ပြည်တွင်းကုန်သွယ်မှုသတင်း

          မွန်ပြည်နယ်အတွင်းသို့ ဆန်အိတ်များ စီးဝင်၊ စီးထွက်လျှက်ရှိပြီး ဇန်နဝါရီလ၏ နောက်ဆုံးအပတ်၌ ဆန်ဈေးနှုန်းမှာ တည်ငြိမ်လျှက်ရှိပါသည်။ အခြားတိုင်းဒေသကြီးများမှ မွန်ပြည်နယ်သို့ ဆန်စီးဝင်မှုများမှာ ၂၀၂၅ ခုနှစ်၊ ဇန်နဝါရီလ ဒုတိယအပတ်တွင် ဧရာဝတီမှ (၄၅၀၀) အိတ်ခန့်၊ စစ်ကိုင်းမှ (၁၁၇၂၀) အိတ်ခန့်၊ ပဲခူးမှ (၂၆၈၀) အိတ်ခန့်၊ ရန်ကုန်မှ (၁၆၁၀၀) အိတ်ခန့် စုစုပေါင်း (၃၅၀၀၀) အိတ်ခန့်၊ တန်ချိန်အားဖြင့် (၁၇၅၀) တန်ခန့် စီးဝင်ခဲ့သည်။ ယခု ဇန်နဝါရီလ၏ နောက်ဆုံးအပတ်တွင် ဧရာဝတီမှ (၄၁၆၀) အိတ်ခန့်၊ စစ်ကိုင်းမှ (၁၁၈၈၀) အိတ်ခန့်၊ ပဲခူးမှ (၂၆၀၀) အိတ်ခန့်၊ ရန်ကုန်မှ (၁၆၄၄၀) အိတ်ခန့်၊ စုစုပေါင်း (၃၅၀၈၀) အိတ်ခန့်၊ တန်ချိန်အားဖြင့် (၁၇၅၄) တန်ခန့် စီးဝင်ခဲ့ပြီး ယခင်ဒုတိယ အပတ်နှင့် နှိုင်းယှဉ်ပါက  အနည်းငယ်ပို၍ စီးဝင်ခဲ့သည်။

          မွန်ပြည်နယ်မှ အခြားတိုင်းဒေသကြီးနှင့်ပြည်နယ်များသို့ ဆန်စီးထွက်ရာတွင် ၂၀၂၅ ခုနှစ် ဇန်နဝါရီလ ဒုတိယအပတ်တွင် ကရင်ပြည်နယ်သို့ (၂၁၄၀) အိတ်ခန့်၊ တန်ချိန်အားဖြင့် (၁၀၇) တန်ခန့်စီးထွက်ခဲ့ပြီး၊ ယခု ဇန်နဝါရီလ နောက်ဆုံးအပတ်တွင် ကရင်ပြည်နယ်သို့ (၁၉၄၀) အိတ်ခန့်၊ တန်ချိန်အားဖြင့် (၉၇) တန်ခန့်စီးထွက်ခဲ့ပြီး ယခင်ဒုတိယအပတ်နှင့် နှိုင်းယှဉ်ပါက အနည်းငယ်လျော့၍ စီးထွက်ခဲ့သည်။

          မွန်ပြည်နယ်၌ ဇန်နဝါရီလ၏ နောက်ဆုံးအပတ်တွင် ဆန်ဈေးနှုန်းမှာ (၂၄) ပြည်ဝင် ဆန် တစ်အိတ်လျှင် ပေါ်ဆန်း(ဒေသ) (၁၁၀၀၀၀) ကျပ်ခန့်၊ ရွှေဘိုပေါ်ဆန်း (၁၅၈၀၀၀) ကျပ်ခန့်၊ ဧည့်မထ(ဒေသ) (၇၂၀၀၀) ကျပ်ခန့်ရှိပြီး  ယခုအပတ်တွင် ဆန်ဈေးနှုန်းမှာ တည်ငြိမ်လျက် ရှိကြောင်း သိရှိရပါသည်။

DOCA(မွန်)

          ၂၄.၁.၂၀၂၅ ရက်နေ့ နံနက် (၁၀:၀၀) နာရီအချိန်တွင် မွန်ပြည်နယ်၊ ကျိုက်ထိုမြို့နယ်၊ စားသုံးသူရေးရာဦးစီးဌာနမှ ကျိုက်ထိုမြို့နယ်တာဝန်ခံ ဦးဇော်ဦးသည် အခြားမိတ်ဖက်ဌာန ဆိုင်ရာဝန်ထမ်းများနှင့် ပူးပေါင်း၍ ယူရီးယားဓာတ်မြေဩဇာရောင်းချလျက်ရှိသော အရောင်း ဆိုင်များသို့ ရည်ညွှန်းဈေးအပေါ် ထိုက်သင့်သောအကျိုးအမြတ်ရယူ၍ ရောင်းချပေးခြင်း ရှိ/မရှိ ကိုဓာတ်မြေဩဇာအရောင်းဆိုင်များသို့ ကွင်းဆင်းစစ်ဆေးခဲ့ကြောင်း သိရသည်။

          ကျိုက်ထိုမြို့နယ်အတွင်း ဓာတ်မြေဩဇာရောင်းချနေသည့်ဆိုင်များတွင် သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၊ ယူရီးယားဓာတ်မြေဩဇာ ဝယ်ယူဖြန့်ဖြူးရောင်းချရေး ဦးဆောင်ကော်မတီ၏ လုပ်ငန်းညှိနှိုင်းအစည်းအဝေးဆုံးဖြတ်ချက်အရ နိုင်ငံ့စီးပွားမြှင့်တင်ရေး ရန်ပုံငွေနှင့်မသက်ဆိုင်သည့် စိုက်ပျိုးရေးလုပ်ငန်းများအတွက် ရန်ကုန်အထိုင်ဈေးနှုန်း ယူရီးယား(အလုံးကြီး) ၅၀ ကီလိုတစ်အိတ်လျှင် ကျပ် ၉၇၀၀၀၊ ရောင်းချသည့်ဈေးနှုန်း ကျပ် ၁၁၀၀၀၀၊ ဈေးနှုန်းကွာခြားချက်မှာ ကျပ် ၁၃၀၀၀ ဖြစ်ပြီး၊ Rock Phosphate အခြေခံ ၁၅ ပတ်လည် ၅၀ ကီလိုတစ်အိတ်လျှင် ရန်ကုန်အထိုင်ဈေးနှုန်း ကျပ် ၁၂၄၀၀၀၊ ရောင်းချသည့် ဈေးနှုန်း ကျပ် ၁၅၀၀၀၀၊ ဈေးနှုန်းကွာခြားချက်မှာ ကျပ် ၂၆၀၀၀ ဖြင့်အရောင်းအဝယ်ဖြစ်နေ ကြောင်းသိရသည်။

          မြို့နယ်အတွင်းရောင်းချလျှက်ရှိသော ယူရီးယားဓာတ်မြေဩဇာအရောင်းဆိုင်များတွင် သတ်မှတ်ထားသော ရည်ညွှန်းဈေးအပေါ် သယ်ယူပို့ဆောင်စရိတ်၊ လုပ်သားခ၊ သိုလှောင်ထိန်း သိမ်းခနှင့် ထိုက်သင့်သော အကျိုးအမြတ်ရယူ၍ ရောင်းချလျှက်ရှိကြောင်း သိရသည်။

DOCA(မွန်)

               ဧရာဝတီတိုင်းဒေသကြီး၊ မြန်အောင်ခရိုင်၊ ကြံခင်းမြို့နယ်တွင် သီးနှံမျိုးစုံကို စီးပွားဖြစ် စိုက်ပျိုးကြပြီး သခွားသီးနှံကိုလည်း နှစ်စဉ်စိုက်ပျိုးလျက်ရှိပါသည်။ ယခုနှစ်တွင် ဟင်သီးဟင်းရွက် စိုက်ဧက (၄၈၂၉) ဧကရှိပြီး သခွားစိုက်ဧက ၅၀ ခန့် ရှိကြောင်း မြို့နယ်မြေစာရင်းဦးစီးဌာန စာရင်းအရ သိရသည်။

          မျိုးအနေဖြင့် ဒေသမျိုးဖြစ်သည့် ဆင်စွယ်သခွား၊ 999နှင့် H24 မျိုးတို့ကိုစိုက်ပျိုးကြပြီး H24 မျိုးသည် အထွက်နှုန်းကောင်းပြီး လူကြိုက်များသည့် အတွက် ပိုမိုစိုက်ပျိုးကြကြောင်း သိရသည်။ သခွားစိုက်ဧက ၀.၂၅ ဧကအား သခွားမျိုး H24 တစ်ထုတ်ကို ၂၇၀၀ ကျပ်ဖြင့် ဝယ်ယူရပြီး ၁၀ ထုပ်ခန့် စိုက်ပျိုးရပါသည်။ ဒီဇင်ဘာလဆန်းရက်တွင်  စိုက်ပျိုးသော သခွားပင်များသည် ဇန်နဝါရီလ ဒုတိယပတ်တွင် စတင်ခူးဆွတ်နိုင်ကြောင်း သိရသည်။ စိုက်ပျိုးမှု ကုန်ကျစရိတ်အနေဖြင့် ၀.၂၅ ဧကတွင် ငွေကျပ် ၃၀၀၀၀၀/- ကျပ်ခန့် ကုန်ကြကြောင်း၊ အထွက်နှုန်းအနေဖြင့် ၂ရက်ခြားတစ်ခါ အလုံးရေ ၅၀၀မှ ၈၀၀အထိထွက်ရှိကြောင်း သိရသည်။ ဈေးနှုန်းအနေဖြင့် ခြံတွင်းဖောက်သည်ဈေး တစ်လုံးလျှင် ၈၀ မှ ၁၀၀ ကျပ်အထိရရှိပြီး၊ အကျိုးအမြတ်အနေဖြင့် ၀.၂၅ ဧကလျှင် ၅၀၀၀၀၀/- ကျပ်ခန့် ရရှိပါသည်။ ဈေးကွက်အနေဖြင့် ဒေသတွင်း စားသုံးမှုနှင့် ပုသိမ်၊ ဟင်္သာတ၊ ပြည်မြို့သို့ ဖောက်သည်များမှ တစ်ဆင့် တင်ပို့ရောင်းချလျက်ရှိကြောင်း သခွားစိုက်တောင်သူတစ်ဦးထံမှ သိရှိရပါသည်။

DOCA(ဧရာဝတီ)

            ဧရာဝတီတိုင်းဒေသကြီး၊ ဟင်္သာတခရိုင်၊ ဟင်္သာတမြို့ မြန်မာ့စီးပွားရေးဘဏ်တွင် (၂၁.၁.၂၀၂၅) ရက်နေ့တွင် စားသုံးသူရေးရာဦးစီးဌာနမှ ဟင်္သာတမြို့နယ်ဦးစီးမှူး ဦးမိုးကျော်၊ သက်ဆိုင်ရာဌာနဆိုင်ရာများ၊ ဟင်္သာတခရိုင်ဆီကုန်သည်နှင့် ဆီလုပ်ငန်းရှင်များအသင်းနှင့် ပူးပေါင်း ၍  ဟင်္သာတမြို့ မြန်မာ့စီးပွားရေးဘဏ်၌ အငြိမ်းစားဝန်ထမ်းများအား ကြက်ဥနှင့် စားအုန်းဆီများ အား ဈေးနှုန်းသက်သာစွာဖြင့် ရောင်းချပေးလျက်ရှိကြောင်း သိရှိရပါသည်။

          ထိုသို့ရောင်းချခဲ့ရာတွင်  အငြိမ်းစားဝန်ထမ်းတစ်ဦးလျှင် ကြက်ဥ(၁၀)လုံးနှင့် ဆီ(၅၀)ကျပ် သား ရောင်းချခဲ့ပါသည်။ ကြက်ဥ(၁၀)လုံးလျှင် ၃၈၀၀/- ကျပ်ဖြင့် အလုံးရေပေါင်း(၃၀၀၀)လုံး၊ ဆီ(၅၀)ကျပ်သား (၁)ဗူးလျှင် ၃၉၀၀/- ကျပ်ဖြင့် ပိဿာချိန် ၂၅၀ အား ရောင်းချခဲ့ပြီး သက်ဆိုင်ဌာန ဆိုင်ရာများမှ  ပူးပေါင်းဆောင်ရွက်ပေးခဲ့ကြောင်း  သိရှိရပါသည်။

DOCA (ဧရာဝတီ)

          ဧရာဝတီတိုင်းဒေသကြီး၊ ဟင်္သာတခရိုင်၊ လေးမျက်နှာမြို့နယ်တာဝန်ခံသည်(၂၂.၁.၂၀၂၅) ရက်နေ့ နံနက်(၁၁း၀၀)နာရီအချိန်တွင် လေးမျက်နှာမြို့နယ်၊ ဗိုလ်ချုပ်လမ်း၊ အမှတ်(၁)ရပ်ကွက်ရှိ “ဝင်း”  မိသားစု သင်ဖြူးဖျာရောင်းဝယ်ရေးလုပ်ငန်းရှင်နှင့်တွေ့ဆုံ၍ SMEs လုပ်ငန်းဖွံ့ဖြိုးတိုးတက်စေရေး သင်ဖြူးဖျာ ယက်လုပ်ပုံအဆင့်ဆင့်နှင့် တင်ပို့ရောင်းချမှု အခြေအနေများကို ကွင်းဆင်းစစ်ဆေးခြင်း များဆောင်ရွက်ခဲ့ပါသည်။

             ထိုသို့ကွင်းဆင်းခဲ့ရာတွင် “ဝင်း”မိသားစုသင်ဖြူးဖျာရောင်းဝယ်ရေး လုပ်ငန်းရှင်သည် ထိုလုပ် ငန်းကို ၂၀၁၀ ခုနှစ်မှ စတင်လုပ်ကိုင်လျက်ရှိပြီး ယခုအချိန်ထိ တွင်ကျယ်စွာ ရောင်းချလျက်ရှိပါ သည်။ သင်ဖြူးဖျာကို ကိုယ်တိုင်ယက်လုပ်လျက်ရှိပြီး လုပ်သားတစ်ဦးလျှင် တစ်နေ့ပျှမ်းမျှ (၁)ချပ် နှုန်းယက်လုပ်နိုင်ပါသည်။ ကုန်ကြမ်းပစ္စည်း(သင်မ)ကို ပန်းတနော်မြို့မှအများဆုံးမှာယူပြီး ဒေသ တွင်း ထွက်ရှိသော သင်မ များကိုလည်း ဝယ်ယူထုတ်လုပ်လျက်ရှိကြောင်းသိရှိရပါသည်။ သင်ဖြူးဖျာ ပြုလုပ်ရာတွင် စိတ် ၊ ငယ် ၊ ယပ် ၊ ချုပ် ၊ ကွတ် စသည့်အဆင့်အလိုက်အနေဖြင့် (၅)ဆင့် ပြုလုပ် ရပါသည်။ ကုန်ကျစရိတ်နည်းပါးသည့် ဒေသအိမ်တွင်းမှု လုပ်ငန်းဖြစ်ပါသည်။ တင်ပို့ရောင်းချရာတွင် ထိုင်ဖျာ တစ်ချပ်လျှင် ၇၀၀၀/- ကျပ်၊ တစ်ယောက်အိပ် ၃ ပေခွဲ ၆ပေ တစ်ချပ်လျှင် ၂၅၀၀၀/- ကျပ်မှ ၃၀၀၀၀/-ကျပ်ကြား၊ ကုတင်ခင်းဖျာ ၅ ပေခွဲ ၆ ပေ တစ်ချပ်လျှင် ၅၅၀၀၀/-ကျပ်ဝန်းကျင်နှင့် ၆ ပေ ၆ ပေခွဲ တစ်ချပ်လျှင် ၆၅၀၀၀/-ကျပ်မှ ၇၀၀၀၀/-ကျပ် ဝန်းကျင်ဖြင့် ရောင်းချလျက်ရှိကြောင်း၊  ဧရာဝတီတိုင်းဒေသကြီးအတွင်းနှင့် ရန်ကုန်တိုင်း ဒေသကြီးအတွင်းသို့တင်ပို့ရောင်းချလျက်ရှိပြီး ၁၂လ ရာသီဒေသပွဲတော်များတွင်လည်း ရောင်းချလျက်ရှိပါသည်။ ဒေသတွင်းအသုံးပြုမှုများသည့်အတွက်  ပုံမှန်အရောင်းအဝယ်ဖြစ်လျက်ရှိကြောင်း သိရှိရပါသည်။  

DOCA(ဧရာဝတီ)