ကုန်သွယ်မှုသတင်းများ
မိတ္ထီလာမြို့နယ်တွင် လယ်ယာစိုက်ပျိုးရေးလုပ်ငန်းများအပြင် မွေးမြူရေးလုပ်ငန်းများလုပ်ကိုင် လျက်ရှိပြီး မွေးမြူရေးလုပ်ငန်းများမှထွက်ရှိသော နို့နို့ထွက်ပစ္စည်းများကို ကုန်ချောထုတ်လုပ်၍ ရောင်းချကြကြောင်း၊ မိတ္ထီလာမြို့ ညောင်ပင်သာယာကျေးရွာအုပ်စု တောမကျေးရွာရှိ High Best နို့ချက် လုပ်ငန်းသည် နို့နှင့်နို့ထွက်ပစ္စည်းကို ကိုယ်ပိုင်မွေးမြူရေးခြံမှထုတ်လုပ်လျက်ရှိပါသည်။
ပြည်ခရိုင်၊ ပြည်မြို့တွင် ပဲမျိုးစုံရောင်းဝယ်လျှက်ရှိရာ အဓိကအရောင်းအဝယ်ဖြစ်သော ပဲများမှာ မြေပဲ၊ ပဲနီလေး ၊ စားတော်ပဲ၊ မတ်ပဲ၊ ပဲစင်းငုံ၊ ကုလားပဲ၊ ပဲလွန်းဖြူ၊ ပဲပုတ်၊ ပဲတီစိမ်းနှင့် ထောပတ်ပဲတို့ဖြစ်ပါသည်။
ပြည်မြို့ရှိ စည်ပင်သာယာဈေးကြီးနှင့် အခြားဈေးများတွင် ရာသီပေါ်ခဝဲသီးများ ရောင်းချနေပြီး ဈေးကောင်းရကြောင်း သိရပါသည်။ ခဝဲသီးများကို ပြည်မြို့အနီး တဝိုက်ရှိ ကျေးရွာများဖြစ်သော မှော်ဇာ၊ ပန်းတောင်း၊ ဥသျှစ်ပင်၊ ဖိုးခေါင် အစရှိသောကျေးရွာများမှ ရေလောင်းစိုက်ပျိုးပြီးတင်သွင်းရောင်းချကြောင်းသိရပါသည်။ ယခင်နှစ်တွင် ခဝဲသီးတစ်တောင့်လျှင် ၈၀၀ကျပ်ဖြင့် အရောင်းအဝယ်ဖြစ်ခဲ့ပြီး ယခုနှစ်တွင် ခဝဲသီးအတောင့်ချောတစ်တောင့်လျှင် ၁၀၀၀ကျပ်ဖြင့် ဈေးကောင်းရရောင်းဝယ်နေကြောင်း သိရပါသည်။
ပြည်မြို့နယ်တွင်စားတော်ပဲသီးနှံအရောင်းအဝယ်ဖြစ်လျက်ရှိပြီး စားတော်ပဲဈေးနှုန်းမှာ ယခင်နှစ် ကထက်ဈေးပိုမြင့်နေပါသည်။ ယခင်နှစ်ကစားတော်ပဲသီးနှံတစ်တင်းကို (၉၀၀၀၀)ကျပ် ဖြင့် မြို့တွင်း အဝယ်ရှိခဲ့ပါသည်။ ယခုနှစ်တွင်ဇွန်လဒုတိယပတ်တွင် စားတော်ပဲဈေးမြင့်တက်လာပြီး ပဲတစ်တင်းကို (၁၆၀၀၀၀)ကျပ်ဖြင့် စားတော်ပဲဈေးမြင့်တက်လာခဲ့ပါသည်။ ယခင်နှစ်က စားတော်ပဲ ဈေးကွက်မှာ တစ်တင်းလျှင် (၇၀၀၀၀)ကျပ်ခန့် ဈေးပိုရခဲ့ပြီး မြို့တွင်း အဝယ်တစ်ရက် ကိုအိတ် (၂၅)ခန့် အရောင်း အဝယ်ရှိခဲ့ပါသည်။
DOCA(ပဲခူး)
ပြည်မြို့၏ဇွန်လဒုတိယပတ်တွင် အရောင်းအဝယ်ဖြစ်လျက်ရှိပြီး ပဲကြီး၊ မတ်ပဲ၊ ပဲစဉ်းငုံ၊ ကုလားပဲ၊ စားတော်ပဲသီးနှံများ အရောင်းသွက်လျက်ရှိသည်။
