သတင်းနှင့် လှုပ်ရှားမှုများ

        ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ပုသိမ်ခရိုင် ငပုတောမြို့နယ် တာဝန်ခံ ဦးဇော်မင်းဦးနှင့်ဝန်ထမ်းများသည် (၂၀.၉.၂၀၂၅)ရက်နေ့ နံနက်(၁၀:၀၀)အချိန်တွင် ငပုတောမြို့နယ်၊ အုန်းပင်စုကျေးရွာ သန္တိသုခကျောင်း မြရတနာဓမ္မာတွင် ရပ်ကွက်နေပြည်သူများအား စားသုံးသူအသိပညာ ပေးဟောပြော ဆောင်ရွက်ခဲ့ပါသည်။

       ထို့သို့ဟောပြောဆောင်ရွက်ရာတွင် စားသုံးသူရေးရာဦးစီးဌာန၊ ငပုတောမြို့နယ်တာဝန်ခံမှ ဦးစွာမိတ်ဆက်စကားပြောကြားပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန် ထားသော စားသုံးသူကာကွယ်ရေးဥပဒေ (၂၀၁၉)ပါ ပြဌာန်းချက်များမှ စားသုံးသူ၏ အခွင့်အရေးနှင့် တာဝန်များ၊ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊ စားသုံးသူ ကာကွယ်ရေးဥပဒေအခန်း(၁၈)ပါ ပုဒ်မခွဲ(ခ)နှင့် (ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် တစ်ခြားဘာသာတစ်ခု (သို့) တစ်ခုထက်ပို၍ တွဲလျက် ဖြစ်စေရေးသားဖော်ပြရမည်ဖြစ်ကြောင်းဟောပြောဆွေးနွေးခဲ့ပါသည်။ စားသုံးသူကာကွယ်ရေး ဥပဒေပါ အချက်အလက်များသိရှိလိုပါက ခရိုင်စားသုံးသူရေးရာဦးစီးမှူးရုံးတွင်လည်းကောင်း၊ စားသုံးသူရေးရာဦးစီးဌာနရုံးချုပ်၏ www.doca.gov.mm.website တွင်လည်းဝင်ရောက်ကြည့်ရှု လေ့လာနိုင်ကြောင်း၊ စားသုံးသူများနစ်နာမှုရှိပါက စားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးစင်တာ CICC သို့ လူကိုယ်တိုင်ဖြစ်စေ၊ တယ်လီဖုန်းဖြင့်ဖြစ်စေ တိုင်ကြား နိုင်ပါကြောင်းအသိပေးဟောပြောခဲ့ပြီး ထို့ဟောပြောပွဲသို့ ရပ်ကွက်နေပြည်သူ စုစုပေါင်း (၆၀) ဦး ခန့်တက်ရောက်ခဲ့ကြပါသည်။

(DOCA ဧရာဝတီ)

            ဒေးဒရဲမြို့နယ်စားသုံးသူရေးရာဦးစီးဌာနမှမြို့နယ်တာ၀န်ခံနှင့်၀န်ထမ်းတို့သည်၂၀၂၅ခုနှစ် စက်တင် ဘာလ၂၄ရက်နေ့၊ နံနက်၁၀နာရီအချိန်တွင်ဒေးဒရဲမြို့အမှတ်၂ရပ်ကွက် ဗိုလ်ချုပ်လမ်းရှိ "ဖြိုးဟိန်း"စက်မှုလက်မှုလုပ်ငန်းသို့သွားရောက်ပြီးSMEလုပ်ငန်း ဖွံ့ဖြိုးတိုးတက်စေရေးအတွက် ကွင်းဆင်းစိစစ်ခဲ့ကြပါသည်။
       အဆိုပါကွင်းဆင်းရာတွင် မြို့နယ်တာ၀န်ခံက"ဖြိုးဟိန်း"စက်မှုလက်မှုပိုင်ရှင် ကိုထက်ဝေယံ ဖြိုးအားထုတ်လုပ်သည့်ပစ္စည်းများနှင့်ပတ်သက်၍မေးမြန်းရာတွင်အနိမ့်တင်ရေစက်များ၊ရေတင်ပိုက်လုံးများကို အဓိကထားထုတ်လုပ်လျက်ရှိပြီး ဒေးဒရဲကျေးရွာများမှလာရောက်၀ယ်ယူ ကြောင်းအရင်းအနှီးအနေဖြင့် ကျပ်သိန်း၂၅၀ခန့်ရှိပြီးလုပ်သားဦးရေမှာ မိမိအပါအ၀င် သုံး ယောက်နှင့်လည်ပတ်လျက်ရှိပြီး တစ်ဦးလျှင်လစာအနေဖြင့် ၁၅၀၀၀၀ကျပ် ဖြစ်ကြောင်းပြော ကြား ခဲ့ပြီး မြို့နယ်တာ၀န်ခံမှလိုအပ်သည်များ မှာကြားခဲ့ကြောင်းသတင်းရရှိပါသည်။

DOCA (ဧရာဝတီ)

          ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ် စားသုံးသူရေးရာ ဦးစီးဌာနမှ ဆန်စက် လုပ်ငန်းရှင်များအား ဆန်ထွက်ပစ္စည်းများ ဈေးကွက်အတွင်း ဖြန်ဖြူး ရောင်းချရာတွင် ထုတ်ကုန်လုံခြုံ စိတ်ချမှုရှိစေရေးအတွက် အသိပညာပေး ဆွေးနွေးခြင်းကို စက်တင်ဘာလ(၂၃)ရက်နေ့ နံနက်ပိုင်းက မြို့နယ်အတွင်းရှိ ဆန်စက်များသို့ ကွင်းဆင်း ဆောင်ရွက်ခဲ့ကြောင်း သိရသည်။

         ကျိုက်လတ်မြို့နယ်အတွင်းရှိ ဆန်စက်လုပ်ငန်းရှင်များအား ဆန်ထွက်ပစ္စည်းများ ဈေးကွက်အတွင်း ဖြန့်ဖြူးရောင်းချရာတွင် ထုတ်ကုန် လုံခြုံစိတ်ချမှုရှိစေရေး အသိပညာပေးခြင်းနှင့် ဆန်စက်လုပ်ငန်း ဖွံ့ဖြိုးတိုးတက်စေရေးအတွက် မြို့နယ်စီမံ ခန့်ခွဲရေးနှင့် အုပ်ချုပ်ရေး ကော်မတီ ဥက္ကဋ္ဌ ဦးမင်းအောင် နှင့်အဖွဲ့ဝင်များ၊ မြို့နယ်စားသုံးသူရေးရာ ဦးစီးဌာနမှ မြို့နယ်ဦးစီးမှူး ဦးမိုးမင်းသန်း တို့က ဆန်စက် လုပ်ငန်းရှင်များနှင့် တွေ့ဆုံဆွေးနွေးခဲ့ပြီး ဆန်၊ စပါး ဈေးနှုန်းနှင့် ဈေးကွက်အခြေအနေများကိုလေ့လာ စုံစမ်းခဲ့ကြောင်း သိရသည်။

DOCA (ဧရာဝတီ)

           ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့နယ်၊ အထွေထွေအုပ်ချုပ်ရေးဦးစီးဌာန၊ အစည်း အဝေး ခန်းမတွင်  စက်တင်ဘာ (၂၀)ရက်နေ့၊ နံနက်(၁၀)နာရီခွဲ အချိန်က ၂၀၂၅-၂၀၂၆ ဘဏ္ဍာရေးနှစ် နိုင်ငံ့စီးပွားမြှင့်တင်ရေး ရန်ပုံငွေ(၈)ဘီလီယံဖြင့် မတည်ထောက်ပံ့ငွေ ပေးအပ်ပွဲ အခမ်းအနား ကျင်းပသည်။

           အဆိုပါအခမ်းအနားသို့ မြို့နယ်စီမံခန့်ခွဲရေးနှင့် အုပ်ချုပ်ရေး ကော်မတီ ၊ ဥက္ကဌ ဦးဇော်ဝင်းလှိုင်နှင့် ကော်မတီဝင်များ၊ မြို့နယ်နိုင်ငံ့စီးပွားမြှင့်တင်ရေး စီမံကိန်း ကြီးကြပ်မှုကော်မတီဝင် ဌာနဆိုင်ရာများ၊ နိုင်ငံ့စီးပွားမြှင့်တင်ရေး ရန်ပုံငွေဖြင့် ထောက်ပံ့ချေးငွေ ရယူကြမည့် မြို့နယ်တွင်းမှ လုပ်ငန်းရှင်များ တက်ရောက်ကြပြီး အခမ်းအနားတွင် မြို့နယ်နိုင်ငံ့စီးပွားမြှင့်တင်ရေး စီမံကိန်း ကြီးကြပ်မှုကော်မတီ၊ ဥက္ကဌ ဦးဇော်ဝင်းလှိုင်က နိုင်ငံတော်အစိုးရအနေဖြင့် နိုင်ငံတစ်ဝှမ်းမှ လုပ်ငန်းရှင်များအား ပိုမိုတိုးတက်သောလုပ်ငန်းများ ဆောင်ရွက်နိုင်ရေး၊ ဖွံ့ဖြိုးတိုးတက်ရေး အတွက် အထောက်အပံ့ဖြစ်ရန် အတိုးနှုန်း(၀.၅)ရာခိုင်နှုန်းဖြင့်သာ ထောက်ပံ့ချေးငွေ ထုတ်ပေးသည့်အတွက် ချေးငွေရယူကြသူ များအနေဖြင့် မိမိတို့လုပ်ငန်းတိုးတက်ဖွံ့ဖြိုးရေးအတွက်သာ အကျိုးရှိရှိ အသုံးချကြရန် အမှာစကား ပြောကြားပြီး မြို့နယ်နိုင်ငံ့စီးပွားမြှင့်တင်ရေး စီမံကိန်း ကြီးကြပ်မှုကော်မတီအတွင်းရေးမှူး၊ မြို့နယ် စီမံကိန်းဦးစီးမှူး ဒေါ်မာမာဆွေက ချေးငွေထုတ်ချေးမှုနှင့်ပတ်သတ်သည်များ၊ လိုအပ်သည့် လမ်းညွှန်မှု များအား ရှင်းလင်းမှာကြားဆွေးနွေးသည်။ထို့နောက် တာဝန်ရှိသူများက မြို့နယ်အတွင်းရှိ လယ်ယာကဏ္ဍနှင့် စိုက်ပျိုးရေး၊ မွေးမြူရေး၊ စားသောက်ကုန်လုပ်ငန်း စသော လုပ်ငန်းအဖွဲ့(၁၂)ဖွဲ့အတွက် ချေးငွေကျပ် သန်း(၂၅၀)အား လုပ်ငန်းအဖွဲ့များ လက်ဝယ်အရောက် ပေးအပ်ခဲ့ကြောင်း သိရသည်။

DOCA (ဧရာဝတီ)

     ဧရာဝတီတိုင်းဒေသကြီး၊ ဖျာပုံခရိုင် စားသုံးသူရေးရာဦးစီးဌာနရုံး၌ ခရိုင်ဦးစီးမှူး ဦးထွေးသိမ်းသည် ၂၀၂၅ ခုနှစ်၊ စက်တင်ဘာလ (၂၄)ရက်နေ့၊နံနက် (၉:၀၀) နာရီအချိန်တွင် ကျီးနှစ်ပင်ကျေးရွာရှိ အုပ်ချုပ်ရေးမှူး နှင့် ကော်မတီ အဖွဲ့ဝင်များအား ကျေးရွာနေ ပြည်သူများထံသို့  စားအုန်းဆီသက်သာသော ဈေးနှုန်းဖြင့် ဝယ်ယူနိုင်ရန် ဆီစာအုပ်များကို စနစ်တကျခွဲဝေပေးခဲ့ပါသည်။

          ခရိုင်ဦးစီးမှူးက အဆိုပါ ဆီစာအုပ်များကို ပြည်သူလူထုထံအမှန်တကယ် ရရှိနိုင်ရေးနှင့် အလွဲသုံးစားပြုလုပ်ခြင်းတို့မရှိစေရေး၊ ဌာန၏ စည်းမျဉ်းစည်းကမ်းနှင့် ညွှန်ကြားချက်များအကြောင်း၊ စားသုံးသူ၏ အခွင့်အရေးများအကြောင်းကို ရှင်းလင်းဆွေးနွေးခဲ့ပြီး ဆီစာအုပ်များကို စနစ်တကျ ခွဲဝေဖြန့်ဖြူးပေးခဲ့ကြောင်း သတင်းရရှိပါသည်။

DOCA (ဧရာဝတီ)