ပြည်တွင်းကုန်သွယ်မှုသတင်း

   မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့ပတ်ဝန်းကျင်ရှိ ကျေးရွာများမှ အလေ့ ကျပေါက်လေ့ရှိသော ငှက်စွပ်မှိုများကို ကျေးရွာအတွင်းရှိ မှိုရှာရွာသူ/သားများမှ ဇေယျာသီရိဈေး အတွင်းသို့ စက်တင်ဘာလ(စတုထ္တပတ်)မှစတင်၍ ဝင်ရောက်ရောင်းချကြောင်း သိရှိရသည်။

          ၂၀၂၅ ခုနှစ်၊ အောက်တိုဘာလ(ဒုတိယပတ်)တွင် ငှက်စွပ်မှို (၁) ပိဿာလျှင် ကျပ်(၂၀၀၀၀) ဖြင့် အရောင်းအဝယ်ဖြစ်လျက်ရှိပြီး ယခင်ပေါ်စအချိန် စက်တင်ဘာလ(စတုထ္တပတ်)တွင် (၁)ပိဿာ လျှင် ကျပ်(၃၅၀၀၀)ဖြင့်အရောင်းအဝယ်ဖြစ်ခဲ့ရာ ဈေးနှုန်းနှိုင်းယှဉ်ပါက ယခုအပတ်တွင် ကျပ်(၁၅၀၀၀) ခန့် ဈေးနှုန်းကျဆင်းကာ အရောင်းအဝယ်ဖြစ်ခဲ့ကြောင်းသိရသည်။ ယခုအချိန်  တွင် မြို့ပတ်ဝန်းကျင် ရှိကျေးရွာများ၌ ရာသီစာငှက်စွပ်မှိုများ လှိုင်လှိုင်ထွက်ပေါ်လျက်ရှိသော ကြောင့် ဈေးနှုန်းမှာကျဆင်း လာခြင်းဖြစ်ကြောင်း၊ ရာသီစာဖြစ်သည့်အတွက် လူကြိုက်များပြီး အရောင်းအဝယ်မှာ သွက်လျက် ရှိကြောင်းသိရသည်။

DOCA(မကွေး)

     ကျိုက်မရောမြို့နယ်အတွင်းရှိ နတ်စမ်းဒေသထွက်နာမည်ကြီး ကျွဲကောသီးများ လှိုင်လှိုင်ထွက်၍ ဈေးကောင်းလည်း ရရှိသဖြင့် မိသားစုအပိုဝင်ငွေများရနေကြောင်း သိရသည်။

      ကျွဲကောသီးပင်စိုက်ပျိုးရာတွင် သဘာဝမြေဩဇာများ စနစ်တကျထည့်သွင်းပေးရပြီး ပိုးမွှားအန္တရာယ်လည်းကျရောက်တတ်သဖြင့် ပိုးသတ်ဆေးလည်းပုံမှန်ဖြန်းပေးရသည်။ စိုက်ပျိုး သည့်မျိုးမှာ ဒေသမျိုးနှင့်နိုင်ငံခြားမျိုးဟူ၍ နှစ်မျိုးရှိပြီး နတ်စမ်းတွင် ဒေသမျိုးသာ အများဆုံး စိုက်ပျိုး‌လေ့ရှိကြောင်း သိရသည်။

     ကျွဲကောသီးမျိုးမှာ အဖြူမျိုးနှင့်ပန်းရောင်မျိုး နှစ်မျိုးရှိပြီး အရသာကိုလိုက်၍ အချိုမျိုး၊ အချဉ်မျိုးဟူ၍ ခွဲခြားခေါ်ဝေါ်ကြပြီး နတ်စမ်းကျွဲကောသီးအများစုမှာ ကျောက်စိမ်းသီး အဖြူမျိုးဖြစ်သည်။ ကျိုက်မရောဒေသထွက် ကျွဲကောသီးမှာ အောက်တိုဘာလဆန်းပိုင်းမှ စ၍ အသီးများလှိုင်လှိုင်ထွက်ရှိကာ ဈေးကောင်းလည်း ယခင်နှစ်များကထက် ပိုမိုရရှိပြီး သီတင်း ကျွတ် ကာလအဝယ်လည်းလိုက်ကြောင်း၊ကျွဲကော်သီးတစ်လုံးလျှင် (၅၀၀၀) ကျပ်မှ အနည်းဆုံး (၃၀၀၀) ကျပ်ရရှိပြီး မော်လမြိုင်မြို့ကြီးကိုသာမက ရန်ကုန်နှင့် မန္တလေးမြို့ကြီးများရှိ ဒိုင်များက ပါ မှာယူနေကြသဖြင့် စိုက်ပျိုးသူပိုမိုများလာကာ အထွက်နှုန်းလည်းကောင်းပြီး ဈေးကောင်း လည်းရရှိချိန်ဝယ်လိုအားများချိန်တို့၌ ခူး၍ပင် မလောက်ကြောင်း ကျွဲကော်သီး စီးပွားဖြစ် စိုက်ပျိုးရောင်းချသူ ဒေါ်ခင်စန်းမြင့်၏ ပြောပြချက်အရ သိရသည်။

   ကျွဲကောသီးစားသုံးပေးခြင်းဖြင့် ပင်ပန်းနွမ်းလျခြင်း၊ အိပ်မပျော်ခြင်း၊ မျက်စိကြောင်ခြင်း၊ လည်ချောင်းနာခြင်းနှင့် ဆီးချိုရောဂါတို့ကို သက်သာပျောက်ကင်း ကောင်းမွန်သဖြင့် ကျွဲကော်သီးကို လူတိုင်းစားသုံးသင့်ကြောင်း ကျွဲကော်သီးခြံရှင်ကပြောသည်။

DOCA (မွန်)

  မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေးရှိ  ကုန်စိမ်းသီးနှံ ဈေးကွက်တွင် မင်းဘူး၊ မကွေး၊ သရက်၊ တောင်တွင်းကြီးမြို့နှင့် ရှမ်းပြည်နယ်၊ အောင်ပန်း‌မြို့ တို့မှထွက်ရှိသော ခရမ်းချဉ်သီးများ ဝင်ရောက်အရောင်းအဝယ်ဖြစ်လျက်ရှိကြောင်း သိရသည်။

         ဈေးနှုန်းများအနေဖြင့် ၂၀၂၅ခုနှစ်၊ အောက်တိုဘာလ(ဒုတိယပတ်)တွင် ခရမ်းချဉ်သီး (၁) ပိဿာလျှင် (အလုံးအကြီးအသေးနှင့် အရည်အသွေးလိုက်၍) ကျပ်(၂၅၀၀-၃၀၀၀)ဖြင့် အရောင်း အဝယ်ဖြစ်လျက်ရှိပြီး ယခင်(ပထမပတ်)တွင်  (၁)ပိဿာလျှင် ကျပ်(၂၄၀၀-၂၈၀၀)ဖြင့် ရောင်းချ လျက်ရှိရာ  ဈေးနှုန်းနှိုင်းယှဉ်ပါက ယခုတစ်ပတ်တွင် တစ်ပိဿာလျှင် ကျပ်(၁၀၀-၂၀၀)ခန့် ဈေးကျပြီး အရောင်းအဝယ်ဖြစ်ကြောင်း သိရသည်။ ယခုအချိန်တွင် ဒေသတွင်းခရမ်းချဉ်သီးစိုက်ခင်း များထွက်ရှိလာသည့်အတွက် ဈေးကွက်အတွင်းခရမ်းချဉ်သီးဈေးနှုန်းမှာ ကျဆင်းလာခြင်းဖြစ်ကြောင်း သိရှိရသည်။

DOCA(မကွေး)

    သထုံခရိုင်အတွင်းရှိမြို့နယ်များတွင် အောက်တိုဘာလ၏ ဒုတိယအပတ်တွင် စပါး၊ ဆန် စျေးနှုန်းမှာ အနည်းငယ်တက်လျက်ရှိကြောင်း သိရှိရပါသည်။ သထုံခရိုင်အတွင်းမှ အခြားတိုင်း ဒေသကြီး နှင့် အခြားခရိုင်မြို့နယ်များသို့ ဆန်စီးထွက်မှုနှုန်းမှာ မော်လမြိုင်သို့ (၂၃၀၀) အိတ်ခန့်၊ ကရင်ပြည်နယ်သို့  (၂၀၀၀) အိတ်ခန့်၊ စုစုပေါင်း (၄၃၀၀) အိတ်ခန့်၊ တန်ချိန်အားဖြင့် (၂၀၇) တန် စီးထွက်ခဲ့ပါသည်။ ယခုအောက်တိုဘာလ၏ ဒုတိယအပတ်တွင် မော်လမြိုင်သို့ (၂၂၀၀) အိတ်ခန့်၊ ကရင်ပြည်နယ်သို့ (၂၁၀၀) အိတ်ခန့်၊ စုစုပေါင်း (၄၃၀၀) အိတ်ခန့်၊ တန်ချိန်အားဖြင့် (၂၀၇)တန်ခန့် စီးထွက်ခဲ့ပြီး ပထမအပတ်နှင့် နှိုင်းယှဥ်ပါက ပုံမှန်အတိုင်း စီးထွက်ခဲ့ပါသည်။

    သထုံခရိုင်အတွင်းသို့ စက်တင်ဘာလ၏ ပထမအပတ်တွင် ဆန်စီးဝင်မှုနှုန်းမှာ ရန်ကုန်တိုင်းဒေသကြီးမှ (၁၈၀၀) အိတ်ခန့်၊  ပဲခူးတိုင်းဒေသကြီးမှ (၁၉၀၀) အိတ်ခန့်၊ စုစုပေါင်း (၃၇၀၀) အိတ်ခန့်၊ တန်ချိန်အားဖြင့် (၁၇၈) တန်ခန့်စီးဝင်ခဲ့ပြီး ယခုအောက်တိုဘာလ၏ ဒုတိယအပတ်တွင် ရန်ကုန်တိုင်းဒေသကြီးမှ (၁၇၀၀) အိတ်ခန့်၊ ပဲခူးတိုင်းဒေသကြီးမှ (၁၈၀၀) အိတ်ခန့်၊ စုစုပေါင်း (၃၅၀၀) အိတ်ခန့်၊ တန်ချိန်အားဖြင့် (၁၇၅) တန်ခန့် စီးဝင်ခဲ့ပြီး သထုံခရိုင်အတွင်းသို့ ဆန်စီးဝင်မှုနှုန်းမှာ ယခင်ပထမအပတ်နှင့်နှိုင်းယှဥ်ပါက အနည်းငယ် လျော့၍ စီးဝင်ခဲ့ပါသည်။

     သထုံခရိုင်အတွင်း၌ ယခုအောက်တိုဘာလ၏ ဒုတိယအပတ်တွင် စပါး၊ ဆန်စျေးနှုန်းများ မှာ စပါးတင်း (၁၀၀) လျှင် ဒေသပေါက်စျေး ကျားပျံဟိုတယ် (၂၇၀၀၀၀၀ိ/-) ခန့်၊ ပေါ်ဆန်းဝါ    (၂၄၅၀၀၀၀ိ/-)ခန့်၊ ကမာကြည် (၁၆၀၀၀၀၀ိ/-) ခန့်၊ ဧည့်မထ (၁၂၅၀၀၀၀ိ/-) ခန့်နှင့် (၂၄) ပြည် ဝင်ဆန် တစ်အိတ်လျှင် ကျားပျံဟိုတယ် (၁၁၀၀၀၀ိ/-) ခန့်၊ ပေါ်ဆန်းဝါ (၁၁၀၀၀၀ိ/-) ခန့်၊   ကမာကြည် (၆၉၀၀၀ိ/-) ခန့်၊ ဧည့်မထ (၅၀၀၀၀ိ/-) ခန့်ရှိပြီး ယခုအပတ်တွင် စပါး၊ ဆန် စျေးနှုန်းမှာ အနည်းငယ်တက်လျက်ရှိကြောင်း သိရှိရပါသည်။

DOCA (မွန်)

  မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့နယ်တွင် ကွမ်းရွက်များကို ဧရာဝတီ တိုင်းဒေသကြီး၊ ကနောင်၊ မြန်အောင်၊ ပဲခူးတိုင်းဒေသကြီး၊ ပေါက်ခေါင်း၊ ပေါင်းတလည်၊ စစ်ကိုင်း တိုင်းဒေသကြီး၊ မုံရွာမြို့တို့ရှိ ကွမ်းခြံများမှ တိုက်ရိုက်ဝယ်ယူရောင်းချကြောင်း၊ ကွမ်းသီးများကို ထားဝယ်မှတိုက်ရိုက်တင်ပို့သည့် ပြည်မြို့ရှိကွမ်းဒိုင်မှတဆင့် မှာယူရောင်းချကြောင်း၊ ကွမ်းစား ထုံးကို မကွေးမှဝယ်ယူရောင်းချပြီး နှပ်ဆေးနှင့်ဗမာဆေးကို မုံရွာနှင့်ပခုက္ကူမှ ဝယ်ယူရောင်းချ ကြောင်း သိရသည်။

            မင်းလှမြို့နယ်တွင် ကွမ်းသီး၊ ကွမ်းရွက် လက်လီလက်ကားရောင်းချသည့်ဆိုင် (၁၀)ဆိုင်ခန့် ရှိပြီး ကွမ်းစိမ်းနှင့်ကွမ်းရွက်ဝါ(၂)မျိုးရှိသည့်အနက် ကွမ်းရွက်ဝါကိုပိုအစားများကြကြောင်း သိရသည်။ ကွမ်းရွက်ဈေးနှုန်းအနေဖြင့် ၂၀၂၅ခုနှစ်၊ အောက်တိုဘာလ(ဒုတိယပတ်)တွင် ကွမ်းရွက်ဝါ(၁)ပိဿာ လျှင် ကွမ်းရွက်အကြီး၊ အသေးနှင့် ဝယ်ယူတင်သွင်းရသည့်နေရာဒေသအလိုက် ကျပ်(၆၀၀၀ - ၈၀၀၀ -၁၃၀၀၀)၊ ကွမ်းသီးခြမ်း(၁)ပိဿာလျှင် ကျပ်(၂၀၀၀၀-၂၈၀၀၀)၊ ကွမ်းသီးစိပ်(၁)ပိဿာလျှင် ကျပ် (၂၀၀၀၀-၂၈၀၀၀)၊ ကွမ်းစားထုံး(၁)လီတာ(၁)ဘူးလျှင် ကျပ်(၂၀၀၀)၊ ကွမ်းစားနှပ်ဆေး(၁)ထုပ် လျှင် ကျပ်(၁၀၀၀)၊ ဗမာဆေး(၁)ထုပ်လျှင် ကျပ်(၇၀၀)စသည့် ဈေးနှုန်းများဖြင့် ရောင်းချလျက်ရှိကြောင်း သိရသည်။

            အရောင်းအဝယ်အနေဖြင့် (၁)ရက်လျှင်ကွမ်းရွက်ပိဿာချိန် (၁၀)ပိဿာနှင့်အထက် ရောင်းချ ရပြီး ကွမ်းသီး၊ ကွမ်းစိပ်မှာ(၅)ပိဿာမှ (၇)ပိဿာထိပုံမှန်ရောင်းချရပါကြောင်း၊ ယခင်စက်တင် ဘာလ(ဒုတိယပတ်)နှင့်ဈေးနှုန်းနှိုင်းယှဉ်ပါက ယခုတစ်ပတ်တွင် ကွမ်းရွက် ကျပ်(၁၀၀၀-၂၀၀၀) ဈေးနှုန်းကျဆင်း၍ အရောင်းအဝယ်ဖြစ်ကြောင်း သိရသည်။ ယခုအချိန်သည် ကွမ်းစိုက်ပျိုးထွက်ရှိရာ ဒေသများရှိ ကွမ်းခြံများ၌ ကွမ်းအထွက်နှုန်းများလျက်ရှိသောကြောင့် ဈေးနှုန်းမှာကျဆင်းလာခြင်း ဖြစ်‌ကြောင်း   အထက်မင်းလှ-သရက်ကားလမ်းဘေးရှိ ကွမ်းသီး၊ ကွမ်းရွက်ရောင်းချသည့် ကွမ်းဆိုင် ပိုင်ရှင်တစ်ဦးထံမှ သိရှိရသည်။

DOCA(မကွေး)