ပြည်တွင်းကုန်သွယ်မှုသတင်း

          မကွေးတိုင်းဒေသကြီး၊ ပခုက္ကူဈေးကွက်သို့ စစ်ကိုင်းတိုင်းဒေသကြီး၊ မုံရွာမြို့ ခေါက်ဆွဲ ခြောက် စက်ရုံများမှ ထုတ်လုပ်သည့်ခေါက်ဆွဲခြောက်များ ဝင်ရောက်အရောင်းအဝယ် ဖြစ်လျက်ရှိ ကြောင်း သိရသည်။

          ၂၀၂၅ခုနှစ်၊ မတ်လ(စတုတ္ထပတ်)တွင် ခေါက်ဆွဲခြောက်ထုပ်များ ဈေးငြိမ်၍ အရောင်း အဝယ်ဖြစ် လျက်ရှိကြောင်း၊ ခေါက်ဆွဲတွင် အဝါရောင်နှင့် အဖြူရောင် နှစ်မျိုးရှိကြောင်း၊ ရောင်းချ ရာတွင် ခေါက်ဆွဲသား အကောင်းနှင့် စက်ကျအကျိုးအကြေနှစ်မျိုး ခွဲခြားပြီး ရောင်းချကြောင်း၊ ရွှေဒင်္ဂါးအဝါရောင် ခေါက်ဆွဲခြောက် တစ်စီးလျှင် ကျပ်(၉၀၀)၊ (၂၅)ထုပ်ပါ အစီးတစ်စီးလျှင် ကျပ် (၂၁၀၀၀)၊ ခေါက်ဆွဲကျိုး စက်ကျတစ်ပိဿာလျှင် ကျပ်(၇၀၀၀)ဈေးဖြင့် အရောင်းအဝယ်ဖြစ် လျက်ရှိကြောင်း၊ စွမ်းထက် ခေါက်ဆွဲဖြူတစ်ပိဿာလျှင် ကျပ်(၇၄၀၀)၊ ခေါက်ဆွဲကျိုးစက်ကျ တစ်ပိဿာလျှင် ကျပ်(၆၀၀၀)၊ ခေါက်ဆွဲအလုံးစည်း တစ်စည်းလျှင် ကျပ်(၇၀၀) အသီးသီး အရောင်းအဝယ်ဖြစ်လျက်ရှိကြောင်း၊ ယခင်ဖေဖော်ဝါရီလ(စတုတ္ထပတ်)နှင့် ဈေးနှုန်းနှိုင်းယှဉ်ရမည် ဆိုလျှင် ဈေးငြိမ်၍ အရောင်းအဝယ်ဖြစ်လျက်ရှိကြောင်း၊ ကုန်ကြမ်းဂျုံသီးနှံဈေးနှုန်း ကျဆင်းခြင်း မရှိ၍ ခေါက်ဆွဲခြောက်ဈေးနှုန်းများလည်း ကျဆင်းခြင်းမရှိကြောင်း၊ မြို့ပေါ်ရှိ စားသောက် ဆိုင်များမှ ဝယ်ယူမှုအပြင် အခြားမြို့နယ်များဖြစ်သည့် မြိုင်၊ ရေစကြို၊ ယောနယ်ဒေသများမှလည်း ကုန်ကားများမှတဆင့် မှာယူပြီး ဝယ်ယူကြောင်း၊ ယခုအချိန် ကျောင်းပိတ်ရာသီဖြစ်၍ ခေါက်ဆွဲ ခြောက်ထုပ်များ အရောင်းအဝယ်အေးကြောင်း ဈေးကွက်မှ သိရှိရပါသည်။

DOCA(မကွေး)

          မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့သည် ပဲမျိုးစုံ အရောင်းအဝယ်ဖြစ်လျက်ရှိရာ  ၂၀၂၅ခုနှစ်၊ မတ်လ(စတုတ္ထပတ်)တွင် ပခုက္ကူမြို့ပဲဈေးကွက်တွင် ဒေသတွင်းစိုက်ခင်းများမှ ကုလားပဲ သီးနှံများ ရိတ်သိမ်းချိန်ဖြစ်၍ ဈေးကွက်သို့ ကုလားပဲ(အသစ်)များဝင်ရောက်ပြီး သီးနှံ(အသစ်) ပေါ်ချိန်ဖြစ်၍ ဈေးအနည်းငယ် ကျဆင်းအရောင်းအဝယ်ဖြစ်လျက်ရှိသည်။ ပခုက္ကူဈေးကွက်သို့ ဆီထွက် သီးနှံ မြေပဲ၊ နှမ်းနှင့် ပဲမျိုးစုံအရောင်းအဝယ်ဖြစ်လျက်ရှိရာ ပြည်တွင်းစားသုံးမှုမြင့်မား လျက်ရှိသော ကုလားပဲသီးနှံလည်း နေ့စဉ် ဈေးကွက်သို့ဝင်ရောက်၍ အရောင်းအဝယ်ဖြစ်လျက်ရှိပြီး  ကုလားပဲသီးနှံ စိုက်ပျိုးရာဒေသများဖြစ်သော ပခုက္ကူမြို့နယ်အတွင်းရှိ ကျေးရွာများ၊ မြစ်ခြေ၊ ကမ္မ၊ မြိုင်၊ ပေါက်၊ ရေစကြိုမြို့နယ်အတွင်းရှိ ကျေးရွာများအပြင် မန္တလေးတိုင်းဒေသကြီး ညောင်ဦး မြို့နယ်အတွင်းရှိ ကျေးရွာများနှင့် စစ်ကိုင်းတိုင်းဒေသကြီးအတွင်းရှိ ကျေးရွာများမှ အများဆုံး ဝင်ရောက် အရောင်းအဝယ်ဖြစ်ကြောင်း၊ ယခုအချိန်တွင် ကုလားပဲသီးနှံများ ရိတ်သိမ်းချိန်ဖြစ်၍ ဈေးကွက်သို့ ကုလားပဲ(အသစ်) ဝင်ရောက်မှုများကြောင်း သိရှိရသည်။

          ၂၀၂၅ခုနှစ်၊ မတ်လ(စတုတ္ထပတ်)တွင် ကုလားပဲအမျိုးအစားအလိုက် ဈေးကွက်သို့ အရောင်း အဝယ်ဖြစ်လျက်ရှိရာ ကုလားပဲသီးနှံ(အသစ်)များ အရောင်းအဝယ်သွက်နေကြောင်း၊ ပြည်တွင်း သုံးစွဲမှု များသော ကလားပဲသီးနှံ ယခုလက်ရှိပေါက်ဈေးမှာ ကျဆင်းနေခြင်းကြောင့် မြို့ပေါ်ရှိ လှောင်လက် ပွဲစားများက အဓိကဝယ်ယူသိုလှောင်မှုများ၍ ဈေးအနည်းငယ် မြင့်တက်လာကြောင်း၊ ကုလားပဲ(V2) တစ်တင်းလျှင် ကျပ်(၇၄၀၀၀)၊ ကုလားပဲ(V6) တစ်တင်းလျှင် ကျပ်(၈၀၀၀၀)၊ ကုလားပဲ(HL) တစ်တင်း လျှင် ကျပ်(၇၃၃၀၀)၊ ကုလားပဲ(929)တစ်တင်းလျှင် ကျပ်(၇၂၆၀၀) အရောင်းအဝယ်ဖြစ် ကြောင်း၊ ယခင် ဖေဖော်ဝါရီ(စတုတ္ထပတ်)နှင့် ဈေးနှုန်းနှိုင်းယှဉ်ပါက တစ်လအတွင်း ကုလားပဲတစ်တင်းလျှင် ကျပ်(၃၀၀၀)ခန့် ဈေးအတက်အကျဖြစ်ပြီး အရောင်း အဝယ်ဖြစ်ကြောင်း၊ သီးနှံအသစ်ပေါ်ချိန်ဖြစ်၍ ဈေးကွက်သို့ ကုန်ဝင်ရောက်မှုများပြီး ပြည်ပ တင်ပို့မှုနည်း၍ ကုန်သည်များမှ ဝယ်ယူသိုလှောင်ထားရှိမှုများကြောင်း၊ မတ်လ(စတုတ္ထပတ်) အတွင်း (၁)ရက်လျှင် ကုလားပဲပိဿာ(၂၀) ဝင်အိတ်ရေ(၅၀၀ မှ ၁၅၀၀ ထိ) ဝင်ရောက်ကြောင်း၊ ပခုက္ကူပွဲရုံ ဈေးကွက်သို့ဝင်ရောက်သည့် ကုလားပဲများကို တန်ဖိုးမြှင့် ထုတ်ကုန် အမျိုးမျိုး ထုတ်လုပ်လျက်ရှိသော မြို့ပေါ်ရှိ ပဲခွဲစက်လုပ်ငန်းရှင်များ၊ ပဲကြော်/ပဲမုန့် (အစိမ်း/ အကျက်) ထုတ်လုပ်သော လုပ်ငန်းရှင်များမှ ဝယ်ယူမှုများကြောင်း၊ ယခုအချိန် ပခုက္ကူပဲဈေးကွက်တွင် ကုလားပဲ သီးနှံ အဟောင်းများအပြင် အသစ်များပါ အရောင်းအဝယ်ဖြစ် လျက်ရှိကြောင်း၊ ဒေသတွင်း ဝယ်ယူသုံးစွဲမှုအပြင် ရန်ကုန်၊ မန္တလေးဈေးကွက်သို့ တင်ပို့ကြောင်း၊ ကုလားပဲသီးနှံသည် ကျန်းမာ ရေးနှင့် ညီညွတ်ခြင်းကြောင့် ပြည်တွင်းစားသုံးမှု များ၍ အရောင်းအဝယ်သွက်ကြောင်း မြို့ပေါ်ရှိ ပဲရောင်းဝယ်ရေးလုပ်ငန်းရှင်တစ်ဦးထံမှ သိရှိရပါသည်။

DOCA(မကွေး)

          စားသုံးသူရေးရာဦးစီးဌာနမှဝန်ထမ်းများသည် စားသုံးသူအသိပညာပေးခြင်း၊ စျေးကွက်စောင့် ကြည့်စစ်ဆေးခြင်းလုပ်ငန်းများသာမက ပြည်တွင်းကုန်သွယ်မှုဖွံ့ဖြိုးတိုးတက်ရေးလုပ်ငန်းများပါ ဆောင်ရွက်လျက်ရှိရာ စျေးကွက်အတွင်းရှိ အိမ်ဆောက်ပစ္စည်း ဘိလပ်မြေများ ပစ္စည်းပြတ်လပ် မှုရှိ/မရှိ၊ စျေးနှုန်းနှင့်လက်ကျန်အခြေအနေများအား အိမ်‌ဆောက်ပစ္စည်းအရောင်းဆိုင်များသို့ အပတ်စဉ် ကွင်းဆင်းလေ့လာစုံစမ်းတင်ပြပေးလျက်ရှိပါသည်။

          မကွေးမြို့နယ်အတွင်း ၂၀၂၅-ခုနှစ်၊ မတ်လ(တတိယပတ်)အတွင်း ဖြစ်ပေါ်လျက်ရှိသော ဘိလပ် မြေစျေးနှုန်းများမှာ ကြံ့နှစ်ကောင် အမှတ်တံဆိပ် (50 kg) တစ်အိတ်လျှင် ကျပ်(၁၆၀၀၀)၊ အပါချီ အမှတ် တံဆိပ် (50 kg) တစ်အိတ်လျှင် ကျပ်(၁၆၀၀၀)၊ အယ်ဖာ အမှတ်တံဆိပ် (50 kg) တစ်အိတ်လျှင် ကျပ်(၁၆၃၀၀)တို့ဖြစ်ပြီး ယခင်ဈေးနှုန်းများနှင့်နှိုင်းယှဉ်ပါက ကြံ့နှစ်ကောင် အမှတ် တံဆိပ် (50 kg) တစ်အိတ်လျှင် ကျပ်(၉၀၀၀)၊ အပါချီ အမှတ်တံဆိပ် (50 kg) တစ်အိတ် လျှင် ကျပ်(၈၀၀၀)နှင့် အယ်ဖာအမှတ်တံဆိပ် (50 kg) တစ်အိတ်လျှင် ကျပ်(၆၇၀၀)တို့ အသီးသီး စျေးနှုန်းကျဆင်းလာပြီး ဘိလပ်မြေလက်ကျန်ရှိနေသေးကြောင်းနှင့် ဘိလပ်မြေကားများလည်း အဆက်မပြတ် ဝင်ရောက်လျက်ရှိပြီး စျေးကွက်အတွင်း ဘိလပ်မြေများ ပြတ်လပ်မှုမရှိကြောင်း အိမ်ဆောက်ပစ္စည်းအရောင်းဆိုင်များမှ လေ့လာသိရှိရပါသည်။

DOCA(မကွေး)

            မန္တလေးဈေးကွက်အတွင်းသို့ ကျောက်ဆည်၊စဉ့်ကိုင်၊ တံတားဦး၊ မြစ်သား၊ ကူမဲနှင့် ပုသိမ်ကြီး မတ္တရာဒေသများမှဖရဲ သခွားနှင့် သ‌င်္ဘာသီးမှည့်များ ဝင်ရောက်လျက်ရှိပါသည်။ သ‌င်္ဘောသီးကို ထိုင်ဝမ်နှင့်ဗမာသ‌င်္ဘောသီးဟူ၍ နှစ်မျိုးဝင်ရောက်ပြီး သခွားမွှေးကိုပိုက်ကွက် နှင့် ရွှေသခွားဟူ၍ နှစ်မျိုးရှိပြီး စားသုံးသူများအနေနှင့် ရွှေသခွားမွှေး အဝိုင်းလုံးကြီးကို ပို၍နှစ် သက်ကြပါသည်။မန္တလေးမြို့အတွင်း သစ်သီးဝလံဈေးနှုန်းဈေးကွက်အနေဖြင့် ရွှေသခွားအဝိုင်းလုံး ကြီး တစ်လုံးလျှင် ၄၀၀၀ကျပ် မှ ၅၀၀၀ ကျပ် ၊ လုံးရှည် တစ်လုံးလျှင် ၃၀၀၀ ကျပ် မှ ၄၀၀၀ ကျပ်၊ ဝိုင်းသေး တစ်လုံးလျှင် ၂၀၀၀ ကျပ် မှ ၂၅၀၀ ကျပ် ၊ ပိုက်ကွက်လုံးကြီးတစ်လုံးလျှင် ၁၅၀၀ ကျပ် မှ ၂၀၀၀ ကျပ်၊ ဖရဲသီးအနေနှင့် လုံးကြီးတစ်လုံးလျှင် ၅၅၀၀ ကျပ် မှ ၆၅၀၀ ကျပ် ၊ လုံးလတ် တစ်လုံး လျှင် ၃၀၀၀ ကျပ် မှ ၃၅၀၀ ကျပ် ၊ လုံးသေးတစ်လုံးလျှင် ၁၅၀၀ ကျပ် မှ ၂၀၀၀ ကျပ် ၊ သ‌င်္ဘောသီး ထိုင်ဝမ်လုံးကြီး တစ်လုံးလျှင် ၅၀၀၀ ကျပ် ၊ လုံးလတ်တစ်လုံးလျှင် ၃၀၀၀ ကျပ် အလုံးသေးတစ်လုံး လျှင် ၂၅၀၀ ကျပ် ၊ ဗမာလုံးကြီးတစ်လုံးလျှင် ၂၅၀၀ ကျပ် ၊ လုံးလတ်-၂၀၀၀ ကျပ် ၊ လုံးသေး- ၁၅၀၀ ကျပ် မှ၁၀၀၀ ကျပ်များနှင့် ဈေးကွက်တွင်အရောင်းအဝယ်ပြုလုပ်နေ ကြောင်းလေ့လာ သိရှိရပါသည်။

DOCA(မန္တလေး)

              မန္တလေးတိုင်းဒေသကြီး ၊ ကျောက်ဆည်ခရိုင်အတွင်းတွင် သီးနှံမျိုးစုံ စိုက်ပျိုးလျက်ရှိရာ ကုန်စိမ်းသီးနှံတစ်မျိုးဖြစ်သော ရွှေဖရုံသီးနှံကိုလည်း ရာသီမရွေးစိုက်ပျိုးကြပါသည် ။ ရွှေဖရုံသီး မျိုးမှာ ဗူးသီးဖရုံ၊ ရွှေဖရုံမျိုး(အဝါရောင်)မျိုးဟူ၍ နှစ်မျိုးရှိပါသည် ။ တောင်သူများမှာလည်း(၂)မျိုး လုံးစိုက်ပျိုးကြကြောင်း၊ ရွှေဖရုံသီးစိုက်ပျိုးမည်စိုပါက(၁)ဧကလျင် မျိုးစေ့(၅)ထုပ်စိုက်ပျိုးရကြောင်း၊ မျိုးဈေးနှုန်းအနေဖြင့် မျိုးစေ့(၁)ထုပ်လျင် ဗူးသီးဖရုံမျိုး (၂၀)ဂရမ်ပါ (၁)ထုပ်လျင်(၂၀၀၀၀)ကျပ် ၊ ရွှေဖရုံမျိုး(အဝါရောင်) (၂၀)ဂရမ်ပါ (၁)ထုပ်လျင်(၁၈၅၀၀)ကျပ် ရှိကြောင်း ၊ ရွှေဖရုံသီးစိုက်ပျိုးရန် အတွက် ဘောင်များပြုလုပ်၍ စိုက်ပျိုးရကြောင်း ၊ စိုက်ပျိုးမှု(၁)ဧက ကုန်ကျစရိတ်အနေဖြင့် မျိုး၊ သွင်းအားစု၊လုပ်သားခအပါအဝင် စုစုပေါင်း (၆၀၀၀၀၀)ကျပ်ခန့် ကုန်ကျကြောင်း၊ရွှေဖရုံသီးစိုက်ပျိုးမှု တွင်စိုက်ပျိုးပြီး(၁)လခွဲတွင် အသီးများရင့်မှည့်ကာ ခူးဆွတ်ရောင်းချရပြီဖြစ်ကြောင်း၊ တစ်နိုင်တစ်ပိုင် စိုက်ပျိုးမွေးမြူသူများအနေဖြင့် ကျင်းတစ်ကျင်းကို (၉)ပေခြား၍ စိုက်ပျိုးကာ စင်တင်စိုက်ပျိုးကြ ကြောင်း ၊ အပင်တစ်ပင်လျင် အသီးပေါင်း(၁၅-၂၀)လုံးအထိ သီးကြောင်း ၊ (၁)ဧက အသီးအထွက် စုစုပေါင်း အလုံးရေ(၄၀၀၀)ကျော်အထိ ထွက်ရှိကြောင်း၊ ဖရုံသီးဈေးနှုန်းအနေဖြင့် ဗူးသီးဖရုံ(၁)လုံး လျင်(၅၀၀-၆၀၀)ကျပ် ၊ ရွှေဖရုံသီး အကြီး (၁)လုံးလျင် (၁၀၀၀-၁၅၀၀)ကျပ် ၊ ဖောက်သည်ဈေး အနေဖြင့် ဗူးသီးဖရုံ (၁၀)လုံးလျင်(၃၀၀၀)ကျပ်၊ ရွှေဖရုံသီးအကြီးမျိုး(၁၀)လုံးလျင်(၆၀၀၀)ကျပ်ဖြင့် ရောင်းဝယ်လျှက်ရှိကြောင်း ၊ ဈေးကွက်အနေဖြင့် ကုန်စိမ်းပွဲစားမှ စိုက်ခင်းထဲအထိလာရောက် ဝယ်ယူကြသလို ကုန်စိမ်းပွဲစားများမှတစ်ဆင့် မြို့ပေါ်ရှိဈေးများသို့ ပြန်လည်ရောင်းချပေးကြောင်း၊ ယခင်ကရွှေဖရုံသီးများကို တစ်နိုင်တစ်ပိုင်သာ စိုက်ပျိုးပြီး ၊ ယခုမှသာ တောင်သူများမှ စီးပွားဖြစ် ဧကလိုက်စိုက်ပျိုးလာကြပါသည်။(၁)ဧကအကျိုးအမြတ်အနေဖြင့်စိုက်ပျိုးစရိတ်နုတ်ပြီး(၆၀၀၀၀၀/-) ကျပ်ခန့်မြတ်ကြောင်း၊ ရွှေဖရုံစိုက်ပျိုးသော တောင်သူတစ်ဦး၏ပြောကြားချက်အရသိရှိရပါသည်။

DOCA(မန္တလေး)