၈.၁၁.၂၀၂၅ ရက်နေ့တွင် ကျိုက်ထိုမြို့နယ်အတွင်းရှိ ဆန်စပါးသိုလှောင်ရုံများ မှတ်ပုံတင်သက်တမ်းကျော်လွန်မှု မရှိစေရေး၊ သက်တမ်းတိုးနိုင်ရေး၊ ကုန်ရကုန်ထုတ်၊ လက်ကျန်စာရင်းများ၊ လစဥ်စာရင်းသွင်းနိုင်ရေးအတွက် စားသုံးသူရေးရာဦးစီးဌာန၊ ကျိုက်ထို ခရိုင်ဦးစီးမှူးနှင့် မြို့နယ်တာဝန်ခံတို့မှ ကွင်းဆင်းဆောင်ရွက်ခဲ့ကြပါသည်။
ထိုသို့ ကွင်းဆင်းဆောင်ရွက်ရာတွင် ကျိုက်ထိုမြို့နယ်အတွင်းရှိ ဆန်စပါးလုပ်ငန်း ရှင်များနှင့် တွေ့ဆုံ၍ ဆန်စပါးသိုလှောင်ရုံများ တစ်နှစ်တစ်ကြိမ် သက်တမ်းပုံမှန်တိုးရန်၊ အွန်လိုင်းမှတစ်ဆင့် ကုန်ရ/ကုန်ထုတ်၊ လက်ကျန်စာရင်းများ၊ ပုံမှန်ရေးသွင်းနိုင်ရေး၊ ဈေးကစားရန် ရည်ရွယ်၍ ဆန်စပါးများသိုလှောင်ထားရှိမှုမရှိစေရေး၊ ဆန်စပါးစျေးနှုန်း တည်ငြိမ်ရေး၊ ဆန်ဈေးနှုန်းများ မြှင့်တင်ရောင်းချမှုမရှိစေရေး ကွင်းဆင်းကြပ်မတ် ဆောင်ရွက်ခဲ့ကြောင်း သိရှိရပါသည်။
DOCA (မွန်)