စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ရာသီးပေါ်သီးနှံများ၊ ကုန်စိမ်း များနှင့် အခြားဒေသထွက်ကုန်များကိုလည်း ရောင်းချလျက်ရှိရာ ယခုအခါ ပဲပြားများကို ရွှေဘို မြို့မှ မှာယူရောင်းချကြကြောင်း သိရသည်။
ပဲပြားသည် ပရိုတင်းဓာတ်ကြွယ်ဝပြီး ကျန်းမာရေးနှင့် ညီညွှတ်သည့် အစားအစာတစ်မျိုး ဖြစ်ပြီး ပဲပြားကို ကြော်စားခြင်း၊ တုတ်ထိုးလုပ်စားခြင်း၊ ပဲပင်ပေါက်နှင့်ကြော်စားခြင်း၊ ပဲပြားသုပ် လုပ်စားနိုင်သောကြောင့် လူကြီးလူငယ်မရွေး ကြိုက်နှစ်သက်သော အရာင်းအဝယ်သွက်လျက်ရှိကြောင်း၊ ၂၀၂၅ခုနှစ်၊ ဇူလိုင်လ နောက်ဆုံးပတ်အတွင်း ရောင်းချနေသော ပဲပြားဈေးနှုန်းမှာ ပဲပြား(၁)တုံးလျှင် (၁၃၀၀)ကျပ်၊ (၂)တုံးလျှင် (၂၅၀၀)ကျပ်ဖြင့် အရောင်းအဝယ်ဖြစ်လျက်ရှိ ကြောင်း ကန့်ဘလူမြို့မဈေးတွင် ရောင်းချလျက်ရှိသော ပဲပြားရောင်းချသူထံမှ သိရှိရပါသည်။
DOCA(စစ်ကိုင်း)