သတင်းနှင့် လှုပ်ရှားမှုများ

              ပဲခူးတိုင်းဒေသကြီး ၊ညောင်လေးပင်ခရိုင်၊ ဒိုက်ဦးမြို့နယ်၊ အမှတ်(၃)ရပ်ကွက်၊ (ပြည်ကျော်) မုန့်မျိုးစုံလုပ်ငန်း လုပ်ကိုင်ဆောင်ရွက်လျက်ရှိသော လုပ်ငန်းရှင်နှင့် (၂၆.၁၁.၂၀၂၄)ရက်နေ့တွင် သွားရောက်တွေ့ဆုံဆွေးနွေးခဲ့ကြောင်းသိရသည်။

            ထိုသို့စားသောက်ကုန်လုပ်ငန်းရှင်နှင့် စားသုံးသူရေးရာဦးစီးဌာန၊ ညောင်လေးပင်ခရိုင်ဦးစီးမှူးတို့ တွေ့ဆုံဆွေးနွေးရာတွင် မိမိတို့လုပ်ငန်းမှထုတ်လုပ်သော အစားအသောက်များအား ကောင်းမွန်သောထုတ်လုပ်မှုကျင့်စဉ်၊ FDAထောက် ခံချက်ရရှိအောင်ဆောင်ရွက်နိုင်ရန်နှင့် အသေးစား၊ အလတ်စား၊ စက်မှုလက်မှုလုပ်ငန်းလိုင်စင်ရရှိရေးဆောင်ရွက်ရန် မိမိတို့လုပ်ငန်းတွင် အသုံးပြုရန်လျှောက်ထားသော စက်မှုလုပ်ငန်းသုံးစားအုန်းဆီများကို စားသောက်ကုန်လုပ်ငန်းတွင် အမှန်တကယ်သုံးစွဲမှုရှိ/ မရှိ စစ်ဆေးခြင်းနှင့် သက်ဆိုင်ရာဌာနများ၏ ထောက်ခံချက်များရရှိရေး တွေ့ဆုံဆွေးနွေးခဲ့ပါကြောင်း သိရှိရပါသည်။

DOCA(ပဲခူး)

     မွန်ပြည်နယ်၊ စားသုံးသူရေးရာဦးစီးဌာန၊ သထုံခရိုင်၊ ဘီးလင်းမြို့နယ်တာဝန်ခံရုံးမှ ဝန်ထမ်းများသည် (၂၆.၁၁.၂၀၂၄) ရက်နေ့တွင် မြို့နယ်ပြည်သူ့ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ ဘီးလင်းမြို့အဝေးပြေးလမ်းမရှိ ရွှေစင်ဦးဟိုတယ်သို့ သွားရောက်ပြီး လုပ်ငန်းရှင်နှင့်တွေ့ဆုံဆွေးနွေးခဲ့ရာတွင် ခရီးသွားလုပ်ငန်း ဆောင်ရွက်ရာ၌ သွားလာ၊ စားသောက်၊ နေထိုင်ရေးတို့မှာ အရေးကြီးသဖြင့် ဒေသအလိုက် အစားအသောက်များ ကောင်းမွန်ရန်၊ တည်းခိုနေထိုင်မှု၊ ဝန်ဆောင်မှု လုပ်ငန်းများ အဆင်ပြေစေရန်နှင့် ရောင်းချသည့်အစားအစာများ ဘေးအန္တရာယ်ကင်းပြီး ကျန်းမာရေးညီညွတ်သည့်အစားအစာများဖြစ်စေရန်၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များ လိုက်နာရမည့်တာဝန်များ၊ ဝန်ဆောင်မှုနှင့်ပတ်သက်၍ စားသုံးသူများတောင်းဆိုနိုင်သည့် အခွင့်အရေးများအကြောင်းကို အသိပညာပေးဆွေးနွေးခဲ့ကြောင်း သတင်းရရှိပါသည်။

DOCA(မွန်)

     ၂၈.၁၁.၂၀၂၄ ရက်နေ့တွင် စားသုံးသူရေးရာဦးစီးဌာန၊ မော်လမြိုင်မြို့နယ်တာဝန်ခံသည် Mega Lifesciences Co.Ltd (မော်လမြိုင်ရုံးခွဲ)မှ တင်ပြလာသည့် ပျက်စီး၍ သက်တမ်းလွန်နေသော ဆေးဝါးများ၊ စားသောက်ကုန်များနှင့် လူသုံးကုန်ပစ္စည်းများကို မော်လမြိုင်မြို့နယ် အစားအသောက်နှင့် ဆေးဝါးကြီးကြပ်ကွပ်ကဲရေးကော်မတီ၏ ကြီးကြပ်မှုဖြင့် မော်လမြိုင်မြို့နယ်၊ မုရောင်းအမှိုက်ကျင်းတွင် မြေမြုပ်ဖျက်စီးခြင်းတွင် ပူးပေါင်းပါဝင် ဆောင်ရွက်ခဲ့ကြောင်း သိရှိရသည်။

     အဆိုပါ ဖျက်စီးခဲ့သောပစ္စည်းများမှာ ဆေးဝါးနှင့် လူသုံးကုန်၊ စားသောက်ကုန်များ ဖြစ်သော ဆေးဝါး (Tablet) (၁၇) မျိုး၊ ဆေးဝါး (Capsule) (၆)မျိုး၊ ဆေးဝါး (Suspension) (၁) မျိုး၊ ဆေးဝါး (Injection) (၁) မျိုး၊ ခေါင်းလိမ်းဆီ (၅) မျိုး၊ Lactogea နို့မှုန့် (၁) မျိုး၊ Dettol Spray (၁) မျိုး၊ Bio Oil Gel (၁) မျိုး၊ Lipstick (၃) မျိုး၊ Shower (၄) မျိုး၊ အစွန်းချွတ်ဆေး (၂) မျိုးတို့ကို ကြိတ်ချေ၍ မြေမြုပ်ဖျက်စီးခြင်း၊ အခင်းပေါ်တွင် ကြိတ်ချေပြီး တွင်း (၄ ပေ အကျယ်၊ အနက် ၁၀ ပေ)တွင် မြေမြုပ်ဖျက်စီးခဲ့ကြောင်း သိရှိရပါသည်။

DOCA(မွန်)

            (၂၁.၁၁.၂၀၂၄) ရက်နေ့ နံနက် (၁၀း၀၀) နာရီအချိန်တွင်၊ မုံရွာမြို့၊ စစ်ကိုင်းတိုင်းဒေသကြီးအစိုးရအဖွဲ့ရုံးရှိ DICA အစည်းအဝေးခန်းမတွင် စားသုံးသူကော်မတီ(၄/၂၀၂၄)ကြိမ်မြောက်အစည်းအဝေးကို ကျင်းပဆောင်ရွက်ရာ စားသုံးသူရေးရာကော်မတီဥက္ကဌ စီးပွားရေးရာဝန်ကြီးဒေါ်ရီရီသန်းက အဖွင့်အမှာစကားပြောကြားပြီး ကော်မတီအဖွဲ့ဝင်များနှင့် စားသုံးသူဝန်ထမ်း(၁၇)ဦး တက်ရောက်ကြောင်း သတင်းရရှိပါသည်။

             အဆိုပါအစည်းအဝေးတွင် စားသုံးသူရေးရာကော်မတီဥက္ကဌ၊ စီးပွားရေးရာဝန်ကြီး ဒေါ်ရီရီသန်းက အဖွင်အမှာစကားပြောကြားရာ တက်ရောက်လာသောကော်မတီအဖွဲ့ဝင်  များအနေဖြင့် စားသုံးသူများဘေးကင်းလုံခြုံစိတ်ချစွာ စားသုံးမှုပြုနိုင်ရေးသည် မိမိတို့၏တာဝန်သာဖြစ်ကြောင်း၊ ကုသိုလ်လည်းရဝမ်းလည်းဝ နည်းမှန်လမ်းမှန်ဆောင်ရွက်နိုင်စေရန်အတွက် အစီအမံများချမှတ်၍ တိုင်းတွင်းလုပ်ငန်းတာဝန်များ အကောင်အထည်ဖော်ဆောင်ရွက်နိုင်ရန် ကော်မတီအဖွဲ့ဝင်များက ပူးပေါင်းအကြံပြုရမှာဖြစ်ကြောင်း၊ သုံးလမှတစ်ကြိမ်ကျင်းပရသည်ဖြစ်၍ ဆောင်ရွက်ပြီးစီးမှုအခြေအနေ၊ ရှေ့ဆက်ဆောင်ရွက်ကြမည့် လုပ်ငန်းစဉ်များဆွေနွေးပြောြကားခြင်း၊ ကော်မတီအတွင်းရေးမှူး တိုင်းဒေသကြီးစားသုံးသူရေးရာဦးစီးဌာန၊ တိုင်းဒေသကြီးဦးစီးမှူး ဦးခမ်လျန်စွမ်းက စားသုံးသူကာကွယ်ရေးလုပ်ငန်းသည်ပြည်သူအတွက် အထူးလိုအပ်ပါကြောင်း၊ စားသုံးသူပြည်သူများ နစ်နာမှုများရှိပါက တိုင်ကြားလာမှုရှိစေရေးနှင့် စားသုံးသူကာကွယ်ပေးရေးဥပဒေနှင့်အညီ ညှိနှိုင်းဖြေရှင်းဆောင်ရွက်ခြင်းများ၊ အွန်လိုင်းစနစ်သုံးစွဲမှုများ စိစစ်ကြပ်မတ်ဆောင်ရွက်ခြင်းများ ဆောင်ရွက်ရန် လိုအပ်ကြောင်း၊ ယခင်နှင့် ယခုလုပ်ငန်းဆောင်းရွက်မှုများ နှိုင်းယှဥ်ချက်များရှင်းလင်းဆွေးနွေးတင်ပြီး တက်‌ရောက်လာသော ကော်မတီအဖွဲ့ဝင်များက ဖြည့်စွက်ဆွေးနွေးခြင်းနှင့် အမှာစာတင်ပြမှုအပေါ် ရှေ့ဆက်ဆောင်ရွက်မည့် လုပ်ငန်းများအားအစည်းအဝေးဆုံးဖြတ်ချက်ချမှတ်၍ (၄/၂၀၂၄)ကြိမ်မြောက် စားသုံးသူရေးရာကော်မတီအစည်းအဝေကို အောင်မြင်စွာကျင်းပဆောင်ရွက်နိုင်ခဲ့ကြောင်းသိရှိရပါသည်။

DOCA(စစ်ကိုင်း)

     ၂၀၂၄ခုနှစ်၊ ဇူလိုင်လ ၁၁ ရက်နေ့၊ နေ့လယ်(၁၄:၀၀)နာရီတွင် ကော့သောင်းမြို့ပေါ်ရှိ ဆေးဆိုင် (၅)ဆိုင်အား ကော့သောင်းခရိုင် စားသုံးသူရေးရာဦးစီးဌာန၊ မြို့နယ်အထွေထွေအုပ်ချူပ်ရေးဦးစီးဌာ၊ခရိုင် ပြည်သူ့ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့ တို့နှင့်ပူးပေါင်း၍ စျေးကွက်အတွင်းဖြန့် ဖြူးရောင်းချနေသည့် ဆေးဝါးများ ကုန်အညွှန်းအမှတ်အသားပြည့်စုံစွာဖော်ပြထားခြင်း ရှိ/မရှိ၊ ဘေးအန္တရာယ်ဖြစ်နိုင်သည့် သက်တမ်းလွန်ဆေးဝါးများရောင်းချနေခြင်း ရှိ / မရှိ စျေးကွက်စောင့်ကြည့်စစ်ဆေး ဆောင်ရွက်ခဲ့ပါသည်။

       စစ်ဆေးရေးအဖွဲ့ဝင်များမှ အဆိုပါ ဆေးဆိုင်လုပ်ငန်းရှင်များအား တရားမဝင်မှတ်ပုံတင်ထားသည့်ဆေးဝါးများကိုသာ ရောင်းချစေရေး၊ တရားမဝင်ဆေးဝါးများကိုရောင်းချမှုမရှိစေရေး အသိပညာပေးဆွေးနွေးခဲ့ကြောင်း သိရှိရပါသည်။

DOCA(တနင်္သာရီ)