ပြည်ပကုန်သွယ်မှုသတင်းများ

     ဥရောပသမဂ္ဂ-ဗီယက်နမ် လွတ်လပ်သောကုန်သွယ်ရေးသဘောတူညီချက် (EVFTA) အသက်ဝင်ပြီးနောက် ဗီယက်နမ်သည် ပိုလန်ထံမှ လတ်ဆတ်သောဘလူးဘယ်ရီသီးများ တရားဝင်တင်သွင်းရန် လိုင်စင်ရရှိခဲ့ပြီး နှစ်နိုင်ငံကြားစိုက်ပျိုးရေးဆိုင်ရာပူးပေါင်းဆောင်ရွက်မှု တွင် မှတ်တိုင်တစ်ခုစိုက်ထူနိုင်ခဲ့ကြောင်း သိရပါသည်။ ပိုလန်ရှိဗီယက်နမ်ကုန်သွယ်ရေးရုံး၏အဆိုအရ ဗီယက်နမ်နှင့် ပိုလန်အစိုးရသည် ပိုမိုမျှတသောကုန်သွယ်ရေးဆက်ဆံမှုရရှိရန် စီမံချက်များ ချမှတ်ခဲ့ကြောင်း သိရပါသည်။ စီမံချက်များထဲမှ တစ်ခုသည် ပြည်တွင်းထုတ်လုပ်မှု ကိုတိုက် ရိုက်မယှဉ် ပြိုင်နိုင်သည့် စက်ပစ္စည်းများ၊ တပ်ဆင်ပစ္စည်းများကို တင်သွင်းမှုတိုးချဲ့ရန်ဖြစ်ကြောင်း သိရပါသည်။ ထိုမဟာဗျူဟာအရ ပိုလန်ရှိဗီယက်နမ်သံရုံးသည် ပိုလန်၏အရည်အသွေးမြင့် စိုက်ပျိုးရေး ထုတ်ကုန်များကို ဗီယက်နမ်စားသုံးသူများအတွက်တင်သွင်းရာတွင် လွယ်ကူချောမွေ့ စေရေး အတွက် နှစ်နိုင်ငံစလုံးမှစိုက်ပျိုးမွေးမြူရေးဝန်ကြီးဌာနများနှင့် ညှိနှိုင်းဆွေးနွေးခဲ့ကြောင်း သိရပါသည်။ ၎င်းသည်အပြန်အလှန်ကုန်သွယ်ရေးဆက်နွယ်မှုအားကောင်းစေရုံသာမက ဗီယက်နမ် စားသုံးသူများအား ကျယ်ပြန့်သောသမပိုင်းဇုန်သစ်သီးများစားသုံးနိုင်ရန်နှင့် ပြည်တွင်း စားသုံးသူ များအကျိုးကျေးဇူးရရှိရန်အတွက် ပြည်ပရောင်းချသူများအကြား ယှဉ်ပြိုင်နိုင်စွမ်း အရှိန်မြှင့်တင် ပေးနိုင်ကြောင်း သိရပါသည်။ ၂၀၂၃ ခုနှစ်နှင့် ၂၀၂၄ ခုနှစ်တွင် အသားတင်သွင်း ရန်လိုင်စင်ရရှိပြီး နောက် ဗီယက်နမ်စိုက်ပျိုးမွေးမြူရေးနှင့် သဘာဝပတ်ဝန်းကျင်ဝန်ကြီးဌာနမှ ကိုယ်စားလှယ်အဖွဲ့သည် ပိုလန်ဘလူးဘယ်ရီစိုက်ခင်းများနှင့် ပြုပြင်ထုတ်လုပ်သည့်လုပ်ငန်းများ အား စစ်ဆေးခဲ့ကြောင်း သိရပါသည်။ ကုန်သွယ်ရေးရုံးကဘလူးဘယ်ရီများ သည် ၎င်းတို့၏ ကောင်းမွန်သည့် အနံ့အရသာ၊ ဗီတာမင်ပါဝင်မှုမြင့်မားခြင်း၊ အရွယ်တင်နုပျိုခြင်းနှင့် ကယ်လိုရီပါဝင်မှုနည်းပါးခြင်း တို့ကြောင့် ဗီယက်နမ်တွင် လူကြိုက်များကျော်ကြားကြောင်း ပြောကြားခဲ့ပါသည်။ လတ်တလော တွင် ရောင်းချမှုအကန့်အသတ်ရှိခြင်းနှင့် မြင့်မားသည့် သယ်ယူပို့ဆောင်ရေးကုန်ကျစရိတ်တို့ ကြောင့် လတ်ဆတ်သောဘလူးဘယ်ရီသီးများသည် ဗီယက်နမ်တွင် တစ်ကီလိုဂရမ်လျှင် အမေရိ ကန်ဒေါ်လာ ၄၀ မှ ၆၀ ကြားဈေးနှုန်းရှိကြောင်း သိရပါသည်။ ပိုလန်ဘလူးဘယ်ရီသီးများဝင် ရောက်လာမှုသည် ယှဉ်ပြိုင်နိုင်စွမ်းမြှင့်တင်ရန်၊ ရွေးချယ်မှုများပြားရန်နှင့် ထိုကျန်းမာရေးအရ သင့်လျော်သောသစ်သီးကို ဗီယက်နမ် စားသုံးသူများပိုမိုစားသုံးနိုင်ရန် မျှော်မှန်းရကြောင်း သိရပါ သည်။

Vietnam Plus                                                                            

DOCA (ရန်ကုန်)

     ချီလီနိုင်ငံတွင် ကျင်းပခဲ့သည့် နိုင်ငံတကာအစားအစာနှင့်ဝန်ဆောင်မှုပြပွဲအတွင်း ချီလီ လုပ်ငန်း ၆၀ ကျော်သည် ဗီယက်နမ်ထုတ်ကုန်များ အထူးသဖြင့် ဆန်၊ သစ်သီးခြောက်၊ ကော်ဖီ၊ အေးခဲထားသောပင်လယ်စာနှင့် အသင့်စားအစားအစာများကို တင်သွင်းရန် စိတ်ဝင်စားမှုပြသခဲ့ကြောင်း သိရပါသည်။ စက်တင်ဘာလ ၃၀ ရက်နေ့မှ အောက်တိုဘာလ ၂ ရက်နေ့ထိကျင်းပခဲ့ သည့် ထိုပွဲတော်သည် သွင်းကုန်လုပ်ငန်းရှင်များ၊ ဖြန့်ဖြူးသူများ၊ ဟိုတယ်နှင့် စားသောက်ဆိုင်များ မှ ကိုယ်စားလှယ်များနှင့် တောင်အမေရိကအစားအစာနှင့် အဖျော်ယမကာလုပ်ငန်းနယ်ပယ်မှ ကျွမ်းကျင်သူများကို ဆွဲဆောင်နိုင်ခဲ့ကြောင်း သိရပါသည်။ အကျယ် ၃၄၄၄၂ စတုရန်းမီတာနှင့် ပြခန်းပေါင်း ၁၄၀၀ ကျော်ပါဝင်သည့် ထိုပွဲတော်တွင် ထောင်ပေါင်းများစွာသောလုပ်ငန်းများက ထုတ်ကုန်များ၊ ပြုပြင်ထုတ်လုပ်သည့်နည်းပညာများနှင့် ထုတ်ပိုးမှုများကို ပြသခဲ့ကြပြီး B2B ချိတ်ဆက်ခြင်းနှင့် ဆွေးနွေးပွဲများကျင်းပခဲ့ကြောင်း သိရပါသည်။ ဗီယက်နမ်သည်လည်း ပြည်တွင်းလုပ်ငန်း ၅၀ ပတ်လည်က နိုင်ငံထွက်ထုတ်ကုန်များဖြင့် ခင်းကျင်းပြသခဲ့ကြောင်း သိရပါ သည်။ ပြသခဲ့သည့်ကုန်စည်များတွင် ဆန်၊ ကော်ဖီ၊ သစ်သီးခြောက်၊ သစ်သီးဖျော်ရည်၊ ဟင်းခတ် အမွှေးအကြိုင်များ၊ အသင့်စားအစားအစာများ၊ လက်မှုပစ္စည်းများ၊ မီးဖိုချောင် သုံးပစ္စည်းများပါဝင်ကြောင်း သိရပါသည်။ ချီလီနိုင်ငံအမျိုးသားအကောက်ခွန် ဝန်ဆောင်မှုထံမှ အချက်အလက်များအရ ၂၀၂၅ ခုနှစ်၏ ပထမ ၈ လတွင်နှစ်နိုင်ငံအပြန်အလှန် ကုန်သွယ်မှု တန်ဖိုးမှာ အမေရိကန် ဒေါ်လာ ၁.၂၂ ဘီလီယံရောက်ရှိခဲ့ပြီး ၂၀၂၄ ခုနှစ်တူညီသည့် ကာလနှင့်နှိုင်းယှဉ်ပါက ၂၂.၃ ရာခိုင်နှုန်း မြင့်တက်ခဲ့ကြောင်း သိရပါသည်။ ချီလီက ဗီယက်နမ်ထံမှ အမေရိကန်ဒေါ်လာ ၁ ဘီလီယံကျော်တန်ဖိုး တင်သွင်းခဲ့ပြီး အမေရိကန်ဒေါ်လာ ၂၀၄ သန်းတန်ဖိုးတင်ပို့ခဲ့ကြောင်း သိရပါသည်။ ဗီယက်နမ်သည် လတ်တလောတွင် ချီလီ၏ ၁၂ ခုမြောက်အကြီးမားဆုံးသွင်းကုန် ဈေးကွက်ဖြစ်ကြောင်း သိရပါသည်။ ဗီယက်နမ်၏အဓိက ပို့ကုန်များတွင် စက်ပစ္စည်းများ၊ ဖုန်းများ၊ ဖိနပ်၊ ကွန်ပြူတာများ၊ အဝတ်အထည်နှင့် ဆန်တို့ပါဝင် ကြောင်း သိရပါသည်။

Vietnam Plus                                                                            

DOCA (ရန်ကုန်)

       ဖိလစ်ပိုင်နိုင်ငံသည် ကမ္ဘာ့ကုန်သွယ်ရေးအဖွဲ့အစည်း (WTO) နှင့်အတူ ငါးလုပ်ငန်းဆိုင်ရာ ထောက်ပံ့မှုကို သဘောတူညီချက်ကို ထိရောက်စွာ အကောင် အထည်ဖော် ဆောင်ရွက်ရန်အတွက် ၎င်း၏ ကတိကဝတ်ကို ပြန်လည်အတည် ပြုလိုက်ကြောင်း သိရပါသည်။ အဆိုပါသဘောတူညီမှု သည် ငါးအလွန်အကျွံ ဖမ်းဆီး ခြင်းနှင့် ရေအရင်းအမြစ်လျော့ပါးခြင်းကို ထိန်းချုပ်စေနိုင်မည့် သမိုင်းတွင် ငါးလုပ်ငန်းဆိုင် ရာထေက်ပံ့မှုဖြစ်ကြောင်း သိရပါသည်။ လူသန်းပေါင်း ၁၁၅ သန်း ကျော်နေထိုင်သော ကျွန်းစုနိုင်ငံတစ်ခုအနေဖြင့် ဖိလစ်ပိုင်နိုင်ငံသားများသည် ၎င်းတို့၏ အစား အစာနှင့် အသက်မွေးဝမ်း‌ကျောင်းကို ငါးလုပ်ငန်းအပေါ်တွင်မှီခိုလျက်ရှိပြီး အဆိုပါ မှတ်တိုင်သည် ၎င်းတို့အတွက် အလွန်အရေးပါကြောင်း သိရပါသည်။ အဆိုပါသဘောတူညီမှုသည် ရေသတ္တဝါမျိုး ကွဲများ၏ လုံခြုံရေး၊ အစားအသောက်ဖူလုံမှု နှင့် ၎င်းတို့အသက် မွေးဝမ်းကျောင်း အထူးသဖြင့် ကမ်းရိုးတန်းဒေသတွင် ငါးဖမ်းလုပ်ကိုင်လျက်ရှိသော အလုပ်များအတွက် ကာကွယ်ရာ ရောက် ကြောင်း သိရပါသည်။ WTO က အဆိုပါ သဘောတူညီချက်ကို အကောင်အထည်ဖော်ဆောင်ရွက် ရန်အတွက် နည်းပညာဆိုင်ရာ အထောက်အကူနှင့် သိုလှောင်ရုံများ တည်ဆောက်မှုများဖြင့် ထောက်ပံ့ပေးရန်အတွက် ရန်ပုံငွေများ စတင်မတည်ပြီး ဖြစ်ကြောင်း သိရပါသည်။ အဆိုပါ သဘောတူညီချက်တွင် စီမံကိန်း ၂ ခုပါဝင်ပြီး ပထမ အာမခံ စီမံကိန်းတွင် ရန်ပုံ‌ငွေပေါင်း အမေရိ ကန် ဒေါ်လာ ၅၀၀၀၀ ခန့် ထားရှိမည်ဖြစ်ပြီး ဒုတိယ အာမခံ စီမံကိန်းတွင် ရန်ပုံငွေပေါင်း အမေရိကန်ဒေါ်လာ ၃၀၀၀၀ ခန့် ထားရှိမည်ဖြစ်ကြောင်း သိရပါသည်။ အဆိုပါ ယန္တရားဖြင့် ဖိလစ်ပိုင်နိုင်ငံသည် ရေရှည်တည်တံ့ခိုင်မြဲသော ကမ်းရိုးတန်းစီမံခန့်ခွဲမှုများကို အဆင့် မြှင့်တင် နိုင်မည်ဖြစ်ပြီး ကမ်းရိုးတန်းတစ်လျှောက်ရှိ ငါးဖမ်းလုပ်သားများအတွက် ကောင်းမွန်သော အကျိုး ခံစားခွင့်များ ဖော်ဆောင်ပေးနိုင်မည်ဖြစ်ကြောင်း သိရပါသည်။ ဖိလစ်ပိုင်နိုင်ငံက အဆိုပါ သဘောတူညီမှုအကောင်အထည်ဖော်ဆောင်ရွက်ခြင်းသည် နိုင်ငံ၏ ပင်လယ်ကမ်းရိုးတန်းအရင်း အမြစ် တည်တံ့နိုင်ရေး လုပ်ဆောင်မှုကို သန်မာလာစေမည်ဖြစ်ပြီး ကမ်းရိုးအသိုက်အဝန်း၏ အနာဂတ်အတွက် ပိုမိုသေချာမှုများ ရရှိစေမည်ဖြစ်ကြောင်း ထုတ်ပြန်ကြေညာခဲ့ပါသည်။ ဖိလစ်ပိုင်နိုင်ငံမှ သံအမတ်ကြီး Manuel A.J Teehankee က WTO နှင့် သဘောတူညီမှု ရရှိခြင်း အပေါ် ကြိုဆိုလျက်ရှိကြောင်း ပြောကြားခဲ့ပါသည်။ ဖိလစ်ပိုင်နိုင်ငံသည် ဖိလစ်ပိုင်နိုင်ငံ ဖွံ့ဖြိုး တိုးတက်‌ရေးအတွက် အထောက်အကူဖြစ်စေမည့် ငါးလုပ်ငန်းရန်ပုံငွေများ တည်ဆောက် မှုကို ကြို ဆိုလျက်ရှိကြောင်း သိရပါသည်။

Source: Philstar                                                                        

DOCA (ရန်ကုန်)

   Vietnam Prosperity Bank မှ ပိုင်ဆိုင်သော စတော့ပွဲစားကုမ္ပဏီ VPBank Securities သည် ယခုလနောင်းပိုင်းတွင် ကနဦးအများပြည်သူကမ်းလှမ်းမှုတစ်ခု၌ အမေရိကန်ဒေါ်လာ ၄၈၁ သန်းခန့် မြှင့်တင်ရန် ရည်မှန်းထားကြောင်း အဆိုပါဘဏ်က အောက်တိုဘာလ ၁ ရက်နေ့တွင် ထုတ်ပြန်ကြေညာခဲ့ပါသည်။ VPBank Securities သည် IPO တွင် ရှယ်ယာပေါင်း ၃၇၅ သန်းခန့် ၂၅ ရာခိုင်နှုန်းအား ပေးဆောင်မည်ဖြစ်ကြောင်း ထုတ်ပြန်ကြေညာခဲ့ပါသည်။ အဆိုပါ ကမ်းလှမ်းမှု ကို ရှယ်ယာ တန်ဖိုးတစ်ခုလျှင် ဒေါင် ၃၃၉၀၀ နှင့်အတူ အောက်တိုဘာလ ၁၀ ရက်နေ့မှ အောက်တိုဘာလ ၃၁ ရက်နေ့တွင် စတင်လုပ်ဆောင်မည်ဖြစ်ကြောင်း သိရပါသည်။ ရှယ်ယာအစု အဝေးတစ်ခု၊ စည်းမျဥ်း အပြောင်းအလဲများနှင့် ကမ္ဘာလုံးဆိုင်ရာ ရည်ညွှန်းကိန်းပံ့ပိုးသူများမှ ရင်းနှီး မြှုပ်နှံမှု အခြေအနေ အဆင့် မြှင့်တက်မှု အလားအလာအပေါ် စိတ်ဝင်စားမှုများ မြင့်တက်ခြင်းကြောင့် ဗီယက်နမ်ရှိ IPO တွင် ရှယ်ယာကမ်းလှမ်းချက်များ များပြားလျက်ရှိ ကြောင်းသိရပါသည်။ ဗီယက်နမ်နိုင်ငံ၏ အကြီးဆုံး လုံခြုုံရေး ကုမ္ပဏီဖြစ်သည့် VPS Securities သည် IPO တွင် အမေရိန်ကန်ဒေါ်လာ ၂၀၂.၃ သန်းခန့်ကမ်းလှမ်းရန် စီမံထားကြောင်း သိရပါ သည်။

Source: CNA                                                                             

DOCA (ရန်ကုန်)

     တရုတ်နိုင်ငံ၏ ကုန်သွယ်မှုဝန်ဆောင်မှုသည် ယခုနှစ် ပထမ ၈ လအတွင်းတွင် တည်ငြိမ် သော တိုးတက်မှုကို ထိန်းသိမ်းထားနိုင်ခဲ့ပြီး စုစုပေါင်း သွင်းကုန်နှင့် ပို့ကုန်ပမာဏသည် ယွမ် ၅.၂၅ ထရီလီယံ (အမေရိကန်ဒေါ်လာ ၇၃၉ ဘီလီယံခန့်) ရောက်ရှိခဲ့ပြီး ယခင်နှစ် အလားတူ ကာလထက် ၇.၄ ရာခိုင်နှုန်း တိုးတက်ခဲ့ကြောင်း စီးပွားရေးဝန်ကြီးဌာနက စက်တင်ဘာလ ၃၀ ရက်နေ့တွင် ပြောကြားခဲ့ပါသည်။

          အထူသဖြင့် ဝန်ဆောင်မှုပို့ကုန်များသည် ၁၄.၇ ရာခိုင်နှုန်း တိုးတက်လာပြီး ယွမ် ၂.၃ ထရီ လီယံပို့ ရောက်ရှိခဲ့ပါသည်။ သွင်းကုန်များသည် ၂.၃ ရာခိုင်နှုန်းတိုးတက်လာပြီး ယွမ် ၂.၉၅ ထရီလီ ယံသို့ ရောက်ရှိခဲ့ကြောင်း ဝန်ကြီးဌာန၏ အချက်အလက်များအရ သိရှိရပါသည်။ ဝန်ဆောင်မှု ကုန်သွယ်မှု လိုငွေသည် ယခင်နှစ် အလာတူကာလနှင့် နှိုင်းယှဉ်ပါက ယွမ် ၂၂၈ ဘီလီယံ လျော့ ကျခဲ့ပါသည်။

          ပညာရေးဝန်ဆောင်မှုများသည် ကုန်သွယ်မှုတွင် ဆက်လက်တိုးတက်လျက်ရှိပြီး သွင်းကုန် နှင့် ပို့ကုန် စုစုပေါင်းသည် ယွမ် ၂.၀၃ ထရီလီယံထိ ရောက်ရှိခဲ့ရာ ယခင်နှစ်ထက် ၆.၇ ရာခိုင်နှုန်း တိုးတက်ခဲ့ပါသည်။

          ခရီးသွားဝန်ဆောင်မှု ကုန်သွယ်မှုစုစုပေါင်းသည် ယွမ် ၁.၄၅ ထရီလီယံရှိခဲ့ပြီး ယခင်နှစ် ထက် ၈.၆ ရာခိုင်နှုန်း တိုးတက်ခဲ့ပါသည်။ ၄င်းတွင် ခရီသွားဝန်ဆောင်မှု ပို့ကုန်များသည် ၅၇.၆ ရာခိုင်နှုန်း မြင့်တက်ခဲ့ကြောင်း သိရှိရပါသည်။

Source : Xinhua                                                                                

 DOCA (ရန်ကုန်)