စားသုံးသူရေးရာဦးစီးဌာန၊ ဇလွန်မြို့နယ်တာဝန်ခံသည်(၂၀.၂.၂၀၂၆)ရက်နေ့ နေ့လယ်(၁၄:၀၀) နာရီအချိန်တွင် ဇလွန်မြို့၊ သံလွင်ကွင်းကျေးရွာရှိ ဆီဝယ်ယူခွင့်စာအုပ်များဖြင့် စားသုံးသူပြည်သူများထံသို့ ဆီရောင်းချပေးမှုအခြေအနေများ၊ သတ်မှတ်ရည်ညွှန်းဈေးထက် ဈေးနှုန်းမြှင့်တင်ရောင်းချမှု မရှိစေရေး၊ ဆီဖြန့်ဖြူးရောင်းချရာတွင် အိမ်ထောင်စုများသို့ကျယ်ကျယ်ပြန့်ပြန့်လွှမ်းခြုံမှု အားကောင်းစေရေး၊ သတ်မှတ်ကာလအတွင်း သတ်မှတ်ပမာဏကို သတ်မှတ်ဈေးနှုန်းများဖြင့် အရေအတွက်၊ အရည်အသွေး၊ အလေးချိန်ပြည့်ဝစွာဖြင့် ပြည်သူများသို့ ဖြန့်ဖြူးရောင်းချပေးနေမှုတို့ကို ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။
ဆက်လက်၍ မြို့နယ်တာဝန်ခံမှ ဆီစာအုပ်ဖြင့် ဝယ်ယူနေသော အိမ်ထောင်စုများအား တစ်လအတွင်း ဆီရရှိမှုအကြိမ်အရေအတွက်နှင့် ဆီ (၅၀)ကျပ်သားလျှင်ဝယ်ယူရသည့်ဈေးများအား မေးမြန်းဆွေးနွေးခဲ့ကြောင်း၊ (၂၀.၂.၂၀၂၆)ရက်နေ့တွင် တစ်ပိဿာလျှင် (၇၀၀၀/-)ကျပ်နှုန်းဖြင့် ဆီပိဿာ ၁၁၀ အား သံလွင်ကွင်းကျေးရွာရှိ ပြည်သူများအား ရောင်းချပေးခဲ့ကြောင်း သတင်းရရှိပါသည်။
ဇလွန်မြို့နယ်အတွင်း ရောင်းချလျက်ရှိသော စားသုံးဆီ ခွဲတမ်းရအရောင်းဆိုင်များအနေဖြင့် ကျေးရွာ/ ရပ်ကွက်အလိုက် အိမ်ထောင်စုများအား ဆီဝယ်ယူခွင့်စာအုပ်ဖြင့်ရောင်းချနေမူကို သတ်မှတ်ရည်ညွန်းဈေးဖြင့်ရောင်းချခြင်း၊ ဆီဝယ်ယူခွင့်စာအုပ်ဖြင့် ရောင်းချထားမှုများအား စစ်ဆေးခဲ့ပြီး၊ စားသုံးဆီရောင်းချသော လုပ်ငန်းရှင်အနေဖြင့် ဈေးနှုန်းမြှင့်တင်ရောင်းချမှုမရှိစေရေး၊ ဆီအရောင်းစာအုပ်များနှင့် စျေးနှုန်းမှန်ကန်စွာရောင်းချရေး အရေအတွက် အချင်အတွယ် မှန်ကန်စွာရောင်းချပေးရေး စိစစ်ခဲ့ကြောင်း သတင်းရရှိပါသည်။
DOCA (ဧရာဝတီ)