ပြည်တွင်းကုန်သွယ်မှုသတင်း

     ကော့သောင်းမြို့တွင် မီးဖိုချောင်သုံးသီးနှံဖြစ်သည့် ကြက်သွန်နီကို နေရာအနှံ့အပြားတွင် ရောင်းချကြပါသည်။ ကော့သောင်းမြို့ဈေးကွက်အတွင်း အပတ်စဉ်ဝင်ရောက်လျက်ရှိပြီး ဒေသတွင်း လက်လီ/ လက် ကားဝယ်ယူသူများ၊ မြို့နယ်များမှတစ်ဆင့် ပြန်လည်ရောင်းချသူများ ပုံမှန်ရောင်းဝယ်နေကြောင်းသိရှိ ရပါသည်။ ၂၀၂၅ခုနှစ် ယခင်စက်တင်ဘာလတွင် ကော့သောင်းမြို့နယ်ရှိ ကြက်သွန်နီ တစ်ပိဿာ လျှင်(၂၇၀၀ိ/-)ကျပ်ရှိပြီး၊ ယခု အောက်တိုဘာလတွင် ကြက်သွန်နီ တစ်ပိဿာလျှင် (၂၇၀၀ိ/-)ကျပ်ရှိပြီး ယခင်လနှင့် စျေးနှုန်းနှိုင်းယှဉ်ပါက ကြက်သွန်နီစျေးနှုန်းမှာ တည်ငြိမ်လျက်ရှိကြောင်း သိရှိရပါသည်။

DOCA (တနင်္သာရီ)

  မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့၊ မြို့မဈေး၌ ငဖန့်ဝိုင်းငါးပိကောင်ကို ပဲခူးမြို့နှင့် ရန်ကုန်မြို့တို့မှ အဓိကမှာယူရောင်းချကြောင်း သိရသည်။

            ၂၀၂၅ ခုနှစ်၊ အောက်တိုဘာလ (ဒုတိယပတ်) တွင် ငါးပိကောင်(၁)ပိဿာလျှင် ကျပ်(၃၂၀၀၀) ဖြင့် ရောင်းချလျက်ရှိပြီး ယခင်စက်တင်ဘာလ(ဒုတိယပတ်)တွင် ကျပ်(၃၀၀၀၀) ဖြင့်ရောင်းချခဲ့ရာ ဈေးနှုန်း နှိုင်းယှဉ်ပါက ယခုတစ်ပတ်တွင် ကျပ်(၂၀၀၀)ဈေးနှုန်းမြင့်တက်ကြောင်း သိရသည်။ မင်းဘူးမြို့မဈေး၌ ငါးပိ၊ ငါးခြောက်များကို ရန်ကုန်မြို့နှင့် ပဲခူးမြို့တို့မှ တိုက်ရိုက်မှာယူရောင်းချသည့် အတွက် ယခုအချိန်တွင် သယ်ယူစရိတ်မြင့်တက်လာသည့်အတွက် ဈေးနှုန်းမှာမြင့်တက်လာခြင်းဖြစ် ကြောင်း သိရှိရသည်။

DOCA(မကွေး)

  မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေး၌ သံပုရာသီးကို မြို့ပေါ်ရပ်ကွက်များနှင့် မြို့အနီးတစ်ဝိုက်ရှိ ပန်းတော်ပြင်၊ ဥယျာဉ်၊ ရွာတော်၊ မယ်ဇလီတော စသည့် ကျေးရွာများမှ အိမ်ခြံဝိုင်းများအတွင်း တစ်နိုင်တစ်ပိုင်စိုက်ပျိုးပြီး ရောင်းချကြသလို မင်းဘူး၊ မကွေး၊ တောင်တွင်းကြီးနှင့် သရက်မြို့တို့မှလည်း မှာယူရောင်းချကြောင်း သိရသည်။

   သံပုရာပင်သည် နှစ်ရှည်ပင်ဖြစ်ပြီး အသီးသီးချိန်၌ တစ်ပင်လျှင်ပျမ်းမျှအလုံးရေ(၈၀-၁၀၀)အထိ ထွက်ရှိကြောင်း သိရသည်။ ၂၀၂၅ ခုနှစ်၊ အောက်တိုဘာလ(ဒုတိယပတ်)တွင် သံပုရာသီး (၁၀)လုံးလျှင် (အလုံးအကြီး၊အသေး)ပေါ်မူတည်၍ ကျပ်(၈၀၀-၁၀၀၀) ဖြင့် ရောင်းချလျက်ရှိပြီး ယခင် စက်တင်ဘာလ (ဒုတိယပတ်)တွင် ကျပ်(၅၀၀-၈၀၀)ဖြင့် ရောင်းချခဲ့ရာ ဈေးနှုန်းနှိုင်းယှဉ်ပါက ယခုတစ်ပတ်တွင် ကျပ်(၂၀၀-၃၀၀)ဈေးနှုန်းမြင့်တက်ပြီး အရောင်းအဝယ်ဖြစ်ကြောင်း သိရသည်။ မင်းလှမြို့နယ်အတွင်းရှိ ကျေးရွာများတွင်သံပုရာသီးအထွက်နှုန်းလျော့ကျလာသည့်အတွက်ဈေးနှုန်းမှာ မြင့်တက်လာခြင်းဖြစ်ကြောင်း၊ ကျောင်းဖွင့်ရာသီဖြစ်သည့်အတွက် ဖျော်ရည်ဆိုင်များ၊ အသုပ်ဆိုင်များမှလည်း ဝယ်ယူမှုများလျက်ရှိသည့်အတွက် အရောင်းအဝယ်မှာလည်းသွက်လျက်ရှိကြောင်း သိရသည်။

DOCA(မကွေး)

     စားသုံးသူပြည်သူများ စားသုံးဆီဝယ်ယူစားသုံးရာတွင် ဘေးအန္တရာယ် ကင်းရှင်းသော စားသုံးဆီများကို သင့်တင့်သောဈေးနှုန်းဖြင့်  ဝယ်ယူစားသုံးနိုင်စေရန်နှင့် ပြည်တွင်းလိုအပ် ချက်များကိုဖြည့်ဆည်းပေးနိုင်ရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီက ဆောင်ရွက်ပေးလျက်ရှိ ကြောင်း သိရပါသည်။

          ပြည်တွင်းလိုအပ်ချက်ကိုဖြည့်ဆည်းပေးနိုင်ရေးစားအုန်းဆီကို ပြည်ပမှဝယ်ယူတင်သွင်း ရာတွင် စားအုန်းဆီတင်ပို့သည့်နိုင်ငံများ၏ စျေးနှုန်းအတက်အကျပေါ်မူတည်၍ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများဖြစ်ပေါ်စေရေးကို ထိန်းကျောင်းဆောင်ရွက်လျက်ရှိသည်။

          ပြည်ပမှစားအုန်းဆီထုတ်လုပ်တင်ပို့သည့်နိုင်ငံများတွင် ဈေးကွက်နှင့် ဈေးနှုန်းဖြစ်ပေါ် မှုများအရ ၂၀၂၅ခုနှစ်၊အောက်တိုဘာလ ၃၁ ရက်နေ့မှ နိုဝင်ဘာလ ၆ ရက်နေ့အထိ ရန်ကုန် အထိုင်ဈေးအခြေခံလက်ကားရည်ညွှန်းဈေးနှုန်းမှာ စားအုန်းဆီတစ်ပိဿာလျှင် ငွေကျပ် ၆,၄၀၀ ဖြစ်ကြောင်း စားသုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေး ကော်မတီက အသိပေးထုတ်ပြန်ကြေညာထားကြောင်း သိရှိရပါ​သည်။    

          ပြည်တွင်းဈေးကွက်အတွင်း အဆိုပါထုတ်ပြန်ကြေညာထားသည့် စျေးနှုန်းထက်   ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းအပါအဝင် မသမာသည့် လုပ်ဆောင်မှုများ ပြုလုပ်ပါက အရေးကြီး ကုန်စည်နှင့်ဝန်ဆောင်မှုဥပဒေအရ အရေးယူဆောင်ရွက်သွားမည်ကြောင်း သိရှိရသည်။

          စားအုန်းဆီ အခြေခံလက်ကားရည်ညွှန်းဈေးနှုန်းကို အပတ်စဉ် သောကြာနေ့တိုင်း ထုတ် ပြန်ကြေညာလျက်ရှိပြီး စားသုံးသူပြည်သူများအနေဖြင့် စားသုံးသူရေးရာဦးစီးဌာန၏ Website: www.doca.gov.mm၊  Facebook Page  နှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း၏ Facebook Page တို့တွင် ဝင်ရောက် ကြည့်ရှုလေ့လာနိုင်ကြောင်း သိရှိရပါသည်။

   မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့မဈေး၌ ကျောက်ပန်းတောင်းမြို့နှင့် ရှမ်း ပြည်နယ်၊ အောင်ပန်း‌မြို့ တို့မှထွက်ရှိသော အာလူးများ ဝင်ရောက်အရောင်းအဝယ်ဖြစ်လျက်ရှိ ကြောင်း သိရသည်။

         ၂၀၂၅ ခုနှစ်၊ အောက်တိုဘာလ(ဒုတိယပတ်)တွင် အာလူး(၁)ပိဿာလျှင် (အလုံးအကြီးအသေး နှင့် အရည်အသွေးလိုက်၍) ကျပ်(၆၀၀၀-၆၅၀၀-၇၀၀၀)ဖြင့် အရောင်းအဝယ်ဖြစ်လျက်ရှိပြီး  ယခင် စက်တင်ဘာလ(ဒုတိယပတ်)တွင် အာလူး(၁)ပိဿာလျှင် ကျပ်(၅၀၀၀-၅၅၀၀-၆၀၀၀)ဖြင့် ရောင်းချ လျက်ရှိရာ  ဈေးနှုန်းနှိုင်းယှဉ်ပါက အာလူး(၁)ပိဿာလျှင် ကျပ်(၅၀၀)ခန့် ဈေးတက်ပြီး အရောင်း အဝယ်ဖြစ်ကြောင်း သိရသည်။ ယခုအချိန်တွင် ဒေသတွင်းအာလူး ထွက်ရှိမှုမရှိသေးဘဲ ရှမ်းပြည်နယ် အောင်ပန်းမြို့မှ မှာယူရောင်းချရသည့်အတွက် သယ်ယူစရိတ်မြင့်မားလာ၍ အာလူးဈေးနှုန်းမှာ မြင့် တက်လာခြင်းဖြစ်ကြောင်း  သိရှိရသည်။

DOCA(မကွေး)