ပြည်တွင်းကုန်သွယ်မှုသတင်း

          ၂၀၂၅ ခုနှစ်၊ အောက်တိုဘာလ (၂၉) ရက်နေ့တွင် ဘုရင့်နောင်ကုန်စည်ဒိုင်သို့ ကြက်သွန်နီ ဝင်ရောက်ရာဒေသများဖြစ်သည့် ဆိပ်ဖြူ၊ မြင်းခြံ၊ မုံရွာဒေသတို့မှ ကြက်သွန်နီ (၆၀၆၀၀၀) ပိဿာ ဝင်ရောက်ခဲ့ပြီး (၆၀) ရာခိုင်နှုန်းခန့် ပြန်လည်စီးထွက်မှုရှိကြောင်း သိရှိရပါသည်။ ထို့ကြောင့် ကြက်သွန်နီ လက်ကျန်မှာ (၂၄၂၄၀၀) ကျန်ရှိကြောင်း ကုန်စည်ဒိုင်သတင်းအရသိရှိရသည်။ ဆိပ်ဖြူ ကြက်သွန်နီ (အသစ်) အချော တစ်ပိဿာ ကျပ် ၄၅၀၊ အသန့်မှာတစ်ပိဿာ ကျပ် ၉၅၀၊ အကြီးမှာ ကျပ် ၁၄၅၀၊ ရှယ်မှာ ကျပ် ၁၇၀၀၊ မုံရွာ ကြက်သွန်နီ(အသစ်)အချော တစ်ပိဿာ ကျပ် ၆၅၀၊ အသန့်မှာ တစ်ပိဿာ ကျပ် ၁၀၀၀၊ အကြီးမှာ ကျပ် ၁၄၀၀၊ ရှယ်မှာ ကျပ် ၁၈၀၀၊ မြင်းခြံ ကြက်သွန်နီ(အသစ်) အချော တစ်ပိဿာ ကျပ် ၄၅၀၊ အသန့်မှာတစ်ပိဿာ ကျပ် ၈၀၀၊ အကြီးမှာ ကျပ် ၁၃၀၀၊ ရှယ်မှာ ကျပ် ၁၇၀၀  ဈေးတို့အသီးသီးရှိကြောင်း စုံစမ်းသိရှိရပါသည်။

          ယခုတစ်ပတ် ဆိပ်ဖြူကြက်သွန်နီဈေးနှုန်းမှာ ယခင်အပတ်အထက် ဈေးအနည်းငယ်ကျသွားပြီး မြင်းခြံနှင့် မုံရွာကြက်သွန်နီဈေးနှုန်းများမှာ ယခင်အပတ်အတိုင်း ဈေးနှုန်းတူညီနေကြောင်း သိရှိရပါသည်။

DOCA(ရန်ကုန်)

  စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်သည် စိုက်ပျိုးရေးလုပ်ငန်းများ ဖြစ်သည့် စပါး၊ပဲမျိုးစုံနှင့် ဆီထွက်သီးနှံတို့ကို အဓိကစိုက်ပျိုးလျက်ရှိပြီး ရာသီပေါ်သီးနှံများနှင့် စားဖိုဆောင်သီးနှံများကိုလည်း စိုက်ပျိုးကြကြောင်း သိရသည်။

    ယခုအခါ ကန့်ဘလူမြို့နယ်အတွင်းရှိ နတ်ပေးကျေးရွာ၊ တောက္ကရှပ်ကျေးရွာနှင့် မြို့ပေါ်ရပ် ကွက်များတွင် မုန်လာဥဖြူများကို တစ်နိုင်တစ်ပိုင် စိုက်ပျိုးကြကြောင်း၊ ထွက်ရှိသည့်မုန်လာဥဖြူ များကို ကန့်ဘလူမြို့မဈေးတွင်ရောင်းချကြောင်း ၊ အောက်တိုဘာလ နောက်ဆုံးပတ်အတွင်း မုန်လာ ဥဖြူအကြီး(၃)ဥပါတစ်တွဲလျှင် (၆၀၀)ကျပ်၊ မုန်လာဥဖြူ(အသေး)(၃)ဥပါတစ်တွဲလျှင် (၅၀၀)ကျပ်တို့ ဖြင့်ရောင်းချကြောင်း၊ ရာသီပေါ်သီးနှံဖြစ်သည့်အတွက် မုန်လာဥဖြူများ ရောင်းအားကောင်းလျက် ရှိကြောင်း မြို့မဈေးရှိကုန်စိမ်းရောင်းချသူ တစ်ဦးထံမှသိရှိရပါသည်။

 DOCA(စစ်ကိုင်း)

       သစ်တော်သီးသည်မိုးရာသီကာလသစ်သီးဝလံတစ်မျိုးဖြစ်ပြီး မြန်မာပြည်ရာသီဥတု၏ မိုးလယ်ကာလမှစ၍ ဆောင်းဦးရာသီအထိ တွေ့ရပါသည်။ သစ်တော်သီးကို အ‌‌ရောင်အသွေးနှင့် ပုံသဏ္ဍာန်တို့ ပေါ်မူတည်၍  ယေဘုယျအားဖြင့် အာရှသစ်တော်သီးနှင့် ဥရောပသစ်တော်သီးဟူ၍ (၂)မျိုးခွဲခြားထားပါသည်။ အာရှသစ်တော်သီးသည် အရွယ်အစားမကြီးမားပဲ လုံးဝန်းကာ အပေါ်ယံ အခွံတွင် အစက်အပြောက်များပါရှိပါသည်။ ဥရောပသစ်တော်သီးများကမူ မှည့်လာ သည်နှင့်အမျှ တဖြေးဖြေးပျော့ ပျောင်းလာပြီး အရည်ရွှမ်းလာကြပါသည်။ မြန်မာနိုင်ငံတွင် သစ်တော်သီးကို သရေစာ အချိုပွဲအနေဖြင့်စားသုံးလေ့ရှိပါသည်။ သစ်တော်သီးသည် မိုးလယ်မှစ၍‌ ဆောင်းဦးရာသီစာ သစ်သီး ဖြစ်သည့်အလျောက်မိုး‌‌အေး၊ ဆောင်းအေးသောရာသီဥတု များတွင်ဖြစ် တက်သည့် ချွဲထခြင်း၊ အအေးမိခြင်းတို့အတွက် ချိုချိုချဉ်ချဉ် သစ်တော်သီးစားခြင်းသည် ဘေးဥပါဒ်လုံးဝမှ မရှိနိုင်ကြောင်း သိရှိရပါသည်။ သစ်တော်သီးဈေးနှုန်းများအနေဖြင့် အလတ်စား တစ်လုံးလျှင် (၂၅၀၀-၃၀၀၀)ကျပ်၊ အကြီး တစ်လုံးလျှင် (၃၅၀၀မှ ၄၀၀၀)ကျပ်ထိ‌ ရောင်းချကြောင်း သိရှိပါသည်။ 

DOCA (ပဲခူး)

     ပဲခူးတိုင်းဒေသကြီး၊ ပြည်ခရိုင်၊ ပြည်မြို့နယ်အတွင်းရှိ ဈေးများနှင့် အသီးရောင်းချသည့်  ဆိုင်များတွင် လိမ္မော်သီးများရောင်းချနေကြောင်း တွေ့ရှိရသည်။ ပျားလိမ္မော်၏ အရသာသည် ခံတွင်း ရှင်းပြီး အချိုဓါတ်ရရှိ၍ အရည်ရွှမ်းသည်။ ဗီတာမင် C ဓါတ်ရရှိသောကြောင့် ခန္ဓာကိုယ်အတွက် အကျိုးပြုသော အသီးအနှံတစ်မျိုးဖြစ်ပါသည်။ ပျားလိမ္မော်သည် ဗီတာမင်များစွာပါဝင်သောကြောင့် ကိုယ်ခံအားစနစ်ကို တိုးတက်ကောင်းမွန်သောကြောင့် လူအများက ဝယ်ယူစားသုံးကြပါသည်။

      ယခုအောက်တိုဘာလ၊ တတိယပတ်တွင် ရောင်းချနေသော ပျားလိမ္မော်သီး ဈေးနှုန်းများမှာ (၂၅)ကျပ်သားလျှင် (၆၀၀၀)ကျပ်၊ (၅၀)ကျပ်သားလျှင် (၁၂၀၀၀)ကျပ်၊ (၁)ပိသာလျှင် (၂၄၀၀၀)ကျပ် တို့ဖြင့် ရောင်းချနေကြောင်း သိရသည်။ ပျားလိမ္မော်သီးများကို ရှမ်းပြည်၊ တောင်ကြီးရှိ လိမ္မော်ခြံ များနှင့် ကုန်သည်များဆီမှ တစ်ဆင့် ဝယ်ယူ၍ ပြန်လည်ရောင်းချနေကြောင်း သိရသည်။

DOCA (ပဲခူး)

     ပဲခူးတိုင်းဒေသကြီး၊ ပြည်ခရိုင်၊ ပြည်မြို့နယ်၊ တောင်လုံးညိုကျေးရွာ၊ တောင်သူ ဦးဇော်ဝင်း၏ ဥယျာဉ်ခြံမြေထဲတွင် သီးမွှေးငှက်ပျောများ စိုက်ပျိုးထားကြောင်းသိရသည်။ စိုက်ပျိုး ထားသော မျိုးများမှာ သီးမွှေးဝါနှင့် သီးမွှေးစိမ်းတို့ဖြစ်ကြသည်။ မြေသားနက်ရှိုင်း၍ ရေစီးဆင်းမှု ကောင်းသော မြေဖြစ်သောကြောင့် ငှက်ပျောပင်များနှာ ကြီးထွားမှုဖွံ့ဖြိုးကြောင်း သိရသည်။ အသီး ခိုင်များမှာ ကြီးလွန်းသောကြောင့် အပင်ကို ဝါးများဖြင့် ကျားကန်ထောက်ပေးထားရသည်။

          ငှက်ပျောပင်သည် နိုင်ငံတကာ ဈေးကွက်တွင် အရေးပါဆုံးမျိုးဖြစ်ကြောင်းသိရသည်။ ငှက်ပျောတစ်ဖီးလျှင် အသီး (၂၀ - ၂၅)လုံးပါကြောင်းသိရသည်။ ငှက်ပျောတစ်ခိုင်လျှင် (၇-၈)ဖီးပါရှိ သည်။ သီးမွှေးဝါမှာ မှည့်လျှင် အဝါရောင်ရှိပြီး သီးမွှေးစိမ်းမှာ နဂိုအရောင်မပျက် မှည့်ပြီး ချိုသည်။ ထွက်ရှိလာသော သီးမွှေးများကို ဈေးကွက်တွင်  တစ်ဖီးလျှင် (၇၀၀၀)ကျပ်ဖြင့် ရောင်းချကြောင်း သိရသည်။

DOCA (ပဲခူး)