သတင်းနှင့် လှုပ်ရှားမှုများ

          (၈.၈.၂၀၂၅) ရက်နေ့၊ နေ့လယ် (၁၂:၄၅) နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် အမှတ် (၁၃၅/၁၃၆) ၊ သံချပ်ဝန်ဦးညွန့်လမ်း၊ စက်မှုဇုန် (၁)၊ လှိုင်သာယာမြို့နယ်ရှိ စားတော်ကဲစက်ရုံသို့ ပြည်ပပို့ကုန်တင်ပို့မှုအခြေအနေများ သိရှိနိုင်ရန် မြေပြင် ကွင်းဆင်းခြင်းလုပ်ငန်းများ ဆောင်ရွက်ခဲ့ပါသည်။

          ထိုသို့ မြေပြင်ကွင်းဆင်းရာတွင် စားတော်ပဲစက်ရုံမှ တာဝန်ခံနှင့်တွေ့ဆုံ၍ ၂၀၂၄-၂၀၂၅ ဘဏ္ဍာနှစ်၊ ပြည်ပသို့ ပို့ကုန်တင်ပို့မှုများနှင့်စပ်လျဉ်း၍ စားသုံးသူရေးရာဦးစီးဌာနမှ Export တင်ပို့သည့်ကုမ္ပဏီများအား ကွင်းဆင်းမေးမြန်းစာရင်းကောက်ယူလျက်ရှိရာမှ စားတော်ကဲစက်ရုံ တွင် Wah Lah ခေါက်ဆွဲခြောက်များ ထုတ်လုပ်ကာ ပြည်ပသို့ နယ်စပ်မှ ဖက်စပ်တင်ပို့လျက်ရှိ ကြောင်း၊ တစ်နှစ်ထုတ်လုပ်မှု၊ တစ်နှစ်တင်ပို့မှုတန်ချိန်၊ တင်ပို့မှုတန်ဖိုး၊ တင်ပို့သည့်နိုင်ငံတို့ကို မေးမြန်းခဲ့ကြောင်း သိရှိရ ပါသည်။

DOCA (ရန်ကုန်)

                                 စားသုံးသူရေးရာဦးစီးဌာန၊ စစ်ကိုင်းခရိုင်ဦးစီးမှူးနှင့် ဝန်ထမ်း(၄)ဦးတို့သည် ၂၀၂၅ ခုနှစ် ဩဂုတ်လ ၇ ရက်နေ့တွင် မန္တလေးမြို့ရှိ Mandalay Global Network Distribution  ကုမ္ပဏီမှ ခွဲတမ်း ရရှိသော စစ်ကိုင်းမြို့ပေါ်ရှိ  စားအုန်းဆီအရောင်းဆိုင် (၈) ဆိုင်ဖြစ်သော ရွှေတိုးအောင်၊ စစ်ကိုင်း၊ မြနှင်းဆီ၊  သစွာ၊ မေတ္တာရှင်၊ လင်းလင်း၊ ဦးထွန်းရွှေနှင့် ဖြိုးဆီဆိုင်များအား ဈေးနှုန်းမြှင့်တင်‌ ရောင်းချမှု  ရှိ/မရှိ နှင့် သတ်မှတ်အရေအတွက်၊ အလေးချိန်မှန်ကန်စေရေး ကွင်းဆင်းစစ်ဆေး ဆောင်ရွက်ခဲ့ရာတွင် စစ်ကိုင်းခရိုင်အတွက် မန္တလေးမြို့ရှိ Mandalay Global Network Distribution  ကုမ္ပဏီမှ တစ်လလျှင် စားအုန်းဆီပေပါ (၇၇၀)  အား ခွဲတမ်းရရှိသော စစ်ကိုင်းမြို့ပေါ်ရှိ စားအုန်းဆီအရောင်းဆိုင် (၈)ဆိုင် နှင့် မြင်းမူမြို့ရှိ (၁)ဆိုင်တို့အား ရောင်းချပေးနေကြောင်း၊ ဆီဆိုင်များအနေဖြင့် (၇၇၀) ပေပါ၏ ၁၅% အား ဌာနဆိုင်ရာဝန်ထမ်းများ၊ တက္ကသိုလ်/ကောလိပ်များ၊ ပညာရေးဝန်ထမ်းများ၊ တပ်ရင်း/တပ်ဖွဲ့များ၊ NGO အဖွဲ့အစည်းများ၊ ၁၀% အား ကသာခရိုင်နှင့် ကျန် ၇၅% အား ဆီဆိုင်တစ်ဆိုင်အနေဖြင့် တစ်ရက်လျှင် ရပ်ကွက်/ ကျေးရွာ တစ်ခုစီရှိ အိမ်ထောင်စု တစ်စုလျှင် စားအုန်းဆီ (၁) ပိဿာ (၇၀၀၀/-) ဖြင့် ဥပုဒ်နေ့မှအပ နေ့စဉ်ရောင်းချပေးကြောင်း ၊ ကျန်ဆီများကို မိမိဆိုင်၏ ဆီလက်လီဆိုင်များနှင့် ရပ်ကွက်/ ကျေးရွာများသို့လည်းကောင်း ရောင်းချပေးလျှက်ရှိကြောင်း၊ ခွဲတမ်းဆီ ၁၀% အား စစ်ကိုင်းခရိုင်ဆီ ကုန်သည်နှင့် ဆီလုပ်ငန်းရှင်များအား အသင်းဥက္ကဌ ဖြစ်သော ရွှေတိုးအောင်ဆီဆိုင်တွင် ထားရှိပြီး ကသာခရိုင်သို့ လမ်းခရီး အခြေအနေကောင်းမွန်ပါက မန္တလေးမြို့ မှတဆင့် ကားဖြင့် တင်ပို့ပေးကြောင်း၊ လမ်းခရီးအခြေအနေ  မကောင်းပါက သာသနာ‌ရေး ဦးစီးဌာနမှ ပေးပို့ထားသော စစ်ကိုင်းမြို့ပေါ်ရှိ ဘုန်းကြီးကျောင်းများနှင့် သီလရှင် ကျောင်းများသို့ ရောင်းချပေးလျှက်ရှိကြောင်း  သတင်းရရှိပါသည်။

DOCA (စစ်ကိုင်း)

     စားသုံးသူရေးရာဦးစီးဌာန စစ်ကိုင်းတိုင်းဒေသကြီး ကန့်ဘလူခရိုင် ကန့်ဘလူမြို့နယ်တာဝန် ခံဦးမျိုးဝင်းသန်းသည် ၂၀၂၅ ခုနှစ်၊ ဇူလိုင်လ ၁၅ရက် နံနက်(၁၁:၀၀)နာရီအချိန်တွင် ကန့်ဘလူခရိုင် စုပေါင်းရုံး၊ ရွှေဆည်မြိုင်ခန်းမ၌ ကျင်းပပြုလုပ်သည့် မြန်မာအီလက်ထရောနစ်မဲပေးစက်(MEVM) ဖြင့်လက်တွေ့စမ်းသပ်မဲပေးခြင်း အခမ်းအနားအား တက်ရောက်ခဲ့ကြောင်း သိရသည်။

          ရှေးဦးစွာ ခရိုင်ရွေးကောက်ပွဲကော်မရှင်အဖွဲ့ခွဲ ခရိုင်ရွေးကောက်ပွဲအရာရှိ ဦးရဲမင်းသော်က MEVM စက်ကိုင်တွယ်အသုံးပြုပုံ၊ မဲပေးပုံနည်းစနစ်များနှင့်ပတ်သက်၍ ရှင်းလင်းပြောကြားကြောင်း၊ တက်ရောက်လာကြသည့် ခရိုင်/မြို့နယ်အဆင့် ဌာနဆိုင်ရာအကြီးအကဲများနှင့် အရာထမ်း/အမှုထမ်း (၁၀၀)ဦးခန့်က လက်တွေ့စမ်းသပ်မဲပေးခြင်းများ ဆောင်ရွက်ခဲ့ကြပြီး ခရိုင်ရွေးကောက်ပွဲအရာရှိက မြန်မာအီလက်ထရောနစ်မဲပေးစက်(MEVM)အား ပိတ်ခြင်း၊ မဲရလာဒ်များအား ရေတွက်ခြင်း စသည့် တို့ကို ဆက်လက်ရှင်းလင်းဆွေးနွေး ပြောကြားခဲ့ကြောင်း၊ စားသုံးသူရေးရာဦးစီးဌာနမှ ဝန်ထမ်းများ ကလည်း လက်တွေ့စမ်းသပ်မဲပေးခြင်း ဆောင်ရွက်ခဲ့ကြောင်း သတင်းရရှိသည်။

DOCA (စစ်ကိုင်း)

     စားသုံးသူရေးရဦးစီးဌာန၊ စစ်ကိုင်းတိုင်းဒေသကြီး၊ ကန့်ဘလူမြို့နယ်တာဝန်ခံရုံးအနေဖြင့် ၂၀၂၅ ခုနှစ်၊ ဩဂုတ်လ ၁၂ရက် နံနက်(၀၉:၀၀)နာရီအချိန်တွင် ကန့်ဘလူမြို့နယ်တာဝန်ခံ ဦးမျိုးဝင်း သန်းသည် ကန့်ဘလူမြို့ပေါ်ရှိ ဘိလပ်မြေနှင့်အိမ်ဆောက်ပစ္စည်း ရောင်းချသည့်ဆိုင်များသို့ အပတ် စဉ် ကွင်းဆင်းစစ်ဆေးခြင်း ဆောင်ရွက်လျက်ရှိကြောင်း သိရသည်။

     ထိုသို့ကွင်းဆင်းစစ်ဆေးရာတွင် ကန့်ဘလူမြို့ပေါ်ရှိ ဘိလပ်မြေရောင်းချသည့်ဆိုင်များ၏ ဘိလပ်မြေ ဝယ်ယူရရှိမှုအခြေအနေ၊ လက်ကျန်အခြေအနေနှင့် ဈေးနှုန်းအခြေအနေအားလည်း ကောင်း၊ အိမ်ဆောက်ပစ္စည်း အခြေအနေများအားလည်းကောင်း၊ ကွင်းဆင်းစိစစ်ခဲ့ရာ ဘိလပ်မြေ နှင့်ဆောက်လုပ်ရေး လုပ်ငန်းသုံးပစ္စည်းများကို မန္တလေးမြို့မှဝယ်ယူရကြောင်း၊ ဘိလပ်မြေများ ပစ္စည်းပြတ်လပ်မှုမရှိသေးကြောင်း လုပ်ငန်းရှင်များထံမှ သိရှိရပါသည်။  

DOCA (စစ်ကိုင်း)

             စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် စားသုံးသူကာကွယ်ရေးဥပဒေပုဒ်မ-၁၃(က)(၂)ပါ စားသုံးသူကာကွယ်ရေးစပ်လျဉ်း၍ အသိပညာပေးခြင်းနှင့် သတင်းအချက်အလက်များဖြန့်ဝေပေးခြင်းတို့အား ဆောင်ရွက်လျှက်ရှိပါသည်။ ထိုသို့ဆောင်ရွက်ရာတွင် စားသုံးသူကာကွယ်ရေးအသိပညာပေးခြင်းကို သက်ဆိုင်ရာ ဆက်စပ်ဌာနများဖြင့် ပူးပေါင်းအသိပညာပေးလျက်ရှိပါသည်။

          မန္တလေးတိုင်းဒေသကြီးအတွင်းရှိ ကိတ်မုန့်နှင့်ပေါင်မုန့်အစရှိသော မုန့်ထုတ်လုပ်သည့် လုပ်ငန်းရှင်များအား အသိပညာပေးဟောပြောဆွေးနွေးခြင်းကို (၃၀-၇-၂၀၂၅)ရက်နေ့၊ နေ့လယ်(၁) နာရီတွင် စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံး၊ အစည်းအဝေးခန်းမ၌ ကျင်းပပြုလုပ်ခဲ့ပါသည်။ အသိပညာပေးဟောပြောသည့်အခမ်းအနားသို့ စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံး၊ ဒုတိယတိုင်းဒေသကြီးဦးစီးမှူးဒေါက်တာဇော်လွင်၊ အစားအသောက် နှင့် ဆေးဝါးကွပ်ကဲရေးဦးစီးဌာန(မန္တလေးရုံးခွဲ)တာဝန်ခံ ဒုတိယညွှန်ကြားရေးမှူးဒေါက်တာ အေးငြိမ်းမြတ်၊ စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံး လက်ထောက် ညွှန်ကြားရေးမှူး ဒေါ်ဖြူသဲနွယ်၊ မြန်မာနိုင်ငံစားသောက်ကုန်ထုတ်လုပ်တင်ပို့ရောင်းချသူများ

အသင်းမှ(မန္တလေး)မှ ဥက္ကဌနှင့် အသင်းဝင်စားသောက်ကုန်လုပ်ငန်းရှင် စုစုပေါင်း(၆၈)ဦး တက်ရောက်ခဲ့ကြပါသည်။

          ပထမဦးစွာ အစားအသောက်နှင့် ဆေးဝါးကွပ်ကဲရေးဦးစီးဌာန(မန္တလေးရုံးခွဲ)၏ လက်ထောက် ညွှန်ကြားရေးမှူး ဒေါက်တာဖြိုးမာန်သက်ဦးက အစားအသောက်ထုတ်လုပ်ခြင်း ထောက်ခံချက် လျှောက်ထားရာတွင် ခက်ခဲမှုမရှိစေရေး FDA သတ်မှတ်ချက်များ အသိပညာပေး ဟောပြော ဆွေးနွေးခဲ့ပြီး စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံး၊ စားသုံးသူရေးရာဌာနခွဲ၊ ဦးစီးအရာရှိ ဦးတင်ချစ်ကောင်းက စားသုံးသူကာကွယ်ရေးဥပဒေပါ ပြဌာန်းချက်များကို ဟောပြော ရှင်းလင်းဆွေးနွေးခဲ့ပါသည်။

          ဆက်လက်၍ စားသုံးသူရေးရာဦးစီးဌာန၊ မန္တလေးတို်ငးဒေသကြီးဦးစီးမှူးရုံး၊ ထုတ်ကုန်လုံခြုံ စိတ်ချရမှုဌာနခွဲတာဝန်ခံ ဦးစီးအရာရှိ ဦးမျိုးထွန်းမှ ကုန်အညွှန်းအမှတ်အသားပြဌာန်းချက်များအား ဟောပြောရှင်းလင်းဆွေးနွေးခဲ့ပြီး အခမ်းအနားကို နေ့လည် (၂:၀၀) နာရီအချိန်တွင် ရုတ်သိမ်းခဲ့ ကြောင်းသတင်းရရှိပါသည်။

DOCA(မန္တလေး)