ပြည်တွင်းကုန်သွယ်မှုသတင်း

          စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့မဈေးတွင် ရောင်းချလျက်ရှိသည့် ကြက်ဥ၊ ဘဲဥများမှာ ဒေသတွင်းကြက်ခြံ၊ ဘဲခြံများမှ ဝယ်ယူရောင်းချလျက်ရှိပြီး၊ လိုအပ်ချက်အရ မန္တလေးမှလည်း ဝယ်ယူရောင်းချကြောင်းသိရသည်။ ၂၀၂၅ ခုနှစ်၊ ဖေဖော်ဝါရီလ တတိယပတ်အတွင်း ဖြစ်ပေါ်နေသော ကြက်ဥ၊ ဘဲဥ၊ ငုံးဥဈေးနှုန်းများမှာ ကြက်ဥကြီးတစ်လုံးလျှင် (၄၅၀)ကျပ်၊ ဥလတ်တစ်လုံးလျှင်(၄၂၀)ကျပ်၊ ဥသေးတစ်လုံးလျှင်(၄၀၀)ကျပ်နှင့် ဘဲဥကြီးတစ်လုံးလျှင်(၇၈၀) ကျပ်၊ ဥသေးတစ်လုံးလျှင် (၇၅၀)ကျပ်၊ ငုံးဥ(၈)လုံးလျှင် (၁၀၀၀)ကျပ်ဖြင့် အရောင်းအဝယ်ဖြစ်လျက် ရှိပြီးယခင်အပတ် ဈေးနှုန်းများနှင့်နှိုင်းယှဉ်ပါက ဈေးနှုန်းအနည်းငယ်လျော့နည်းလာကြောင်းကြက် ဥ၊ဘဲဥ၊ ငုံးဥများကို စားသောက်ဆိုင်များ၊ မုန့်လုပ်ငန်းများတွင် အများဆုံးအသုံးပြုကြပြီး အိမ်ရှင်မ များမှမိသားစုထမင်းဝိုင်းအတွက် ဟင်းလျာအဖြစ် ချက်ပြုတ်ရာတွင်လည်း အသုံးပြုကြကြောင်း ကန့်ဘလူမြို့မဈေးအတွင်းရှိ ဈေးသည်များထံမှ သိရှိရပါသည်။

DOCA(စစ်ကိုင်း)

ဘားအံမြို့၊ ဖေဖော်ဝါရီ ၁၉

          ၂၀၂၅ ခုနှစ်၊ ဖေဖော်ဝါရီလ တတိယပတ်အတွင်း ကရင်ပြည်နယ်၊ ဘားအံမြို့ပေါ်ဈေးများတွင် လိမ္မော်သီးများ လှိုင်လှိုင်ဝင်ရောက်ကာ အရောင်းသွက်လျက်ရှိနေကြောင်း သိရသည်။

          လိမ္မော်သီးသည် အနံအရသာနဲ့ပြည့်စုံရုံသာမက ကျန်းမာရေးအတွက်လည်းများစွာ အထောက်အကူပြုသည့်အတွက် စားသုံးသင့်သောသီးနှံတစ်မျိုးဖြစ်သည်။ အဆိုပါ လိမ္မာ်သီးများ သည် ၂၀၂၄ ခုနှစ်၊ ဒီဇင်ဘာလ ဆန်းပိုင်းမှစ၍ ရှမ်းပြည်နယ်၊ တောင်ကြီး၊ ကလော၊ အောင်ပန်း ဒေသများမှ ကရင်ပြည်နယ်၊ ဘားအံမြို့သို့ စတင်ဝင်ရောက်ပြီး အရောင်းအဝယ်ဖြစ်လျက် ရှိသည်။ ဈေးနှုန်းများမှာ ယခင်လ လိမ္မာ်သီးဈေးနှုန်း တစ်ကီလိုလျှင် (၅၀၀၀၊ ၆၀၀၀)ကျပ်နှင့် ယခု ဖေဖော်ဝါရီလ တတိယပတ်တွင် လိမ္မာ်သီးတစ်ကီလိုလျှင် (၃၅၀၀၊ ၅၀၀၀)ကျပ် နှုန်းတို့ဖြစ် အရောင်း အဝယ်ဖြစ်လျက်ရှိကြောင်း လိမ္မာ်သီးအရောင်းဆိုင်များမှ သိရသည်။

DOCA(ကရင်)

          စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ကုန်စိမ်းသီးနှံအစုံရောင်းချပြီး မိသားစုစားဝတ်နေရေးအတွက် ဝင်ငွေရှာသည့်လုပ်ငန်းကို  လုပ်ကိုင်ရောင်းချလျက်ရှိကာ ကုန်စိမ်းသီးနှံများအား ရာသီအလိုက် ပေါ်ပင်သီးနှံများကို နေရာဒေသမရွေးကနေ ဖောက်သည်ယူ၍ ပေါ်ဦးပေါ်ဖျားမှ သီးနှံတုန်းသည်အထိ ရောင်းချကြောင်းသိရပါသည်။

           ငရုပ်သီးစိမ်းများထဲမှ မိုးထော်ငရုပ် ကျောက်စိမ်းသီးနှင့် ကုလားအော်သီး တို့ကိုရောင်းချလျက် ရှိပါသည်။      ယခု ၂၀၂၅ ခုနှစ်၊ ဖေဖော်ဝါရီလ တတိယအပတ်တွင် ကန့်ဘလူမြို့ မစည်ပင်သာယာဈေး အတွင်း ဖြစ်ပေါ်နေသော ငရုပ်သီးစိမ်း၏ ဈေးနှုန်း/ဈေးကွက် အနေဖြင့် မိုးထော်ငရုပ် (ကျောက်စိမ်းသီး) တစ်ပိဿာလျှင်(၃၀၀၀)ကျပ်၊ ၂၅ကျပ်သားလျှင်(၁၀၀၀)ကျပ်၊ ကုလားအော်  ငရုပ်သီးစိမ်း တစ်ပြည်လျှင် (၁၅၀၀၀)ကျပ် နို့ဆီ တစ်ဘူးလျှင်(၂၀၀၀)ကျပ် ဈေးနှုန်းတို့ဖြင့် အသီးသီး အရောင်းအဝယ်ဖြစ်လျက်ရှိကြောင်း  ကန့်ဘလူမြို့မစည်ပင် သာယာဈေး ကုန်စိမ်းသီးနှံအစုံ ရောင်းချသူထံမှ သိရှိရပါသည်။

DOCA(စစ်ကိုင်း)

           ကန့်ဘလူမြို့ရှိ မိုးမလင်းဈေးနှင့် မြို့မဈေးကြီးထဲတွင် ကုန်စိမ်းသီးနှံနှင့် တွက်ဖက်၍ ပဲရေဖွှ၊ တို့ဟူးစိမ်းတို့ကိုပါ လုပ်ကိုင်ရောင်းချလျက်ရှိကြောင်းသိရပါသည်။

           ၂၀၂၅ ခုနှစ်၊ ယခု ဖေဖော်ဝါရီလ တတိယပတ်အတွင်း ဖြစ်ပေါ်နေသော ကန့်ဘလူမြို့၏ တို့ဟူးစိမ်း ဈေးနှုန်းများမှာ တို့ဟူးစိမ်း တစ်ပိဿာလျှင်(၂၀၀၀)ကျပ်၊ (၅၀)ကျပ်သားလျှင်(၁၀၀၀)ကျပ်၊ (၂၅)ကျပ် သားလျှင်(၅၀၀)ကျပ် ဈေးနှုန်းတို့ဖြင့် ‌အရောင်းအဝယ်ဖြစ်လျက်ရှိကြောင်း ကန့်ဘလူမြို့ မြို့မဈေး၌ ကုန်စိမ်းသီးနှံမျိုးစုံ  ရောင်းချနေသော ဈေးသည်တစ်ဦးထံမှ သိရှိရပါသည်။

DOCA(စစ်ကိုင်း)

          စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ မြို့မစည်ပင်သာယာဈေးတွင် ဘုရားပန်းအမျိုးမျိုးဖြစ်သော ဂန္ဓာမာပန်း၊ သစ္စာပန်း၊ စိန်လည်တုံ၊ နှင်းဆီ၊ မေမြို့ပန်း(အက်စတာ)၊ မြေမြို့ပန်း (ကြက်လည်ဆံ) သပြေပန်း(အောင်သပြေ)အငုတ်၊ အောင်သပြေ အခက်များနှင့် အာစီယံသပြေ တို့ကို မိမိတို့ဒေသထွက်နှင့် မန္တလေးမြို့၊ ပြင်ဦးလွင်မြို့တို့မှ မှာယူရောင်းချကြောင်းသိရှိရပါသည်။ မိမိတို့ ဗုဒ္ဓဘာသာ လူမျိုးများအတွက် ဘုရားပန်းသည်လည်း မိမိတို့ ကိုးကွယ်ယုံကြည်အားထားရာဖြစ်သည့် ဘုရားစင်ပေါ်တွင် ကုသိုလ်ယူရန် နေ့စဉ်ကပ်လှူပူဇော်ရသည့်အတွက် မရှိမဖြစ်သော အရာတစ်မျိုးလည်းဖြစ်ပါသည်။

          ဂန္ဓမာပန်းသည် ဘုရားပန်းကပ်လှူပူဇော်ရာတွင်လည်း အသုံးပြုပြီး  အနည်းဆုံးတစ်ပတ်အထိ ထားခံပြီး ဘုရားပန်းအိုးထဲတွင်အရွက်များစိမ်းစိုနေသည့်အတွက် ဂန္ဓမာပန်းသည် လူကြိုက်များသော ပန်းတစ်မျိုးဖြစ်သည်။ ဂန္ဓမာပန်းကို မိမိတို့ဒေသတွင်း တစ်ပိုင်တစ်နိုင် စိုက်ပျိုးကြသည်ကိုသာ တွေ့ရှိ ရပြီး ယခုနောက်ပိုင်းတွင် ဂန္ဓမာပန်းကို စိုက်ပျိုးမှုနည်းသည့်အတွက် မန္တလေးမြို့ ၊ ရှမ်းပြည်နယ်နှင့် ပြင်ဦးလွင်မြို့တို့မှ ဂန္ဓမာပန်းကို မှာယူရောင်းချရကြောင်း ပန်းသည်ထံမှသိရှိရပါသည်။ ဂန္ဓမာပန်းသည် ဘုရားပန်းကပ်လှူပူဇော်ယုံ သာမက တရားဓမ္မသဘင်ပွဲများတွင် အလှပန်းထိုးခြင်းများ၊  ပန်းပြပွဲများတွင် ပန်းအလှပြရန်ဖြစ်စေ အသုံးပြုကြပါသည်။ ဂန္ဓမာပန်းတွင် အနီ၊ အဖြူ၊ အဝါ၊ ပန်းခရမ်းရောင်၊ ခရမ်းရောင်၊ နီညို့ရောင်  စသည်အရောင်များရှိပါသည်။

          ယခု ၂၀၂၅ ခုနှစ်၊ ဖေဖော်ဝါရီလ(တတိယပတ်)တွင် ဂန္ဓမာပန်း ဈေးနှုန်းဖြင့် ဂန္ဓမာပန်း အပွင့်ကြီး (၅)ခက်ပါ တစ်စီးလျှင်(၃၅၀၀)ကျပ်၊ ဂန္ဓမာပန်း အပွင့်လတ်(အဖြူ)(၅)ခက်ပါ တစ်စီးလျှင် (၁၅၀၀)ကျပ်၊ ဂန္ဓမာပန်း အပွင့်လတ်(အဝါ၊ ခရမ်း၊ နီညို့)(၅)ခက်ပါ တစ်စီးလျှင်(၁၂၀၀)ကျပ် ဂန္ဓမာပန်း အပွင့်အသေး (အဖြူ)(၅)ခက်ပါ တစ်စီးလျှင်(၁၀၀၀)ကျပ် ဈေးနှုန်းတို့ဖြင့် ရောင်းချလျက်ရှိကြောင်း ကန့်ဘလူမြို့ မြို့မ စည်ပင်သာယာ ဈေးတွင် ဘုရားပန်းမျိုးစုံ ရောင်းချနေသော ပန်းသည်ထံမှ သိရှိရပါသည်။

DOCA(စစ်ကိုင်း)