ပြည်တွင်းကုန်သွယ်မှုသတင်း

             ဧရာဝတီတိုင်းဒေသကြီး၊ ဟင်္သာတခရိုင်၊ ဟင်္သာတမြို့နယ်တွင် ၂၀၂၃-၂၀၂၄ ခုနှစ်တွင် ဆောင်း သီးနှံအဖြစ် ဆီထွက်သီးနှံ  ၂၂၈၉၃ ဧက ၊ ပဲမျိုးစုံ ၁၆၈၁၈၇ ဧက ၊ စားဖိုဆောင်သီးနှံ ၃၁၀၉ ဧက နှင့် အခြားသီးနှံ စိုက်ဧက ၁၅၁၃၀ ဧက စိုက်ပျိုးခဲ့ပြီး၊ ၂၀၂၄-၂၀၂၅ ခုနှစ်တွင် ဆောင်းသီးနှံအဖြစ် ဆီထွက်သီးနှံ ၁၃၉၁၁ ဧက ၊ ပဲမျိုးစုံ ၁၆၈၁၈၇ ဧက ၊ စားဖိုဆောင်သီးနှံ ၃၁၀၉ ဧက နှင့် အခြားသီးနှံ စိုက်ဧက ၁၅၆၇၈ ဧက၊ စုစုပေါင်း ၂၀၁၈၈၆ ဧက စိုက်ပျိုးခဲ့ပါသည်။ စားဖိုဆောင်သီးနှံ တစ်ခုဖြစ်သော ငရုတ်သီးနှံနှင့်ပတ်သတ်၍ ကွင်းဆင်းလေ့လာရာတွင် ငရုတ်သီးနှံသည် နှုန်းတင်မြေနု ကိုင်းမြေတွင် ပိုမို ဖြစ်ထွန်းပြီး အထွက်နှုန်းကောင်းကြောင်း သိရှိရပါသည်။ ဟင်္သာတမြို့နယ်တွင် ငရုတ်စိုက်ဧက ၃၁၀၉ ဧက စိုက်ပျိုးခဲ့ပြီး ယခုအချိန်တွင် ငရုတ်သီးနှံများလှိုင်လှိုင်ထွက်ရှိလာပြီဖြစ်ရာ တစ်ပတ်ခြားတစ်ကြိမ်  ခူးဆွတ်လျက်ရှိပါသည်။ ငရုတ်သီးတွင် မိုးထောင်သီးနှင့် အောက်ဆွဲသီးဟူ၍ (၂)မျိုးရှိပြီး မိုးထောင်သီး သည် အထွက်ကောင်းပြီးဈေးကောင်းရရှိသဖြင့်တောင်သူအများစိုက်ပျိုးကြပါသည်။ ငရုတ်သီးကိုအမှည့် စိုအဖြစ် လည်းကောင်း၊ ငရုတ်ခြောက်အဖြစ်သော်လည်းကောင်း အရောင်းအဝယ်ပြုလုပ်ကြပြီး လက်ရှိ တွင် မိုးတောင်သီး အစိုတစ်ပိဿာလျှင်  ၂၉၀၀ ကျပ်မှ ၃၀၀၀ ကျပ်အတွင်း အရောင်းအဝယ်ရှိပြီး ငရုတ်ခြောက် တစ်ပိဿာလျှင် ၁၂၀၀၀ ကျပ် အရောင်းအဝယ်ရှိပါသည်။ ငရုတ်အမှည့်စိုကို ကွန်တိန်နာ ကားများဖြင့် ရန်ကုန်၊ မြဝတီသို့ တိုက်ရိုက် ဝယ်ယူတင်ပို့နေပြီး ၊ ငရုတ်ခြောက်ကို ရန်ကုန်၊ ဘုရင့်နောင် ပွဲရုံများသို့ တင်ပို့ရောင်းချကြပါသည်။ အထွက်နှုန်းအနေဖြင့် တစ်ဧကလျှင် အစိုပိဿာချိန် ၃၀၀၀ ခန့် ရှိပြီး၊ငရုတ်အခြောက်အနေဖြင့် ပိဿာချိန် ၁၀၀၀ ခန့်ထွက်ရှိပါသည်။ယခင်နှစ် ကာလတူ ငရုတ်ဈေးမှာ အစိုတစ်ပိဿာလျှင် ၁၂၀၀ ကျပ် နှင့် အခြောက်တစ်ပိဿာလျှင် ၇၀၀၀ ကျပ်မှ ၈၀၀၀ ကျပ်သာ ရှိပါသည်။ ယခုကာလ သီးနှံပေါ်ချိန်တွင် ဈေးနှုန်းတစ်ဆ မြင့်တက်သွားပြီး အထွက်နှုန်းမှာလည်း ပိုမို မြင့်မားမှု ကြောင့် တစ်ဧကလျှင် ကျပ်သိန်း ၆၀ မှ ၇၀ ကျပ်ခန့်အကျိုးအမြတ် ရရှိသည့်အတွက် ကိုင်းစိုက်တောင်သူများအတွက် ငရုတ်သီးနှံသည် ဝင်ငွေတိုးစေသော မီးဖိုချောင်သုံးသီးနှံတစ်မျိုးဖြစ်ကြောင်း သိရှိရပါသည်။

DOCA(ဧရာဝတီ)

         ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် မော်ကျွန်းမြို့နယ်တာဝန်ခံ ဦးမင်းဇော်လတ်နှင့်ဝန်ထမ်းများသည် အထွေထွေအုပ်ချုပ်ရေးဦးစီးဌာန၊ မွေးမြူရေးနှင့်ကုသရေးဦးစီးဌာန၊ ကျန်းမာရေးဦးစီးဌာန၊ စားအုန်းဆီကိုယ်စားလှယ်တို့နှင့် ပူးပေါင်း၍ (၂၁.၂.၂၀၂၅) ရက်နေ့ နံနက်(၀၈:၀၀) နာရီအချိန်တွင် မော်ကျွန်းမြို့နယ် ၁၃ လမ်းရှိ စီးပွားရေးဘဏ်ရှေ့တွင် ပင်စင်စားဝန်ထမ်းများအား ဆီ၊ ဆန်၊ ကြက်ဥ ရောင်းချပေးမှုနှင့် ဆေးစစ်ဆေးမှုများပြုလုပ်ခဲ့ပါသည်။

               ထိုသို့ရောင်းချရာတွင် ဌာနဆိုင်ရာများမှ ပင်စင်စားဝန်ထမ်းများအား သက်သာသောဈေးနှုန်းများဖြင့် ဆီ၊ ဆန်၊ ကြက်ဥများ ဝယ်ယူရရှိနိုင်ရေးအတွက်ဆောင်ရွက်ပေးခဲ့ကြောင်းသိရှိရပါသည်။ ဆီတပိသာလျှင် (၇၈၀၀)ကျပ်၊ ဧည့်မထဆန်တစ်ပြည်လျှင် (၂၈၀၀)ကျပ် နှင့် ကြက်ဥ(၁၃)လုံးလျှင် (၅၀၀၀)ကျပ် ဖြင့်ရောင်းချပေး ကြောင်းသိရှိရပါသည်။ ဆက်လက်၍လည်း ပင်စင်စားဝန်ထမ်းများအား ဌာနဆိုင်ရာများမှ ကျန်းမာရေးစစ်ဆေးမှုများ ပြုလုပ်ပေးခဲ့ကြောင်း သိရှိရပါသည်။

DOCA(ဧရာဝတီ)

           ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ်တွင် အသေးစား၊ အလတ်စား၊ အငယ်စား မုန့်လုပ်ငန်းများ လုပ်ကိုင်ဆောင်ရွက်နေပြီး စီးပွားဖြစ်တပိုင်တနိုင် ထုတ်လုပ်သော ကောင်းစံ မရွေးလုပ်ငန်း ထုတ်လုပ်ဖြန့်ဖြူးရောင်းချလျက်ရှိပြီး ဈေးကွက်ရှာဖွေလျက်ရှိကြောင်း သိရသည်။

            မုန်လုပ်ငန်းလုပ်ကိုင်သူ ဓနုဖြူမြို့နယ် (၁၁)ရပ်ကွက်၊ (၃)လမ်းမှ ဦးကိုကိုလွင် ကောင်းစံမရွေးလုပ်ငန်း ထုတ်လုပ်မှု ကုန်ကျစရိတ် အကျိုးအမြတ်ကို ရှင်းလင်းရာ မုန့်ထုတ်လုပ်ရာ တွင် ပါဝင်ကစ္စည်းများမှာ ဆီ၊ ဆန်ခေါက်ဆွဲ၊ ကပ်စေးနဲ၊ ထန်းညှပ်၊ သကြား၊ နှမ်း စသည့် ကုန်ကြမ်းများ ပါဝင်ပြီး ကုန်ကြမ်းများကို ဓနုဖြူမြို့နယ်အတွင်းသာ ဝယ်ယူရရှိကြောင်း၊ မရွေးလုပ်ငန်းကို ၂၀၂၃ခုနှစ်မှ စတင်လုပ်ကိုင်ခဲ့ပြီး  ထုတ်လုပ်သည့် မုန့်  ပုံစံ ၂မျိုး ရှိပြီး အထုတ်ရေ (၁၀)ထုတ်ပါ ပါကင်ထုတ်ပြီး အတွဲ၊  အထုတ်ရေ ၂၅ထုတ်ပါ အတွဲ ထုတ်လုပ်ပြီး ဈေးနှုန်းအနေဖြင့် (၁၀)ထုတ်ပါကင်ဈေး ငွေကျပ် ၂၂၀၀ကျပ်၊ (၂၅)ထုတ်ပါ အတွဲ ငွေကျပ် ၅၅၀၀ကျပ်ဖြင့် ရောင်းချကြောင်းသိရသည်။ လုပ်သားအင်အား ၇ဦးဖြင့် လုပ်ကိုင်လျှက်ရှိကြောင်း သိရသည်။

            ထုတ်လုပ်မှုကုန်ကျစရိတ် ၁ရက်ထုတ်လုပ်အရင်းအနှီး ၁ ၅၀၀၀၀၀သိန်းခန့် ကုန်ကျကြောင်း၊ ထုတ်လုပ်မှုအနေဖြင့် ၁၀ထုတ်ပါကင် အတွဲ ၄၀၀ခန့်၊ ၂၅ထုတ် ပါကင်အတွဲ ၁၀၀ မှ ၁၅၀ ခန့် ထုတ်လုပ်နိုင်ကြောင်း၊ အကျိုးအမြတ်အနေဖြင့် ၁ရက်ထုတ်လုပ်မှု အမြတ် ၂၀၀၀၀၀ကျပ် ခန့် ရရှိကြောင်းနှင့် ၁လလျှင် ၂ကြိမ်သာထုတ်လုပ်ရောင်းချကြောင်း လုပ်ငန်းရှင်ထံမှ သိရသည်။ ဈေးကွက်တင်ပို့မှုအနေဖြင့် ဓနုဖြူ၊ ပန်းတနော်၊ ညောင်တုန်းမြို့နယ်ဘက်သို့ တင်ပို့ရောင်းချပြီး အခြားတိုင်းမြို့နယ်များသို့ ဈေးကွက်ရှာဖွေရောင်းချနိုင်ပါက အောင်မြင်သော လုပ်ငန်းတစ်ခု ဖြစ်လာမည်ဖြစ်ကြောင်း လုပ်ငန်းရှင်မှ ရှင်းလင်းပြောကြား၍ သိရှိရပါသည်။

DOCA(ဧရာဝတီ)

            ဓနုဖြူမြို့နယ်သည် စိုက်ပျိုးရေး၊ မွေးမြူရေး နှင့် တပိုင်တနိုင် ကုန်ထုပ်လုပ်ငန်း များဖြင့် ဖွံ့ဖြိုးတိုးတက်သော မြို့နယ်တစ်ခုဖြစ်သည်။ ဆန်၊ စပါးကို အဓိက စိုက်ပျိုးနေပြီး ဒေသတွင် ထုတ်ကုန်များလည်း ရှိသည်။ လယ်ယာလုပ်ငန်း၊ ဥယာဉ်ခြံမြေစိုက်ပျိုးသူလည်းများပြားပြီး စီးပွားဖြစ်လုပ်ကိုင်နေကြပြီး ဒေသတွင်းမှ စိုက်ပျိုးသော ဟင်းသီးဟင်း ရွက် တစ်ခုဖြစ်သော ဗုံလုံသီ’နှံကိုလည်း စိုက်ပျိုးနေပြီး ရန်ကုန်သို့ တင်ပို့ရောင်းချကြောင်း သိရသည်။

            ဗုံလုံစိုက်ပျိုးမှုအနေဖြင့် ၀.၃၀ ဧက စိုက်ပျိုးထွက်ရှိနေသည့် ဦးအောင်သန်း၏ ခြံသို့ စိုက်ပျိုးထွက်ရှိနေမှုကို ကွင်းဆင်းလေ့လာခဲ့သည်။ ဗုံလုံမျိုးကို ၁ထုတ်လျှင် ငွေကျပ် ၁၂၀၀၀ ကျပ်ဖြင့် စိုက်ဧက ၀.၃၀တွင် ၃ထုတ်စိုက်ပျိုးသည်။ ၂၀၂၄ ခုနှစ် နိုဝင်ဘာလတွင် စတင်စိုက်ပျိုးပြီး  ၂၀၂၅ခုနှစ် ဖေဖော်ဝါရီလတွင် ခူးဆွပ်ကြောင်း သိရသည်။  စိုက်ပျိုးမှု ကုန်ကျစရိတ်အနေဖြင့် ငွေကျပ် ၃၀၀၀၀၀ ကျပ်ခန့်ကုန်ကျကြောင်း၊ ထွက်ရှိမှုအနေဖြင့် ၁ပတ်ကို ၁ကြိမ် ခူးရပြီး ၁ကြိမ်ခူးလျှင် အတောင့် ၁၀၀ မှ ၁၅၀ ထိခူးရပြီး စိုက်ဧကအထွက် ပျမ်းမျှအတောင့်ရေ (၂၀၀၀)ခန့် ထွက်ရှိသည်။

            ဈေးနှုန်းအနေဖြင့် စတင်ထွက်ရှိချိန်က တစ်တောင့်လျှင် ၇၀၀-၁၀၀၀ ကျပ်ခန့် လက်ကားရောင်းချရသည်။ ယနေ့ဈေးအနေဖြင့် လက်ကားဈေး ၄၀၀ ကျပ်လက်ကားရောင်းချ၍ ရန်ကုန်သို့ တင်ပို့ခြင်း မြို့နယ်အတွင်းရောင်းချခြင်းများလည်းရှိသည်။ စိုက်ပျိုးပြီးစီးချိန်တွင် တောင်သူအကျိုးအမြတ် ငွေကျပ် ၅၀၀၀၀၀ ခန့် ကျန်ရှိကြောင်း သိရပြီး ဗုံလုံသီးနှံကို နှစ်စဉ်စိုက်ပျိုးပြီး အခြားသော သခွား၊ ငရုတ်၊ ဗူး၊ ခရမ်းချဉ်သီး၊ မုန်လာဥ စသောသီးနှံများလည် စိုက်ပျိုးကြောင်း သိရှိရပါသည်။

DOCA(ဧရာဝတီ)

            ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ်တွင် ဆောင်းသီးနှံ မတ်ပဲစိုက်ဧက (၈၉၃၃၄)ဧက ရှိပြီး ထွက်ရှိမှုအနေဖြင့် (၄၂၈၂၄) ဧကထွက်ရှိနေပြီဖြစ်ကြောင်း သိရသည်။ မတ်ပဲစိုက်ပျိုးထွက်ရှိမှု အခြေအနေကို ရေတွင်းကုန်ကျေးရွာအုပ်စု၊ ဓနုဖြူမြို့နယ် ဦးတင်ဝင်းနိုင် မတ်ပဲ ၄ဧကစိုက်ပျိုးထွက်ရှိနေပြီဖြစ်၍ မတ်ပဲထွက်ရှိမှုအခြေအနေနှင့် တစ်ဧကအကျိုးအမြတ် ဈေးကွက်ရရှိမှု အခြေအနေများကို ကွင်းဆင်းလေ့လာခဲ့သည်။

            အတ်ကဲစိုက်ပျိုးမှု အနေဖြင့် ၄ဧက စိုက်ပျိုးထားရှိပြီး စိုက်ပျိုးစဉ်က မျိုးပဲဈေးနှုန်းအနေဖြင့် ၁တင်းကို ငွေကျပ် ၁၅၀၀၀၀ ဖြင့် ဓနုဖြူမြို့နယ်အတွင်းမှ ဝယ်ယူစိုက်ပျိုးသည်၊၊ မတ်ပဲ စတင်စိုက်ပျိုးချိန်မှာ အောက်တိုဘာလက စတင်စိုက်ပျိုးပြီး ၂၀၂၅ခုနှစ် ဖေဖော်ဝါရီလက ထွက်ရှိကြောင်းသိရသည်။ မတ်ပဲတစ်ဧက ကို  ၆ပြည်ကျဲပတ်၍ ပင်ထောင်မျိုး စိုက်ပျိုးခြင်းဖြစ်သည်။ စိုက်ပျိုးမှု ၁ဧက မျိုး၊သွင်းအားစု၊ လုပ်သားခ၊ မြေဩဇာ၊ ကုန်ကျစရိတ် ၇၀၀၀၀၀ ကျပ် ကုန်ကျကြောင်း၊ ထွက်ရှိမှု အနေဖြင့် ၁ဧက ကို ၁၂ တင်းမှ ၁၅တင်း ကြားထွက်ရှိကြောင်း စိုက်ပျိုးတောင်သူထံမှ သိရသည်။ ဈေးနှုန်းအနေဖြင့် ရောင်းချချိန် ပေါက်ဈေး ငွေကျပ် ၉၆၀၀၀ကျပ်ဖြင့် ရောင်းချပြီး  ဈေးအပြောင်းအလဲပေါ်တွင်လည်း ရောင်းချကြောင်း၊ စိုက်ပျိုးမှု ၁ဧက အကျိုးအမြတ်အနေဖြင့် ငွေကျပ် ၇၀၀၀၀၀ ခန့် ရရှိသည်။ တင်ပို့ ရောင်းချမှုအနေဖြင့် ဓနုဖြူမြို့နယ်အတွင်းရှိ ပဲပွဲရုံများသို့ ရောင်းချပြီး ပွဲရုံများမှ ရန်ကုန်အဓိကထား တင်ပို့ပြီး ထိုမှတဆင့် ပြည်ပဈေးကွက်တင်ပို့ကြောင်း သိရှိရပါသည်။

DOCA(ဧရာဝတီ)