သတင်းနှင့် လှုပ်ရှားမှုများ

   မအူပင်ခရိုင်၊ စားသုံးသူရေးရာဦးစီးဌာန၊ ခရိုင်ဦးစီးမှူးရုံးခန်းမတွင် ၁၈-၉-၂၀၂၅ ရက်နေ့ နေ့လယ် ၃နာရီအချိန်က မအူပင်မြို့နယ်အတွင်း အွန်လိုင်း ကုန်စည်နှင့် ဝန်ဆောင်မှု ရောင်းချသူ လုပ်ငန်းရှင်များ မှတ်ပုံတင်ပြီးစီးပြီး ဖြစ်သော အလှကုန်အမျိုးမျိုး၊ အဝတ်အထည်အမျိုးမျိုး၊ အိမ်ခြံမြေအကျိုးဆောင်လုပ်ငန်း၊ အထည်အလိပ်ရောင်းချသူများ၊ ဖက်ရှင်အမျိုးမျိုးရောင်းချသူ (၁၂)ဦးအား တွေ့ဆုံ၍ အွန်လိုင်းလုပ်ငန်းအသိပညာပေး ဟောပြောခဲ့ကြောင်း သိရသည်။

     အသိပညာပေးဆောင်ရွက်ရာတွင် စားသုံးသူရေးရာဦးစီးဌာန မအူပင်ခရိုင်ဦးစီးမှူး ဦးဇော်မင်းက လုပ်ငန်းရှင်များကို မှတ်ပုံတင်လက်မှတ်ရရှိပြီးသူများ နှစ်နှစ်ပြည့်မီပါက ထပ်မံသက်တမ်းတိုး ဆောင်ရွက်ခြင်း လုပ်ငန်းကို လုပ်ငန်းရှင်ဘက်မှကိုယ်တိုင် သက်တမ်းတိုးခြင်း လုပ်ငန်းကို မဖြစ်မနေဆက် လက်ဆောင်ရွက်သွားကိုလည်း၊  အွန်လိုင်းရောင်းချခြင်းနှင့် စပ်လျဉ်း၍ အမိန့်ကြေငြချက်ဖြစ်သည့် အွန်လိုင်းစနစ်ဖြင့် ရောင်းချခြင်းလုပ်ငန်းကို အရေးကြီးဝန်ဆောင်မှုလုပ်ငန်း အဖြစ် သတ်မှတ်မိန့် (၅၀/၂၀၂၃) ၊ အွန်လိုင်းစနစ်ဖြင့် ရောင်းချခြင်းလုပ်ငန်း မှတ်ပုံတင်ခြင်ဆိုင်ရာအမိန့်(၅၁/၂၀၂၃)၊ အခွင့်အာဏာ အပ်နှင်းခြင်းအမိန့် (၄၉/၂၀၂၃) ကိုလည်းကောင်း၊ စားသုံးသူရေးရာဦးစီးဌာန၏ ဆောင်ရွက်ရမည့် လုပ်ငန်းစဉ်များ ကိုလည်းကောင်း၊ ယခုနောက်ပိုင်းတွင် မှတ်ပုံတင်လျောက်ထားခြင်းကို လုပ်ငန်းရှင် ကိုယ်တိုင်က ၎င်း၏ ဖုန်းဖြင့်သာ မှတ်ပုံတင်ရမည်ဖြစ်ဖြစ်ကြောင်း၊ လုပ်ငန်းရှင်ဖြစ်၍ စားသုံးသူကာ ကွယ်ရေး ဥပဒေပါ စီးပွားရေးလုပ်ငန်းရှင်တာဝန်များကိုလည်းကောင်း ရှင်းလင်းခြင်း၊ အွန်လိုင်းတွင် ငွေကြေးလိမ်လည်ဆောင်ရွက်မှု လုပ်ငန်းဖြစ်စဉ်များအကြောင်း ကို အသိပညာပေးရှင်း လင်းခြင်း၊ မိမိတို့ခရိုင်အတွင်း အွန်လိုင်းလိမ်လည်မှု များ မရှိစေရေး မှန်ကန်စွာ ရောင်းချပေးနိုင်ရန်နှင့် အွန်လိုင်းလုပ်ငန်းများဆောင်ရွက်ရာတွင် လုပ်ငန်းဖွဲ့ဖြိုးတိုးတက်စေရေး အသင်းအဖွဲ့၊ အစူအဖွဲ ဖွဲ့စည်းနိုင်ရေးကိုပါ အသိပညာပေး ဟောပြောခဲ့ကြောင်း လုပ်ငန်းရှင်များက သိရှိလိုသည်များ မေးမြန်းဆွေး နွေးခဲ့ကြပြီး ဟောပြောပွဲကို ၃နာရီအချိန်တွင် ပြီးဆုံးကြောင်း သိရပါသည်။

DOCA(ဧရာဝတီ)

  ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ် အထွေထွေအုပ်ချုပ်ရေးဦးစီးဌာန ခန်းမ၌ ၁၈-၉-၂၀၂၅ ညနေ ၃ နာရီခွဲအချိန်က အရည်အသွေးပြည့်မီသော ပေါ်ဆန်းထွက်ပေါ် လာရေး အတွက် မြို့နယ်အတွင်းရှိ ဆန်စက်ပိုင်ရှင်များ၊ ဆန်ကုန်သည်များ၊ ဆန်စပါးကုန်သည် များနှင့် တွေ့ဆုံပွဲအခမ်းအနား ကျင်းပပြုလုပ်ခဲ့ကြောင်း သိရသည်။

            အဆိုပါ အခမ်းအနားတွင် မအူပင်ခရိုင်ဦးစီးမှူး ဦးဇော်မင်းက ဆန်စပါးမူဝါဒနဲ့ပတ်သက်ရင် နိုင်ငံတော်က သတ်မှတ်ထားတာ ပြည်တွင်းဖူလုံဖို့က အဓိကဖြစ်ကြောင်း၊ ဆန်ဈေးနှုန်း မြင့်တက် နေတဲ့အပေါ်မှာ အကြောင်းအရာက သုံးခုလောက်ရှိတယ်။ အဓိကက လှောင်လက်တွေများတယ်။ ဈေးကို တက်အောင်လုပ်ပြီးမှ ထုတ်ရောင်းတာဖြစ်တယ်။ ဒီလိုအကြောင်းတရားတွေကို စိစစ် ဖော်ထုတ်ပြီး ဆောင်ရွက်ဖို့လိုကြောင်း၊ ဈေးနှုန်းမြင့်တက်မှု မရှိရေး ကွင်းဆင်းစိစစ်သုံးသပ်ချက်များ ဌာနအနေဖြင့် တင်ပြဆောင်ရွက်ရပြီး၊ ပြည်တွင်းစားသုံးမှု ပိုလျှံသော ဆန်များကို ရန်ကုန်တင်ပို့ ခြင်းများ ၊ ရန်ကုန်မှ ပြည်ပတင်ပိုခြင်း လုပ်ငန်းများ ပြည်တွင်ကုန်သွယ်မှုဖွံ့ဖြိုးရေး လုပ်ငန်းများကို ဆောင်ရွက်လျက်ရှိကြောင်း၊  ဆန်စပါးကဏ္ဍ Supply Chain တလျောက် စဉ်ဆက်မပြတ် တိုးတက် မှုများ ဖြစ်ပေါ်စေရေးအတွက် သက်ဆိုင်ရာဌာနများနှင့် ပုဂ္ဂလိကကဏ္ဍမှ ပါဝင်ဆောင်ရွက်လျက်ရှိ သူများ ဝိုင်းဝန်း၍ ပူးပေါင်းဆောင်ရွက်ကြရမည်ဖြစ်ပါကြောင်း၊ တောင်သူလယ်သမား အခွင့်အရေး ကာကွယ်ရေးနှင့် အကျိုးစီးပွားမြှင့်တင်ရေး ဆောင်ရွက်နေသည့် လုပ်ငန်းများ အောင်မြင်စေရေး အတွက် ဝိုင်းဝန်းဆောင်ရွက်ကြရန် လိုကြောင်းပြောကြားဆွေးနွေးခဲ့ပြီး တက်ရောက်လာသူ ၁၅ ဦးမှ သိရှိလိုသည်များ မေးမြန်းဆွေးနွေးခဲ့ကြောင်း သိရသည်။

DOCA(ဧရာဝတီ)

   စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးကွပ်ကဲမှုအောက်ရှိ လှည်းကူးမြို့ နယ်ခွဲ တာဝန်ခံ ဦးထွန်းထွန်းဦးသည် (၂၄.၉.၂၀၂၅)ရက်နေ့ နံနက်(၉:၃၀)နာရီအချိန်တွင် လှည်းကူးမြို့နယ်၊ အ.မ.က(အောင်သုခ)ကျောင်းတွင် စားသုံးသူကာကွယ်ရေးအသိပညာပေး ဟောပြောခြင်း ဆောင်ရွက် ခဲ့ပါသည်။

 ထိုသို့ဟောပြောရာတွင် အခြေခံပညာမူတန်းကျောင်း(အောင်သုခ)မှ ကျောင်းအုပ်ဆရာမ ကြီး ဒေါ်သီတာဝင်းက အဖွင့်အမှာစကားပြောကြားပြီး စားသုံးသူရေးရာဦးစီးဌာနမှ လှည်းကူးမြို့နယ် ခွဲတာဝန်ခံ ဦးထွန်းထွန်းဦးက ဌာန၏မျှော်မှန်းချက်၊ ရည်မှန်းချက်၊ စားသုံးသူအခွင့်အရေးနှင့်တာဝန် များ၊ ကုန်အညွှန်းအမှတ်အသားဖော်ပြချက်များဆိုင်ရာနှင့်စားသုံးရန် မသင့်သည့်အစားအစာများကို ကျောင်းသား/ကျောင်းသူတို့အား အသိပညာပေးပြောကြားခဲ့ပြီး ဟောပြောပွဲသို့ ကျောင်းသား/ ကျောင်းသူ(၆၅)ဦးတက်ရောက်ခဲ့ကြောင်း သိရှိရပါသည်။

 DOCA (ရန်ကုန်)

   (၂၃.၉.၂၀၂၅)ရက်နေ့ နံနက်(၁၁:၁၀)နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်း ခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ(၄)ဦးတို့သည် အမှတ်(၃၄၆/က)၊ ညောင်ဦး(၂)လမ်း၊ (၁၀)ရပ်ကွက်၊ ရွှေပြည်သာမြို့နယ်ရှိ MM Zay Cho Online Store လုပ်ငန်းအား မြေပြင်ကွင်းဆင်း စစ်ဆေးခြင်း လုပ်ငန်းများဆောင်ရွက်ခဲ့ပါ သည်။

   ထိုသို့ကွင်းဆင်းစစ်ဆေးရာတွင် မြေပြင်ကွင်းဆင်းစစ်ဆေးရမည့်အချက်(၁၈)ချက်နှင့်ကိုက်ညီ မှုရှိ/မရှိကို DOCA Application တွင် ထည့်သွင်း၍ စစ်ဆေးခဲ့ပြီး မှတ်ပုံတင်လက်မှတ်ရရှိသူ၏တာဝန် များနှင့်စပ်လျဉ်း၍ လိုက်နာဆောင်ရွက်ရမည့်အချက်များနှင့် စီးပွားရေးလုပ်ငန်းရှင်၏ လိုက်နာရမည့် တာဝန်များအကြောင်း အသိပညာပေးကွင်းဆင်းစစ်ဆေးခဲ့ကြောင်း သိရှိရပါသည်။

 DOCA (ရန်ကုန်)

   စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ(၄)ဦး တို့သည် (၂၃.၉.၂၀၂၅)ရက်နေ့ နံနက်(၉:၁၀)နာရီအချိန်တွင် အမှတ်(၈၀၀)၊ အောင်သုခလမ်း၊ စော်ဘွားကြီးကုန်းရပ်ကွက်၊ အင်းစိန်မြို့နယ်ရှိ Pont BKK Food & Snacks အွန်လိုင်းလုပ်ငန်းအား မြေပြင်ကွင်းဆင်း စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

    ထိုသို့မြေပြင်ကွင်းဆင်းစစ်ဆေးရာတွင် Pont BKK Food & Snacks လုပ်ငန်းပိုင်ရှင် ဒေါ်နှင်းအေးဖြူနှင့်တွေ့ဆုံကာ ဆွေးနွေးရာ၌ e-Commerce Registration စနစ်မှ တစ်ဆင့် လျှောက်ထားသော အွန်လိုင်းစနစ်နဲ့ရောင်းချခြင်းလုပ်ငန်းများ၏ လျှောက်လွှာများနှင့် သက်တမ်းတိုး လျှောက်လွှာများကို သက်ဆိုင်ရာတာဝန်ရှိသူများက ဖော်ပြပါအချက်အလက်များ မှန်ကန်မှုရှိမှသာ Online Sale လုပ်ငန်းမှတ်ပုံတင်လက်မှတ်များ ထုတ်ပေးသွားမှာဖြစ်သည့် အတွက် မှန်ကန်စွာ ဖြေကြားပေးရန်နှင့် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင် များ လိုက်နာရမည့် တာဝန်များအကြောင်း အသိပညာပေးပြောကြားခဲ့ကြောင်း သိရှိရပါသည်။

DOCA (ရန်ကုန်)