သတင်းနှင့် လှုပ်ရှားမှုများ

   ၂၀၂၅ ခုနှစ်၊ ဇူလိုင်လ(၁၅)ရက်နေ့၊ နံနက်(၁၀:၀၀)နာရီအချိန်တွင် ရှမ်းပြည်နယ် (အရှေ့ပိုင်း)၊ စားသုံးသူရေးရာဦးစီးဌာန၊ တာချီလိတ်မြို့နယ်တာဝန်ခံရုံးမှ စစ်ဆေးရေးမှူးဦးမြင့်နောင်(ဦးစီးမှူး) ဦးဆောင်၍ အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်စည်ပင်သာယာရေးဌာနတို့နှင့် ပူးပေါင်းကာ တာချီလိတ်မြို့နယ်၊ ဝမ်လုံးကျေးရွာရှိ P&Lသောက်ရေသန့်လုပ်ငန်းအား ထုတ်ကုန်များ လုံခြုံစိတ်ချရမှုရှိစေရန် အတွက် စစ်ဆေးခြင်းလုပ်ငန်းဆောင်ရွက်ခဲ့ပါသည်။

 ထိုသို့စစ်ဆေးရာတွင် P&Lသောက်ရေသန့်သည် စားသုံးသူ ကာကွယ်ရေးဥပဒေ အခန်း(၁၈)ပါ “ကုန်အညွှန်းအမှတ်အသားဖော်ပြခြင်း” နှင့် ပတ်သက်၍ ပြည့်စုံစွာ ဖော်ပြထားပြီး ထုတ်ကုန်များကိုသန့်ရှင်းသပ်ရပ်စွာထုတ်လုပ်ဖြန့်ချိသည်ကို စစ်ဆေးတွေ့ရှိရပါသည်။ ထို့နောက် စစ်ဆေးရေးမှူးနှင့် ဌာနဆိုင်ရာတာဝန်ရှိသူများသည် လုပ်ငန်းရှင်အား စားသုံးသူများဘေးအန္တရာယ် ကင်းရှင်းစေရေးကိုအလေးထားဆောင်ရွက်ရန်၊ ထုတ်လုပ်မှု အဆင့်တိုင်းစနစ်တကျရှိစေရန်၊ သက်ဆိုင်ရာဌာနများ၏လုပ်ငန်းလိုင်စင်သက်တမ်းတိုးခြင်းများ ဆောင်ရွက်ရန်နှင့်  စားသုံးသူကာ ကွယ်ရေးဥပဒေအခန်း(၁၀)ပါ “စီးပွားရေးလုပ်ငန်းရှင်၏ တာဝန်များ” ကို လိုက်နာဆောင်ရွက်ရန် အသိပညာပေးဆွေးနွေးခဲ့ကြပါသည်။

DOCA(ရှမ်း)

   (၁၄.၇.၂၀၂၅)ရက်နေ့၊ နေ့လည်(၁၄:၀၀)အချိန်တွင် ရှမ်းပြည်နယ်(တောင်ပိုင်း)၊ ဓနုကိုယ်ပိုင် အုပ်ချုပ်ခွင့်ရဒေသ၊ စားသုံးသူရေးရာဦးစီးဌာန၊ ပင်းတယမြို့၊ ဒေသဦးစီးမှူးရုံးမှ စစ်ဆေးရေးမှူး နှင့်ဝန်ထမ်းများသည် ပင်းတယမြို့နယ်အတွင်းရှိ ဒေါ်ဆန်သီးနှင့် ဦးသက်မိုးဦး စားအုန်းဆီ လက်လီ အရောင်းဆိုင်သို့ ကွင်းဆင်း စစ်ဆေးခြင်းများ ဆောင်ရွက်ခဲ့ကြပါသည်။

  ထိုသို့ ဆောင်ရွက်ခဲ့ရာတွင် အော်ယောရပ်ကွက် နှင့် ဘောလုံးကွင်းတိုက်တန်း၊ အော်ယောရပ်ကွက် တို့တွင် အိမ်ထောင်စုတစ်စုလျှင် (၁)ပိဿာနှုန်းဖြင့် ရောင်းချပေးလျက် ရှိကြောင်း၊ မိမိရရှိသော ခွဲတမ်းများကို သတ်မှတ် ဈေးနှုန်းအပေါ် (၂%)အမြတ်တင်၍ ရပ်ကွက်နေ စားသုံးသူပြည်သူများလက်ဝယ်သို့ အမှန်တကယ် ရောက်ရှိ စားသုံးနိုင်ရန် ရောင်းချပေးလျက် ရှိကြောင်း၊ အလေးချိန်လည်း မှန်ကန်စွာ ချိန်တွယ်ပေးကြောင်း၊ ဆီထုတ်ယူသည့် စာအုပ်မရှိသည့် စစ်ဘေးရှောင် ပြည်သူများကိုလည်း ရောင်းချပေးနေကြောင်း ကွင်းဆင်း စစ်ဆေးချက်အရ သိရှိရပါ သည်။

DOCA(ရှမ်း)

 စားသုံးသူရေးရာဦးစီးဌာန၊ မြင်းခြံခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်း များအပြင် ပြည်တွင်းကုန်သွယ်မှုမြှင့်တင်ရေးလုပ်ငန်းများကိုလည်း ဆောင်ရွက်လျက်ရှိရာ မြင်းခြံခရိုင် ဦးစီးမှူးရုံးမှ ဒေါ်သူဇာမိုး(ဒုဦးစီးမှူး)နှင့် ဝန်ထမ်းများသည် ၁၅-၇-၂၀၂၅ နေ့ (၀၈:၀၀)နာရီအချိန်တွင် မြင်းခြံမြို့၊ အမှတ်(၉)ရပ်ကွက်ရှိ ရတနာဌေးဆီဆိုင်၏ စားအုန်းဆီလက်လီရောင်းချနေမှုအခြေအနေ များအား ကွင်းဆင်းစစ်ဆေးခြင်းများ ဆောင်ရွက်ခဲ့ကြောင်း သိရှိရသည်။
    ကွင်းဆင်းစစ်ဆေးရာတွင် စားအုန်းဆီလက်လီ/လက်ကားရောင်းချနေသော လုပ်ငန်းရှင်များ အနေဖြင့် စားအုန်းဆီများဖြန့်ဖြူးရောင်းချရာတွင် ဈေးနှုန်းများကို စားသုံးသူများမြင်သာအောင် Vinylများ ချိတ်ဆွဲရောင်းချစေရေး၊ ရောင်းချသည့်ဈေးနှုန်းများကိုလည်း (၂%)အမြတ်ထက်ကျော်လွန်၍ ရောင်းချခြင်းမပြုရန်၊ အလေးချိန်အချင်အတွယ်မှန်ကန်စေရေး၊ အရေအတွက်မှန်ကန်စေရေး၊ အိမ်ထောင်စုတစ်ခုလျှင် အနည်းဆုံးစားအုန်းဆီ(၂)ပိဿာရောင်းချနိုင်စေရေး၊ ဌာနမှသတ်မှတ်ထုတ်ပြန် ထားသည့် အမိန့်နှင့်ညွှန်ကြားချက်များနှင့်အညီ လိုက်နာရောင်းချစေရေးတို့ကို ကြပ်မတ်စစ်ဆေးခဲ့ ကြောင်းနှင့် လက်လီအရောင်းဆိုင်များအနေဖြင့် လိုက်နာဆောင်ရွက်လျက်ရှိကြောင်းသိရှိရသည်။

DOCA(မန္တလေး)

           စားသုံးသူရေးရာဦးစီးဌာန စစ်ကိုင်းတိုင်းဒေသကြီး ကန့်ဘလူခရိုင် ကန့်ဘလူမြို့နယ်တာဝန် ခံဦးမျိုးဝင်းသန်းသည် ၂၀၂၅ ခုနှစ်၊ ဇူလိုင်လ ၅ရက်နံနက်(၀၈:၀၀)နာရီအချိန်တွင် ကန့်ဘလူမြို့နယ် ဆီကိုယ်စားလှယ်မှ ကန့်ဘလူမြို့၊ အမှတ်(၃)ရပ်ကွက်ရှိ  စားသုံးသူပြည်သူများကို စားအုန်းဆီလက် လီရောင်းချပေးနေမှုအား ကွင်းဆင်းစစ်ဆေးခဲ့ကြောင်း သိရှိရပါသည်။

      မြို့နယ်တာဝန်ခံမှ စားအုန်းဆီ လက်လီအရောင်းဆိုင်များအား  ကွင်းဆင်းစစ်ဆေးရာတွင် အချိန်အတွယ်မှန်ကန်မှုရှိ/ မရှိ၊ ဈေးနှုန်းမှန်ကန်မှုရှိ/ မရှိနှင့် စားအုန်းအရည်အသွေးတို့အား စစ်ဆေးခဲ့ကြောင်း၊ ကန့်ဘလူမြို့နယ် ဆီကိုယ်စားလှယ်က ခွဲတမ်းရရှိလာသော စားအုန်းဆီများကို ရည်ညွှန်းဈေး၊ သယ်ယူပို့ဆောင်ခ ကုန်ကျစရိတ်နှင့် ၂%အမြတ်တို့ဖြင့် လက်လီအရောင်းဆိုင်များမှတဆင့်  စားသုံးသူပြည်သူများသို့ တစ်ဦးလျှင်(၅၀)ကျပ်သားနှုန်း ရောင်းချပေးလျက်ရှိကြောင်း စားအုန်းဆီလက်လီရောင်းချသည့် လုပ်ငန်းရှင်ထံမှ သတင်းရရှိပါသည်။

DOCA(စစ်ကိုင်း)

            စားသုံးသူရေးရာဦးစီးဌာန၊ စစ်ကိုင်းမြို့နယ်တာဝန်ခံနှင့် စစ်ကိုင်းခရိုင်ဦးစီးမှူးရုံးမှ ဝန်ထမ်း (၁)ဦး တို့သည် ၂၀၂၅ ခုနှစ်၊ ဇူလိုင်လ ၄ ရက်နေ့ နံနက် (၀၈:၀၀) နာရီအချိန်တွင်  စစ်ကိုင်းမြို့နယ်၊ နှစ်(၇၀၀)ကွင်းအတွင်း ကျင်းပပြုလုပ်သော ဆီထွက်သီးနှံ (မြေပဲ၊နှမ်း၊နေကြာ) ပန်းတိုင်အထွက်နှုန်း ရရှိရေးအတွက် သွင်းအားစု ပုလဲဓာတ်မြေဩဇာ(Urea)နှင့် ဒီဇယ်ဆီပေးအပ်ချီးမြှင့်ခြင်း အခမ်းအနားသို့ တက်ရောက်လာသော စစ်ကိုင်းမြို့နယ်၊ ကျောက်ဆည်၊ ကုန်းရွာရှိ ဧရာမင်းစပါး (၆) ဧက စိုက်ပျိုးထားသော တောင်သူ ဦးကျော်ဆန်းနှင့် စစ်ကိုင်းမြို့နယ်၊ ဗြဲတရော်ကျေးရွာရှိ ဆင်းသုခစပါး (၃)ဧကစိုက်ပျိုးထားသော တောင်သူဦးဟန်တင်တိုနှင့်တွေ့ဆုံ၍ စပါးစိုက်ပျိုးထွက်ရှိမှုအခြေအနေများကို မေးမြန်းဆွေးနွေးခဲ့ရာ စစ်ကိုင်းမြို့နယ်၊ ကျောက်ဆည်၊ ကုန်းရွာတွင် စပါးစိုက်ဧက (၆၀၀) နှင့် အထက်ရှိပြီး တစ်ဧကလျှင် (၈၀) တင်းနှုန်းထွက်ကြောင်း၊ ဧရာမင်းစပါးတစ်တင်းလျှင် (၂၆၀၀ဝိ/-)  ဈေးနှုန်းဖြင့်လည်းကောင်း၊ စစ်ကိုင်းမြို့နယ်၊ ဗြဲတရော်ကျေးရွာတွင်  စပါးစိုက်ဧက (၅၀၀) နှင့်အထက် ရှိပြီး တစ်ဧကလျှင် (၈၀ မှ ၁၀၀) တင်းနှုန်းထွက်ရှိကြောင်း၊ ဆင်းသုခစပါးတစ်တင်းလျှင် (၂၀၀၀ဝိ/-) ဈေးနှုန်းဖြင့်လည်းကောင်း အရောင်းအဝယ်ဖြစ်ကြောင်း  သိရှိရပါသည်။

 DOCA(စစ်ကိုင်း)