ပြည်တွင်းကုန်သွယ်မှုသတင်း

     တနင်္သာရီမြို့နယ်မှ ထွက်ရှိသောနာနတ်သီးများကို ကားလမ်းဖြင့် သယ်ယူလာ၍ မြိတ်မြို့ ပေါ်ရှိ ဈေးများတွင် ရောင်းချကြပါသည်။ နာနတ်သီးသည် မိုးရာသီတွင် အများအပြားထွက်ရှိပါသည်။ နာနတ်သီးစားသုံးခြင်းဖြင့် ခန္ဓာကိုယ်ခွန်အားကို တိုးမြှင့်ပေးပြီး ရေဓါတ်ဖြည်တင်းပေးခြင်း သွေးလည် ပတ်မှုကောင်းစေခြင်း၊ နာပိတ်ခြင်းကိုသက်သာစေခြင်း၊ ခန္ဓာကိုယ်ရောင်ရမ်းခြင်းမှ ကာကွယ်ပေး ခြင်း၊ ဗီတာမင်ဘီကြွယ်ဝစေခြင်း၊ အရိုးအကြောသန်မာခြင်းစသည့် အကျိုးကျေးဇူးများရရှိခြင်း ကြောင့် စားသုံးသူများ ကြိုက်နှစ်သက်သောအသီးဖြစ်ပါသည်။

      အောက်တိုဘာလတတိယပတ်တွင် ရောင်းချနေသော မြိတ်မြို့နယ်ရှိ နာနတ်သီးအသေး တစ်လုံးလျှင် (၅၀၀၀)ကျပ်၊ အကြီးတစ်လုံးလျှင် (၈၀၀၀)ကျပ်ခန့် ဈေးရရှိကြောင်း ကုန်စိမ်း ရောင်းချသူများထံမှ သိရှိရပါသည်။

DOCA(တနင်္သာရီ)

     တနင်္သာရီတိုင်းဒေသကြီး၊ မြိတ်ခရိုင်၊ မြိတ်မြို့တွင် နဂါးမောက်သီးနှင့် မာလကာသီးများကို ရန်ကုန်နှင့် အခြားမြို့များမှ အဓိကမှာယူရောင်းချလျက်ရှိပြီး ဒေသတွင်းတစ်နိုင်တစ်ပိုင်စိုက်ပျိုး လျက်ရှိကြပါသည်။ ၎င်းနဂါးမောက်သီးနှင့် မာလကာသီးကို  မြိတ်မြို့ရှိဈေးကြီးများနှင့် လမ်းဘေး သစ်သီးဆိုင်များတွင်အများဆုံး ရောင်းချနေကြောင်း သိရှိရပါသည်။ နဂါးမောက်သီးတွင် ခရမ်းရောင် အသီးနှင့် အဖြူရောင်းအသီးအဖြစ်နှစ်မျိုးရှိသည်။ အနီရောင်နဂါးမောက်သီးနှင့် အဖြူရောင် နဂါး မောက်သီးတွင် အနီရောင်နဂါးမောက်သီးမှာ ပို၍လူကြိုက်များလျက်ရှိပြီး စျေးနှုန်းအရ အနီရောင် နဂါးမောက်သီးမှာ စျေးကောင်းရရှိကြောင်း သိရှိရပါသည်။

     ၂၀၂၅ခုနှစ် အောက်တိုဘာလ တတိယပတ်တွင် မြိတ်မြို့ပေါ်ရှိ ဈေးနှုန်းမှာ နဂါးမောက်သီး (အဖြူ)ဈေးနှုန်း တစ်လုံးလျှင် (၂၅၀၀)ကျပ်၊ နဂါးမောက်သီး(အနီ)ဈေးနှုန်း တစ်လုံးလျှင်(၃၀၀၀) ကျပ်ရှိပြီး မာလကာသီးတစ်လုံးလျှင် (၁၅၀၀)ကျပ် မှ (၂၀၀၀)ကျပ်ရှိ ကြောင်း သိရှိရပါသည်။

DOCA(တနင်္သာရီ)

      စစ်ကိုင်းတိုင်းဒေသကြီး၊ ကန့်ဘလူခရိုင် ကန့်ဘလူမြို့နယ်သည် လယ်ယာစိုက်ပျိုးရေးလုပ် ငန်းများကို အဓိကလုပ်ကိုင်သော ဒေသတစ်ခုဖြစ်ပြီး သီးနှံမျိုးစုံစိုက်ပျိုးလျက်ရှိရာ ကုလားပဲသီးနှံ များကို မှော်တော်ကျေးရွာ၊ မြေထူးကျေးရွာနှင့် အခြားသောကျေးရွာများတွင် စိုက်ပျိုးကြောင်း၊ ကုလားပဲကို ဆောင်းရာသီ၌ အများဆုံးစိုက်ပျိုးကြောင်း သီးနှံစိုက်ပျိုးမှုစာရင်းများအရ သိရသည်။

      ၂၀၂၅ ခုနှစ်၊ အောက်တိုဘာလ စတုတ္ထပတ်အတွင်း ကန့်ဘလူမြို့နယ်၌ ကုလားပဲထိုင်ဝမ် တစ်တင်းလျှင် (၆၉၅၀၀)ကျပ်၊ (929)တစ်တင်းလျှင် (၇၂၅၀၀)ကျပ်၊ (V2)တစ်တင်းလျှင် (၇၃၅၀၀) ကျပ်နှင့် (V7)တစ်တင်းလျှင် (၇၃၀၀၀)ကျပ်ဈေးနှုန်းတို့ဖြင့် အရောင်းအဝယ်ဖြစ်လျက်ရှိကြောင်း၊ ယခင်လ စတုတ္ထပတ်ဈေးနှုန်းများနှင့် နှိုင်းယှဉ်ပါက ယခုပတ်အတွင်း ကုလားပဲ ထိုင်ဝမ်တစ်တင်း လျှင်(၆၅၀၀)ကျပ်၊ (929)တစ်တင်းလျှင် (၄၅၀၀)ကျပ်၊ (V2)တစ်တင်းလျှင် (၅၀၀၀)ကျပ်ဈေးနှုန်း မြင့်တက်လျက်ရှိကြောင်း၊ကန့်ဘလူမြို့နယ်မှ ထွက်ရှိသည့် ကုလားပဲများကို မန္တလေးမြို့ရှိ ပွဲရုံများ နှင့်ကုန်စည်ဒိုင်များသို့ တင်ပို့ရောင်းချကြောင်း ဒေသတွင်သီးနှံပွဲရုံများထံမှ သိရှိရသည်။

DOCA(စစ်ကိုင်း)     

      ပင်ပျော့ပင်ငယ်ဖြစ်ပြီး (၁)ပေခန့်အထိရှည်သည်။ ပင်စည်မှာ ဥ၏အောက်ခြေတွင် ရှိပြီး အနည်းငယ်မာကျော၍ အဝိုင်းပုံသဏ္ဍာန်ရှိကာ အမြစ်များဖြာထွက်နေသည်။ ကြက်သွန်ဖြူဥမှာ အဖြူရောင်ရှိပြီးသေးငယ်၏။ တစ်ဥတည်း(သို့မဟုတ်)အတက်များစွာစုပေါင်းနေပြီး အခွံပါးဖြင့် ဖုံးအုပ်ထားသည်။ ဥတစ်လုံးကြက်သွန်ဖြူက ဆေးဘက်ဝင်သည်။ တိုင်းရင်းဆေးကျမ်းများ၌ ဖော်ပြထားသည်မှာ ကြက်သွန်ဖြူဥသည် အချဉ်မှတစ်ပါး အရသာ(၅)မျိုးရှိနေ၏။ သွေးနှင့်သင့်၏။ ဖျားနာခြင်းနှင့် အရေပြားရောဂါတို့ကို ပျောက်ကင်းစေနိုင်၏။ ဆီးရွှင်ခြင်း၊ မျက်စိအားကောင်းခြင်း၊ လေသလိပ်ကြေခြင်းနှင့် သွေးသည်းခြေကိုတိုးပွာစေနိုင်သည်။ ကြက်သွန်ဖြူ၏အောက်ပိုင်းကို လှီး၍ ထွက်လာသောအစေးရည်ဖြင့် ပွေး၊ ယားနာ၊ ဝက်ခြံတို့အား မကြာခဏပွတ်ပေးခြင်းဖြင့်ပျောက်ကင်းစေနိုင်သည်။ ကြက်သွန်ဖြူကို နေ့စဉ်စားသုံးခြင်းဖြင့် သွေးတိုးရောဂါကို ပျောက်ကင်းစေနိုင်သည်။ ကြက်သွန်ဖြူကို အရည်ပြု၍ သောက်ခြင်း(သို့မဟုတ်)စားသုံးခြင်းဖြင့် ချောင်းဆိုးရောဂါ၊ ဝမ်းဖော ဝမ်းရောင်နှင့်ဝမ်းဗိုက်တွင် ဖြစ်ပေါ်တတ်သောအနာရောဂါများအား သက်သာပျောက်ကင်းစေသည်။

        ကြက်သွန်ဖြူကို ဆားအနည်းငယ်ထည့်၍ နှမ်းဆီတွင် စိမ်ထားပြီး ထမင်းမစားမီပုံမှန် စားသုံးပါက လေရောဂါသက်သာပျောက်ကင်းစေသည်။ ကြက်သွန်ဖြူမီးဖုတ်၍ ကျွေးခြင်းဖြင့် ကလေးများ လေဆန်နာသက်သာပျောက်ကင်းစေသည်။ ကြက်သွန်ဖြူအရည်ကို ရေအနည်းငယ်နှင့်သကြား ရောပြီး ချိန်ဆတိုက်ပေးကချောင်းဆိုးကြက်ညှာပျောက်သည်။ အကြောအခြင်များကိုက်ခဲခြင်း အတွက်လည်း ကြက်သွန်ဖြူအရည်ဖြင့်ပွတ်လိမ်း၍ နှိပ်နယ်ပေးခြင်းဖြင့် သက်သာပျောက်ကင်းစေ နိုင်ကြောင်း လေ့လာတွေ့ရှိရပါသည်။

DOCA (မန္တလေး)

            မန္တလေးတိုင်းဒေသကြီး၊ ကျောက်ဆည်ခရိုင်ဒေသတွင် ရာသီအလိုက် သီးပင်စားပင် များ ကိုစိုက်ပျိုးလျက်ရှိရာ သင်္ဘောပင်ကိုလည်း စိုက်ပျိုးကြပါသည်။ သင်္ဘောပင်သည် အဖို ၊ အမ ဟူ၍ နှစ်မျိုးရှိကြောင်း ၊ သင်္ဘောသီး(အမ)ပင်ကို စီးပွားဖြစ် ဧကအလိုက် စိုက်ပျိုးကြ သော်လည်း သင်္ဘောအဖို ပင်ကိုတော့ လက်သုပ်သုပ်စားသုံးရန် ၊ အတို့အမြုပ် စားသုံးရန် အတွက် သီးသန့်စိုက်ပျိုးကြပါသည်။သင်္ဘောအမပျိုးပင်များကို ပျိုးပင်ရောင်းချသော ဆိုင် များမှ ဝယ်ယူစိုက်ပျိုးရကြောင်း ၊ သင်္ဘောအဖိုပင်သည် ဆေးဖက်ဝင် အပင်တစ်မျိုးဖြစ်ပြီး တန်ဖိုးရှိသော အပင်ဖြစ်ပါသည် ။ သင်္ဘောအဖိုပင်သည် ပန်းပွင့်စောထွက်လေ့ရှိပြီး ရိုးတန် ရှည်ရှည်လေးများမှ အပွင့်များအဆုပ်လိုက် အခိုင်လိုက်ပွင့်ကြကြောင်း၊ သင်္ဘောပွင့်ကို ခူးယူ၍ အခါးဓာတ် လျော့နည်းစေရန် မန်ကျည်းသီးမှည့် ၊ မာလာကာရွက်များဖြင့်ထည့်၍ ရေနွေးဖြင့်ပြုတ်ပေးရကြောင်း၊ ပြုတ်ပြီးသောအပွင့်လေးများကို ရေအေးဖြင့် ကြာကြာစိမ်ပြီး ရေစင်အောင်ညစ်၍ မြေပဲဆံ၊ ပဲမှုန့်၊ ဆီချက်တို့ဖြင့် သုပ်၍စားရကြောင်း၊ သင်္ဘောပွင့်စားသုံး ခြင်းကြောင့် ကျန်းမာရေးအကျိုးကျေးဇူးများရရှိသောကြောင့်ဝယ်လိုအားများလာပြီး စျေးကောင်းရရှိသောကြောင့် ဝယ်လိုအားများလာပြီး စျေးကောင်းရရှိလာက စိုက်ပျိုးမှု များပြားလျက်ရှိကြောင်း၊ သင်္ဘောပွင့်ပြုတ်ပြီးသား တစ်ပုံလျှင်(၅၀၀-၁၀၀၀)ကျပ်အထိ စျေးရရှိကြောင်း၊ သင်္ဘောပွင့်ပြုတ်ပြီးသားများကို စျေးအတွင်းသို့ဖောက်သည်ရောင်းလျက်ရှိ ကြောင်း ၊ သင်္ဘောပွင့်စားသုံးခြင်းဖြင့် ကင်ဆာရောဂါ ၊ ဖောရောင်မှုကိုလျော့ကြစေခြင်း ၊ အစာကြေစေပြီး ဝမ်းချုပ်မှုကို ကာကွယ်ပေးသောကြောင့် သင်္ဘောပွင့်ကို စားသုံးပေးသင့် ပါကြောင်း ရေးသားတင်ပြအပ်ပါ သည်။

DOCA (မန္တလေး)