ပြည်ပကုန်သွယ်မှုသတင်းများ

     သြစတေးလျနိုင်ငံ၏ ၂၀၂၅ ခုနှစ် ဒုတိယလပတ် စီးပွားရေးတိုးတက်မှုနှုူန်းသည် ၀.၆ ရာခိုင် နှုန်းသို့ အရှိန်မြင့်တက်လာကြောင်း စက်တင်ဘာ ၂ ရက်နေ့ တရားဝင်အချက်အလက်များအရသိရ သည်။

     သြစတေးလျနိုင်ငံစာရင်းအင်းဗျူရို (ABS) မှ စာရင်းကိန်းဂဏန်းများအရ သြစတေးလျ ပြည်တွင်းအသားတင်ထုတ်ကုန် GDP သည် ဧပြီလမှ စ၍ ဇွန်လ အဆုံးထိရှိသော ဒုတိယ သုံးလပတ်တွင် ၀.၆ ရာခိုင်နှုန်း မြင့်တက်လာခဲ့ပြီး ၂၀၂၅ ခုနှစ်၏ ပထမသုံးလပတ်က ၀.၃ ရာခိုင် နှုန်း မြင့်တက်လာခဲ့ပြီး ၂၀၂၅ ခုနှစ်၏ ပထမသုံးလပတ်က ၀.၃ ရာခိုင်နှုန်းထက်မြင့်တက်လာခြင်း ဖြစ်ကြောင်းသိရသည်။

      နှစ်စဉ်အခြေခံအားဖြင့် GDP သည် ၁.၈ ရာခိုင်နှုန်းမြင့်တက်ခဲ့ပြီး ယခုနှစ် မတ်လက ရှိခဲ့ သော ၁.၄ ရာခိုင်နှုန်းမှ မြင့်တက်လာခြင်းဖြစ်ကြောင်း သိရသည်။ ABS သည် ပထမသုံးလပတ် ၏ GDP တိုးတက်မှုနှုန်း ၀.၂ ရာခိုင်နှုန်းကို အစီအရင်ခံတင်ပြခဲ့သော်လည်း စက်တင်ဘာ ၃ ရက်နေ့ တွင် ၀.၃ ရာခိုင်နှုန်းသို့ ပြန်လည်ပြင်ဆင်ခဲ့ကြောင်းသိရသည်။

Source : Xinhua                                                                             

    DOCA (ရန်ကုန်)

    လွန်ခဲ့သည့် ဆယ်နှစ်ခွဲကျော်ကြာ စစ်မက်ဖြစ်ပွားနေသော နိုင်ငံအပေါ် ဒဏ်ခတ်ပိတ်ဆို့မှု များကို ဇွန်လတွင် ရုပ်သိမ်းပြီးနောက် ၁၄ နှစ်အတွင်း ဆီးရီးယားသည် ၎င်း၏ ပထမဆုံးသော ရေနံစိမ်းကို တင်ပို့ရောင်းချခဲ့သည်။ ဆီးရီးယားစွမ်းအင်ဝန်ကြီးဌာနမှ ရေနံနှင့်သဘာဝဓာတ်ငွေ့ ဆိုင်ရာ လက်ထောက်ညွှန်ကြားရေးမှူး Riyad al-Joubasi နှင့် ဆက်စပ်လျက်ရှိသော B Serve Energy ထံသို့ ကုန်ပစ္စည်းများရောင်းချရန် သဘောတူညီချက်အရ ဆီးရီးယားနိုင်ငံမှ စက်တင်ဘာ ၁ ရက်နေ့တွင် ရေနံစိမ်းစည်ပေါင်း ၆၀၀၀၀၀ တင်ပို့ ခဲ့ကြောင်း ၊ ဆီးရီးယားတွင် ၁၄ နှစ်ကြာ ပြည်တွင်းစစ်နှင့် ရော့စီစစ်ပွဲများကြောင့် တရားဝင်ရေနံတင်ပို့မှုကို ရပ်တန့်ခဲ့ပြီး အရေးကြီးသော အခြေခံအဆောက်အအုံများ ပျက်စီးခဲ့ကြောင်းသိရသည်။ စစ်မဖြစ်မီက ဆီးရီးယားသည် တစ်နေ့ လျှင် ရေနံစည်ပေါင်း ၃၈၀,၀၀၀ (bpd) တင်ပို့ခဲ့သည်။ ဆီးရီးယားခေါင်းဆောင် Bashar al-Assad သည် ၂၀၂၄ ခုနှစ် ဒီဇင်ဘာလတွင် ဖြုတ်ချခံခဲ့ရပြီး ၎င်းနေရာကို ဆက်ခံသော အစ္စလာမ္မစ် ဦးဆောင်သော အစိုးရသည် နိုင်ငံကို ပြန်လည်ထူထောင်ရန်နှင့် ၎င်း၏စီးပွားရေးကို ပြန်လည် ရှင်သန်စေမည်ဟု ကတိပြုခဲ့သည်။ စီးပွားရေးကို မြှင့်တင်ရန် နည်းလမ်းတစ်ခုမှာ ရေနံထုတ်လုပ် မှုနှင့် ပို့ကုန်များ ပြန်လည်ရရှိရေးဖြစ်သည်။ ၁၄ နှစ်ကြာပြည်တွင်းစစ်အတွင်း အရှေ့မြောက်ဘက် တွင် အများစုနေထိုင်သော ဆီးရီးယာရှိ ရေနံမြေများသည် အကြိမ်ပေါင်းများစွာ လက်ပြောင်းခဲ့ သည်။ အရှေ့မြောက်နယ်မြေကို ကာ့ဒ်ဦးဆောင်သော အာဏာပိုင်များက ချုပ်ကိုင်ထားသည်။ ကာ့ဒ်များသည် ဖေဖော်ဝါရီတွင် ဆီးရီးယားဗဟိုအစိုးရထံ ရေနံစိမ်းများ စတင်ထောက်ပံ့ခဲ့သည်။ ထို့နောက် ဇွန်လတွင် အမေရိကန်သမ္မတ ဒေါ်နယ်ထရန့်သည် နိုင်ငံ၏တည်ငြိမ်ရေးနှင့် ငြိမ်းချမ်း ရေးလမ်းစဉ်ကို ပံ့ပိုးပေးရန်အတွက် ဆီးရီးယားနိုင်ငံအပေါ် ပိတ်ဆို့အရေးယူမှုအစီအစဉ်ကို ရပ်ဆိုင်းရန်  အမိန့်တစ်ရပ်ကို လက်မှတ်ရေးထိုးခဲ့သည်။ အဆိုပါအမိန့်သည် ဆီးရီးယားအပေါ် ပိတ်ဆို့အရေးယူမှုများကို ဖယ်ရှားခဲ့သော်လည်း Bashar al-Assad (ရုရှားတွင် ခိုလှုံခွင့်ရသည်ဟု ယူဆရသော)၊ ၎င်း၏လုပ်ဖော်ကိုင်ဖက်များ၊ လူ့အခွင့်အရေးချိုးဖောက်သူများ၊ မူးယစ်ဆေးဝါး ရောင်းဝယ်ဖောက်ကားသူများ၊ ဓာတုလက်နက်ဆိုင်ရာ လှုပ်ရှားမှုများ၊ ISIS သို့မဟုတ် ယင်း၏ လုပ်ငန်းခွဲများနှင့် အီရန် proxies များအပေါ် ပိတ်ဆို့အရေးယူမှုများ ဆက်လက် ထားရှိခဲ့သည်။ Baker Hughes၊ Hunt Energy နှင့် Argent LNG တို့သည် ဆီးရီးယားနိုင်ငံ၏ ရေနံ၊ သဘာဝဓာတ်ငွေ့နှင့် လျှပ်စစ်ကဏ္ဍအတွက် ပင်မစီမံကိန်းကို ရေးဆွဲမည်ဖြစ်ကြောင်း Argent LNG အမှုဆောင်အရာရှိချုပ် Jonathan Bass က ဇူလိုင်လတွင်  Reuters သို့ ပြောကြားခဲ့သည်။

Source : Nationthailand                                                                    

DOCA (ရန်ကုန်)

      ရုရှားစက်မှုလက်မှုနှင့် ကုန်သွယ်မှုဝန်ကြီးဌာန၏ထုတ်ပြန်ချက်အရ စက်တင်ဘာ ၂ ရက် နေ့တွင် နိုင်ငံတွင်း ကားသစ်ရောင်းအားသည် ၂၀၂၅ ခုနှစ် ဇန်နဝါရီမှ သြဂုတ်လအတွင်း ၂၅ ရာခိုင်နှုန်း ကျဆင်းသွားခဲ့ကြောင်း သိရသည်။ ဝန်ကြီးဌာန၏ အဆိုအရ ရုရှားနိုင်ငံ၌ ကားသစ် ရောင်းချမှုသည် ခရီးသည်တင်ကားများ၊ အပေါ့စားလုပ်ငန်းသုံးယာဉ်များ (LCVs)၊ ထရပ်ကားများ နှင့် ဘတ်စ်ကားများအပါအဝင် စုစုပေါင်းကားအစီးရေ ၈၇၇,၆၀၀ စီး ရောင်းချခဲ့ရပြီး ပြည်တွင်း၌ ကားသစ်ရောင်းချမှုမှာ အစီးရေ ၄၈၃,၀၀၀ မှ ၆ ရာခိုင်နှုန်းအထိ ကျဆင်းသွားကြောင်း ဝန်ကြီးဌာန ၏ ထုတ်ပြန်ချက်အရသိရသည်။ အထူးသဖြင့် ခရီးသည်တင်ကားရောင်းအား ၂၃ ရာခိုင်နှုန်း ကျဆင်းခဲ့ပြီး အစီးရေ ၇၆၈၂၀၀ မှ LCV ရောင်းအား ၂၁ ရာခိုင်နှုန်း ကျဆင်းသွားခဲ့ပြီး ထရပ်ကားနှင့် ဘတ်စ်ကားရောင်းအားမှာ ၅၆ ရာခိုင်နှုန်းမှ ၃၅,၉၆၀ စီးနှင့် ၄၉ ရာခိုင်နှုန်းမှ အစီးရေ ၇,၀၀၀ အသီးသီး ကျဆင်းသွားခြင်း ဖြစ်ကြောင်းသိရသည်။ ဩဂုတ်လတစ်ရက်တည်းတွင်ပင် မော်တော် ယာဉ်သစ်ရောင်းအားမှာ တစ်နှစ်ထက်တစ်နှစ် ၂၁ ရာခိုင်နှုန်း ကျဆင်းသွားခဲ့ပြီး အစီးရေ ၁၃၅,၅၀၀ ရှိခဲ့သည်။ သို့သော် လစဉ်ရောင်းအားမှာ ၁ ရာခိုင်နှုန်း တက်လာကြောင်းသိရသည်။

Source : Nationthailand                                                                  

  DOCA (ရန်ကုန်)

     ဝါရှင်တန်နှင့် ပေကျင်းကြား ကုန်သွယ်ရေးစစ်ပွဲ အရှိန်မြှင့်လာချိန်တွင် အမေရိကန်နိုင်ငံမှ တင်ပို့မှု မရှိတော့ခြင်းကြောင့် လိုအပ်သော ထောက်ပံ့ရေး ကွာဟချက်ကို ဖြည့်ဆည်းရန်အတွက် တရုတ်နိုင်ငံ၏ ပဲပုပ်တင်သွင်းသူများသည် လာမည့်နှစ်တွင် အာဂျင်တီးနားနှင့် ဥရုဂွေးတို့မှ ပဲပုပ် ဝယ်ယူမှုကို မြှင့်တင်လျက်ရှိသည်။ ၂၀၂၄ ခုနှစ် စက်တင်ဘာလမှ ၂၀၂၅ ခုနှစ် ဇူလိုင်လအထိ တရုတ်နိုင်ငံသည် အာဂျင်တီးနားနှင့် ဥရုဂွေးနိုင်ငံတို့မှ ပဲပိစပ်တန်ချိန် ၅ သန်း တင်သွင်းခဲ့ကြောင်း အကောက်ခွန် အထွေထွေအုပ်ချုပ်ရေး၏ အချက်အလက်များအရ သိရသည်။ လက်တင်အမေရိက ထုတ်လုပ်သူ နှစ်ဦးထံမှ ထောက်ပံ့မှု မြင့်တက်လာခြင်းသည် အမေရိကန် လယ်ယာထွက်ကုန်များ အပေါ် မှီခိုအားထားမှုကို လျှော့ချလိုက်ခြင်းကြောင့် အမေရိကန် တင်ပို့သူများအတွက် နောက်ထပ် ထိုးနှက်ချက်တစ်ခု ဖြစ်လာမည်ဖြစ်သည်။ ဩဂုတ်လလယ်တွင် တရုတ်ဝယ်လက်များက အာဂျင်တီးနားနှင့် ဥရုဂွေးတို့မှ စက်တင်ဘာလအတွက် တန်ချိန် ၁.၅၇၅ သန်း၊ အောက်တိုဘာလ အတွက် တန်ချိန် ၆၆၀,၀၀၀ နှင့် ၂၀၂၆ နိုဝင်ဘာ၊ ဒီဇင်ဘာနှင့် မေလအတွက် တန်ချိန် ၆၆,၀၀၀ အသီးသီးရှိကြောင်း ကုန်သည်များ၏ ပြောကြားချက်အရသိရသည်။ အမေရိကန်သမ္မတ ဒေါ်နယ်  ထရမ့်၏ ပထမသက်တမ်းတွင် တရုတ်နှင့် ကုန်သွယ်ရေးစစ်ပွဲဖြစ်ပွားပြီးကတည်းက ပေကျင်း သည် ၎င်း၏စားနပ်ရိက္ခာဖူလုံမှုကို အားကောင်းလာစေရန်အတွက် အမေရိကန်၏ လယ်ယာထွက် ကုန်များအပေါ် မှီခိုအားထားမှုကို လျှော့ချရန် ခြေလှမ်းများလုပ်ဆောင်ခဲ့သည်။ အာဂျင်တီးနား၏ ၂၀၂၄/၂၅ ပဲပုပ်ရိတ်သိမ်းမှုသည် တန်ချိန် ၅.၉ သန်းရှိခဲ့ပြီး ၂၀၂၃/၂၄ တွင် တန်ချိန် ၄၈.၂ သန်းနှင့် ၂၀၂၂/၂၃ တွင် တန်ချိန် ၂၅ သန်းရှိကြောင်း အမေရိကန်စိုက်ပျိုးရေးဌာန၏ အချက်အလက်များ အရသိရသည်။ ဥရုဂွေးနိုင်ငံ၏ ပဲပုပ်အထွက်နှုန်းသည် ၂၀၂၃/၂၄ ၏ တန်ချိန် ၃.၃ သန်းထက် ၂၀၂၄ /၂၅ တွင် တန်ချိန် ၄.၂ သန်းရှိခဲ့သည်ဟု USDA ၏ အချက်အလက်များအရ သိရသည်။

Source : Reuter      

DOCA(ရန်ကုန်)                                                                                    

     ကမ္ဘောဒီးယားနိုင်ငံ၊ အထက်လွှတ်တော် ဥက္ကဋ္ဌ Hun Sen နှင့် ဗီယက်နမ်ဝန်ကြီးချုပ် Pham Minh Chinh တို့သည် ကမ္ဘောဒီးယား-ဗီယက်နမ် ဆက်ဆံရေး အထူးသဖြင့် ကုန်သွယ်မှု၊ ရင်းနှီးမြှုပ်နှံမှုနှင့် ခရီးသွားလုပ်ငန်းကဏ္ဍများတွင် တိုးမြှင့်ရန် နည်းလမ်းများကို ဆွေးနွေးခဲ့ကြ ကြောင်း အထက်လွှတ်တော်ဥက္ကဋ္ဌ၏ ပြောရေးဆိုခွင့်ရှိသူ Chea Thyrith က ၂-၉-၂၀၂၅ ရက်နေ့ တွင် ပြောကြားခဲ့သည်။  ကုန်သွယ်မှုရည်မှန်းချက် ကန်ဒေါ်လာ ၂၀ ဘီလီယံ ရရှိရန် နှစ်နိုင်ငံ ကြား ကုန်စည်သယ်ယူပို့ဆောင်ရေး မြှင့်တင်ရန်လိုအပ်ကြောင်း ခေါင်းဆောင်နှစ်ဦး သဘော တူညီခဲ့ကြကြောင်း  Thyrith က ပြောကြားခဲ့သည်။  Thyrith ၏ ပြောကြားချက်အရ Chinh သည် ကုန်သွယ်မှုနှင့် သယ်ယူပို့ဆောင်ရေး လွယ်ကူချောမွေ့စေမည့် Prey Veng နှင့် Tay Ninh ပြည်နယ်ကြားရှိ Tay Ninh -Meun Chey အပြည်ပြည်ဆိုင်ရာ နယ်စပ်စစ်ဆေးရေးဂိတ်ကို ၂၀၂၅ ခုနှစ်၊ စက်တင်ဘာလအတွင်း စတင်ဖွင့်လှစ်နိုင်ရေးအတွက် ဝန်ကြီးချုပ် Hun Manet နှင့် ပူးပေါင်းမည်ဖြစ်ကြောင်း အတည်ပြုပြောကြားခဲ့သည်။ နှစ်နိုင်ငံခေါင်းဆောင်များသည် ခရီးသွားလုပ်ငန်းနှင့် လူအချင်းချင်းအပြန်အလှန် ဖလှယ်ရေးတို့ကိုလည်း ဆွေးနွေးခဲ့ကြပြီး ဝန်ကြီးချုပ် Chinh က ဗီယက်နမ် ခရီးသွားများသည် လက်ရှိတွင် ကမ္ဘောဒီးယားတွင် ပထမအဆင့်ရှိကြောင်း မှတ်ချက်ပြုခဲ့ပြီး Hun Sen က ဤကဏ္ဍတွင် ပူးပေါင်းဆောင်ရွက်မှု၏ အရေးပါမှုကို အလေးပေးခဲ့ကြောင်း Thyrith က ပြောကြားခဲ့သည်။ ကမ္ဘောဒီးယားနိုင်ငံ၊ အကောက်ခွန်နှင့် ကုန်စည်စီးဆင်းမှုဦးစီးဌာန (GDCE) ၏ နောက်ဆုံးအစီရင်ခံစာအရ ၂၀၂၅ ခုနှစ်၊ ပထမ (၇) လတွင် ကမ္ဘောဒီးယားနှင့် ဗီယက်နမ်ကြား ကုန်သွယ်မှုသည် ကန်ဒေါ်လာ ၄.၉၄ ဘီလီယံအထိ မြင့်တက်ခဲ့ပြီး ယခင်နှစ် အလားတူကာလနှင့် နှိုင်းယှဉ်ပါက ၇.၅ ရာခိုင်နှုန်း တိုးမြင့်လာခဲ့သည်။

Source: Khmer Times                                                                                   

DOCA(ရန်ကုန်)