သတင်းနှင့် လှုပ်ရှားမှုများ

        ဧရာဝတီတိုင်းဒေသကြီး၊ ကျောင်းကုန်းမြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် (၂၀.၁၂.၂၀၂၄) ရက်နေ့၊ နံနက် (၁၀:၀၀) နာရီအချိန်တွင် မြို့နယ်စည်ပင်သာယာရေး အဖွဲ့နှင့် ပူးပေါင်း၍ ကျောင်းကုန်းမြို့နယ်၊ အမှတ်(၂) ရပ်ကွက်၊ မြို့မဈေးအတွင်းရှိ ကုန်မျိုးစုံနှင့် အလှကုန်ပစ္စည်းများရောင်းချလျက်ရှိသော စတိုးဆိုင်များအား ကုန်အညွှန်းအမှတ်အသားပြည့်စုံမှုရှိ/မရှိ ဈေးကွက်စောင့်ကြည့်စစ်ဆေးခဲ့ပါသည်။

      အဆိုပါ‌ဈေးကွက်စောင့်ကြည့်စစ်ဆေးရာတွင် ဈေးကွက်အတွင်းရောင်းချနေသော အလှကုန် ပစ္စည်းများတွင် သုံးစွဲသူများနားလည်စေရန် မြန်မာဘာသာစကားနှင့် ဖော်ပြထားရှိမှု၊ ကုန်အညွှန်း အမှတ်အသားဖော်ပြထားရှိမှု၊သုံးစွဲရန်အညွှန်းဖော်ပြထားရှိမှု၊ ထုတ်လုပ်သည့်ရက်စွဲ၊ သက်တမ်းကုန်ဆုံး ရက်စွဲတို့ ဖော်ပြထားရှိမှု ရှိ/မရှိစစ်ဆေးခဲ့ပြီး ဈေးကွက်အတွင်းကုန်အညွှန်းအမှတ် အသားပြည့်စုံစွာ ဖော်ပြထားသော အလှကုန်ပစ္စည်းများသာ ရောင်းချရန်နှင့် ကုန်အညွှန်းအမှတ်အသားပြည့်စုံမှုမရှိသော အလှကုန်ပစ္စည်းများ ရောင်းချခြင်းမပြုရန် ဈေးကွက်စောင့်ကြည့်စစ်ဆေးခဲ့ပါသည်။

DOCA(ဧရာဝတီ)

      စားသုံးသူရေးရာဦးစီးဌာန ၊ ဧရာဝတီတိုင်းဒေသကြီး၊ တိုင်းဒေသကြီးဦးစီးမှူးသည် ၂၀၂၄ ခုနှစ်၊ ဒီဇင်ဘာလ  ၂၃ ရက်နေ့နှင့် ၂၄ရက်နေ့များတွင်   မအူပင်ခရိုင်အတွင်းသို့ ကွင်းဆင်းလှည့်လည်ကြည့်ရှုပြီး ဝန်ထမ်းများနှင့် တွေ့ဆုံအမှာစကားပြောကြားခြင်း၊ မအူပင်ခရိုင်အတွင်း သိုလှောင်ရုံများနှင့် ပန်းတနော်မြို့ နယ်ရှိ Globle Earth စက်ရုံသို့ သွားရောက်၍ ကုမ္ပဏီတာဝန်ရှိသူနှင့် တွေ့ဆုံ၍ လုပ်ငန်းအခြေအနေများအား စစ်ဆေးဆောင်ရွက်ကြည်ရှုခဲ့သည်။

        တိုင်းဒေသကြီးဦးစီးမှူး ဦးဝင်ထွန်း က မအူပင်ခရိုင်အတွင်းရှိ မြို့နယ်များသို့ လှည့်လည်ကြည်ရှုပြီး မြို့နယ် ဝန်ထမ်းများနှင့် ရင်းနှီဖော်ရွှေစွာ တွေ့ဆုံခြင်း၊ ပန်းတနော်မြို့နယ်ရှိ Globle Earth စက်ရုံသို့ ၂၃.၁၂.၂၀၂၄ရက်နေ့ နေလည်ပိုင်းက သွားရောက်၍  Globle Earth Agro & AquaCo,Ltd မှ Gasifler တည်ဆောက် ပြီးစီမှု အခြေအနေကို ကြည့်ရှုလေ့လာခြင်း၊ မြန်မာနိုင်ငံရင်းနှီး မြှုပ်နှံမှုကော်မရှင်၏ ခွင့်ပြုမိန့်ဖြင့် ငါးမွေးမြူခြင်း၊ ပြုပြင်ထုတ်လုပ်ခြင်း၊ အေးခဲခြင်းနှင့် ဆက်စပ်သော လုပ်ငန်းများ (ငါးအစာ၊ ငါးပေါင်မုန့်၊ ငါးဆီ) ဆောင်ရွက်နေသည့် လုပ်ငန်းသို့  ကြည့်ရှု စစ်ဆေးခြင်း တိုင်းဒေသ ကြီးဦးစီးမှူး က အဆိုပါလုပ်ငန်း၏ တည်ဆောက်ရေးကာလ တိုးမြှင့်ပေးနိုင်ရန်အတွက် လုပ်ငန်းလို အပ်ချက်များ ကို  ပေါင်းစပ်ညှိနှိုင်း ဆောင်ရွက်ပေးနိုင်ရန် နှင့် Gasifier စနစ်ဖြင့် လျှပ်စစ်ဓါတ်အား​ပေးစက်ရုံ လုပ် ငန်း အကောင်ထည်ပေါ်လာပြီဖြစ်၍ လိုအပ်သည့်စပါးခွံများကို လည်း ကြိုတင်စု‌​ဆောင်းရန် ဆန်စက် လုပ်ငန်းရှင်များနှင့် စပါးခွံဝယ်ယူ ရရှိနိုင်ရေး ချိတ်ဆက်ဆောင် ရွက်ပေးနိုင်ရေး ပံ့ပိုးကူညီဆောင်ရွက် ပေးသွားဖြစ်ကြောင်း ရှင်းလင်းဆွေးနွေးခဲ့ကြောင်း သိရသည်။

        ဆက်လက်၍ မအူပင်ခရိုင်ဦးစီးမှူးရုံးဝန်ထမ်းများနှင့် ၂၄.၁၂.၂၀၂၄ ရက်နေ့ နံနက် (၀၈၀၀) နာရီက ခရိုင်ဦးစီးမှူးရုံး အစည်းအဝေးခန်းမတွင် တွေ့ဆုံ၍ ဝန်ထမ်းတစ်ဦးခြင်း ရင်းနှီဖော်ရွေစွာ မိတ်ဆက်ပြီး ဝန်ထမ်းတစ်ဦးခြင်းအား လုပ်ငန်းအခက်အခဲရှိပါက မိသားစုကဲ့သို့ တင်ပြကြရန် ဖြေရှင်းဆောင်ရွက်ရမည့် ကိစ္စများကို ကူညီဆောင်ရွက်ပေးမည်ဖြစ်ပြီး၊ အထက်သို့ တင်ပြ ဆောင်ရွက် ရန် လိုအပ်ပါက တင်ပြပေးသွားမည်ဖြစ်ကြောင်း၊ ဝန်ထမ်းများ မိမိကိုယ်ရည် အသွေး ဝန်ထမ်းစွမ်း ဆောင်ရည်မြှင့်တင်ထားကြရန်၊ အထက်နှင့် အောက် ဆက်ဆံရေး ရင်းနှီး လေးစားစွာ ပေါင်းသင်းဆက်ဆံနိုင်ရန်နှင့် ဌာနမှ လမ်းညွှန်ချက်များကို သိရှိလိုက်နာ ဆောင်ရွက်ကြရန် လိုအပ်ကြောင်းနှင့် မအူပင်ခရိုင်ရုံးဝန်းအတွင်း ရှိ ထုတ်ပိုးပစ္စည်းသိုလှောင်ရုံ နှင့် စက်ပစ္စည်း သိုလှောင်ရုံအား ကြည့်ရှုစစ်ဆေးခဲ့ပြီး (၀၉၀၀)အချိန်တွင် မအူပင်ခရိုင်ဦးစီးမှူးရုံးမှ ဖျာပုံခရိုင်ဦး စီးမှူးရုံးသို့ ထွက်ခွာသွာကြောင်း သိရပါသည်။

DOCA(ဧရာဝတီ)

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူခရိုင် အနေဖြင့် တိုင်းဒေသကြီးဦးစီးမှူး၏လမ်းညွှန်မှု၊ ခရိုင်ဦးစီးမှူး၏ကြီးကြပ်မှုတို့ဖြင့် ဒေသတွင်းရှိ MSMEsလုပ်ငန်းများ၏ လိုအပ်ချက်တို့ကို ပေါင်းစပ်ညှိနှိုင်းဆောင်ရွက်ပေးနိုင်ရန် လစဉ် စီးပွားရေး လုပ်ငန်းရှင်များနှင့် ကွင်းဆင်းတွေ့ဆုံဆွေးနွေးခြင်းများ ဆောင်ရွက်လျက်ရှိကြောင်း သိရသည်။

          ၂၀၂၄ခုနှစ်၊ ဒီဇင်ဘာလအတွင်း ကန့်ဘလူမြို့နယ်တာဝန်ခံ ဦးမျိုးဝင်းသန်းနှင့် ဒေါ်အိမွန် ကျော် အကြီးတန်းစာရေးတို့သည် ကန့်ဘလူမြို့၊ အမှတ်(၃)ရပ်ကွက်ရှိ မုန့်မျိုးစုံလုပ်ငန်းရှင်နှင့်ကွင်း ဆင်းတွေ့ဆုံ၍ ကုန်စည်သို့မဟုတ် ဝန်ဆောင်မှုများဘေးအန္တရာယ်ကင်းရှင်းပြီး လုံခြုံစိတ်ချရမှုရှိစေ ရေးအတွက် ဆောင်ရွက်ရမည့်အစီအမံများ၊ အမိန့်နှင့်ညွှန်ကြားချက်များ ထုတ်ပြန်ထားမှုဆိုင်ရာ တို့ကိုဆောင်ရွက်သွားရန် အသိပညာပေးဆွေးနွေးခဲ့ကြောင်း၊ ကျွန်းလှမြို့နယ်တာဝန်ခံသည် ကျွန်းလှမြို့နယ်၊ ကျီကုန်းကျေးရွာရှိ ဆန်စက်လုပ်ငန်းရှင်နှင့်တွေ့ဆုံခဲ့ပြီး ကုန်စည်သို့မဟုတ် ဝန်ဆောင်မှုများကို ဘေးအန္တရာယ်ကင်းရှင်းပြီး လုံခြုံစိတ်ချရမှုရှိစေရေး ဆောင်ရွက်သွားရန် စသည် တို့ကိုဆွေးနွေးခဲ့ကြောင်း၊ စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များကို သိရှိထားရန်လိုအပ်ကြောင်းနှင့် မိမိတို့ထုတ်လုပ်သည့် ကုန်စည်များကို ဘေးအန္တရာယ်ကင်းရှင်းပြီး ထုတ်ကုန်လုံခြုံစိတ်ချရမှုရှိစေရေး ဆောင်ရွက်သွားရန် စသည်တို့ကို အသိပညာပေးဆွေးနွေးခဲ့ကြပြီး လက်ကမ်းစာစောင်များ ဖြန့်ဝေပေးခဲ့ကြောင်း သိရသည်။

DOCA(စစ်ကိုင်း)

          ၂၀၂၄ ခုနှစ်၊ ဒီဇင်ဘာလ ၂၆ ရက် မွန်းလွဲ ၁၅:၀၀ အချိန်တွင် ကန့်ဘလူမြို့နယ်အထွေထွေ အုပ်ချုပ်ရေးဦးစီးဌာနမှဦးဆောင်၍ စားသုံးသူရေးရာဦးစီးဌာန၊ မြို့မရဲစခန်း၊ မြို့နယ်မီးသတ်စသည့် ပူးပေါင်းအဖွဲ့သည်  ကန့်ဘလူမြို့၊ အမှတ်(၃)ရပ်ကွက်ရှိ စက်သုံးဆီဆိုင်အားကွင်းဆင်း၍ စက်သုံးဆီ ရောက်ရှိမှု၊ အချိန်အတွယ်မှန်ကန်မှုရှိ/မရှိနှင့် စက်သုံးဆီလက်ကျန်တို့အား ကွင်းဆင်းစစ်ဆေးခြင်း ဆောင်ရွက်ခဲ့ကြောင်း သိရသည်။

ထိုသို့ကွင်းဆင်းစစ်ဆေးရာတွင် တာဝန်ခံဦးမျိုးဝင်းသန်းက စက်သုံးဆီဆိုင်များအနေဖြင့် တရားမဝင် စက်သုံးဆီများရောင်းချခြင်းမပြုလုပ်ရန်၊ ဈေးနှုန်းမြှင့်တင်ရောင်းချခြင်းများမပြုလုပ် ရန်နှင့် စက်သုံးဆီများလွယ်ကူစွာဝယ်ယူသုံးစွဲနိုင်စေရန်အတွက် စက်သုံးဆီဆိုင်များကိုပုံမှန်ဖွင့်လှစ် ရောင်းချပေးရန် ဆွေးနွေးပြောကြားခဲ့ကြောင်း သိရသည်။

DOCA(စစ်ကိုင်း)

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကျွန်းလှမြို့နယ် တာဝန်ခံရုံးအနေဖြင့် ထုတ်ကုန်မျးလုံခြုံစိတ်ချရမှုရှိစေရေး၊ ကုန်စည်များတွင် ကုန်အညွှန်း အမှတ် အသားများ ပြည့်စုံစွာထည့်သွင်းဖော်ပြထားခြင်း ရှိ/မရှိ၊ စားသုံးသူများနေ့စဉ် အသုံးပြုလျက်ရှိသော ကုန်စည်နှင့် ဝန်ဆောင်မှုများ ဘေးအန္တရာယ်ကင်းရှင်းပြီး လုံခြုံစိတ်ချရမှုရှိစေရေး၊ ကုန်စည်များကို သတ်မှတ် စံချိန် စံညွှန်းများ၊ ညွှန်ကြားချက်များနှင့် ကိုက်ညီမှုရှိ/မရှိ ဈေးကွက်စောင့်ကြည့် စစ်ဆေး ခြင်းများ ဆောင်ရွက်လျက် ရှိပါသည်။ ဈေးကွက်စောင့်ကြည့်စစ်ဆေးခြင်းများ ဆောင်ရွက်ရာတွင် မိတ်ဖက်ဌာနများနှင့် ပူးပေါင်း၍ သော်လည်းကောင်း၊ စားသုံးသူကာကွယ်ရေးဥပဒေအရ ခန့်အပ်ထား သော စစ်ဆေးရေးအရာရှိများက ဦးဆောင်၍သော်လည်းကောင်း ဆောင်ရွက်လျက်ရှိပါသည်။

ကျွန်းလှမြို့နယ်တာဝန်ခံရုံးအနေဖြင့် ၂၀၂၄ ခုနှစ်၊ ဒီဇင်ဘာလအတွင်း ဈေးကွက်စောင့်ကြည့် စစ်ဆေးခြင်း(၃)ကြိမ်ဆောင်ရွက်ခဲ့ရာ ကျွန်းလှမြို့နယ်တာဝန်ခံသည် ၂၀၂၄ ခုနှစ်၊ ဒီဇင်ဘာလ (၄)ရက်နေ့ နံနက် (၀၈;၃၀)နာရီ အချိန်တွင် ကျွန်းလှမြို့နယ်တာဝန်ခံသည် ကျွန်းလှမြို့၊ သစ်ရာမြိုင် ရပ်ကွက်အတွင်းရှိ “သာထက်စံ ဆေးနှင့်ဆေးပစ္စည်းအရောင်းဆိုင်” တွင်ရောင်းချနေသော ကလေး အဟာရဖြည့်စွက်စာအမျိုးမျိုးအား ဈေးကွက်စောင့်ကြည့်စစ်ဆေးခြင်း၊ ၂၀၂၄ ခုနှစ် ဒီဇင်ဘာလ (၁၀)ရက်နေ့၊ နံနက် (၀၉;၀၀)နာရီ အချိန်တွင် ကျွန်လှမြို့၊ သစ်ရာမြိုင်ရပ်ကွက်ရှိ “လင်းရောင်ဝင်း” စက်သုံးဆီအရောင်းဆိုင်အား ဈေးကွက်စောင့်ကြည့်စစ်ဆေးခြင် နှင့် ၂၀၂၄ ခုနှစ်၊ ဒီဇင်ဘာလ (၁၂)ရက် နေ့ နံနက် (၀၉;၀၀)နာရီ အချိန်တွင် ကျွန်းလှမြို့၊ သစ်ရာမြိုင်ဈေးအတွင်းရှိ ကုန်စုံဆိုင်တွင် နို့နှင့် နို့ ထွက်ပစ္စည်းများအား ဈေးကွက်စောင့်ကြည့်စစ်ဆေးခြင်းများကို အဖွဲ့စုံဖြင့် ဆောင်ရွက်ခဲ့ရာ ကျွန်းလှမြို့ ပေါ် ရပ်ကွက်များအတွင်းရှိ ဆေးနှင့်ဆေးပစ္စည်း အရောင်းဆိုင်များအား  ဈေးနှုန်းမြှင့်တင် ရောင်းချခြင်း ရှိ/မရှိ၊ သက်တမ်းလွန်ဆေးဝါးရောင်းချခြင်း ရှိ/မရှိနှင့် တရားမဝင် ဆေးဝါးများ ရောင်းချခြင်း ရှိ/မရှိ ကွင်းဆင်း စစ်ဆေးခြင်း၊ စက်သုံးဆီဆိုင်များတွင် စက်သုံးဆီ ဈေးနှုန်းများ မြှင့်တင်ရောင်းချခြင်းမပြုရန် စက်သုံးဆီ တင်သွင်း ဖြန့်ဖြူး ရောင်းချနေမှု အခြေအနေ၊ စက်သုံးဆီ ပြတ်လတ်မှု ရှိ/မရှိ၊ (PPRD) စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ မှ  နေ့စဉ် သတ်မှတ် ထုတ် ပြန်ထားသော စက်သုံးဆီ ရည်ညွှန်းဈေးနှုန်းအတိုင်း ရောင်းချမှု ရှိ/ မရှိ၊ အချိန်အတွယ်နှင့် အလေးချိန် မှန်ကန်မှု ရှိ/မရှိ စစ်ဆေးခဲ့ပြီး၊ ကုန်မျိုးစုံရောင်းဝယ်ရေးဆိုင်များတွင် ရောင်းချနေသော ကုန်ပစ္စည်း များတွင် ကုန်အညွှန်းအမှတ်အသား ဖော်ပြခြင်းနှင့် စပ်လျဉ်း၍ မြန်မာနိုင်ငံ စားသုံးသူကာကွယ်ရေး ကော်မရှင်၏ ညွှန်ကြားချက်အမှတ် (၂/၂၀၁၉) နှင့်အညီ ကုန်စည် အုပ်စု အလိုက် မြန်မာဘာသာဖြင့် ကုန်အညွှန်းအမှတ်အသား ဖော်ပြရမည့် အသေးစိတ် စိစစ်ချက်များ အတိုင်း ပြည့်စုံစွာ ထည့်သွင် ဖော်ပြထားခြင်း ရှိ/မရှိ နှင့် သက်တမ်းလွန် ကုန်စည်များ ရောင်းချနေခြင်း ရှိ/မရှိ နှင့် စားသုံးသူ ကာကွယ်ရေးဥပဒေပါ စီးပွားရေး လုပ်ငန်းရှင်များ လိုက်နာ ဆောင်ရွက်ရမည့် တာဝန်များအကြောင်း၊ ကုန်အညွှန်းအမှတ်အသားပြည့်စုံသော၊ သက်ဆိုင်ရာ ဌာန၏ ထောက်ခံချက် ပါရှိသော ကုန်စည် များကိုသာ ရောင်းချရန် လိုအပ်ကြောင်းအသိပညာပေး ဆွေးနွေးခဲ့ပြီး ဌာန ဥပဒေနှင့် ညွန်ကြားချက်များ ပါရှိသော လက်ကမ်းစာစောင်များ ဖြန့်ဝေခဲ့ ကြောင်း သတင်းရရှိပါသည်။

DOCA(စစ်ကိုင်း)