မကွေးတိုင်းဒေသကြီး၊ သရက်ခရိုင်၊ သရက်မြို့မစည်ပင်သာယာဈေးကြီးနှင့် အခွန်လွတ်ဈေးတွင် ဒေသထွက်ရာသီပေါ်စာ ဂွေးသီးများ ဝင်ရောက် အရောင်းအဝယ်ဖြစ်လျက်ရှိပါသည်။ ဂွေးသီးတွင် အချိုသီးနှင့်အချဉ်သီးဟူ၍ (၂)မျိုးရှိပြီး မြို့ပေါ်ရှိရပ်ကွက်များနှင့် မြို့အနီးအနားကျေးရွာများ တွင်တစ်နိုင်တစ်ပိုင် စိုက်ပျိုးကြပါသည်။ ဂွေးသီးကို သုပ်၍လည်းကောင်း၊ ဟင်းအမယ်အဖြစ်လည်းကောင်း၊ ယိုအဖြစ် လည်းကောင်း အမျိုးမျိုးပြုလုပ်ပြီး စားသုံးကြပါသည်။ ကျန်းမာရေးနှင့် ညီညွတ်သောသီးနှံဖြစ်ပြီး လူကြိုက်များသော ဂွေးသီးကို ကားဂိတ်များ၊ ဆေးရုံ /ဆေးခန်းများနှင့် လူစည်ကားသော နေရာများတွင် ရောင်းချကြောင်း သိရသည်။
၂၀၂၆ခုနှစ်၊ စက်တင်ဘာလ (စတုတ္ထပတ်)တွင် ဂွေးသီးအလုံးအသေး/အကြီး(ဂျွန်) (၁)လုံးလျှင် ကျပ် (၁၅၀) ဖြင့် အရောင်းအဝယ်ဖြစ်ပြီး ယခု အောက်တိုဘာလ (ပထမပတ်)တွင်(ဂျွန်) (၁)လုံးလျှင် ကျပ် (၁၀၀)ဖြင့် အရောင်းအဝယ်ဖြစ်လျက်ရှိကြောင်း၊ ဈေးနှုန်းခြားနားချက်အရ ယခု (စတုတ္ထပတ်) တွင် ကျပ်(၅၀)ကျဆင်းခဲ့ပြီး ဈေးအနည်းငယ်ကျရခြင်းမှာ ဂွေးသီးများပိုမို ထွက်ရှိလာခြင်းကြောင့်ဖြစ်ကြောင်း သိရှိရပါသည်။
DOCA(မကွေး)