မြေနှဲလေးကျေးရွာမှ တောင်သူများထံမှ သိရသည်။

DOCA(မန္တလေး)

   တောင်သာမြို့နယ်သည် မြန်မာနိုင်ငံအလယ်ပိုင်း၊ မန္တလေးတိုင်းဒေသကြီး၊မြင်းခြံ ခရိုင်အတွင်းတွင် တည်ရှိသော မြို့နယ်တစ်ခုဖြစ်ကြောင်း၊ ကျေးရွာများတွင် အဓိကသီးနှံ ကြက်သွန်နီနှင့် ပြောင်းတို့စိုက်ပျိုးလျက်ရှိရာ မိုးပဲတီစိမ်းသီးနှံကိုလည်း တောင်သူများအနေဖြင့် အားထားစိုက်ပျိုးကြောင်း သိရှိရသည်။ မိုးဦးပဲတီစိမ်းသီးနှံကို (မေလ) နောက်ဆုံးပတ်တွင် စိုက်ပျိုး ထားရှိပြီး အောက်တိုဘာလ ဆန်းပိုင်းလောက်တွင် ရိတ်သိမ်းမည်ဖြစ်ကြောင်း၊ စိုက်ပျိုးချိန်မှ ရိတ်သိမ်းချိန် အထိ (၄) လခန့်ကြာ မြင့်ကြောင်းသိရှိရသည်။

       တောင်သာမြို့နယ်တွင် ၂၀၂၅-၂၀၂၆ မိုးကြိုပဲတီစိမ်း စိုက်ဧက (၂၃၆၅၀) ဧကစိုက်ပျိုးထားရှိကြောင်း မြို့နယ်ကြေးတိုင်နှင့်မြေစာရင်းဦးစီးဌာန၏ စာရင်းများအရသိရှိရသည်။ ကာလ တူနှိုင်းယှဉ်ပါက ယခုနှစ်စိုက်ဧကသည် ယခင်နှစ်စိုက်ဧကထက်  (၁၉၉၇) ဧကခန့်ပိုမိုစိုက်ပျိုးထား ကြောင်း သိရှိရသည်။ တောင်သူများအနေဖြင့် ရာသီမရွေးစိုက်ပျိုးနိုင်သော ရေဆင်း(၃)ကိုစိုက်ပျိုး ထားရှိပြီး ထွန်ကြောင်းခံ၍ တစ်ဧကမျိုး ၆ ပြည်ကိုကြဲပက်စနစ်ဖြင့် စိုက်ပျိုးထားရှိကြောင်း၊ အပင်ခြေတွင် တန်းကြား(၁၈)လက်မ၊ ပင်ကြား(၄)လက်မထား၍ စိုက်ပျိုးကြောင်း၊ အပင်ပေါက် ညီညာ၍ အပင်ပေါက်ကောင်းစေရန် ထယ်ရေးချရကြောင်း၊ အပင်ခြေတွင် အစိုဓာတ်ကောင်းပြီး စိုက်ပျိုးချိန်မှန်ကန်ပါက အထွက်နှုန်း ပိုမိုကောင်းမွန် ကြောင်းသိရှိရသည်။ ယခင်နှစ်ထွက်နှုန်းမှာ (၇-၈) တင်းခန့်ထွက်ရှိကြောင်း၊ ယခုနှစ် တွင် ရာသီဥတုကောင်းပြီး အစိုဓာတ်ရှိသောကြောင့် ယခင်နှစ်ထက်အထွက်နှုန်း ပိုမိုထွက်ရှိနိုင်မည်ဟု ခန့်မှန်းရကြောင်း ပဲတီစိမ်းစိုက်တောင်သူ တစ်ဦး၏ ပြောပြချက်အရသိရှိရသည်။ ၂၀၂၅ခုနှစ် အောက်တိုဘာ ဒုတိယပတ်တွင် တောင်သာ မြို့နယ်၌ ပဲတီစိမ်းတစ်တင်းလျှင် (၉၃၂၀၀)ကျပ်ပေါက်ဈေးရှိကြောင်း၊ ထွက်ရှိသောပဲတီစိမ်းများကို ဒေသတွင်းစားသုံးရန်နှင့် ပိုလျှံသောပဲများကို မြင်းခြံမြို့၊ မန္တလေးမြို့နှင့် ရန်ကုန် ဘုရင့်နောင် ပွဲရုံများသို့ တင်ပို့ရောင်းချကြောင်း သိရှိရသည်။

DOCA(မန္တလေး)

   ကျောက်ပန်းတောင်းမြို့နယ်တွင် စက်သုံးဆီအရောင်းဆိုင်(၃၁)ဆိုင်မှ စက်သုံးဆီများကို နေ့စဉ် ပုံမှန်ဖွင့်လှစ် ရောင်းချလျက်ရှိရာ ၂၀၂၅ခုနှစ်၊ အောက်တိုဘာလဒုတိယပတ် စက်သုံးဆီ တစ်လီတာ အရောင်း ဈေးနှုန်းများအနေဖြင့် 92 Octance(၂၈၇၀)ကျပ်၊ 95 Octance(၂၉၇၀)ကျပ်၊ ရိုးရိုးဒီဇယ် (၂၆၄၅)ကျပ်၊ ပရီမီယမ် ဒီဇယ်(၃၁၉၅)ကျပ်ဝန်းကျင်ဖြင့် ရောင်းချလျက်ရှိကြောင်း သိရှိရသည်။

    စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ ၁၀-၁၀-၂၀၂၅ရက် နေ့တွင် ထုတ်ပြန်ထားသည့် စက်သုံးဆီတစ်လီတာ၏ သတ်မှတ်ရည်ညွှန်းဈေးများမှာ 92 Octance (၂၈၄၀)ကျပ်၊ 95 Octance(၂၉၁၅)ကျပ်၊ ရိုးရိုးဒီဇယ်(၂၆၁၅)ကျပ်၊ ပရီမီယမ်ဒီဇယ် (၃၁၆၅)ကျပ် ဖြစ်ကြောင်းသိရှိရသည်။

DOCA(မန္တလေး)

  နွားထိုးကြီးမြို့နယ်တွင် စက်သုံးဆီအရောင်းဆိုင်(၁၀)ဆိုင်မှ စက်သုံးဆီများကို နေ့စဉ် ပုံမှန်ဖွင့်လှစ် ရောင်းချလျက်ရှိရာ ၂၀၂၅ခုနှစ်၊ အောက်တိုဘာလဒုတိယပတ် စက်သုံးဆီတစ်လီတာ အရောင်း ဈေးနှုန်းများအနေဖြင့် 92 Octance(၂၈၄၀)ကျပ်၊ 95 Octance(၂၉၁၅)ကျပ်၊ ရိုးရိုးဒီဇယ် (၂၆၁၅)ကျပ်၊ ပရီမီယမ် ဒီဇယ်(၃၁၆၅)ကျပ်ဖြင့် ရည်ညွှန်းဈေးအတိုင်းရောင်းချလျက်ရှိကြောင်း သိရှိ ရသည်။

   စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ ၁၀-၁၀-၂၀၂၅ရက် နေ့တွင် ထုတ်ပြန်ထားသည့် စက်သုံးဆီတစ်လီတာ၏ သတ်မှတ်ရည်ညွှန်းဈေးများမှာ 92 Octance (၂၈၄၀)ကျပ်၊ 95 Octance(၂၉၁၅)ကျပ်၊ ရိုးရိုးဒီဇယ်(၂၆၁၅) ကျပ်၊ ပရီမီယမ်ဒီဇယ် (၃၁၆၅)ကျပ် ဖြစ်ကြောင်း  သိရှိရသည်။

DOCA(မန္တလေး)