သတင်းနှင့် လှုပ်ရှားမှုများ

     ရန်ကုန်တိုင်းဒေသကြီး၊ သန်လျင်ခရိုင်၊ သန်လျင်မြို့နယ်အတွင်းရှိ Online Sale လုပ်ငန်းဆောင်ရွက်နေသည့် လုပ်ငန်းများမှ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနတွင်  Online Sale မှတ်ပုံတင်လက်မှတ် လျှောက်ထားသည့်  Neospark Digital Market နှင့် Shwe House Electronic (Online Sale) လုပ်ငန်း(၂)ခုအား မှတ်ပုံတင် ထုတ်ပေးနိုင်ရေးအတွက် ရန်ကုန်တောင်ပိုင်းခရိုင်ဦးစီးမှူးရုံးမှ ဒုတိယခရိုင်မှူး ဦးဦးသိန်းမောင် နှင့်ဝန်ထမ်းများသည် ၂၀၂၅ ခုနှစ်၊အောက်တိုဘာလ(၂၁)ရက်နေ့၊ နံနက်(၀၉:၃၀)နာရီ အချိန်တွင် ၎င်းတည်ရှိရာ လိပ်စာအတိုင်း မြေပြင်ကွင်းဆင်းစစ်ဆေးခဲ့ကြောင်း သိရှိရသည်။

      ထိုသို့ ကွင်းဆင်းစစ်ဆေးရာတွင် စစ်ဆေးရေးအရာရှိက Online စနစ်ဖြင့် ရောင်းချခြင်း လုပ်ငန်းများ ဆောင်ရွက်နေသည့် ကိစ္စနှင့်ပတ်သတ်၍ ကုန်သွယ်ရေးဦးစီးဌာနတွင် Online Sale မှတ်ပုံတင်လက်မှတ်ပြုလုပ်ရန် လျှောက်ထားလာခြင်းအပေါ် စားသုံးသူရေးရာဦးစီးဌာနမှ လျှောက်လွှာပါ အချက်အလက်များနှင့် မြေပြင်ကွင်းဆင်းစစ်ဆေးရမည့်အချက်များမှာ ကိုက်ညီ မှုရှိ/မရှိ စစ်ဆေးပြီး ကိုက်ညီမှုမရှိပါက Online Sale မှတ်ပုံတင်လက်မှတ်ထုတ်ပေးမည်မဟုတ် ကြောင်း ရှင်းလင်းပြောကြားခဲ့ကြောင်း သိရှိရသည်။ ကုန်အညွှန်းအမှတ်အသားဆိုင်ရာ ဖော်ပြရ မည့်အချက်အလက်များအား အသေးစိတ်ရှင်းလင်းပြောကြားခဲ့ပြီး Online စနစ်ဖြင့် ရောင်းချခြင်း လုပ်ငန်းသည် အရေးကြီးကုန်စည်နှင့်ဝန်ဆောင်မှု ဥပဒေအဖြစ် သတ်မှတ်ထားကြောင်း အသိပညာပေး ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

     ရန်ကုန်တိုင်းဒေသကြီး၊ သန်လျင်ခရိုင်၊ သန်လျင်မြို့နယ်ရှိ Z2K အမည်ဖြင့် အီလက်ထ ရောနစ်ပစ္စည်းရောင်းချသသည့် Online Shop ဆိုင်နှင့် ရတီခြူးအမည်ဖြင့် အဝတ်အထည်အိတ် နှင့် ဖိနပ်အမျိုးမျိုးရောင်းချသည့် Online Shop ဆိုင်များမှ Online Sale မှတ်ပုံတင်လက်မှတ် ရရှိရေး လျှောက်ထားလာမှုနှင့်ပတ်သတ်၍ လျှောက်ထားသည့် အချက်အလက်များနှင့် မြေပြင် တွင် အမှန်တကယ်ရှိသည့် အချက်အလက်များ ကိုက်ညီမှုရှိ/မရှိ တိုက်ဆိုင်စစ်ဆေးရန်အတွက် ရန်ကုန်တောင်ပိုင်းခရိုင်ဦးစီးမှူးရုံးမှ ဒုတိယခရိုင်မှူး ဦးဦးသိန်းမောင်နှင့်ဝန်ထမ်းများသည် ၂၀၂၅ ခုနှစ်၊  အောက်တိုဘာလ(၁၇)ရက်နေ့၊ နံနက် (၁၀:၀၀)နာရီအချိန်တွင် မြေပြင်ကွင်းဆင်းစစ်ဆေး ခဲ့ကြောင်း သိရှိရသည်။

      မြေပြင်ကွင်းဆင်းစစ်ဆေးရာတွင် စစ်ဆေးရေးအရာရှိမှ Online Shop လုပ်ငန်း(၂)ခုအား Online Sale မှတ်ပုံတင်လက်မှတ်ရရှိရေးအတွက် လျှောက်ထားသည် အချက်အလက်များနှင့် မြေပြင်တွင်ရှိသည့် အချက်အလက်များ မှန်ကန်မှုရှိ/မရှိ မြေပြင်ကွင်းဆင်းစစ်ဆေးခြင်းဖြစ်ပါ ကြောင်း Online Sale မှတ်ပုံတင်လျှောက်ထားသည့် အချက်အလက်များနှင့် မြေပြင်ကွင်းဆင်း သည့်အချက်အလက်များ ပြည့်စုံမှန်ကန်မှုရှိမှသာ မိမိတို့ဌာနမှ မှတ်ပုံတင်လက်မှတ်ထုတ်ပေး မည်ဖြစ်ကြောင်း ဆွေးနွေးခဲ့ပါသည်။ ထို့အပြင် ကုန်စည်အမျိုးအစားအလိုက် ကုန်အညွှန်းအမှတ် အသားဖော်ပြရာတွင် စားသုံးသူများ ဘေးအန္တရာယ်ကင်းရှင်းစွာ သုံးစွဲနိုင်ရန်အလိုဌာ သက်ဆိုင် ရာဌာန၏ ထောက်ခံချက် ညွှန်ကြားချက်များနှင့် ကုန်အညွှန်းအမှတ်အသားများအား မြန်မာဘာ သာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု(သို့မဟုတ်) တစ်ခုထက်ပို၍ တွဲလျက် ဖြစ်စေ ရေးသားဖော်ပြရမည်ဖြစ်ကြောင်းနှင့်  Online Sale နှင့်ပတ်သတ်သည့် လိုက်နာဆောင် ရွက်ရမည့်အချက်များအား ရှင်းလင်းဆွေးနွေး အသိပညာပေး ကွင်းဆင်းခဲ့ကြောင်း သိရှိရသည်။

DOCA(ရန်ကုန်)

      ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် ရပ်ကွက်များနှင့်စည်ပင်သာယာ မြို့မဈေးအတွင်း/အပြင်ရှိ ဆေးဆိုင်များသို့ အောက်တိုဘာလ(၂၀)ရက်နေ့၊ နံနက်(၀၈:၃၀)နာရီ အချိန်တွင် ဖြန့်ဖြူးရောင်းချလျက်ရှိသော ဆေးဝါးများ၏ ဈေးနှုန်းပြောင်းလဲမှု အခြေအနေအား ဈေးကွက်စောင့်ကြည့် ကွင်းဆင်းစစ်ဆေးခဲ့ကြောင်း သိရသည်။

     ထိုသို့ ဈေးကွက်စောင့်ကြည့် ကွင်းဆင်းစစ်ဆေးခဲ့ရာတွင် ကော့မှူးမြို့နယ် စားသုံးသူရေး ရာဦးစီးဌာနမှ မြို့နယ်တာဝန်ခံ ဦးတင်မင်းနှင့် ဒုတိယဦးစီးမှူး ဒေါ်နီလာဝင်း၊ မြို့နယ်ကျန်းမာရေး ဦးစီးဌာနမှ ကျန်းမာရေးဆရာမ ဒေါ်မြတ်ပန်းဝတ်ရည်အေးနှင့် မြို့နယ်စည်ပင်သာယာရေးအဖွဲ့မှ မြို့မဈေးတာဝန်ခံ ဦးအေးသွင်တို့ ပူးပေါင်းအဖွဲ့ဖြင့် ဗိုလ်ချုပ်လမ်း၊ မြို့မရပ်ကွက်ရှိ အောင်သစ္စာ ဆေးဆိုင်၊ ဗိုလ်ချုပ်လမ်း မကျီးတန်းရပ်ကွက်ရှိ ဇာနည်ဆေးဆိုင်နှင့် စည်ပင်သာယာမြို့မဈေး အတွင်း/အပြင်ရှိ ဆေးဆိုင်များဖြစ်သော မေခလာ၊ အေးမင်းစိုး၊ ဝင်းလဲ့ရည်စိုး ဆေးဆိုင်တို့တွင် ဖြန့်ဖြူးရောင်းချလျက်ရှိသော ဆေးဝါးများတွင် အစားအသောက်နှင့်ဆေးဝါးကွပ်ကဲရေးဦးစီးဌာန ၏ ခွင့်ပြုထောက်ခံချက်ရှိ/မရှိ၊ သက်ဆိုင်ရာဌာနများမှ တားမြစ်ထားသော ဆေးဝါးများ ရောင်းချ ခြင်းရှိ/မရှိ ကွင်းဆင်းစစ်ဆေးခဲ့ပြီး ဆိုင်ပိုင်ရှင်စီးပွားရေးလုပ်ငန်းရှင်များအား စံချိန်စံညွှန်းများနှင့် ကိုက်ညီမှုရှိသော ဆေးဝါးများ၊ သက်ဆိုင်ရာဌာနများ၏ ခွင့်ပြုထောက်ခံချက်ပါရှိသော ဆေးဝါး များကိုသာ ဝယ်ယူဖြန့်ဖြူးရောင်းချကြရန် စားသုံးသူကာကွယ်ရေး အသိပညာပေး ဆွေးနွေးပြော ကြားခဲ့ပြီး ဆေးဝါးများ၏ ဈေးနှုန်းများအား စာရင်းကောက်ယူ ဈေးကွက်စောင့်ကြည့် ကွင်းဆင်း စစ်ဆေးခဲ့ကြောင်း သိရှိရပါသည်။

DOCA(ရန်ကုန်)

    ရန်ကုန်အရှေ့ပိုင်းခရိုင်စားသုံးသူရေးရာဦးစီးမှူးရုံးမှဒေါ်လဲ့လဲ့ဌေး(ဒု-ဦးစီးမှူး)နှင့်ဝန်ထမ်း များသည် (၂၁-၁၀-၂၀၂၅)ရက် နေ့၊ နေ့လယ်(၁၃:၀၀)အချိန်တွင်တာမွေမြို့နယ် (2000)စက်သုံးဆီ အရောင်းဆိုင်များသို့သွားရောက်၍  ကွင်းဆင်းစစ်ဆေးခြင်း  ဆောင်ရွက်ခဲ့ပါသည်။

     ထိုသို့စစ်ဆေးခြင်းဆောင်ရွက်ရာတွင် ယနေ့ရောင်းဈေးတစ်လီတာလျှင်(92-၂၇၀၅ကျပ် )၊ (95-၂၇၉၀ကျပ်)၊ (HSD-၂၄၆၅ကျပ်)၊ (PHSD-၃၀၀၀ကျပ်)တို့ဖြင့် စက်သုံးဆီအရောင်းဆိုင်များ၏ စက်သုံးဆီရောင်းချမှုအခြေအနေများ၊ စက်သုံးဆီဈေးနှုန်း၊ စက်သုံးဆီအရည်အသွေး၊ အခြင်အတွယ်မှန်ကန်မှုရှိ/ မရှိ၊ ဆီကားရောက်ရှိမှုအခြေအနေများနှင့် ဆီလက်ကျန်အခြေအနေများအား စစ်ဆေးမေးမြန်းခြင်းဆောင်ရွက်ခဲ့ပြီး၊ မြို့နယ်အတွင်း စက်သုံးဆီပြတ်လပ်မှုမရှိစေရေးနှင့် စက်သုံးဆီဈေးနှုန်း အဆမတန်မြှင့်တင်ရောင်းချမှုများမရှိစေရေး အသိပေးဆွေးနွေးခဲ့ကြောင်း သိရှိရပါသည်။

DOCA (ရန်ကုန်)

  စစ်ကိုင်းတိုင်းဒေသကြီး ကန့်ဘလူခရိုင်ဦးစီးမှူးရုံး လက်အောက်ရှိ ကျွန်းလှမြို့နယ်တာဝန်ခံသည် ၂၀၂၅ ခုနှစ်၊ အောက်တိုဘာလ(၁၇)ရက်နေ့ နံနက်(၀၉;၀၀)နာရီ အချိန်တွင်  ကျွန်းလှမြို့နယ်၊ ကျီကုန်းစံပြ ကျေးရွာ အလယ်တန်းကျောင်းရှိ ကျောင်းမုန့်ဈေးဆိုင်များအား ဈေးကွက်စောင့်ကြည့်စစ်ဆေး ဆောင်ရွက်ခဲ့ ပါသည်။

          ထိုသို့ ကွင်းဆင်းစစ်ဆေးရာတွင် စားသုံးသူရေးရာဦးစီးဌာန၊ ကျွန်းလှမြို့နယ်တာဝန်ခံမှ ဦးဆောင်၍ ကျောင်းကော်အတီအဖွဲ့ဝင် ဆရာ/ဆရာများ နှင့် ပူးပေါင်း၍ ကျောင်းမုန့်ဈေးတန်းရှိ မုန့်ဆိုင်တွင် ရောင်းချ လျက်ရှိသော အစားအသောက် ကုန်စည်များတွင် ကုန်အညွန်းအမှတ်အသားများကို မြန်မာဘာသာဖြင့် အသေးစိတ်စိစစ်ချက်များအတိုင်း ဖော်ပြထားခြင်း ရှိ/မရှိ နှင့် သက်တမ်းလွန်မုန့်များ ရောင်းချနေခြင်း ရှိ/မရှိ စစ်ဆေးခဲ့ရာ  ကုန်အညွှန်းအမှတ်အသား ပြည့်စုံသောမုန့်များနှင့် မိမိတို့ ဒေသထွက် ဘေးအန္တရာယ်ကင်း လွတ်သည့် သဘာဝ အစားအစာများကို သန့်ရှင်းသပ်ရပ်စွာရောင်းချနေသည်ကို စစ်ဆေးတွေ့ရှိရပြီး  မိမိတို့ စီးပွားရေးလုပ်ငန်းရှင်များအနေဖြင့် မိမိတို့ရောင်းချသည့် မည်သည့်ကုန်စည်များတွင်မဆို စားသုံးသူကာကွယ် ရေးဥပဒေ အခန်း(၁၈)ပါ ကုန်အညွန်းအမှတ်အသားများကို မြန်မာဘာသာဖြင့် အသေးစိတ်စိစစ်ချက်များ အတိုင်း ဖော်ပြထားသည့် ကုန်စည်များ၊ သက်ဆိုင်ရာဌာန၏ ထောက်ခံချက်ပါရှိသော ကုန်စည်များကိုသာ ရောင်းချရန် နှင့် ကျောင်းသား/သူများသည် အနာဂတ်အတွက် ခေါင်းဆောင်ကောင်းများဖြစ်ပြီး ငယ်ရွယ် နုနယ်သေးသည့်အတွက် မိမိတို့စီးပွားရေးလုပ်ငန်းရှင်များအနေဖြင့် ကလေးငယ်များ ဘေးအန္တရာယ် ကျ ရောက်ပြီး ထိခိုက်နစ်နာစေမည့်  မည်သည့်ကုန်ပစ္စည်းများကိုမှ မရောင်းချရန် အသိပညာပေးခဲ့ပြီး  အမိန့် ကြော်ငြာစာအမှတ်(၂/၂၀၁၉) ကုန်အညွှန်းအမှတ်အသား အသေးစိတ်စိစစ်ချက်များပါရှိသည့် လက်ကမ်း စာစောင်များအား ဖြန့်ဝေပေးခဲ့ကြောင်း သတင်းရရှိပါသည်။

DOCA(စစ်ကိုင်း)