ပြည်တွင်းကုန်သွယ်မှုသတင်း

            ပခုက္ကူကုန်စည်ဒိုင်တွင် စက်တင်ဘာလဆန်းမှ ယခုလကုန်ပိုင်းထိ နှမ်းမျိုးစုံဝင်ရောက်ကာ အရောင်းအဝယ်ဖြစ်လျက်ရှိပါသည်။ စက်တင်ဘာလဆန်းတွင် နှမ်းနက်(စမုံ)ရှယ် တစ်တင်းလျှင် အမြင့်ဈေး(၁၀၀၀၀၀)ကျပ်၊ နှမ်းနက်(စမုံ)ပုံမှန် တစ်တင်းလျှင်(၇၀၀၀၀)ကျပ် ၊ နှမ်းဝါတစ်တင်း လျှင် (၈၈၀၀၀)ကျပ်ဖြင့် အရောင်းအဝယ်ဖြစ်ခဲ့ပြီး လကုန်ပိုင်းတွင် နှမ်းနက်(စမုံ)ရှယ် တစ်တင်းလျှင် အမြင့်ဈေး(၁၀၅၀၀၀)ကျပ်၊ နှမ်းနက်(စမုံ)ပုံမှန် တစ်တင်းလျှင် (၉၈၀၀၀)ကျပ် နှမ်းဝါတစ်တင်းလျှင် (၉၀၀၀၀)ကျပ် ဖြစ်ခဲ့ပြီး တစ်လအတွင်း နှမ်းနက်(စမုံ)တစ်တင်းလျှင် (၅၀၀၀)ကျပ် ၊ နှမ်းနက်(စမုံ) ပုံမှန်တစ်တင်းလျှင် (၂၈၀၀)ကျပ် ၊ နှမ်းဝါတစ်တင်းလျှင် (၂၀၀၀)ကျပ် အသီးသီးတက်ခဲ့ကြောင်း သိရှိရပါသည်။

            ပဲဈေးကွက်တွင်လည်း ပဲစဉ်းငုံတစ်တင်းလျှင် (၆၄၀၀၀)ကျပ်၊ ကုလားပဲဝါ(၉၂၉)တစ်တင်း လျှင် (၆၅၀၀၀)ကျပ်၊ ကုလားပဲ(HL)တစ်တင်း (၆၄၀၀၀)ကျပ်၊ ပဲတီစိမ်း(အသေး)တစ်တင်းလျှင် (၅၃၀၀၀)ကျပ် အသီးသီးရှိပြီး ရောင်းဝယ်မှုပမာဏအနေဖြင့် နှမ်းနက်(စမုံ)ရှယ်အိတ် (၂၇၀၀)၊ နှမ်းနက်(စမုံ)ပုံမှန် အိတ်(၃၅၀၀)၊ နှမ်းဝါအိတ် (၂၀၅၀)၊ ပဲစဉ်းငုံ(နီ) အိတ်(၁၂၅၀)၊ ကုလားပဲဝါ (၉၂၉)အိတ် (၇၀၀)၊  ကုလားပဲ(HL)အိတ် (၄၅၀)၊ ပဲတီစိမ်း(အသေး)အိတ်(၁၃၆၀၀) အရောင်းအဝယ်ဖြစ်ခဲ့ကြောင်းသိရှိရပါသည်။

DOCA(မကွေး)

       စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင် ဖြန့်ဖြူးခြင်းလုပ်ငန်းကြီးကြပ်ရေး ကော်မတီအနေဖြင့် စားအုန်းဆီ ကမ္ဘာ့ဈေးနှုန်းဖြစ်ပေါ် ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများ ဖြစ်ပေါ်စေရေး ထိန်းကျောင်းဆောင်ရွက်လျက်ရှိပြီး စားအုန်းဆီ အဓိကထုတ်လုပ်တင်ပို့သည့် မလေးရှားနိုင်ငံ နှင့်အင်ဒိုနီးရှားနိုင်ငံတို့တွင် ဖြစ်ပေါ်နေသည့် FOB ဈေးနှုန်းများကို နေ့စဉ် စောင့်ကြည့်ကာ သယ်ယူပို့ဆောင်ခ ကုန်ကျစရိတ်များ၊ ဘဏ်စရိတ်များ၊ အခွန်အခများ ထည့်သွင်းတွက်ချက်၍ ပြည်တွင်းဈေးကွက်၌ ရောင်းဝယ်ဖောက်ကားရမည့် အခြေခံ လက်ကား ရည်ညွှန်းဈေးနှုန်းကို ထုတ်ပြန်ပေးလျက်ရှိပါသည်။

      ယခုအပတ်အတွင်း ကမ္ဘာ့စားအုန်းဆီ ထုတ်လုပ်တင်ပို့သည့် နိုင်ငံများတွင် ဈေးကွက် နှင့်ဈေးနှုန်းဖြစ်ပေါ်မှုများအရ ၂၀၂၂ ခုနှစ်၊ အောက်တိုဘာလ 11 ရက်နေ့မှ အောက်တိုဘာလ ၁6 ရက်နေ့အထိ ရန်ကုန်အထိုင်ဈေး အခြေခံလက်ကားရည်ညွှန်း ဈေးနှုန်းမှာ စားအုန်းဆီ တစ်ပိဿာလျှင် ၃၈၈၀ ကျပ် ဖြစ်ကြောင်း ထုတ်ပြန်ကြေညာထားပါသည်။

       ထို့အပြင် ပြည်တွင်းဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းနှင့် မသမာသည့် လုပ်ဆောင်မှုများ ပြုလုပ်ပါက အရေးကြီး ကုန်စည်နှင့် ဝန်ဆောင်မှုဥပဒေအရ အရေးယူ ဆောင်ရွက်သွားမည်ဖြစ်ကြောင်း အသိပေး ထုတ်ပြန်ထားသည်။

  အဆိုပါ အခြေခံလက်ကားရည်ညွှန်းဈေးနှုန်းများကို စားသုံးသူရေးရာဦးစီးဌာန ၏ Website: www.doca.gov.mm၊  Facebook Page  နှင့် မြန်မာနိုင်ငံ ဆီကုန်သည်နှင့် ဆီလုပ်ငန်းရှင်များအသင်း၏ Facebook Page တွင် ဝင်ရောက်ကြည့်ရှုနိုင်ကြောင်း သိရသည်။                                                                     

             စက်တင်ဘာလ တတိယအပတ်တွင် မကွေးကုန်စည်ဒိုင်၌ နှမ်းမျိုးစုံ ဈေးနှုန်းမြင့်တက်လာကြောင်းသိရသည်။ နှမ်းနီ (၁၅) ပိဿာ (၁)တင်းလျှင်( ၉၀၀၀၀) ကျပ်၊ နှမ်းဖြူ (၁၅) ပိဿာ (၁) တင်းလျှင် (၁၁၃၃၃၀) ကျပ်၊ နှမ်းနက် (စမုံ)  (၁၅) ပိဿာ (၁) တင်းလျှင်(၁၁၀၀၀၀)ကျပ်၊ နှမ်းနက် (ရိုးရိုး) (၁၅) ပိဿာ (၁) တင်းလျှင်(၈၆၆၆၀) ကျပ်၊ နှမ်းညိုကြား (၁၅) ပိဿာ (၁) တင်းလျှင် (၈၃၃၃၀) ကျပ်၊ နှမ်းဖြူ (ဂျပန်)  (၁၅) ပိဿာ (၁) တင်းလျှင် (၁၂၀၀၀၀) ကျပ် တို့ဖြင့် အရောင်းအဝယ်ဖြစ်လျှက်ရှိပြီး ယခု စက်တင်ဘာလ တတိယအပတ်၌ ဈေးကွက်တွင် နှမ်းမျိုးစုံရှားပါးလာခြင်းကြောင့် ဈေးနှုန်းမြင့်လာကြောင်းသိရသည်။

            စက်တင်ဘာလ တတိယပတ်တွင် နှမ်းဖြူသည် တန်ချိန် (၂၀၀) ခန့်၊ နှမ်းနီသည် တန်ချိန် (၅၀) ခန့်၊ နှမ်းနက် (စမုံ) သည် တန်ချိန် (၂၀၀) ခန့်၊ နှမ်းနက်(ရိုးရိုး) သည် တန်ချိန် (၂၀) ခန့်၊ နှမ်းညိုကြားသည် တန်ချိန် (၄၀)ခန့်တို့ဖြင့် အရောင်းအဝယ်ဖြစ်လျှက်ရှိကြောင်း မကွေးကုန်စည်ဒိုင်မှ လေ့လာသိရှိရပါသည်။

DOCA(မကွေး)

            စစ်ကိုင်းတိုင်းဒေသကြီး၊ မုံရွာမြို့ရှိ မုံရွာကုန်စည်ဒိုင်အဖွဲ့ဝင်များအနေဖြင့် မေလ လဆန်းပိုင်းမှ စတင်၍ ကုန်စည်ဒိုင်စတင်ပြန်လည်လည်ပတ်ခဲ့ကြောင်းသိရပါသည်။ စက်တင်ဘာလ တတိယပတ်တွင်  ဖြစ်ပေါ်နေသောပဲဈေးနှုန်းများမှာ ပဲတီစိမ်း(ကြီး)တစ်တင်းကျပ်၄၈၀၀၀၊ ပဲစဉ်းငုံတစ်တင်းကျပ် ၆၄၀၀၀၊ မတ်ပဲ တစ်တင်းကျပ် ၆၁၅၀၀၊ ကုလားပဲ ထိုင်ဝမ် တစ်တင်း ကျပ် ၅၆၅၀၀၊ ကုလားပဲ 929 တစ်တင်းကျပ် ၆၁၀၀၀၊ ကုလားပဲ V2 တစ်တင်းကျပ် ၆၀၀၀၀-၆၁၀၀၀၊ ကုလားပဲ V3,7 တစ်တင်းကျပ် ၆၀၀၀၀-၆၂၀၀၀ ဈေးနှုန်းများဖြင့် အရောင်းအဝယ် ဖြစ်နေကြောင်း သိရပါသည်။

               ဂျုံဖြူသန့်တစ်တင်း ကျပ် ၆၂၀၀၀-၆၅၀၀၀၊ ဂျုံနီ တစ်တင်းကျပ် ၆၀၀၀၀၊ ပဲကြီး(သစ်) တစ်တင်း ကျပ် ၇၇၀၀၀၊ ပဲနီ လုံးရိုးရိုး တစ်တင်း ကျပ် ၄၈၀၀၀၊ ပဲနီလုံးကြား တစ်တင်းကျပ် ၄၉၀၀၀၊  ပဲပုတ်စေ့ (ဗမာ) တစ်တင်း ကျပ် ၈၅၀၀၀၊ ပဲပုတ်စေ့ (ရှမ်း) တစ်တင်း ကျပ် ၅၄၃၀၀၊ ထောပတ် ပဲ တစ်တင်းကျပ် ၅၁၅၀၀၊  မြေထောက်ပဲ တစ်တင်း ကျပ် ၈၅၀၀၀၊ ပုဂံပဲ တစ်တင်းကျပ် ၆၇၀၀၀၊ ပဲလွန်းဖြူ တစ်တင်း ကျပ် ၅၀၀၀၀၊ ပဲလွန်းပြာ တစ်တင်း ကျပ် ၄၀၀၀၀၊ အစေ့ထုတ်ပြောင်း(CP) တစ် တင်း ကျပ် ၁၇၆၀၀၊ ပြောင်းနီ တစ်တင်း ကျပ် ၁၇၅၀၀၊ ပြောင်းဖြူ တစ်တင်းကျပ် ၁၈၅၀၀၊ ဆီထွက် သီးနှံများဖြစ်သော နှမ်းသီးနှံ ပေါက်ဈေးနှုန်းများ မှာ နှမ်းညို တစ်တင်းကျပ် ၈၁၀၀၀၊ နှမ်းနက် တစ်တင်း ကျပ် ၇၂၀၀၀-၉၀၀၀၀၊ နှမ်းဖြူ တစ်တင်း ကျပ် ၈၃၀၀၀-၉၄၀၀၀၊ နေကြာစေ့ တစ်တင်း ကျပ် ၄၀၅၀၀၊ မြေပဲလုံးဆံနီ တစ်ပိဿာ ကျပ်၅၀၀၀-၅၃၀၀၊ မြေပဲလုံး ဆံဖြူ တစ် ပိဿာကျပ် ၅၂၀၀-၅၄၀၀၊ ပဲဖတ်တစ်ပိဿာ ကျပ်၂၈၈-၂၉၀၀၊ နှမ်းဖတ် တစ်ပိဿာ ကျပ် ၂၀၀၀-၂၁၀၀၊ နေကြာဖတ် တစ်ပိဿာကျပ် ၁၆၅၀ ဈေးနှုန်း အသီးသီးဖြင့် အရောင်းအဝယ်ဖြစ်နေကြောင်း သိရပါသည်။

               ယခုအပတ်ဈေးနှုန်းများမှာ ယခင်အပတ်နှင့် နှိုင်းယှဉ်လျှင် ပဲဈေးနှုန်းများနှင့် ဆီထွက်သီးနှံ ဈေး နှုန်းများ အနည်းငယ်ကျဆင်းနေပါကြောင်း  သိရှိရပါသည်။

DOCA(စစ်ကိုင်း)

           စစ်ကိုင်းတိုင်းဒေသကြီးသည် စက်တင်ဘာလ(နောက်ဆုံးပတ်)ပတ်၌ စပါး/ဆန်ဈေးနှုန်းများမှာ ဈေးအေးနေကြောင်း သိရှိရပါသည်။စစ်ကိုင်းတိုင်းဒေသကြီးအတွင်း စက်တင်ဘာလ(နောက်ဆုံး)ပတ်တွင် ဖြစ်ပေါ်နေသော စပါး/ ဆန် ဈေးနှုန်းများမှာ ရွှေဘိုခရိုင်တွင် ရွှေဘိုပေါ်ဆန်း(စပါး) တင်း၁၀၀လျှင် ကျပ်(၂၃၀၀၀၀၀)၊ ပေါ်ဆန်း (ဆန်) ၂၄  ပြည်ပါ တစ်အိတ်လျှင်ကျပ်  ၈၅၀၀၀၊ ဧရာမင်း(စပါး)တင်း ၁၀၀လျှင် ၁၄၀၀၀၀၀၊ ဧရာမင်း(ဆန်) ၂၄ ပြည်ပါ တစ်အိတ် ကျပ် ၆၅၀၀၀၊ ရေဦးမြို့မှ ပေါ်ဆန်း (စပါး) တင်း ၁၀၀လျှင် ကျပ် ၂၃၀၀၀၀၀၊ ပေါ်ဆန်း (ဆန်) တစ်အိတ်လျှင်ကျပ် ၈၀၀၀၀၊  ဧရာမင်း (စပါး) တင်း၁၀၀ လျှင် ၁၃၀၀၀၀၀၊ ဧရာမင်း (ဆန်)၂၄ ပြည် ပါ တစ်အိတ်  ၅၈၀၀၀ ကျပ်များဖြင့် အရောင်းအဝယ်ဖြစ်နေကြောင်း သိရပါသည်။

          ကလေးခရိုင်၊ ကလေးမြို့နယ်မှ ဧည့်မထ(စပါး) တင်း၁၀၀ လျှင် ၁၀၅၀၀၀၀၊ ဧည့်မထ(ဆန်)‌ ၂၄ ပြည်ပါ တစ်အိတ်မှာ ကျပ် ၄၄၀၀၀၊ ငစိန်(စပါး) တင်း ၁၀၀ လျှင် ၉၅၀၀၀၀ ၊ ငစိန်(ဆန်)၂၄ပြည်ပါ တစ် အိတ်မှာ ၄၀၀၀၀၊ ဧရာမင်း (စပါး)တင်း ၁၀၀ လျှင် ကျပ် ၁၃၅၀၀၀၀၊ ဧရာမင်း(ဆန်)၂၄ပြည်ပါ တစ်အိတ် မှာကျပ် ၅၅၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

 ကသာခရိုင်၊ အင်းတော်မြို့နယ်မှ မှော်ဘီ(၂)(စပါး) တင်း ၁၀၀လျှင် ကျပ်၁၀၀၀၀၀၀၊ မှော်ဘီ(၂) ဆန် ၂၄ပြည် တစ်အိတ် လျှင် ကျပ် ၄၈၀၀၀၊ ဆင်းဧကရီ(၃)(စပါး) တင်း၁၀၀ လျှင် ကျပ် ၉၀၀၀၀၀၊ ဆင်းဧကရီ-၃ဆန် ၂၄ပြည်တစ်အိတ်မှာကျပ် ၄၃၀၀၀၊ ဧရာမင်း (စပါး) တင်း ၁၀၀ လျှင် ကျပ် ၁၅၀၀၀၀၀၊ ဧရာမင်းဆန် ၂၄ ပြည်ဆန်တစ်အိတ်လျှင် ကျပ် ၆၂၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

မုံရွာခရိုင်၊ မုံရွာမြို့တွင် ဧရာမင်း(စပါး)တင်း ၁၀၀ လျှင် ကျပ် ၁၄၀၀၀၀၀၊  ဧရာမင်း(ဆန်) ၂၄ပြည် တစ်အိတ်မှာ ကျပ် ၆၃၀၀၀၊ ပေါ်ဆန်း(စပါး) တင်း ၁၀၀လျှင် ကျပ် ၁၉၀၀၀၀၀၊ ပေါ်ဆန်း(ဆန်) ၂၄ပြည် တစ်အိတ်လျှင် ကျပ် ၈၈၀၀၀၊ မနောသုခ (စပါး)တင်း ၁၀၀လျှင် ကျပ် ၁၂၀၀၀၀၀၊ မနောသုခ(ဆန်) ၂၄ ပြည် တစ်အိတ်လျှင် ကျပ်၄၆၀၀၀ ဖြင့် အရောင်းအဝယ် ဖြစ်နေကြောင်း သိရပါသည်။

ကန့်ဘလူခရိုင်၊ ကန့်ဘလူမြို့တွင် ဧရာမင်း(စပါး)တင်း ၁၀၀ လျှင် ကျပ် ၁၄၅၀၀၀၀၊  ဧရာမင်း (ဆန်)၂၄ပြည် တစ်အိတ်မှာ ကျပ် ၅၉၀၀၀၊ ပေါ်ဆန်း(စပါး) တင်း ၁၀၀လျှင် ကျပ် ၂၂၀၀၀၀၀၊ ပေါ်ဆန်း (ဆန်) ၂၄ပြည် တစ်အိတ်လျှင် ကျပ် ၈၀၀၀၀၊ နွေ(စပါး) တင်း ၁၀၀လျှင် ကျပ် ၁၀၀၀၀၀၀၊ နွေ (ဆန်) ၂၄ ပြည် တစ်အိတ်လျှင် ကျပ် ၄၂၀၀၀ ဖြင့် အရောင်းအဝယ် ဖြစ်နေကြောင်း သိရပါသည်။

စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ စက်တင်ဘာလ (တတိယ)ပတ်တွင် စစ်ကိုင်းတိုင်းဒေသ ကြီး မှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၄၁၀၀၀၊ မန္တလေးသို့ အိတ်ရေ ၅၈၄၀၀၊ မကွေး သို့ အိတ်ရေ ၁၀၀၀၊ နေပြည်တော်သို့ အိတ်ရေ ၁၄၀၀၀၊ ရှမ်း (တောင်)သို့ အိတ်ရေ ၁၀၀၀၀၊ ရှမ်း (မြောက်)သို့အိတ်ရေ ၁၀၀၀၀၊ စုစုပေါင်းအိတ်ရေ (၁၃၄၄၀၀)အိတ်၊ တန်အားဖြင့်(၆၇၂၀)  စီးထွက်ခဲ့ပြီး၊ ယခု စက်တင်ဘာလ(နောက်ဆုံး)ပတ်တွင် စစ်ကိုင်း တိုင်းဒေသကြီး မှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၄၉၉၀၀၊ မန္တလေးသို့ အိတ်ရေ ၅၀၀၀၀၊ မကွေး သို့ အိတ်ရေ ၁၀၀၀၊ နေပြည်တော်သို့ အိတ်ရေ ၁၂၀၀၀၊ ရှမ်း (တောင်)သို့ အိတ်ရေ ၉၅၀၀၊ ရှမ်း (မြောက်)သို့အိတ်ရေ ၉၅၀၀၊ စုစုပေါင်းအိတ်ရေ (၁၃၁၉၀၀)အိတ်၊ တန်အားဖြင့်(၆၅၉၅) စီးထွက်ခဲ့သည့် အတွက် ယခင်ပတ်နှင့် နှိုင်းယှဉ်လျှင် ယခုပတ်တွင် အိတ်ရေ (၂၅၀၀) တန်အားဖြင့် (၁၂၅) လျော့နည်းစီးထွက်ခဲ့ကြောင်း သိရှိရပါသည်။         

DOCA(စစ်ကိုင်း)