ပြည်တွင်းကုန်သွယ်မှုသတင်း

       တနင်္သာရီတိုင်းဒေသကြီး၊ ထားဝယ်မြို့တွင် ရာသီပေါ်သီးနှံများကို စိုက်ပျိုးရောင်းချ လျက်ရှိရာ ယခုအခါ ပဲစောင်းလျားသီးများကို မိမိတို့နေအိမ် ခြံဝင်းများတွင်လည်းကောင်း၊ မိမိပိုင် လယ်တောများတွင်လည်းကောင်း တစ်နိုင်တစ်ပိုင်စိုက်ပျိုး၍ ထားဝယ်မြို့ ပေါ်ရှိ စည်ပင်သာယာဈေးနှင့် ရပ်ကွက်ဈေးများတွင် လာရောက်ရောင်းချကြကြောင်း သိရှိရပါ သည်။  အိမ်ရှင်မများမှ ပဲစောင်းလျားသီးကို ပြုတ်၍ မြေပဲဆံ၊ ပဲမှုန့်တို့ဖြင့် သုပ်စားကြသလို ငပိရည်နှင့်တွဲဖက်၍ အတို့အမြုပ်၊ငရုပ်သီးစိမ်းဖြင့်ကြော်၍ စားသုံးကြပါသည်။

          ၂၀၂၅ ခုနှစ်၊ အောက်တိုဘာလ တတိယပတ်တွင် ထားဝယ်မြို့၊ စည်ပင်သာယာဈေးတွင် ပဲစောင်း လျားသီးတစ်တောင့်လျှင် (၁၀၀/-)ကျပ်၊ ၁၃တောင့်လျှင် (၁၀၀၀/-)ကျပ်ဖြင့် ရောင်းချလျက်ရှိကြောင်း သိရှိရပါသည်။

DOCA(တနင်္သာရီ)

     တနင်္သာရီတိုင်းဒေသကြီး၊ ထားဝယ်တွင် အုန်းပင်စိုက်ပျိုးသူများပြားပြီး အုန်းသီးစိမ်း အနု ရောင်းချသူများရှိကြောင်း သိရသည်။ ထားဝယ်မြို့နယ်တွင် အုန်းသီးနုရည်ကို ဈေးကြီးများနှင့် လမ်းဘေးဈေးသည်များ၊ သုံးဘီများဖြင့် လှည့်လည်ရောင်းချလျက်ရှိကြသည်။ အုန်းစိမ်းရည် ရောင်းချရန်အတွက် အုန်းစိမ်းရည်ကို ဒေသတွင်းစားသူံးသူများသောကြောင့် ဈေးကွက်ချဲ့ထွင် သူများ များ ရှိလာသည်။ အုန်းစိမ်းရည်များကို အုန်းချိုမွှေးနှင့် အုန်းဂျယ်လီများလည်း ပြုလုပ်ရောင်းချ ကြကြောင်းလည်း သိရှိရပါသည်။

    ၂၀၂၅ခုနှစ်အောက်တိုဘာလ ၂၀ရက် တွင် ထားဝယ်မြို့ပေါ်တွင်  အုန်းစိမ်းရည် တစ်လုံးလျှင် (၄၀၀၀)ကျပ်နှင့် (၄၅၀၀)ကျပ်၊ အုန်းသီးအရင့် တစ်လုံး ၃၅၀၀၊ ကြွက်မြီးဆွဲ ၆၀၀၀ကျပ်ဖြင့် ရောင်းချနေကြောင်း အုန်းစိမ်းရည်ရောင်းသူထံမှ သိရှိရပါသည်။

DOCA(တနင်္သာရီ)

    မြင်းခြံမြို့နယ်အတွင်းရှိ တလုပ်ရွာ၊ တောပုရွာ၊ ‌ဂေါင်းကွဲရွာနှင့် ပတ္တာရွာများတွင် ဗမာကြက် သွန်ဖြူများကို ဆောင်းရာသီတစ်ရာသီသာ စိုက်ပျိုးလေ့ရှိကြောင်း၊ နွေရာသီနှင့် မိုးရာသီများ၌ ကြက်သွန်ဖြူများစိုက်ပျိုး ဖြစ်ထွန်းမှုမရှိကြောင်း၊ ယခုအချိန်တွင် ဒေသထွက်ကြက်သွန်ဖြူများ ထွက်ပေါ်ကုန်ဆုံးပြီဖြစ်သောကြောင့် မြို့နယ်အတွင်းသို့ ဈေးကွက်လိုအပ်ချက်အရ ကြက်သွန်ဖြူ များကို ရှမ်းပြည်နယ် တောင်ပိုင်းအောင်ပန်းမြို့နှင့် မန္တလေးမြို့တို့မှ တင်သွင်း ရောင်းချကြောင်း သိရှိရသည်။  ယခု ၂၀၂၅ ခုနှစ်၊ အောက်တိုဘာလတတိယပတ်တွင် ရှမ်းကြက်သွန်ဖြူ ထူး ၁ တစ်ပိဿာလျှင်(၃၀၀၀) ကျပ်၊ ထူး ၂ တစ်ပိဿာလျှင် (၄၀၀၀) ကျပ်၊ ထူး ၃ တစ်ပိဿာလျှင် (၅၅၀၀) ကျပ်၊ ထူး(၄) တစ်ပိဿာ (၆၅၀၀) ကျပ်၊  ထူး ၅ တစ်ပိဿာ(၇၀၀၀)ကျပ်၊ ထူးရှယ်စ တစ်ပိဿာ (၉၅၀၀) ကျပ်နှင့် ဥတစ်လုံးကြက်သွန်ဖြူတစ်ပိဿာလျှင် (၁၈၀၀၀-၂၃၀၀၀) ကျပ်ပေါက်ဈေး များဖြင့်ရောင်းချ   လျက်ရှိကြောင်း၊ ယခင်စက်တင်ဘာလတတိယပတ်နှင့် နှိုင်းယှဉ် ပါက ယခုလတွင် ရှမ်းကြက်သွန်ဖြူ အစစုံတစ်ပိဿာလျှင် ၁၅၀၀ ကျပ်မှ ၂၀၀၀ ကျပ်အထိ ဈေးနှုန်းများကျဆင်းခဲ့ကြောင်း၊ ဈေးကွက်အနေဖြင့် ပြည်တွင်း၌သာ အရောင်းအဝယ်ဖြစ်သော ကြောင့် ဈေးနှုန်းများကျဆင်းခြင်းဖြစ်ကြောင်း၊ အရောင်းအဝယ်ဖြစ်မှုအနေဖြင့် နေ့စဉ်ကုန်ချိန် (၁၀၀-၁၅၀) ပိဿာခန့် ဒေသအတွင်း ရောင်းချရကြောင်း၊ စာသုံးမှုများ၍ အရောင်းအဝယ် ကောင်းကြောင်း၊ ကြက်သွန်ဖြူရောင်းချသူတစ်ဦး၏ပြောပြချက်အရသိရှိရသည်။

DOCA(မန္တလေး)

          မြင်းခြံမြို့နယ်အတွင်းရှိ စံပြဈေးနှင့် အေးမြသီတာ‌ဈေးတို့တွင် ရောင်းချနေသော ဘုရားပန်း အမျိုးမျိုးကို ရှမ်းပြည်နယ်တောင်ပိုင်းဖြစ်သော အောင်ပန်းမြို့နှင့် မန္တလေးမြို့တို့မှ မှာယူရောင်း ချကြောင်း၊ ၂၀၂၅ ခုနှစ်၊ အောက်တိုဘာလတတိယပတ်တွင် ရောင်းချနေသော ပန်းဈေးနှုန်းများမှာ မေမြို့ပန်းတစ်စည်းလျှင် (၂၀၀၀-၂၅၀၀) ကျပ်၊ ပန်းထိမ်ငိုပန်းတစ်စည်းလျှင် (၁၅၀၀- ၂၀၀၀) ကျပ်၊ သစ္စာပန်းတစ်စည်းလျှင် (၂၅၀၀-၃၀၀၀) ကျပ်၊  ဂျပန်အနီနှင်းဆီ ၁၀ ပွင့်ပါတစ်စည်းလျှင် (၃၀၀၀-၃၅၀၀) ကျပ်၊ လီလီပန်းတစ်ခက်လျှင် (၂၀၀၀၀) ကျပ်၊ စိန်လယ်တုံတစ်စည်းလျှင် (၁၅၀၀-၂၀၀၀) ကျပ်နှင့် နှင်းပန်းတစ်စည်းလျှင် (၁၅၀၀) ကျပ်ပေါက်ဈေးများဖြင့်ရောင်းချခဲ့ကြောင်း၊ ယခုလတွင် ဈေးနှုန်းများအတက်အကျမရှိဘဲ ယခင်စက်တင်ဘာလဈေးနှုန်းများအတိုင်း ရောင်းချလျက်ရှိ ကြောင်းသိရှိရသည်။ ဗုဒ္ဓဘာသာ မြန်မာလူမျိုးများသည် သဒ္ဒါကြည်ညိုစိတ်ဖြင့် မြတ်စွာဘုရား ကိုရည်မှန်းပြီး ဘုရားပန်းအမျိုးမျိုး ကပ်လှူကြသောကြောင့် ဘုရားပန်းများမှာ ဈေးကွက် တစ်ခုဖြစ်လျက်ရှိပြီး နေ့စဉ်ရောင်းချရကြောင်း၊ ကုသိုလ်လည်းရဝမ်းလည်းဝ၍ မွန်မြတ်သော အရောင်းအဝယ်ဖြစ်ကြောင်း၊ ပန်းအရည်အသွေးလတ်ဆတ်မှုအပေါ်တွင် ဈေးနှုန်းများအနည်းငယ် ကွာခြားကြောင်း ဘုရားပန်းရောင်းချသူတစ်ဦး၏ ပြောပြချက် အရသိရှိရသည်။

DOCA(မန္တလေး)

          စစ်ကိုင်းတိုင်းဒေသကြီး ၊ ကန့်ဘလူခရိုင်၊ ကန့်ဘလူမြို့နယ်သည် စိုက်ပျိုးရေးလုပ်ငန်းများကို အဓိကလုပ်ကိုင်သော ဒေသတစ်ခုဖြစ်ပြီး ကန့်ဘလူမြို့နယ်အတွင်းရှိ ထန်းကုန်းကျေးရွာ၊ မိုးကောင်း ကျေးရွာနှင့် အခြားသောကျေးရွာများတွင် ပဲတီစိမ်းသီးနှံကို စိုက်ပျိုးကြောင်း၊ ကြေးတိုင်နှင့် မြေစာရင်းဦးစီးဌာန၏ စာရင်းများအရ သိရှိရသည်။

          ၂၀၂၅ ခုနှစ်၊ အောက်တိုဘာလ စတုတ္ထပတ်အတွင်း ပဲတီစိမ်းရိုးရိုး တစ်တင်းလျှင်(၇၆၀၀၀) ကျပ်၊ ပဲတီစိမ်းထွက်တိုး တစ်တင်းလျှင် (၈၃၅၀၀)ကျပ်ဈေးနှုန်းတို့ဖြင့် အရောင်းအဝယ်ဖြစ်လျက် ရှိကြောင်း၊ ယခင်စက်တင်ဘာလ စတုတ္ထပတ် ဈေးနှုန်းများနှင့် နှိုင်းယှဉ်ပါက ယခုလစတုတ္ထပတ် အတွင်း ပဲတီစိမ်းရိုးရိုး တစ်တင်းလျှင် (၃၀၀၀)ကျပ်နှင့် ထွက်တိုးတစ်တင်းလျှင် (၅၅၀၀)ကျပ်ဈေး နှုန်းဆက်လက်မြင့်တက်လာကြောင်း၊ ဈေးကွက်အနေဖြင့် ပဲတီစိမ်းများကို မန္တလေးမြို့ရှိပွဲရုံများ၊ ကုန်စည်ဒိုင်များသို့ အများဆုံးတင်ပို့ရောင်းချကြောင်း သီးနှံပွဲရုံများထံမှ သိရှိရပါသည်။

DOCA(စစ်ကိုင်း)