ပြည်တွင်းကုန်သွယ်မှုသတင်း

      ထားဝယ်မြို့ရှိ ကမ်းနားဈေး၊ ညနေဈေး၊ စည်ပင်သာယာဈေးနှင့် ပိန္နဲတောဈေးတို့တွင် ဘုရားပန်းမျိုးစုံဖြစ်သည့် သပြေပန်း၊ နှင်းပန်း၊ ဂန္ဓမာပန်း၊ ဇွန်ပန်း၊ စံပယ်ပန်း၊ စကားဝါပန်း၊ စကားဖြူပန်း၊ ရွှေပန်း၊ ငွေပန်း၊ ပန်းတိမ်ငိုပန်း၊ နှင်းဆီပန်း၊ ခိုင်ရွှေဝါပန်းနှင့် ဇော်စိမ်းပန်း(ထားဝယ်အခေါ်) ညောင်အိုးပန်းများ ရောင်းချလျက်ရှိရာ လူကြိုက်များပြီး ပွဲအခမ်းအနားအမျိုးမျိုးတို့တွင်အသုံးပြုကြ သည့်အပြင် အိမ်တိုင်း၌တွေ့ရတတ်သောနှင်းဆီပန်းများကို နေပြည်တော်၊ မော်လမြိုင်မြို့မှလည်း တင်ပို့လျက်ရှိပြီး အောက်တိုဘာလအတွင်း သီတင်းကျွတ်မီးထွန်းပွဲတော်ရှိသည့်အတွက် လပြည့်နေ့ ဘုရားသွားသူများပြားလျက်ရှိရာ နှင်းဆီပန်းအပြင် တစ်ခြားပန်းများသည်လည်း ဈေးကောင်းလျက်ရှိကြောင်း နှင်းဆီပန်း(၁)ပွင့်လျှင် (၆၀၀)ကျပ်မှ (၈၀၀)ကျပ်အထိရောင်းချလျက်ရှိပြီး အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(တနင်္သာရီ)

      ထားဝယ်မြို့နယ်အတွင်း ဆလပ်ရွက်များကို မြို့ပတ်ဝန်းကျင်ကျေးရွာများဖြစ်သည့် တောင်မင်း ပြောင်ကျေးရွာ၊ နခံတောကျေးရွာနှင့် သပြေချောင်းကျေးရွာများမှ အဓိကတင်ပို့လျက်ရှိပြီး ဒေသထွက် ဟင်းသီးဟင်းရွက်များအဖြစ် စားသုံးသူများက နှစ်သက်စွာ ဝယ်ယူစားသုံးလျက်ရှိကြောင်း သိရှိရသည်။ မိုးရာသီကုန်ခါနီးဖြစ်သည့်အလျောက် ဟင်းသီးဟင်းရွက်ဈေးနှုန်းများ အနည်းငယ်မြင့်တက်နေသော်လည်း ဒေသထွက်ထုတ်ကုန်များဖြစ်သည့်အတွက် ဈေးနှုန်းအတန်အသင့် သက်သာမှုရှိကြောင်း၊ ထားဝယ်မြို့ရှိကမ်းနားဈေးတွင် ဆလပ်ရွက်တစ်စည်းလျှင် (၈၀၀) ကျပ်မှ (၉၀၀) ကျပ် အထိရှိကြောင်း သိရှိရပြီး ရောင်းကောင်းလျက်ရှိကြောင်း သိရှိရပါသည်။

DOCA(တနင်္သာရီ)

      ထားဝယ်မြို့အတွင်း အလှူအတန်းရာသီစပြီဖြစ်သည့်အတွက်ကုန်ဈေးနှုန်းများ မြင့်တက်လျက် ရှိရာ အသား/ငါး ဈေးနှုန်း များထဲမှ ပုဇွန်ထုတ် ဈေးနှုန်းသည်လည်း မြင့်တက်လျက်ရှိပြီး ပုဇွန်ထုတ်များကို ငါးဒိုင်များမှ ဝယ်ယူရောင်းချကာ အရောင်းအဝယ် ဖြစ်လျက်ရှိကြောင်း သိရသည်။

      ၂၀၂၅ခုနှစ်၊ အောက်တိုဘာလစတုထ္တပတ်တွင် ထားဝယ်မြို့၏ ပုဇွန်ထုတ် ဈေးနှုန်းများအနေဖြင့် လက္ကားဈေး (၁)ပိဿာလျှင်(၆၉၀၀၀)ကျပ်၊ လက်လီဈေး(၁)ပိဿာလျှင်(၆၇၀၀၀)ကျပ် ဈေးနှုန်းဖြင့် ရောင်းချလျက်ရှိကြောင်း ယခင်အပတ်ထက် ပုဇွန်ထုတ်ဈေးနှုန်းသိသိသာသာတက်လာသော်လည်း ဝယ်ယူသူများလျက်ရှိကြောင်း သိရှိရပါသည်။

DOCA(တနင်္သာရီ)

           မြန်မာနိုင်ငံစက်သုံးဆီတင်သွင်း သိုလှောင်ဖြန့်ဖြူးခြင်းလုပ်ငန်းကြီးကြပ်ရေး ကော်မတီက သောကြာနေ့တိုင်း တစ်ပတ်တစ်ခါ စက်သုံးဆီဈေးနှုန်းများ ပြောင်းလဲလျှက်ရှိရာ ယခုတစ်ပတ် (၂၄.ကန့်ဘလူခရိုင်တွင် ရောင်းချနေသော စက်သုံးဆီဈေးနှုန်း၁၀.၂၀၂၅)ရက်နေ့တွင် ဓာတ်ဆီ(92)၊ ဓာတ်ဆီ(95)၊ ဒီဇယ်နှင့် အဆင့်မြင့်ဒီဇယ်တို့၏ ဈေးနှုန်း ပြောင်းလဲမှုမှာ 92 Octance ဓါတ်ဆီ ဈေးနှုန်းတစ်လီတာမှာ ၂၈၂၀ကျပ်၊ 95 Octance ဓါ တ်ဆီ ဈေးနှုန်းတစ်လီတာမှာ ၂၉၁၀ကျပ်၊ ဒီဇယ်ရိုးရိုး ဈေးနှုန်းတစ်လီတာမှာ ၂၅၃၀ကျပ်၊ ဒီဇယ် (အဆင့်မြင့်) ဈေးနှုန်းတစ်လီ တာမှာ ၃၀၅၀ကျပ်ဖြစ်ကြောင်း သိရှိရပါသည်။

        ၂၀၂၅ ခုနှစ်၊ အောက်တိုဘာလ နောက်ဆုံးပတ်တွင် ကန့်ဘလူမြို့နယ်အတွင်းရှိ စက်သုံးဆီ အရောင်းဆိုင်များတွင် 92 Octance ဓါတ်ဆီ ဈေးနှုန်းတစ်လီတာမှာ (၂၉၉၀)ကျပ်၊ 95 Octance ဓါတ်ဆီဈေး နှုန်းတစ်လီတာမှာ (၃၀၉၀)ကျပ်၊ ဒီဇယ်ရိုးရိုး ဈေးနှုန်းတစ်လီတာမှာ (၂၆၆၅)ကျပ်၊ ဒီဇယ်(အဆင့်မြင့်)ဈေးနှုန်း တစ်လီတာမှာ (၃၂၅၀)ကျပ်ဖြင့် ရောင်းချလျှက်ရှိရာ  ယခင်အပတ် ဈေးနှုန်းများနှင့်နှိုင်းယှဉ်ပါက ယခုလ နောက်ဆုံးပတ်အတွင်း 92 Octance နှင့် 95 Octance ၊ဒီဇယ်ရိုးရိုးနှင့် ဒီဇယ်ပရီမီယံ စက်သုံးဆီဈေးနှုန်းများ ဆက်လက်ကျဆင်းနေကြောင်း စက်သုံးဆီ အရောင်းဆိုင်များမှ သတင်းရရှိပါသည်။

DOCA (စစ်ကိုင်း)        

      တနင်္သာရီတိုင်းဒေသကြီး၊ မြိတ်မြို့နယ်အတွင်းရှိ ကျေးရွာများနှင့် မြို့ပေါ်ရပ်ကွက်များ တွင် ဟင်းသီးဟင်းရွက်စိုက်ပျိုးရေးလုပ်ငန်းများကို အများအပြားလုပ်ကိုင်လျက်ရှိကြောင်း သိရှိရသည်။ ဒေသခံများသည် သခွားသီး၊ ခရမ်းသီး၊ ကန်စွန်းရွက်၊ ချဉ်ပေါင်ရွက်၊ ရုံးပတီသီး၊ ဘူးသီး၊ ငရုတ်သီး စသည့် သီးနှံများကို စိုက်ပျိုးကြသည့်အပြင် ရွှေဖရုံသီးများကိုလည်း တစ်နိုင်တစ်ပိုင် စိုက်ပျိုးကြပြီး မြိတ်မြို့ဈေးကြီးနှင့် ကျေးရွာဈေးများသို့ လာရောက်ရောင်းချကြကြောင်း သိရှိရသည်။ ရွှေဖရုံသီး သည် အာဟာရဓာတ်များစွာပါဝင်ပြီး ကျန်းမာရေးအတွက် အထူးကောင်းမွန် သည့်ဟင်းသီးဟင်းရွက် တစ်မျိုးဖြစ်ကာ ဒေသခံများအနေဖြင့် ဟင်းချိုချက်သောက်ခြင်း၊ ကြော်စားခြင်းများ ပြုလုပ်လေ့ရှိ ကြောင်း သိရှိရသည်။

      ၂၀၂၅ခုနှစ်၊ အောက်တိုဘာလနောက်ဆုံးပတ်အတွင်း မြိတ်မြို့ပေါ်ရှိဈေးများ၌ ရောင်းချလျက် ရှိသော ရွှေဖရုံသီးဈေးနှုန်းမှာ ရွှေဖရုံသီး(၁)ပိဿာလျှင် (၃၅၀၀)ကျပ်မှ (၄၀၀၀)ကျပ်၊ ရွှေဖရုံသီး (၁)စိတ်လျှင် (၁၅၀၀)ကျပ်မှ (၂၀၀၀)ကျပ်ဖြင့် အရောင်းအဝယ်ဖြစ်ပွားလျက်ရှိကြောင်း ဒေသခံ ကုန်စိမ်းရောင်းချသူများထံမှ သိရှိရသည်။

DOCA(တနင်္သာရီ)