သတင်းနှင့် လှုပ်ရှားမှုများ

   မြင်းခြံခရိုင်၊ မြင်းခြံမြို့နယ် စားသုံးသူရေးရာဦးစီးဌာန ဒေါ်ဖြိုးအိမွန် (ဒုကြီးကြပ်ရေးမှူး) သည်  မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန နှင့်ပူးပေါင်း၍ ကုန်အညွှန်းအမှတ် အသား ဖော်ပြခြင်း ဆိုင်ရာသိကောင်းစရာများ ဆွေးနွေးပွဲ(Talk Show)အား (၂၅.၇.၂၀၂၅) ရက် နေ့  (၁၀း ၀၀) နာရီအချိန်တွင် မြင်းခြံမြို့ ပြန်ကြားရေးနှင့်ပြည်သူ့ဆက်ဆံရေးဦးစီး ဌာရုံးရှိလူထု အခြေပြုဌာန (Community Center) ခန်းမတွင် ကျင်းပပြုလုပ်ခဲ့ပါသည်။

          အဆိုပါ အသိပညာပေးဆွေးနွေးပွဲ(Talk Show)တွင် ကုန်စည်နှင့်သက်ဆိုင်သည့် ထည့် သွင်းဖော်ပြရမည့် ကုန်အညွှန်းအမှတ်အသားများ ပြည့်စုံစွာပါ ရှိရမည် ဖြစ်ပါကြောင်း၊ စားသုံးသူ များဘေးအန္တရာယ်ကင်းရှင်းစွာ စားသုံးနိုင်စေရေးနှင့် သက်ဆိုင်ရာ ဌာနများ၏ ပြဌာန်း ချက် များကိုလည်း လိုက်နာဆောင်ရွက် ရန်လိုအပ်ပါကြောင်း စားသုံးသူကာကွယ်ရေး ဥပဒေ (၂၀၁၉)၏ အခန်း (၁၈)တွင် ပြဌာန်း ထားသည့် ကုန်အညွှန်းအမှတ်အသားတွင်ထည့်သွင်း ဖော်ပြရမည့် အချက်များ၊ မြန်မာဘာသာဖြင့်ရေးသားဖော်ပြရမည့်အချက်များအား အသိပညာ ပေးဆွေးနွေးခဲ့ ပါသည်။

DOCA(မန္တလေး)

    ဧရာဝတီတိုင်းဒေသကြီး၊ မအူပင်ခရိုင်၊ စားသုံးသူရေးရာဦးစီးဌာန၊ ဓနုဖြူမြို့တာဝန်ခံသည် မြို့နယ်အတွင်းရှိ ဆီစက်များမှ ဒေသတွင်းဖူလုံမှုအပြင် ပိုလျှံသည်အထိ ကြိတ်ခွဲထုတ်လုပ် ဆောင်ရွက်သွားနိုင်ရေး၊ ပြည်တွင်း၌ ဆီထွက်သီးနှံများ ပိုမိုစိုက်ပျိုးထုတ်လုပ်လာစေရေးနှင့် ဆီစက်လုပ်ငန်းများ ဖွံ့ဖြိုးတိုးတက်လာစေရေးရည်ရွယ်၍ (၂၇.၇.၂၀၂၅)ရက်နေ့၊ နံနက်(၁၀:၀၀)နာရီအချိန် တွင် မြို့ပေါ်ရှိ ဆီစက်များသို့ ကွင်းဆင်း စစ်ဆေးဆောင်ရွက်ခဲ့ကြောင်း သိရသည်။

     အဆိုပါ ကွင်းဆင်းစစ်ဆေးရာတွင် ဓနုဖြူမြို့နယ်ဦးစီးမှူး ဦးဝင်မင်းစိုးက ဆီစက်လုပ်ငန်းရှင်များအား လုပ်ငန်းလိုင်စင်ရှိ/မရှိ၊ ဆီစက်များ အမှန်တကယ် လည်ပတ်ခြင်းရှိ/မရှိ၊ စျေးနှုန်းစျေးကွက်တို့အား မေးမြန်းဆွေးနွေးခြင်း၊ စားသုံးဆီ ထုတ်လုပ်ရောင်းချရာတွင် ကုန်ကြမ်းမှကုန်ချောသို့ ရောက်ရှိပုံအဆင့်ဆင့် အခြေအနေများ၊ ထုတ်လုပ်သည့် စားသုံးဆီများ စျေးကွက်သို့ရောင်းချရာတွင် သတ်မှတ်ထားသော ကုန်အညွှန်းအမှတ်အသားများဖော်ပြထားရှိမှုနှင့် ကုန်စည်အပေါ် အာမခံချက်ပေးထားခြင်းများအတွက် ဆွေးနွေးခဲ့ပြီးနောက် ဆီထုတ်လုပ်နေမှုနှင့် ထုတ်ပိုးနေမှုများအား ကြည့်ရှုစစ်ဆေးခဲ့ပါသည်။ ဓနုဖြူမြို့ပေါ်ရှိ ဆီစက်များတွင် လက်ရှိကြိတ်ခွဲလည်ပတ်မှုနှင့် ထွက်ရှိမှုအခြေအနေများ၊  ဖြန့်ဖြူးရောင်းချမှုကို မေးမြန်းခဲ့ပြီး စားသုံးသူပြည်သူများ လူတန်းစားမရွေး စားသုံးနိုင်ရန် မြေပဲဆီများကို (၁)ပိဿာလျှင် ကျပ်(၂၀၀၀၀)ဖြင့် ရောင်းချပေးလျက်ရှိကြောင်း သိရှိရပါသည်။

DOCA (ဧရာဝတီ)

     ဧရာဝတီတိုင်းဒေသကြီး၊ ဓနုဖြူမြို့နယ်၌ အသင့်စားမုန့်အမျိုးမျိုးနှင့်စပ်လျဥ်း၍ စျေးကွက်စောင့်ကြည့် စစ်ဆေးခြင်းများကို ၂၀၂၅ခုနှစ် ဇူလိုင်လ ၂၇ ရက် နံနက်ပိုင်းက ဓနုဖြူမြို့နယ် စားသုံးသူရေးရာဦးစီးဌာနနှင့် သက်ဆိုင်ရာတာဝန်ရှိသူအသီးသီးတို့က ရပ်ကွက်လက်လီရောင်းချနေ သော မုန့်မျိုးစုံဆိုင် (၇)တိုင်အား  စစ်ဆေးဆောင်ရွက်ခဲ့သည်။

    အဆိုပါ စျေးကွက်စောင့်ကြည့်စစ်ဆေးခြင်းကို ဓနုဖြူမြို့နယ် စားသုံးသူရေးရာ ဦးစီးဌာနမှ မြို့နယ်ဦးစီးမှူးရုံးက ဦးခိုင်လွမ်းမိုး က မြို့နယ်အထွေထွေအုပ်ချုပ်ရေးဦးစီးဌာနမှ တာဝန်ရှိသူအသီးသီးတို့က စျေးကွက်အတွင်း ရောင်းချနေသော အသင့်စားမုန့်အမျိုးမျိုးတွင် ကုန်အမှတ်အသားပြည့်စုံစွာ ဖော်ပြခြင်း ရှိ၊ မရှိ၊ သက်ဆိုင်ရာဌာနများက ကန့်သတ်တား မြစ်ထား သည့် မုန့်များရောင်းချခြင်း ရှိ၊ မရှိ၊ စားသုံးသူဘေးအန္တရာယ်ဖြစ် စေနိုင်သော မုန့်များရောင်းချနေမှု ရှိ၊ မရှိတို့အား စစ်ဆေးခြင်းနှင့် သတ်မှတ်စံချိန်စံနှုန်းနှင့် ကိုက်ညီ၍ သက်ဆိုင်ရာဌာနများမှ ခွင့်ပြုထားသော ကုန်ညွှန်းအမှတ်အသားပြည့်စုံစွာ ဖော်ပြထားသော အသင့်စားမုန့်များကိုသာ စျေးကွက်အတွင်း ရောင်းချခြင်းများ ပြုလုပ်ကြရန်နှင့် စျေးကွက်အတွင်း ရောင်းချခြင်းမပြုသည့် မုန့်များကို ရှောင်ရှားကြရန် ဆိုင်ရှင်များအား အသိပညာပေးပြောကြားခဲ့ကြောင်း သိရသည်။

DOCA (ဧရာဝတီ)

    ဖျာပုံခရိုင်၊ စားသုံးသူရေးရာဦးစီးဌာနမှ ခရိုင်ဦးစီးမှူးဦးထွေးသိမ်းနှင့် ဝန်ထမ်းတို့သည် စည်ပင်သာယာရေးအဖွဲ့နှင့် ပူးပေါင်း၍ ဖျာပုံမြို့၊ မြို့မဈေးကြီးအတွင်း ရောင်းချနေသော အခြေခံ စားသောက်ကုန်ဈေးနှုန်းများကို ၂၀၂၅ခုနှစ်၊ ဇူလိုင်လ (၂၅)ရက်နေ့ နံနက် (၉ : ၀၀)နာရီအချိန်တွင် ကွင်းဆင်းစစ်ဆေးခဲ့ကြပါသည်။

    အဆိုပါကွင်းစစ်ဆေးရာတွင် အများပြည်သူများ ဝယ်ယူစားသုံးနေသော ဆန်၊ ဆီ ၊ ငရုတ်၊ ကြက်သွန်၊ အာလူးဈေးနှုန်း/ ဈေးကွက် အခြေအနေနှင့် ဆန်/ဆီများကို သတ်မှတ်ရည်ညွှန်း ဈေးနှုန်းအလိုက် ဧည့်မထ တစ်ပြည်လျှင် (၃၀၀၀)ကျပ်၊ ပေါ်ဆန်း တစ်ပြည်လျှင် (၅၀၀၀)ကျပ်၊ စားအုန်းဆီများကို သတ်မှတ်ရက်စွဲအလိုက် ရည်ညွှန်းဈေးဖြင့် ဆိုင်းဘုတ်တင် ရောင်းချနေမှုအခြေအနေများကို လိုက်လံစစ်ဆေးခဲ့ပြီး ဆန်/ဆီအရောင်းဆိုင်များအနေဖြင့် သက်ဆိုင်ရာဌာနမှထုတ်ပြန် ထားသော စည်းမျဉ်းစည်းကမ်းများနှင့်အညီ ရောင်းချမှုရှိစေရေးအတွက် ကွင်းဆင်းစစ်ဆေး ခဲ့မှုအပေါ် သတင်းရရှိပါသည်။

DOCA(ဧရာဝတီ)

     စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ညောင်တုန်းမြို့နယ် ဦးစီးမှူး ဦးအောင်လွင်နှင့် ဝန်ထမ်းများသည် (၃၀.၇.၂၀၂၅)နေ့လယ် (၁၁:၃၀) အချိန်တွင် ညောင်တုန်းမြို့နယ် ရပ်ကွက် အုပ်ချုပ်ရေးမှူးရုံးတွင် ငရုတ်စိုက်ပျိုး ထုတ်လုပ် တင်ပို့ရောင်းချသူများအသင်းမှ အသင်းသား (၂၀)ဦးအား စားသုံးသူကာကွယ်ရေးဥပဒေအကြောင်းနှင့် ငရုတ်စိုက်ပျိုးထုတ်လုပ်သူများအသင်း၏ ဖွံ့ဖြိုးတိုးတက် ရေးအတွက် လိုအပ်သော အသိပညာပေးဆွေးနွေးမှုများပြုလုပ်ဆောင်ရွက်ခဲ့ပါသည်။

   အဆိုပါတွေ့ဆုံဆွေးနွေးပွဲတွင် မြို့နယ်ဦးစီးမှူး ဦးအောင်လွင်က စားသုံးသူကာကွယ်ရေးဥပဒေပါ ကုန်အညွှန်းအမှတ်အသားဆိုင်ရာ လိုက်နာရမည့် ဥပဒေအကြောင်း၊ ပြစ်မှုပစ်ဒဏ်များ၊ စီးပွားရေး လုပ်ငန်းရှင်လိုက်နာရမည့်တာဝန်များနှင့် ငရုတ်စိုက်ပျိုး ထုတ်လုပ် တင်ပို့ ရောင်းချသူများ၏ လုပ်ငန်းဖွံ့ဖြိုးတိုးတက်ရေး၊ အသင်းအဖွဲ့များရှင်သန်ရေး၊ သင်းဖွဲ့စည်းမျဉ်း၊ စည်းကမ်းများ လိုက်နာဆောင်ရွက်နိုင်ရေးနှင့် ငရုတ်ဈေးကွက်ခိုင်မာမှုရှိစေရေး၊ ညောင်တုန်းမြို့နယ်မှ ငရုတ်စိုက်ပျိုး ထုတ်လုပ်မှု များပြားခြင်းကြောင့် ငရုတ်စိုက်ပျိုးထွက်ရှိမှုနှင့် ပြည်တွင်ဈေးကွက်နှင့် ပြည်ပတင်ပို့နိုင် ရန်အတွက် ကောင်းမွန်သော စိုက်ပျိုးမှု နည်းပညာများ၊ ဈေးနှုန်းဈေးကွက်ရရှိရေးတို့ကို အကျယ်တဝင့် ရှင်းလင်း ဆွေးနွေးခဲ့ ပြီး၊ တက်ရောက်လာသူ လုပ်ငန်းရှင်များ၏ ပြန်လည်မေးမြန်းမှုများကို ရှင်းလင်း ဖြေကြားခဲ့ကြောင်း သတင်းရရှိပါသည်။

          DOCA(ဧရာဝတီ)