စားသုံးသူရေးရာဦးစီးဌာန၊ တနင်္သာရီတိုင်းဒေသကြီး၊ မြိတ်မြို့နယ်အနေဖြင့် ဒေသတွင်း စိုက်ပျိုးထွက်ရှိသည့် သီးနှံဈေးနှုန်းများ၊ ရာသီပေါ်အစားအစာများ၏ ဈေးနှုန်း၊ဈေးကွက် အခြေ အနေတို့အား ရေးသားတင်ပြလျက်ရှိရာ ယခုအခါ မြိတ်မြို့ပေါ်ရှိ ကုန်စုံဆိုင်များတွင် ရောင်းချ လျက်ရှိသည့် ထန်းလျက်များကို မြိတ်မြို့နယ်မှထွက်ရှိသလို မြိတ်မြို့ရှိ လက်ကားဆိုင်များမှ ဝယ်ယူရောင်းချကြောင်း သိရှိရပါသည်။ထန်းလျက်သည် မြန်မာရိုးရာ အစားအစာတစ်ခုဖြစ်ပြီး လူတွေရဲ့ကျန်းမာရေးကို အလွန်ပင် အထောက်အကူဖြစ်စေပါသည်။ ထန်းလျက်ကို မြန်မာတွေ က ထမင်းစားပြီးလျှင် အချို တည်းစရာအဖြစ်စားတတ်ကြပါသည်။ ထန်းလျက်သည် အစာကြေ လွယ်ပြီး သွေးအားကို သန့်ရှင်းစေခြင်း၊ ထန်းလျက်ကိုဂျင်းနှင့်ရောစားပေးလျှင် အဆစ် အမြစ် နာကျင်ခြင်းကိုကာကွယ်ပေးခြင်း၊ ကိုယ်ဝန်ဆောင်မိခင်များကို ကိုယ်ဝန်လွယ်စေပြီး သွေးအား နည်းခြင်းကို ကာကွယ်ပေးနိုင်ခြင်း စသည့် အကျိုးကျေးဇူးများလည်းရရှိစေပါသည်။
၂၀၂၅ခုနှစ်၊ ဒီဇင်ဘာလပထမပတ်တွင် မြိတ်မြို့ပေါ်တွင် ရောင်းချနေသော ထန်းလျက် တစ်ပိဿာလျှင် (၉၀၀၀)ကျပ်မှ (၁၀၀၀၀)ကျပ်ခန့်ရှိကြောင်း သိရှိရပါသည်။
DOCA(တနင်္သာရီ)