သတင်းနှင့် လှုပ်ရှားမှုများ

    မကွေးတိုင်းဒေသကြီးအစိုးရအဖွဲ့ ဝန်ကြီးချုပ်၏ လမ်းညွှန်မှုဖြင့် တိုင်းဒေသကြီးအတွင်းရှိ နိုင်ငံ့ဝန်ထမ်းအငြိမ်းစား (ပင်စင်စား)များအား ပင်စင်လစာထုတ်ယူသည့် နေ့ရက်တွင် သက်သာသော စျေးနှုန်းဖြင့် ဆန်၊ ဆီရောင်းချပေးခြင်းနှင့် အခမဲ့ကျန်းမာရေးစောင့်ရှောက်မှုပေးခြင်းများ ဆောင်ရွက် လျက်ရှိရာ မကွေးမြို့နယ်တွင် ဒုတိယအကြိမ် သက်သာသောစျေးနှုန်းဖြင့် ဆန်/ဆီရောင်းချပေးခြင်းနှင့် အခမဲ့ကျန်းမာရေးစောင့်ရှောက်မှုပေးခြင်းအား ပင်စင်လစာစတင်ထုတ်ယူသည့် (၂၁.၁၁.၂၀၂၄) ရက်နေ့မှ လကုန်ရက်အထိ ရုံးပိတ်ရက်မပါ ဆောင်ရွက်လျက်ရှိကြောင်း သိရှိရပါသည်။

     မကွေးမြို့နယ်တွင်နိုင်ငံ့ဝန်ထမ်းအငြိမ်းစား (ပင်စင်စား) (၂၅၀၀)ဦးခန့်ရှိပြီး ပင်စင်လစာ စတင်ထုတ်ယူသည့် (၂၁.၁၁.၂၀၂၄)ရက်နေ့မှစတင်ပြီး မြန်မာ့စီးပွားရေးဘဏ်၌ပင် အခမဲ့ဆေးကုသပေးခြင်း၊ ပင်စင်စားတစ်ဦးလျှင် ဆန်(၃)ပြည်၊ ဆီ(၁)ပိဿာ ရောင်းချပေးသည့်အပြင် ဆန်(၁)ပြည်နှင့် ဆီ (၅၀)ကျပ်သား ဝယ်ယူလိုပါကလည်း အဆင်ပြေစေရန် ဆန်(၃)ပြည်ထုပ်/ (၁)ပြည်ထုပ်၊ ဆီ (၅၀)ကျပ်သားဘူးများဖြင့် စီစဉ်ဆောင်ရွက်ထားပြီး အဆိုပါ ကျန်းမာရေးစောင့်ရှောက်မှုပေးခြင်းနှင့် ဆန်၊ဆီများ သက်သာသောစျေးနှုန်းဖြင့် ရောင်းချပေးရာတွင် စားသုံးသူရေးရာဦးစီးဌာနမှ ဝန်ထမ်းများ ပူးပေါင်းပါဝင်ဆောင်ရွက်လျက်ရှိကြောင်း သိရှိရပါသည်။

DOCA(မကွေး)

     မကွေးတိုင်းဒေသကြီး၊ မကွေးခရိုင်ဦးစီးမှူးသည် (၂၀.၁၁.၂၀၂၄)ရက်နေ့၊ နေ့လယ်(၁၅:၀၀) နာရီအချိန်တွင် မကွေးမြို့၊ ကုန်သည်များနှင့် စက်မှုလက်မှုလုပ်ငန်းရှင်များအသင်း (မကွေးကုန်စည်ဒိုင်) ရုံး၌ မကွေးမြို့ရှိ စားသုံးဆီကြိတ်ခွဲထုတ်လုပ်ရောင်းချသည့် ဆီစက်ပိုင်ရှင်များနှင့် တွေ့ဆုံဆွေးနွေးခဲ့ကြောင်း သိရသည်။

   မကွေးခရိုင်ဦးစီးမှူးမှ ဆီစက်လုပ်ငန်းရှင်များအား ၂၀၂၄-၂၀၂၅ ဘဏ္ဍာနှစ်တွင် ဆီစက်များ ကြိတ်ခွဲထုတ်လုပ်နိုင်မှုအခြေအနေ၊ ဆီစက်များအဆင့်မြှင့်တင်နိုင်ရေးအတွက် ဆီသိုလှောင်မှု ပမာဏ၊ စားသုံးဆီ လက်ကျန်အခြေအနေများ ကုန်ကြမ်းဝယ်ယူရရှိမှု စျေးနှုန်း/စျေးကွက်များအား ရှင်းလင်းဆွေးနွေးခဲ့ပြီး ငွေဇင်ယော်ဆီဆိုင်ပိုင်ရှင်မှ လက်ရှိကုန်ကြမ်းများဖြစ်သော မြေပဲဆံ(၁)ပိဿာလျှင် ကျပ် (၈၀၀၀-၈၅၀၀)၊ နှမ်းနီ(၁၅)ပိဿာလျှင် ကျပ်(၁၁၃၀၀)တို့ ဝယ်ယူကြိတ်ခွဲလျက်ရှိပြီး ထွက်ရှိသော ကုန်ချောမြေပဲဆီ (၁)ပိဿာလျှင် ကျပ်(၁၄၅၀၀-၁၆၀၀၀)၊ နှမ်းဆီ(၁)ပိဿာလျှင် ကျပ်(၁၅၀၀၀-၁၇၀၀၀) တို့ဖြင့် ဒေသတွင်းနှင့် တောင်ကြီး (ရှမ်းပြည်)၊ ဧရာဝတီတိုင်းနှင့်  နေပြည်တော်မြို့များသို့ တင်ပို့ရောင်းချလျက်ရှိကြောင်း၊ စားသုံးသူပြည်သူများအနေဖြင့်လည်း ကျန်းမာရေးအသိဖြင့် စားအုန်းဆီအစား မြေပဲဆီ၊ နှမ်းဆီ၊ နေကြာဆီများ ပိုမိုစားသုံးလာကြကြောင်း သိရှိရပါသည်။

DOCA(မကွေး)

     မကွေးတိုင်းဒေသကြီး၊ မင်းဘူးခရိုင်ဦးစီးမှူးရုံးမှ ပွင့်ဖြူမြို့နယ်တာဝန်ခံသည် (၂၃.၁၁.၂၀၂၄)ရက်နေ့၊ နေ့လယ်(၁၃:၀၀)နာရီအချိန်တွင် မြို့နယ်တာဝန်ခံရုံး၌ စားသုံးသူပြည်သူများအား စားသုံးသူကာ ကွယ်ရေးအသိပညာပေး ဟောပြောခြင်းဆောင်ရွက်ခဲ့ကြောင်း သိရသည်။

      စားသုံးသူကာကွယ်ရေးဥပဒေကို ၂၀၁၉ခုနှစ်၊ မတ်လ(၁၅)ရက်နေ့တွင် စတင်ထုတ်ဝေခဲ့ပြီး အခန်း (၂၅)ခန်း၊ ပုဒ်မပေါင်း(၈၄)ခုအား ပြဌာန်းထားကြောင်း၊ စားသုံးသူကာကွယ်ရေးဥပဒေ(၂၀၁၉)ပါ စားသုံးသူကာကွယ်ရေး အဓိပ္ပါယ်ဖွင့်ဆိုချက်များနှင့် စားသုံးသူများရသင့်သည့်အခွင့်အရေး(၈)ချက်အကြောင်းကိုလည်းကောင်း အသိပညာပေးဟောပြောဆွေးနွေးခဲ့ကြောင်း သိရှိရပါသည်။

DOCA(မကွေး)

    မကွေးတိုင်းဒေသကြီး၊ မင်းဘူးခရိုင်ဦးစီးမှူးရုံးမှ ပွင့်ဖြူမြို့နယ်တာဝန်ခံသည် (၂၆.၁၁.၂၀၂၄) ရက်နေ့၊ နေ့လယ်(၁၃:၀၀)နာရီအချိန်တွင် ပွင့်ဖြူမြို့နယ်တာဝန်ခံရုံး၌ ပြည်သူများအား စားသုံးသူကာကွယ်ရေးဥပဒေပါ ပြဌာန်းချက်များ၊ စားသုံးသူအခွင့်အရေးနှင့်တာဝန်များသိရှိစေရန် ရည်ရွယ်၍ အသိပညာပေးဆွေးနွေးခဲ့ကြောင်း သိရသည်။

      မြို့နယ်တာဝန်ခံက ဘေးအန္တရာယ်ကင်းရှင်းသော အစားအသောက်များ စားသောက်နိုင်ရေးနှင့် စားသုံးသူကာကွယ်ရေးဥပဒေ အခန်း(၁၈)ပါ ကုန်အညွှန်းအမှတ်အသားဆိုင်ရာ ကုန်စည်အမျိုးအစား အလိုက် သိသာထင်ရှားစွာဖော်ပြရမည့် သတ်မှတ်ချက်(၈)ချက်နှင့်ပြစ်မှုပြစ်ဒဏ်များ၊ စားသုံးသူနှင့် လုပ်ငန်းရှင်ကြား ပြဿနာတစ်စုံတစ်ရာဖြစ်ပေါ်လာပါက တိုင်ကြားနိုင်သောနေရာများ စသည့်အချက်များအား အသိပညာပေးဆွေးနွေးခဲ့ကြောင်း သိရှိရပါသည်။

DOCA(မကွေး)

      မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့မဈေး၌ (၂၅.၁၁.၂၀၂၄)ရက်နေ့၊ နံနက်(၀၇:၃၀) အချိန်တွင် ပွင့်ဖြူမြို့နယ်တာဝန်ခံသည် အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့၊  သဘာဝပတ်ဝန်ကျင် ထိန်းသိမ်းရေးဦးစီးဌာနနှင့် ပူးပေါင်း၍ သဘာဝပတ်ဝန်းကျင်ထိန်းသိမ်းရေးနှင့် ပြည်သူများ ပလတ်စတစ်လျော့နည်းသုံးစွဲစေရေးအတွက် အသိပညာပေးဆောင်ရွက်ခဲ့ကြောင်း သိရသည်။

     ပလတ်စတစ်အိတ်ဖြင့် ထုပ်ပိုးရောင်းချခြင်းမရှိစေရန်အတွက် စစ်ဆေးခြင်းနှင့် ပလတ်စတစ်အိတ်အစား အင်းဖက်၊ ဌက်ပျောဖက်၊ ကြာဖက်နှင့် သတင်းစာစက္ကူများ အစားထိုးသုံးစွဲခြင်းဖြင့် တနင်္လာနေ့အား ပလတ်စတစ်အိတ် သုံးစွဲမှုလျော့ချပေးရေးနေ့အဖြစ် ဆောင်ရွက်ရာတွင် ပူးပေါင်းပါဝင်ပေးကြပါရန်နှင့် မြို့ဈေးအတွင်းရှိ ကုန်စုံဆိုင်များတွင် အစားအသောက်နှင့် ဆေးဝါးကွပ်ကဲရေးဦးစီးဌာနမှ စားသုံးရန်မသင့်ထုတ်ပြန်ထားသော ကုန်စည်များရောင်းချခြင်းရှိ/မရှိ၊ သက်တမ်းလွန်နေသော စားသောက်ကုန်များ ရောင်းချခြင်းရှိ/မရှိနှင့် ကုန်အညွှန်းအမှတ်အသားဆိုင်ရာ သတ်မှတ်ချက်များ ပြည့်စုံမှန်ကန်စွာ ပါဝင်ခြင်း ရှိ/မရှိတို့အား ဈေးကွက်စောင့်ကြည့်စစ်ဆေးခဲ့ကြောင်း သိရှိရသည်။

DOCA(မကွေး)