သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ တောင်ငူခရိုင်ဦးစီးမှူးရုံးရှိ ထုတ်ကုန်လုံခြုံ စိတ်ချရမှုဌာနခွဲတာဝန်ခံ၊ စားသုံးသူရေးရာဌာနခွဲတာဝန်ခံနှင့် ဝန်ထမ်းများသည် ဌာနဆိုင်ရာများနှင့် ပူးပေါင်း၍ (၁၃.၉.၂၀၂၄)ရက်နေ့ ၊နေ့လယ်(၁၄:၀၀)နာရီတွင် အုတ်တွင်းမြို့ပေါ်ရှိ လက်လီ/ လက်ကားရောင်းချနေသော ဆန်ဆိုင်များနှင့် ဆန်သိုလှောင်ရုံများသို့ သွားရောက်ကာ ကွင်းဆင်းစစ်ဆေးခြင်း ဆောင်ရွက်ခဲ့ပါသည်။

     အဆိုပါ ကွင်းဆင်းစစ်ဆေးရာ လက်လီ/ လက်ကားရောင်းချနေသော ဆန်ဆိုင်များအနေဖြင့် ဈေးကစားရန် ရည်ရွယ်ချက်ဖြင့် ဆန်များသိုလှောင်ထားခြင်း မပြုလုပ်ကြစေရန်၊ သတ်မှတ်ထား သည့် သင့်တင့်မျှတသောဈေးနှုန်းများဖြင့် ရောင်းချနိုင်ရန်နှင့် ဈေးနှုန်းများကို အများပြည်သူ မြင်သာသောနေရာတွင် မြင်သာသည့်အရွယ်အစားနှင့် ‌ရေးသားဖော်ပြ၍ ရောင်းချရန်၊ လက်လီ/ လက်ကားရောင်းချနေသော ဆန်ဆိုင်များနှင့် ဆန်သိုလှောင်ရုံများအနေဖြင့် မြန်မာဆန်စပါး အွန်လိုင်း (Myanmar Rice Online) (MyRo)တွင် မှတ်ပုံတင်ထားခြင်း ရှိ/မရှိနှင့် မှတ်ပုံတင်ထားခြင်း မရှိပါက သက်ဆိုင်ရာမြို့နယ်အလိုက် စားသုံးသူရေးရာဦးစီးဌာနရုံးများနှင့် ချိတ်ဆက်၍ မှတ်ပုံတင် ခြင်း ဆောင်ရွက်နိုင်ရေးတို့ကို အသိပညာပေးဆွေးနွေးကာ အလေးချိန်ပြည့်ဝ မှန်ကန်စွာ ရောင်းချခြင်း ရှိ/ မရှိ ကွင်းဆင်းစစ်ဆေးခြင်း ဆောင်ရွက်ခဲ့ကြောင်း သိရှိရသည်။

DOCA(ပဲခူး)

       စားသုံးသူရေးရာဦးစီးဌာန၊ တောင်ငူခရိုင်ဦးစီးမှူး ဦးမျိုးအောင်သည် ဒုတိယခရိုင်ဦးစီးမှူး ဦးမင်းဇော်၊ ဖြူးမြို့နယ်တာဝန်ခံ ဒေါ်သန္တာစိုးတို့နှင့်အတူ စက်တင်ဘာလ ၁၂ ရက်နေ့  နေ့လယ် (၁၃:၃၀) နာရီအချိန်တွင် ကုန်သွယ်ရေးဦးစီးဌာနသို့ လုပ်ငန်းသစ်ထူထောင်ရန် လျှောက်ထားသည့် တောင်ငူခရိုင်၊ ဖြူးမြို့၊ အုတ်ဖြတ်လမ်းရှိ ASAYA TOKYU Company Limitedသို့ သွားရောက်ကြည့်ရှုစစ်ဆေးပြီး လုပ်ငန်းရှင်နှင့် တွေ့ဆုံဆွေးနွေးခဲ့ပါသည်။

     ခရိုင်ဦးစီးမှူးနှင့်အဖွဲ့သည် ကုမ္ပဏီ၏ မြေပြင်အခြေအနေများကို စစ်ဆေးခဲ့ရာ ဒါရိုက်တာဒေါ်ပြည့်ဖြိုးအိက ရှင်းလင်းတင်ပြပါသည်။ ASAYA TOKYU Company Limited လယ်ယာသုံး စက်ကိရိယာများ ဖြန့်ဖြူးရောင်းချသည့် ကုမ္ပဏီဖြစ်ပါသည်။

      ထို့နောက် ခရိုင်ဦးစီးမှူးက လုပ်ငန်းဆောင်ရွက်ရာတွင် စားသုံးသူကာကွယ်ရေးဥပဒေနှင့် အခြားသက်ဆိုင်ရာ ဥပဒေပြဌာန်းချက်များ၊ အမိန့်၊ ညွှန်ကြားချက်များနှင့်အညီ လိုက်နာဆောင်ရွက်ရန်၊ စားသုံးသူနစ်နာဆုံးရှုံးမှု မဖြစ်ပေါ်စေရေးကို အလေးထားဆောင်ရွက်ရန် ဆွေးနွေးခဲ့ကြောင်း သိရှိရပါသည်။

DOCA(ပဲခူး)

     စားသုံးသူရေးရာဦးစီးဌာန၊ ပဲခူးတိုင်းဒေသကြီးဦးစီးမှူးရုံးရှိ ထုတ်ကုန်လုံခြုံစိတ်ချရမှုဌာနခွဲ တာဝန်ခံ၊ စားသုံးသူရေးရာဌာနခွဲတာဝန်ခံနှင့် ဝန်ထမ်းများသည် ဌာနဆိုင်ရာများနှင့် ပူးပေါင်း၍ (၁၃.၉.၂၀၂၄)ရက်နေ့၊ နေ့လယ်(၁၄:၂၀)နာရီအချိန်တွင် သနပ်ပင်မြို့အတွင်းရှိ လက်လီ/ လက်ကား ရောင်းချနေသော ဆန်ဆိုင်များနှင့် ဆန်သိုလှောင်ရုံများသို့ သွားရောက်ကာ ကွင်းဆင်းစစ်ဆေးခြင်း ဆောင်ရွက်ခဲ့ပါသည်။

     အဆိုပါ ကွင်းဆင်းစစ်ဆေးရာ လက်လီ/ လက်ကားရောင်းချနေသော ဆန်ဆိုင်များအနေဖြင့် ဈေးကစားရန် ရည်ရွယ်ချက်ဖြင့် ဆန်များသိုလှောင်ထားခြင်း မပြုလုပ်ကြစေရန်၊ သတ်မှတ်ထားသည့် သင့်တင့်မျှတသောဈေးနှုန်းများဖြင့် ရောင်းချနိုင်ရန်နှင့် ဈေးနှုန်းများကို အများပြည်သူမြင်သာသောနေရာတွင် မြင်သာသည့်အရွယ်အစားနှင့် ‌ရေးသားဖော်ပြ၍ ရောင်းချရန်၊ လက်လီ/ လက်ကားရောင်းချနေသော ဆန်ဆိုင်များနှင့် ဆန်သိုလှောင်ရုံများအနေဖြင့် မြန်မာဆန်စပါး အွန်လိုင်း (Myanmar Rice Online) (MyRo)တွင် မှတ်ပုံတင်ထားခြင်း ရှိ/မရှိနှင့် မှတ်ပုံတင်ထားခြင်းမရှိပါက သက်ဆိုင်ရာမြို့နယ်အလိုက် စားသုံးသူရေးရာဦးစီးဌာနရုံးများနှင့် ချိတ်ဆက် ၍ မှတ်ပုံတင်ခြင်း ဆောင်ရွက်နိုင်ရေးတို့ကို အသိပညာပေးဆွေးနွေးကာ အလေးချိန်ပြည့်ဝမှန်ကန်စွာ ရောင်းချခြင်းရှိ/ မရှိ ကွင်းဆင်းစစ်ဆေးခြင်း ဆောင်ရွက်ခဲ့ကြောင်း သိရှိရသည်။

DOCA(ပဲခူး)

    ၁၃.၉.၂၀၂၄ ရက်နေ့တွင် စားသုံးသူရေးရာဦးစီးဌာန၊ မော်လမြိုင်ခရိုင်၊ မော်လမြိုင်မြို့နယ် တာဝန်ခံနှင့် ဝန်ထမ်းများသည် မော်လမြိုင်မြို့နယ်၊ သီရိမြိုင် မူလွန်ကျောင်း၌ စားသုံးသူကာကွယ်ရေးဆိုင်ရာ အသိပညာပေးဟောပြောခြင်းကို ဆောင်ရွက်ခဲ့ပါသည်။

     အဆိုပါဟောပြောပွဲတွင် ကျောင်းအုပ်ဆရာမကြီး ဒေါ်ခိုင်သင်္ကြန်မွန်က အဖွင့်အမှာစကား ပြောကြားခဲ့ပြီး စားသုံးသူရေးရာဦးစီးဌာနမှ အငယ်တန်းစာရေး ဒေါ်သဇင်ဖြိုးမြတ်က ဌာန၏ မျှော်မှန်းချက်၊ ရည်မှန်းချက်များ၊ စားသုံးသူကာကွယ်ရေးဆိုင်ရာဥပဒေများအကြောင်း၊ စားသုံးသူအခွင့်အရေးနှင့် တာဝန်များအကြောင်း၊ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့် ဖော်ပြထားသော ကုန်စည်များကိုသာ ရွေးချယ်ဝယ်ယူသင့်ကြောင်း၊ ကျန်းမာရေးနှင့်ညီညွတ်သော အစားအစာများကို ရွေးချယ်ဝယ်ယူ စားသုံးကြရန်နှင့် ကုန်စည်၊ ဝန်ဆောင်မှုများကြောင့် စားသုံးသူများနစ်နာဆုံးရှုံးမှုများရှိလာပါက  အရေးဆိုတိုင်ကြား နိုင်သည့် Consumer Call Center No. (1535) သို့ ဆက်သွယ်မေးမြန်းတိုင်ကြား နိုင်ကြောင်း၊ စားသုံးသူကိစ္စရပ်များနှင့် သိလိုသည်များကိုလည်း ဆက်သွယ်မေးမြန်းတိုင်ကြား နိုင်ကြောင်း ဟောပြောခဲ့ပြီး ကျောင်းသား/ကျောင်းသူများမှ သိလိုသည်များကို အပြန်အလှန်မေးမြန်းခြင်းများ ဆောင်ရွက်ခဲ့ကြောင်း သိရှိရပါသည်။

    ဟောပြောပွဲသို့ ဆရာ/ဆရာမ၊ ကျောင်းသား/ကျောင်းသူ (၁၀၅) ဦး တက်ရောက်ခဲ့ပြီး ကျောင်းအုပ်ဆရာမကြီးထံသို့ လက်ကမ်းစာစောင်များပေးအပ်ခဲ့ကြောင်း သတင်းရရှိပါသည်။

DOCA(မွန်)

   ၁၂.၉.၂၀၂၄ ရက်နေ့ နံနက် (၀၉:၃၀) နာရီအချိန်တွင် မွန်ပြည်နယ် စားသုံးသူရေးရာဦးစီးဌာန၊ အစည်းအဝေးခန်းမတွင်  မွန်ပြည်နယ်စီးပွားရေးရာဝန်ကြီး နိုင်လယိတမမှ မွန်ပြည်နယ်အတွင်း စားအုန်းဆီဖြန့်ဖြူးပေးလျက်ရှိသော ဆီအရောင်းကိုယ်စားလှယ်၊ လက်ကား၊ လက်လီ ဆီကုန်သည်များနှင့် တွေ့ဆုံခဲ့သည်။ အခမ်းအနားသို့ စားသုံးသူရေးရာဦးစီး ဌာန၊ ပြည်နယ်ဦးစီးမှူး ဦးမြင့်ဝင်းနှင့် ဝန်ထမ်းများ၊ ပြည်နယ်စားသုံးသူရေးရာကော်မတီ အဖွဲ့ဝင်များ၊ မြို့နယ်အလိုက်စားအုန်းဆီ ဖြန့်ဖြူးရောင်းချသည့် ကိုယ်စားလှယ်၊ လက်ကား၊ လက်လီ ဆီကုန်သည်များ စုစုပေါင်း (၈၄) ဦး တက်ရောက်ခဲ့ပါသည်။

    အဆိုပါအခမ်းအနားတွင် စီးပွားရေးရာဝန်ကြီး နိုင်လယိတမမှ မွန်ပြည်နယ်အတွင်း ဆီဖြန့်ဖြူး ရောင်းချကြသည့် ဆီလက်ကား၊ လက်လီကုန်သည်များအနေဖြင့် စားသုံးသူပြည်သူများသို့ ရောင်းချရာတွင် သတ်မှတ်ဈေးနှုန်းဖြင့် ရောင်းချရေးနှင့် သတ်မှတ်အရေအတွက်အတိုင်း ရောင်းချရေး တာဝန်ယူမှုတာဝန်ခံမှု အဆင့်ဆင့်ဆောင်ရွက်ကြရန်၊ သတ်မှတ်ခွဲတမ်းအတိုင်း ရောင်းချခြင်းမရှိဘဲ သိုလှောင်ထားပြီး ပြင်ပပေါက်ဈေးဖြင့် ရောင်းချခြင်း ရောနှောဆီဖြန့်ဖြူး ခြင်းများ လုံးဝမပြုလုပ်ကြရန်၊ စားအုန်းဆီဖြန့်ဖြူးမှုစနစ်သစ်အရ၊ အဆင့်ဆင့်တာဝန်ရှိသဖြင့် ကုမ္ပဏီမှ ဆီထုတ်ကိုယ်စားလှယ်၊ ဆီထုတ်ကိုယ်စားလှယ်မှ လက်ကားကုန်သည်၊ လက်ကား ကုန်သည်မှ လက်လီကုန်သည်များအထိ အဆင့်ဆင့်ကြီးကြပ်ဆောင်ရွက်ရန်၊ နိုင်ငံတော်မှ ပြည်သူများသက်သာစေရန် ရည်ရွယ်ဆောင်ရွက်ခြင်းဖြစ်၍ ပြည်သူမျက်နှာကြည့်ပြီး ဆောင်ရွက်ရန် မသမာမှုများမပြုလုပ်ကြရန်၊ ဖြန့်ခွဲရောင်းချသည့်‌ နေရာများကို တစ်နေရာတည်း မဟုတ်ဘဲ နေရာများခွဲ၍ တစ်ပြိုင်တည်း၊ တစ်ချိန်တည်းရောင်းချ ဆောင်ရွက်ကြရန်၊ လူအများကြီး တန်းစီတိုးဝှေ့ဝယ်ယူရခြင်း မရှိအောင် စီမံဆောင်ရွက်သွားရန်၊ တန်းစီစနစ်၊ တုံကင်စနစ်၊ စာအုပ်စနစ်များတွင် မည်သည့်စနစ်ဖြင့် ရောင်းချသည်ဖြစ်စေ ပြည်သူလက်ဝယ်သို့ ပြည့်ပြည့်ဝဝရောက်ရှိအောင် ရောင်းချပေးရန် လမ်းညွှန်မှာကြားပါသည်။ ဆက်လက်ပြီး ပြည်နယ်ဦးစီးမှူးနှင့် တက်ရောက်လာသူများမှ အပြန်အလှန် ဆွေးနွေးကြပြီး အခမ်းအနားကို နေ့လယ် (၁၂:၀၀) နာရီအချိန်တွင် ရုပ်သိမ်းကြောင်း သိရပါသည်။

DOCA(မွန်)