ဧရာဝတီတိုင်းဒေသကြီး၊ မအူပင်ခရိုင်၊ စားသုံးသူရေးရာဦးစီးဌာမှ ဝန်ထမ်းထုဆန္ဒဖော်ထုတ်ပွဲ အစည်းအဝေး ၈/၂၀၂၅ ကို (၅-၈-၂၀၂၅) ရက်နေ့ နေ့လည် ၂နာရီအချိန်က မြို့နယ်များနှင့်အတူ Zoom ဖြင့် အစည်းအဝေးပြုလုပ် ကျင်းပဆောင် ရွက်ခဲ့ကြသည်။

           အစည်းအဝေးကို မအူပင်ခရိုင်ဦးစီးမှူးက အဖွင့်စကားပြောကြားရာ မအူပင်ခရိုင်ရုံး ဒါဘာအစည်းအဝေးကို လစဉ် လဆန်း ၇ ရက်အတွင်း Zoom ဖြင့် အစည်းအဝေးပြုလုပ်သွားမည်ဖြစ်ကြောင်းနှင့် မြို့နယ်တွင်တာဝန်ထမ်း ဆောင်နေသော ဝန်ထမ်းများအနေဖြင့် လူအင်အားနည်းသော်လည်း ဌာနခွဲ ၇ခု လုပ်ဆောင်ရမည့် လုပ်ငန်းများကို ရုံးလုပ်ငန်းလိုအပ်ချက် အခက်အခဲရှိက တင်ပြနိုင်ရန်၊ လစဉ် ဝန်ထမ်းစွမ်းဆောင်ရည်သင်တန်း၊ Online ဖြင့်ချိတ်ဆက်ဆောင်ရွက်လုပ်ဆောင် သွားမည်ဖြစ်ကြောင်း၊ လုပ်ငန်းဆောင်ရွက်ရာတွင် အားနည်ချက်၊ အားသာချက်များကို ဖြည့်စွပ်၍ ဆောင်ရွက်ရန်၊ မြို့နယ်များမှ တင်ပြလာသော အချက်များကို ခရိုင်အနေဖြင့် ဖြေရှင်းဆောင်ရွက်နိုင်ပါက ဆောင်ရွက်ပေးပြီး ၊ အထက်သို့ တင်ပြရန် လိုအပ်သောအချက်များကို တင်ပြဆောင်ရွက်ပေးသွား မည်ဖြစ်ကြောင်း ပြောကြားခဲ့ပါသည်။

          ဆက်လက်၍ ဒုခရိုင်ဦးစီးမှူး ဦးအောင်ဇော်ဦးက လုပ်ငန်းညှိနှိုင်းအစည်းအဝေးနှင့်ပတ်သက်၍ စားသုံး/ထုတ်လုပ် လုပ်ငန်းများဆောင်ရွက်ရာတွင် အကြိမ်ရေပြည့်မှိအောင်ဆောင်ရွက်နိုင်ရန်နှင့် မြို့နယ်များ ဆောင်ရွက်ပြီးစီးမှူများကို မှတ်တမ်းထားရှိရန်၊ ကုန်အညွှန်းအမှတ်အသား တစ်လ ၁ကြိမ် တင်ပြနိုင်ရေး လုပ်ငန်းများ ကွင်းဆင်းဆောင်ရွက်ရန်၊ ပြည်တွင်း ကုန်သွယ်မှုနှင့် ပတ်သက်၍ ၆၀ရာနှုန်း လုပ်ဆောင်နေရပြီး ၄၀ရာခိုင်နှုန်းမှာ စားသုံးပိုင်းကို ဆောင်ရွက်နေရသဖြင့် ဒေသန္တရဌာနများဖြင့်လည်း ပူးပေါင်းဆောင်ရွက်ရန်၊ ၎င်းဌာနများက တောင်းခံခါသော စားသုံးပိုလျှံ၊ စိုက်အောင်ထွက်နှုန်းများကို သက်ဆိုင်ရာအခြေခံစာရင်းများ တောင်းခံ၍ တွက်ချက်ကူညီ ဆောင်ရွက်ပေးရန်တို့ကို မှာကြားပြောကြားခဲ့သည်။

          ညောင်တုန်းမြို့နယ်၊ ပန်းတနော်မြို့နယ်၊ ဓနုဖြူမြို့နယ်တို့မှ တင်ပြကြရာ ဝန်ထမ်းထုဒါဘာအနေဖြင့် အခက်အခဲတင်ပြမှု မရှိကြောင်းတင်ပြလာပြီး၊ လုပ်ငန်းညှိနှိုင်းအနေဖြင့် တင်ပြလာမှုအပေါ် အစည်းအဝေး ဆုံးဖြတ်ချက်အရ ဝန်ထမ်းများအနေဖြင့် တာဝန်နှင့် ဝတ္တရားများကို ကျေပျွန်စွာ ထမ်းဆောင်ကြရန်၊ သတင်းရေးသား ရာတွင် အဆင်ပြေချောမွေစွာ မြေပြင်အချက်အလက်မျာအား ကွင်းဆင်းတောင်းခံရာတွင် ပြည်တွင်းနှင့်ပတ်သက်၍ သီးနှံထွက်ရှိမှုများကို ဝယ်ယူရောင်းချသည့်နေရာ၊ တောင်သူအကြိုးအမြတ်၊ ပို့ကုန်တင်ပို့မှုအထောက်အကူပြုခြင်း၊ အခြေအနေများ၊ ကုန်ဈေးနှုန်း စီးဝင်၊ စီးထွက်၊ ဈေးနှုန်း အတက်အကျ၊ သုံးသပ်ချက်၊ စိုက်ပျိုးထုတ်လုပ်ပါက ကုန်ပစ္စည်းအမျိုးအစားအလိုက်သွင်းအားစု တစ်ဧက ကုန်ကျစရိတ်၊ အထွက်၊ တောင်သူအကျိုးအမြတ် အခြေအနေများ မေးမြန်းနိုင်ရန်၊ ၂၁-၈-၂၀၂၅ ရက်နေ့တွင် တိုင်းဒေသကြီးဦးစီးမှူးရုံးမှ သတင်းရေးသားမှု သင်တန်းကို ခရိုင်ရှိ ဝန်ထမ်းများ တက်ရောက်ရန် တို့ကို မှာကြားဆွေးနွေးဆုံးဖြတ်ခဲ့ကြောင်း အစည်းအဝေးကို ခရိုင်၊ မြို့နယ် ဝန်ထမ်း စုစုပေါင်း ၁၆ဦး တက်ရောက်ခဲ့ကြပြီး ၃၁၅နာရီအချိန်တွင် အစည်းအဝေးရှုပ်သိမ်းခဲ့ကြောင်း သိရသည်။

DOCA(ဧရာဝတီ)

    မကွေးတိုင်းဒေသကြီး၊ ချောက်ခရိုင်၊ ‌ရေနံချောင်းမြို့နယ်တာဝန်ခံသည် (၅.၈.၂၀၂၅)  ရက်နေ့၊ နေ့လယ်(၁၃း၃၀)အချိန်တွင် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ပူးပေါင်း၍ ကျောင်းသား၊ ကျောင်းသူများ စာပေလေ့လာဖတ်ရှုရေးအတွက်  ရည်ရွယ်၍ ရေနံချောင်း မြို့၊ အမှတ်(၁)အခြေခံပညာအထက်တန်းကျောင်း၌ အသိပညာပေးဟောပြောပွဲ ကျင်းပပြုလုပ်ခဲ့ ကြောင်း သိရသည်။  

          ပထမဦးစွာ ကျောင်းအုပ်ဆရာမကြီး ဒေါ်မြတ်မြတ်ညွန့်မှ အမှာစကားပြောကြားပြီး မြို့နယ် စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်ချိုဝေလွင်မှ အစားအစာများ စားသုံးရာ၌ ရွေးချယ် ဝယ်ယူစားသုံးရမည့် အချက်များအကြောင်းအားလည်းကောင်း၊ မြို့နယ်ပြန်ကြားရေးနှင့် ပြည်သူ့ ဆက်ဆံရေးဦးစီးဌာန၊ ဦးစီးအရာရှိဒေါ်ချိုမီအောင်က စာဖတ်ခြင်းကြောင့် ရရှိမည့်အကျိုးကျေးဇူးများအကြောင်းအားလည်းကောင်း အသီးသီးဟောပြောခဲ့ကြပြီး အသိပညာပေးလက်ကမ်းစာစောင်များ ဖြန့်ဝေပေးခဲ့ကြောင်း၊ အဆိုပါဟောပြောပွဲသို့ ဆရာ၊ ဆရာမ(၁၃)ဦးနှင့် ကျောင်းသား၊ ကျောင်းသူ(၂၁၇)ဦး တက်ရောက်ခဲ့ကြောင်း သိရှိရပါသည်။

DOCA(မကွေး)

   ၂၀၂၅ ခုနှစ်၊ သြဂုတ် ၇ ရက်နေ့၊ နံနက်(၁၀:၀၀)နာရီအချိန်တွင် တနင်္သာရီတိုင်းဒေသကြီး၊ စားသုံးသူရေးရာကော်မတီအစည်းအဝေး(၃/၂၀၂၅)ကို စာသုံးသူရေးရာဦးစီးဌာန၊ တနင်္သာရီတိုင်းဒေသ ကြီး ဦးစီးမှူးရုံး၊ အစည်းအဝေးခန်းမ၌ ကျင်းပပြုလုပ်ခဲ့သည်။

     တနင်္သာရီတိုင်း‌ဒေသကြီး၊ စားသုံးသူရေးရာကော်မတီ(၃/၂၀၂၅)အစည်းအဝေး၌ ကော်မတီ ဥက္ကဋ္ဌ စီးပွားရေးရာဝန်ကြီးမှ အဖွင့်အမှာစကားပြောကြားခဲ့ပါသည်။ ဆက်လက်၍ စားသုံးသူရေးရာ ဦးစီးဌာန၊ တိုင်းဒေသကြီးဦးစီးမှူးမှ(၂/၂၀၂၅)အစည်းအဝေးဆုံးဖြတ်ချက်များအား ဆောင်ရွက်ထားရှိမှု အခြေအနေ နှင့်အမှာစာများတင်ပြခြင်း၊  လုပ်ငန်းဆောင်ရွက်မှု မှတ်တမ်းဓါတ်ပုံများဖြင့် ဆွေးနွေးတင်ပြခဲ့သည်။

    အဆိုပါအစည်းအဝေးတွင် ကော်မတီအဖွဲ့ဝင်များက အကြံပြုချက်များတင်ပြခြင်း၊ ရှေ့ဆက် လက်၍ ဆောင်ရွက်မည့်လုပ်ငန်းစဉ်များတွင်လည်း အဖွဲ့ဝင်များအားလုံးက ပူးပေါင်းပါဝင်ဆောင်ရွက်သွားမည်ဖြစ်ပါကြောင်း အပြန်အလှန်ဆွေးနွေးခဲ့ကြပြီး အစည်းအဝေးဆုံးဖြတ်ချက်များ ချမှတ်ကာ အစည်းအဝေးကို အောင်မြင်စွာ ရုပ်သိမ်းခဲ့ကြောင်း သိရှိရပါသည်။

DOCA(တနင်္သာရီ)

    တနင်္သာရီတိုင်းဒေသကြီး၊ မြိတ်ခရိုင်စားသုံးသူရေးရာဦးစီးဌာနသည် ၂၀၂၅ခုနစ်၊ သြဂုတ်လ (၇)ရက်နေ့၊ မွန်းလွဲ(၁း၀၀)အချိန်တွင် မြိတ်မြို့၊ လမင်းရပ်ကွက်၊ အမျိုးသမီးအိမ်တွင်းမှု သက်မွေးလုပ်ငန်းသင်တန်းကျောင်း၌ကျင်းပပြုလုပ်သောသင်တန်း၌ သင်တန်းသူများအား စားသုံးသူကာကွယ်ရေးဆိုင်ရာအသိပညာပေးဟောပြောဆွေးနွေးခဲ့ကြောင်း သိရှိရပါသည်။

    အသိပညာပေးဟောပြောရာတွင် စားသုံးသူ‌ရေးရာဦးစီးဌာန၏ မျှော်မှန်းချက်၊ ရည်မှန်းချက်များအကြောင်းပြောကြားပြီး စားသုံးသူများအတွက် စားသုံးသူအခွင့်အရေးရှိကြောင်း၊ အခွင့်အရေးရှိသလို တာဝန်လည်းရှိကြောင်း၊ အန္တရာယ်ရှိသောအစားအစာများအကြောင်း၊ ကုန်အညွှန်းအမှတ်အသားဖော်ပြခြင်းအကြောင်း၊စားသုံးသူနစ်နာမှုရှိပါက တိုင်ကြားနိုင်သည့်နည်းလမ်းများအကြောင်း၊ အွန်လိုင်းမှတဆင့်စျေးဝယ်ပါကသတိထားသင့်သည့်အကြောင်းနှင့် အွန်လိုင်းမှတစ်ဆင့် ကုန်ပစ္စည်းများ ရောင်းချမည်ဆိုပါက အွန်လိုင်းမှတ်ပုံတင်လျောက်ထားရန်လိုအပ်ကြောင်း ပြောကြားခဲ့ကြောင်း သိရှိရပါသည်။

DOCA(တနင်္သာရီ)

     တနင်္သာရီတိုင်းဒေသကြီး၊ မြိတ်ခရိုင်စားသုံးသူရေးရာဦးစီးဌာနမှ ဝန်ထမ်းများနှင့်အတူ မြိတ် ခရိုင်ပြည်သူ့ကျန်းမာရေးဦးစီးဌာနတို့သည် ၂၀၂၅ခုနှစ်၊ သြဂုတ်လ(၆)ရက်နေ့၊ နံနက်(၁၀း၀၀) နာရီ အချိန်တွင် မြိတ်မြို့၊ မြစ်ငယ်ရပ်ရှိ အမှတ်(၁)၊ အခြေခံပညာအထက်တန်းကျောင်းသို့သွားရောက်ပြီး ကျောင်းသား၊ ကျောင်းသူ၊ ဆရာ၊ဆရာမတို့အား ကျန်းမာရေးဆိုင်ရာဗဟုသုတများနှင့် စားသုံးသူ များဘေးအန္တရာယ်ကာကွယ်နိုင်ရေး အသိပညာပေးဟောပြောခြင်းများ ဆောင်ရွက်ခဲ့ကြောင်း သိရှိ ရပါ  သည်။

  အသိပညာပေးရာတွင် စားသုံးသူရေးရာဦးစီးဌာန၏ မျှော်မှန်းချက်နှင့် ရည်မှန်းချက်များနှင့် စားသုံးသူရေးရာဦးစီးဌာန၏ လုပ်ငန်းများအကြောင်း၊ စားသုံးသူများဘေးအန္တရာယ်ကင်းရှင်းရေး အတွက် လိုက်နာဆောင်ရွက်ရမည့်အချက်များ၊ စားသုံးသူ၏အခွင့်အရေးနှင့်တာဝန်များအကြောင်း၊ ကုန်အညွှန်းအမှတ်အသားများအကြောင်းနှင့် နစ်နာမှုရှိပါကတိုင်ကြားနိုင်သော နည်းလမ်း များအား ရှင်းလင်းပြောကြားခဲ့ပြီး ကျန်းမာရေးဦးစီးဌာနက ကျောင်းသူ၊ ကျောင်းသားများအား ကျန်းမာရေး စစ်ဆေးပေးခြင်နှင့် ရာသီပေါ်ရောဂါများအကြောင်းပြောကြားခဲ့ကြောင်း သတင်းရရှိပါသည်။ အဆို ပါအသိပညာပေးပွဲတွင် ကျောင်းသူ၊ ကျောင်းသား၊ ဆရာ၊ ဆရာမဦးရေ (၃၀၀)ဦးခန့် တက်ရောက်ခဲ့ ကြောင်း သိရှိရပါသည်။

DOCA (တနင်္သာရီ)