သတင်းနှင့် လှုပ်ရှားမှုများ

     ၂၀၂၅ ခုနှစ်၊ စက်တင်ဘာ လ ၁၁ ရက်နေ့၊ နေ့လယ် ၂း၀၀ နာရီအချိန်တွင်  တနင်္သာရီတိုင်း ဒေသကြီးဦးစီးမှူးမှ ထားဝယ်ခရိုင်ဆေးနှင့်ဆေးပစ္စည်းကုန်သည်များနှင့်လုပ်ငန်းရှင်များအသင်း မှ EC/CEC များနှင့် တွေ့ဆုံဆွေးနွေးခဲ့ပါသည်။

     ထိုသို့တွေ့ဆုံရာတွင် တိုင်းဒေသကြီးဦးစီးမှူးမှ ဆေးနှင့်ဆေးပစ္စည်းများ လက်ကားဈေးအပေါ် ပိုမိုအမြတ်တင်ရောင်းချမှုမရှိစေရေး၊ စျေးကွက်အတွင်း ဆေးနှင့်ဆေးပစ္စည်းများ ပြတ်လပ်မှုများ ရှိ/မရှိ စသည့်ကိစ္စရပ်များနှင့်ပတ်သက်၍ ရှင်းလင်းဆွေးနွေးခြင်းများဆောင်ရွက်ခဲ့ပြီး တက်ရောက်လာကြသော လုပ်ငန်းရှင်များမှ ကြုံတွေ့နေရသည့်အခက်အခဲများနှင့်ပတ်သက်၍ ဆွေးနွေးတင်ပြခြင်း ဆောင်ရွက်ခဲ့ကာ တွေ့ဆုံပွဲအား ၁၅း၀၀ နာရီအချိန်တွင် ပြီးမြောက်ခဲ့ကြောင်း သိရှိရပါသည်။

DOCA(တနင်္သာရီ)

      ၂၀၂၅ခုနှစ်၊ စက်တင်ဘာလ ၁၁ ရက်နေ့၊  ၁၀း၀၀ နာရီအချိန်တွင် စားသုံးသူရေးရာဦးစီးဌာန၊ တနင်္သာရီတိုင်းဒေသကြီးဦးစီးမှူးရုံးမှ စစ်ဆေးရေးအရာရှိနှင့် ဝန်ထမ်းများသည်  ပြည်သူ့ကျန်းမာရေး ဦးစီးဌာနဖြင့် ပူးပေါင်း၍ ထားဝယ်မြို့ပေါ်ရှိ ဆေးဆိုင်များတွင် ဆေးဝါးများပြတ်လပ်မှု ရှိ/မရှိ၊ ဆေးနှင့်ဆေးပစ္စည်းများ လက်ကားဈေးအပေါ် ပိုမိုအမြတ်တင်ရောင်းချမှုမရှိစေရေး ဆေးစျေးနှုန်း များ မြှင့်တင်ရောင်းချမှုများ ရှိ/မရှိ စစ်ဆေးခြင်းဆောင်ရွက်ခဲ့ပါသည်။

DOCA(တနင်္သာရီ)

    တနင်္သာရီတိုင်းဒေသကြီး၊ စားသုံးသူရေးရာဦးစီးဌာန၊ မြိတ်ခရိုင်ဦးစီးမှူးရုံးမှ ခရိုင်ဦးစီး မှူး ဦးမျိုးဝင်းနှင့် ဝန်ထမ်းများသည် ၂၀၂၅ခုနှစ်၊ စက်တင်ဘာလ(၁၁)ရက်နေ့တွင်  မြိတ်မြို့၊ စန္ဒဝတ်ကျေးရွာအုပ်စု၊ အားမာန်သစ်စက်သုံးဆီအရောင်းဆိုင်နှင့် ကလွင်ကျေးရွာအုပ်စု၊ Divine Energy စက်သုံးဆီအရောင်းဆိုင်တို့အားသွားရောက်၍ စက်သုံးဆီလုပ်ငန်းရှင်များနှင့် တွေ့ဆုံပြီး စက်သုံးဆီရောင်းချမှုနှင့် ပတ်သက်၍တွေ့ဆုံဆွေးနွေးခဲ့ကြောင်း သိရှိရပါသည်။

   တွေ့ဆုံဆွေးနွေးရာတွင် သတ်မှတ်ရည်ညွှန်းစျေးနှုန်းအတိုင်းရောင်းချရန်၊ သတ်မှတ်လီတာအတိုင်းပြည့်မှီအောင်ရောင်းချရန်၊ စားသုံးသူနစ်နာမှုမဖြစ်စေရေး အရည်အသွေးပြည့်မှီစွာရောင်းချရန်နှင့် သက်ဆိုင်ရာဦးစီးဌာနများ၏ လမ်းညွှန်ချက်များအတိုင် လိုက်နာဆောင် ရွက်ရန်ပြောကြားခဲ့ပါသည်။

DOCA(တနင်္သာရီ)

 ဧရာဝတီတိုင်းဒေသကြီး၊ ဖျာပုံခရိုင်ဦးစီးမှူးရုံး၊ စားသုံသူရေးရာဦးစီးဌာနမှ ဝန်ထမ်းများနှင့် ဖျာပုံမြို့နယ် ကျမ်းမာရေးဦးစီးဌာနတို့ ပူးပေါင်း၍ ၂၀၂၅ခုနှစ်၊ စက်တင်ဘာလ (၉)ရက်နေ့၊ နံနက် (၁၁:၀၀)နာရီအချိန်တွင် ဖျာပုံမြို့နယ် အ.မ.က (၄)လိပ်ဥကုန်းကျောင်းတွင် ကျောင်းသား၊ ကျောင်းသူ များအား စားသုံးသူကာကွယ်ရေးအသိပညာပေး ဟောပြောခဲ့ပါသည်။

          အဆိုပါဟောပြောပွဲတွင် စားသုံးသူရေးရာဦးစီးဌာနမှ ဝန်ထမ်းများက ကုန်အညွှန်းအမှတ် အသား ဖော်ပြချက်များဆိုင်ရာနှင့် စားသုံးသူ၏ အခွင့်အရေးနှင့် တာဝန်များ၊ ဥပဒေပုဒ်မ (၂၆)အရ စီးပွားရေးလုပ်ငန်းရှင်သည် စားသုံးသူအပေါ် ဝန်ဆောင်မှုပေးခြင်းနှင့် စပ်လျဉ်းသည့် ဖော်ပြရမည့် အာမခံချက်များနှင့် စားသုံးရန်မသင့်သည့် အစားအစာများကို ကျောင်းသား/ကျောင်းသူတို့အား အသိပညာပေးဟောပြောခဲ့ကြောင်း သတင်းရရှိပါသည်။

DOCA(ဧရာဝတီ)

    ဧရာဝတီတိုင်းဒေသကြီး၊ ဖျာပုံခရိုင်၊ ဖျာပုံမြို့နယ်သည် ဆန်/စပါးအား အဓိကစိုက်ပျိုး ထုတ်လုပ်ပြီး အခြားတိုင်းဒေသကြီးသို့ ဆန်တင်ပို့ရောင်းချခြင်းလုပ်ငန်းများ ဆောင်ရွက်လျက် ရှိရာ ၂၀၂၅ခုနှစ်၊ စက်တင်ဘာလ(၅)ရက်နေ့၊ ညနေ (၁၇:၀၀)နာရီအချိန်တွင် ဖျာပုံမြို့နယ် သလိပ်ကလေး ကျေးရွာ ရွှေပြည်မိုးဆန်စက်ဆိပ်ကမ်းသို့ ကွင်းဆင်းစစ်ဆေးခဲ့ကြပါသည်။

  အဆိုပါကွင်းဆင်းစစ်ဆေးရာတွင် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ရဲ တပ်ဖွဲ့၊ မြို့နယ်အခွန်ဦးစီးဌာန၊ မြို့နယ်စားသုံးသူရေးရာဦးစီးဌာန၊ မြို့နယ်မီးသတ်ဦးစီးဌာန၊ မြို့နယ်လဝက ဦးစီးဌာန၊ ပြည်တွင်းရေကြောင်းဦးစီးဌာန၊ မြိုနယ်ဆန်စက်လုပ်ငန်းရှင်များအသင်းနှင့်  မူးယစ်ဆေးဝါး တားဆီးနှိမ်နှင်းရေးရဲတပ်ဖွဲ့တို့ပူးပေါင်း၍ MV-သန်းတိုးအောင်ရေယာဉ်တွင် ဧည့်မထ (၃၇၀၀)အိတ်၊ ပေါ်ဆန်း(၃၀၀)အိတ်တင်ဆောင်ထားရှိမှု၊ ရေယာဉ်ကြံ့ခိုင်မှုနှင့် လိုအပ်သည့်စစ်ဆေး မှုများဆောင် ရွက်ခြင်း၊ ဆန်များသယ်ဆောင်ရာတွင် ကန့်သတ်ကုန်ပစ္စည်းများ သယ်ဆောင်ခြင်း မရှိစေရေးနှင့် တရားဥပဒေနှင့်အညီ ညီညွတ်မှုမရှိသည့်ကိစ္စရပ်များဖြစ်ပွားမှုမရှိစေရေးတို့အား ကွင်းဆင်းစစ်ဆေး ခဲ့ပြီး လိုအပ်ချက်များကိုမှာကြားခဲ့ကြောင်း သတင်းရရှိပါသည်။

DOCA(ဧရာဝတီ)