ပြည်တွင်းကုန်သွယ်မှုသတင်း

မန္တလေးဈေးကွက်အတွင်းသို့ ပိန္နဲသီးနုနုများ ဖေဖော်ဝါရီလလယ်မှစ၍ ဝင်ရောက်လျက် ရှိပါသည်။ ယခုရာသီသည် ပိန္နဲသီးပင်မှရွက်ဟောင်းများကြွေကျပြီး ရွက်သစ်အဖူး၊ အပွင့်များ နှင့်အတူ ပိန္နဲသီးနုနုကလေးများ စတင်သီးဝင်နေပြီဖြစ်ပါသည်။ ပိန္နဲပင်သည် တစ်ခါစိုက်ထားလျှင် တစ်သက်စားမကုန်သော အပင်ကြီးမျိုးဖြစ်ပါသည်။ ခေတ်မီတိုးတက်လာသည်နှင့်အမျှ အရွယ် ငယ်ငယ်နှင့်သီးသော အပင်ပုမျိုးများကိုလည်း စိုက်ပျိုးလျက်ရှိပါသည်။ ပိန္နဲပင်ကို အိမ်ခြံဝင်း များနှင့် ဥယျာဉ်ခြံများတွင် စိုက်ပျိုးလေ့ရှိပါသည်။ မတ္တရာ၊ မိုးကုတ်၊ ပြင်ဦးလွင်နှင့် ကျောက်ဆည် ဒေသတို့တွင် အများဆုံးစိုက်ပျိုးကြကြောင်းလည်း သိရှိရသည်။ ပိန္နဲ သီးကို ရင့်မှည့်ရာသီမှသာ ဈေးကွက်သို့ တင်ပို့ရောင်းချခြင်းများရှိကြသလို ပိန္နဲသီးနုနုကလေးများကိုခူး၍ ဟင်းလျာ အတွက်လည်း ရောင်းချကြပါသည်။ ပိန္နဲပင်အကြီးမျိုးတစ်ပင်လျှင် အလုံးတစ်ထောင်ကျော် သီးတတ်ပါသည်။ ပိန္နဲသီးအကြွပ်သီးမျိုးနှင့် အပျော့သီးမျိုးဟူ၍ နှစ်မျိုးရှိသည်။ ပိန္နဲအပျော့ သီးပင်မှအသီးနုနုများကို ရင့်မှည့်သည်ထိမထားဘဲ ခူးယူရောင်းချကြောင်းလည်း သိရှိရသည်။ ပိန္နဲ သီးနုနုကလေးများကို အခွံခွာပီးအစိတ်ကလေးများစိတ်၍ အစိမ်းအလိုက်သော်လည်းကောင်း၊ ပြုတ်၍သော်လည်းကောင်း ရောင်းချကြသည်။ ပိန္နဲ သီးနုနုအစိမ်း(၂၅)ကျပ်သားလျှင် ၂၀၀၀ကျပ်၊ အပြုတ်(၂၅)သားလျှင် ၁၅၀၀ကျပ် ဈေးနှုန်းများဖြင့် ရောင်းချလျက်ရှိကြောင်း ဈေးကွက်အတွင်း မှ သိရှိရသည်။ ပိန္နဲသီးနုနုကလေးများကို ပြုတ်ကာ အတို့အမြှုပ်လုပ်၍ သော်လည်းကောင်း၊ သုပ်၍သော်လည်းကောင်း စားသောက်ကြသည်။ ပိန္နဲသီးနုနုအစိမ်းကို အသား၊ ငါးများနှင့်ရော၍ လည်း ချက်ပြုတ်စားသောက်ကြသည်။

DOCA(မန္တလေး)

          မန္တလေးမြို့တွင်းရှိ ပွဲရုံများသို့ ပဲတီစိမ်းထွက်ရှိရာဒေသများဖြစ်ကြသော ဝမ်းတွင်း၊ မြစ်သား၊ ကျောက်ဆည်၊ တံတားဦး၊ စဉ့်ကိုင်၊ မတ္တရာ၊ စဉ့်ကူး၊ သပိတ်ကျင်း၊ ငါန်းဇွန်၊ ပခုက္ကူ၊ မုံရွာ၊ ချောင်းဦးဒေသများမှ မိုးကြိုပဲတီစိမ်းများ အများအပြားဝင်ရောက်လျှက်ရှိသည်။ မန္တလေး ပွဲရုံများသို့ လာရောက်ရောင်းချကြသော လယ်ယာထွက်ကုန်ပစ္စည်းများအနက် ပဲတီစိမ်းသည် မြန်မာနိုင်ငံ၏ ထိပ်ဆုံးပို့ကုန်(၁၀)မျိုးထဲမှ ပဲအမျိုးအစားတစ်မျိုးဖြစ်သည်။ ပဲမျိုးစုံပြည်ပတင်ပို့မှု တွင် မတ်ပဲပြီးလျှင် ဒုတိယအများဆုံးသီးနှံဖြစ်သည်။

          ပဲမျိုးစုံ၊ ပြောင်း၊ ဆီထွက်သီးနှံမျိုးစုံများကို မန္တလေးမြို့ မဟာကထိန်တော်အသင်း ကုန်စည်ဒိုင်ပေါက်ဈေးဖြင့် ပွဲရုံများမှာ အရောင်းအဝယ်ပြုလုပ်ကြသည်။ ပဲတီစိမ်း(၃) တင်းဝင် အိတ်တစ်အိတ်လျှင်(၅၆.၂၅)ပိဿာစံနှုန်းသတ်မှတ်ချက်ဖြင့် ပဲတီစိမ်းရွှေဝါကို ဖေဖော်ဝါရီလ ပထမပတ်တွင်(၂၇၀၀၀၀)ကျပ်၊ ရိုးရိုးပဲတီစိမ်းမှာ(၂၄၀၀၀၀)ကျပ်တို့ဖြင့် ရောင်းဝယ်ခဲ့ကြပြီး ဖေဖော်ဝါရီလစတုတ္ထပတ်တွင် ပဲတီစိမ်းရွှေဝါမှာ(၂၄၀၀၀၀)ကျပ်၊ ရိုးရိုးပဲတီစိမ်းမှာ(၂၁၀၀၀၀) ကျပ်၊ အညံ့အဖျင်းများသောပဲတီစိမ်းများကို (၁၉၀၀၀၀)တို့ဖြင့် အဝင်များပြားမှုဖြင့် အရောင်း အဝယ်ဖြစ်ကြောင်း ပဲတီစိမ်းကို ပြည်တွင်းစားသုံးရုံသာမက ပြည်ပဈေးကွက်တွင် ဝယ်လို အားကြီးမားသော သီးနှံဖြစ်သည်။ အိန္ဒိယနိုင်ငံသို့တင်ပို့ခြင်းမှာ နိုင်ငံခြားငွေအများဆုံး ရှာဖွေပေး သောသီးနှံဖြစ်ပြီး ပဲကြာဇံနှင့် ပဲပြားပြုလုပ်ရာတို့တွင်အဓိကထားအသုံးပြုကြောင်း သိရှိရသည်။ ပြည်ပသို့ တင်ပို့ရန်အတွက် ပိုးမွှားရန်ကာကွယ်ရန် သိုလှောင်ရုံကြိုတင်ပြင်ဆင်ခြင်း၊ သီးနှံကို စစ်ဆေးခြင်း၊ ပိုးကြပါကပိုးသတ် မှိုင်းတိုက် တစ်ပတ်တစ်ကြိမ်စစ်ဆေးခြင်း၊ အပူချိန်တက်လျှင် နေရာပြောင်းခြင်း၊ အိတ်အသန့်များထည့်သွင်းခြင်း၊ ဆေးများကို တစ်လတစ်ကြိမ်ပြုလုပ်ရန် ဖြစ်ပြီး ပြည်ပသို့ပို့မည်ဆိုပါက (ပထမအဝင်/ပထမထုတ်)ဖြင့် ရောင်းဝယ်ကြပါကြောင်း လေ့လာ သိရှိရပါသည်။

DOCA(မန္တလေး)

မြင်းခြံမြို့နယ်တွင် ရာသီစာ စားဖိုဆောင်သီးနှံတစ်မျိုးဖြစ်သော ပန်းမုံလာများကို ကျေးရွာတစ်ချို့တွင် စိုက်ပျိုးထားကြပြီး စိုက်ပြီး ရက် ၈၀ အကြာတွင် ဈေးကွက်ရောင်းတန်းဝင် ပန်းမုံလာထုပ်များရရှိလို့ ဆွတ်ခူးရောင်းဝယ်ကြရာ တစ်ရက်လျှင် အပွင့်ရေ ၆၀၀ နှင့် ၇၀၀ အကြားရှိ ကြောင်း မြင်းခြံဈေးကွက်တွင် ဒေသထွက် ပန်းမုံလာများရှိသလို နယ်ဈေးကွက် အောင်ပန်းနယ် များမှထွက်ရှိသော ပန်းမုံလာများလဲ ရံဖန်ရံခါ ဝင်ရောက်လျက်ရှိကြောင်းသိရသည်။ ဈေးနှုန်းအနေ ဖြင့် ကွာခြားမှုမရှိဘဲ ပန်းမုံလာတစ်ပွင့်လျှင် ငွေကျပ် ၅၀၀-၁၀၀၀ ဈေးရှိကြောင်းသိရသည်။ ယခုလို ဆောင်းရာသီကာလ မိသားစု မနက်အစောစာအတွက်တော့ ငွေကျပ် ၅၀၀-၁၀၀၀ ဖြင့် ဟင်းလျာ ဖြစ်ပြီး စားသုံးသူအတွက်တော့ ဈေးသင့်ကြောင်း အိမ်ရှိမတစ်ဦးထံမှ သိရသည်။ ယခင်ပန်းမုံလာ တစ်ပွင့်လျှင်ငွေကျပ် ၈၀၀-၁၅၀၀ ဈေးရှိပြီး အရောင်းအဝယ်ဈေးအေးသည်ဟု ပန်းမုံလာ လက်ကား ရောင်းချသူ ကုန်သည်တစ်ဦးထံမှသိရသည်။

DOCA(မန္တလေး)

 မန္တလေးတိုင်းဒေသကြီး၊မြင်းခြံခရိုင်၊မြင်းခြံမြို့တွင် စားဖိုဆောင်သီးနှံဖြစ်သော ကြက်သွန်ဖြူ တောင်သာမြို့နယ်တွင်အများဆုံးစိုက်ပျိုးပြီး စိုက်ဧက(၃၂၀)  ရှိကြောင်း ထွက်ရှိသောကြက်သွန်ဖြူ များကို မြင်းခြံဈေးကွက်သို့ရောင်းချကြောင်း မြင်းခြံမြို့နယ်အတွင်းရှိ ကျေးရွာတစ်ချို့တွင်လည်း စိုက်ပျိုးထားကြောင်းသိရသည်။ စိုက်ပျိုးမှုအနေဖြင့် နိုဝင်ဘာလနှင့် ဒီဇင်ဘာလများတွင်စိုက်ပျိုးပြီး ဖေဖော်ဝါရီနှင့်မတ်လတို့တွင် ထွက်ပေါ်ကြောင်းသိရသည်။ ကြက်သွန်ဖြူတစ်ဧကလျှင်ပိဿာ ၁၃၀၀ -၁၅၀၀ ခန့်ထွက်ရှိကြောင်းသိရသည်။ လက်ရှိမြို့ပေါ်ရောင်းဝယ်နေသော ကြက်သွန်ဖြူဈေးနှုန်းများ အနေဖြင့် ယခင် ရှမ်းဖြူ (အောင်ပန်း) အဟောင်း ၁၂၅၀၀/-ကျပ်မှ ယခု ၉၀၀၀/- ကျပ် ၊ ၁၀၀၀၀/- ကျပ်၊ရှမ်းဖြူ အသစ် ၅၅၀၀/-ကျပ် ၊ ၆၀၀၀/-ကျပ် ၊ ကြူကုတ် ယခင် ၁၃၅၀၀/-ကျပ် ၊ ၁၄၅၀၀/-ကျပ် ၊ ယခု ၁၂၀၀၀/-ကျပ်၊ ၁၂၅၀၀/- ကျပ် ၊ ဗမာဖြူဟောင်းတစ်ပိဿာ ယခင် ၁၂၀၀၀/-ကျပ်၊၁၃၀၀၀/-ကျပ်မှ ယခု ၈၀၀၀/-ကျပ် ၊ ၁၀၀၀၀/-ကျပ်ဈေးရှိကြောင်းသိရသည်။

DOCA(မန္တလေး)

မန္တလေးတိုင်းဒေသကြီး ၊ မြင်းခြံခရိုင် ၊ မြင်းခြံမြို့နယ်တွင် ကြက်မွေးရေးခြံများ ရှိသော် လည်း စားသုံးမှုမြင့်မားသည့်အတွက် ဈေးကွက်လိုအပ်ချက်အရ လိုအပ်သော ကြက်ဥ / ဘဲဉများကို တောင်ကြီး ၊ ပြင်ဦးလွင်နှင့် မန္တလေးမြို့များမှ မှာယူရောင်းချကြောင်းသိရသည်။ မြို့ပေါ်ရှိ ကြက်ဥ အရောင်းဆိုင်တစ်ဆိုင်သို့ မေးမြန်းကြည့်ရာမှာတော့ ယခင်က ပြင်ဦးလွင်ဒေသဘက်မှ မှာယူရောင်း ချခဲ့ပြီး ယခုတွင်မန္တလေးမှ မှာယူရောင်းချပါကြောင်းနှင့် တစ်ရက်ကို လက်လီ/လက်ကား အလုံးရေ ၄၅၀၀ ရောင်းချရပါကြောင်း၊ ရောင်းအားလည်းကောင်းလာပါကြောင်း တစ်ပိဿာလျှင်ငွေကျပ် ၁၀၀၀၀/- ကျပ် / ၁၀၃၀၀/- ရောင်းချပြီး ကြက်ဥတစ်လုံးလျှင် ၄၀၀ ကျပ်မှ ၄၅၀ ကျပ် ၊ ဘဲဥ တစ်လုံးလျှင် ၆၀၀/-ကျပ် ၊ ၇၀၀ ကျပ်ဈေးရောင်းချရပြီး ဟင်းလျာအတွက်ဆိုလျှင် ကြက်ဥပြုတ် ၊ ကြက်ဥကြော် ၊ ကြက်ဥကြော်ချက်၊ ကြက်ဥပေါင်းချက်နှင့် ကြက်ဥမွှေချက် စားသုံးချက်ပြုတ်ရာတွင် လွယ်ကူသည့် ကြက်ဥကိုတော့ မကြာမကြာချက်၍စားသုံးဖြစ်ကြောင်း ပန်းရန်လုပ်ကိုင်သူတစ်ဦး ထံမှသိရသည်။

DOCA(မန္တလေး)