HighLight News

           စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဦးမင်းမင်းစိုး  (ဌာနခွဲစာရေး)သည် ၁၁.၈.၂၀၂၅ ရက်နေ့၊ နေ့လယ် (၁၂:၀၀) နာရီအချိန်တွင် မင်္ဂလာတောင်ညွန့်မြို့နယ်၊ ရွှေပြည်စုံဈေး၊ ခိုင်ရွှေဝါဆေးဆိုင်သို့  ဈေးကွက်စောင့်ကြည့်စစ်ဆေးခဲ့ကြောင်းသိရှိရပါသည်။

            ထိုသို့ ကွင်းဆင်းစစ်ဆေးရာတွင် ခိုင်ရွှေဝါဆေးဆိုင်တွင် ရောင်းချလျက်ရှိသော လူသုံးများသောဆေးဝါးများနှင့် ရောင်းချနေသော ဆေးဝါးများ၏ ဈေးနှုန်းများအတက်အကျရှိ/ မရှိ၊ ယခင်လဈေးနှုန်း၊ ယခုလဈေးနှုန်းများ၏ဈေးနှုန်း ကွာခြားမှုရှိ/ မရှိ၊  ဈေးကွက်များအတွင်း ဆေးနှင့်ဆေးပစ္စည်းများ ပြတ်လပ်မှုရှိ/ မရှိတို့ကိုကိုစစ်ဆေးခဲ့ပြီး ဆေးဆိုင်ပိုင်ရှင်များအား မိမိတို့ဆိုင်တွင် ဆေးဝါးမှတ်ပုံတင်မရှိဘဲ FDA မှ တားမြစ်ထားသော ဆေးဝါးများအားရောင်းချခြင်းမပြုလုပ်ကြရန်၊ အမြတ်ရာခိုင်နှုန်းများ စွာတင်၍ရောင်းချခြင်းမပြုလုပ်ဘဲ ဈေးနှုန်းမှန်ကန်စွာရောင်းချကြရန် အသိပညာပေးခဲ့ကြောင်း သိရှိရသည်။

DOCA (ရန်ကုန်)

        စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံး ကွပ်ကဲမှုအောက်ရှိ မှော်ဘီမြို့နယ်ခွဲမှ ဒေါ်ဖြူဖြူမြင့်၊ ဒုကြီးကြပ်ရေးမှူးသည် (၁၀.၈.၂၀၂၅) ရက်နေ့ နံနက် (၁၀:၃၀) နာရီအချိန်တွင် စိုက်ပျိုးရေးဦးစီးဌာန၊ မြေစာရင်းဦးစီးဌာနတို့ပူးပေါင်း၍ ဘွတ်ကြီးကျေးရွာ၊ မှော်ဘီမြို့နယ်တွင် မျိုးစေ့ချကိရိယာ (Drum Seeder) ဖြင့် စိုက်ပျိုးခြင်းနည်းပညာပေးဟောပြောပွဲ ကျင်းပခဲ့ပါသည်။

        ထိုသို့ဟောပြောပွဲတွင် တက်ရောက်လာသော တောင်သူ (၂၂) ဦးအား စိုက်ပျိုးရေးဦးစီး ဌာနမှ တောင်သူများ စိုက်ပျိုးစဉ်ကာလအတွင်း လုပ်ငန်းများ အဆင်ပြေချောမွေ့စေရန်နှင့် အခက်အခဲများအား ပူးပေါင်းညှိနှိုင်းဆောင်ရွက်သွားကြရန်၊ လျာထား (၁၈၃) ဧကတွင် စပါး အထွက်နှုန်းကောင်းစေရန် မျိုးစေ့ချကိရိယာ (Drum Seeder) ဖြင့် စိုက်ပျိုးရန် စိုက်ပျိုးရေး ကြီးကြပ်ကော်မတီမှ ကွင်းဆင်းဆောင်ရွက်ပေးမည်ဖြစ်ကြောင်း စိုက်ပျိုးခြင်းနည်းပညာပေး ဟောပြောခဲ့ကြောင်း သိရှိရပါသည်။

DOCA (ရန်ကုန်)

          စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ (၄)ဦးတို့သည် (၁၁.၈.၂၀၂၅) ရက်နေ့ နေ့လည် (၁၂:၂၀) နာရီအချိန်တွင် မင်္ဂလာဒုံမြို့နယ်ရှိ စက်မှုဇုန်လုပ်ငန်းရှင်များ၏ လယ်ယာထွက်ကုန်ပစ္စည်း၊ တိရစ္ဆာန်ထွက်ပစ္စည်း၊ ရေထွက်ပစ္စည်း၊ သတ္ထုတွင်းထွက်ပစ္စည်း၊ သစ်တောထွက်ပစ္စည်းနှင့် စက်မှုကုန်ချောပစ္စည်းများ၏ (၂၀၂၄-၂၀၂၅) ဘဏ္ဍာနှစ် ပြည်ပသို့ ပို့ကုန်တင်ပို့နိုင်မှုအား စာရင်းကောက်ယူကွင်းဆင်းခြင်းများ ဆောင်ရွက်ခဲ့ ပါသည်။

          ထိုသို့ကွင်းဆင်းစာရင်းကောက်ယူရာတွင် အမှတ်(၇)၊ ကျောင်းကြီး(၈)လမ်း၊ သင်္ဃန်းကျွန်း ကြီးရပ်ကွက်၊ မင်္ဂလာဒုံမြို့နယ်ရှိ Royal Aung Chan International Co.,Ltd မှ မန်နေဂျင်းဒါရိုက်တာဖြစ်သူနှင့်တွေ့ဆုံ၍ လယ်ယာထွက်ပစ္စည်းများဖြစ်သည့် ထုတ်ကုန်အမယ်ပြောင်း၏ တစ်နှစ်ထုတ် လုပ်နိုင်သည့်ပမာဏ၊ ပြည်ပသို့ တင်ပို့နိုင်သည့်တန်ချိန်၊ တန်ဖိုး၊ တင်ပို့သည့် နိုင်ငံတို့ကို မေးမြန်း၍ တင်ပို့မှုပုံစံသည် ပင်လယ်ရေကြောင်းမှ ကိုယ်တိုင်တင်ပို့ပါကြောင်း သိရှိရပါသည်။

DOCA (ရန်ကုန်)

          (၁၁.၈.၂၀၂၅) ရက်နေ့ နံနက် (၉:၀၀) နာရီအချိန်မှစ၍ စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ (၄) ဦးတို့သည် အမှတ် (၂၃က-၁)၊ မွေးမြူရေးထွက်ကုန် ပစ္စည်းထုတ်လုပ်ရေးဇုန်၊ လှိုင်သာယာ(အနောက်ပိုင်း)မြို့နယ်သို့ ပြည်ပသို့ ပို့ကုန်တင်ပို့မှုများအား စာရင်းကောက်ယူခြင်းလုပ်ငန်းများ ဆောင်ရွက်ခဲ့ပါသည်။

            ထိုသို့ဆောင်ရွက်ခဲ့ရာတွင် Pyae Thar Kaung Co.,Ltd မှ ပိုင်ရှင်ဖြစ်သူ ဦးကျင်စုက တိရိစ္ဆာန်ထွက်ပစ္စည်းများဖြစ်သော (ကျွဲ၊ နွား၊ သိုး၊ ဆိတ်) သားရေများအား ပင်လယ်ရေကြောင်းဖြင့် ကိုယ်တိုင်တင်ပို့သည့် တစ်နှစ်ထုတ်လုပ်နိုင်သည့်ပမာဏ၊ ပြည်ပသို့ တင်ပို့နိုင်သည့်တန်ချိန်၊ တန်ဖိုး၊ တင်ပို့သည့်နိုင်ငံများတို့ကို မေးမြန်း၍ Export တင်ပို့ရာ၌ ပင်လယ်ရေကြောင်းမှ ကိုယ်တိုင်တင်ပို့ခြင်းဖြစ်ကြောင်း သိရှိရပါသည်။

DOCA (ရန်ကုန်)

        စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်လဲ့လဲ့စိုး၊ ဒုဦးစီးမှူးပါ (၃) ဦး တို့သည် (၈.၈.၂၀၂၅) ရက်နေ့ နေ့လည် (၃:၀၀) နာရီအချိန်တွင် လှိုင်သာယာမြို့နယ်ရှိ စက်မှုဇုန် လုပ်ငန်းရှင်များ၏ လယ်ယာထွက်ကုန်ပစ္စည်း၊ တိရစ္ဆာန်ထွက်ပစ္စည်း၊ ရေထွက်ပစ္စည်း၊ သတ္ထု တွင်းထွက်ပစ္စည်း၊ သစ်တောထွက်ပစ္စည်းနှင့် စက်မှုကုန်ချောပစ္စည်းများ၏ (၂၀၂၄-၂၀၂၅) ဘဏ္ဍာ နှစ်ပြည်ပသို့ ပို့ကုန်တင်ပို့နိုင်မှုအား စာရင်းကောက်ယူကွင်းဆင်းခြင်းများ ဆောင်ရွက်ခဲ့ပါသည်။

          ထိုသို့ကွင်းဆင်းဆောင်ရွက်ရာတွင် အမှတ်(၃၉)၊ ဆိပ်ကမ်းသာလမ်း၊ ရွှေလင်ပန်းစက်မှု ဇုန်၊ လှိုင်သာယာမြို့နယ်ရှိ Green Indo Myanmar Co.,Ltd မှ တာဝန်ခံနှင့်တွေ့ဆုံကာ လယ်ယာထွက်ပစ္စည်းများဖြစ်သည့် ထုတ်ကုန်အမယ် ဆန်၊ ဆန်ကွဲတို့၏ တစ်နှစ်ထုတ်လုပ်နိုင်သည့် ပမာဏ၊ ပြည်ပသို့ တင်ပို့နိုင်သည့်တန်ချိန်၊ တန်ဖိုး၊ တင်ပို့သည့်နိုင်ငံတို့ကို မေးမြန်း၍ တင်ပို့မှုပုံစံ သည် ပင်လယ်ရေကြောင်းမှ ကိုယ်တိုင်တင်ပို့ပါကြောင်း သိရှိရပါသည်။

DOCA (ရန်ကုန်)