သတင်းနှင့် လှုပ်ရှားမှုများ

ရေတာရှည်မြို့တွင် စာပေဝါသနာရှင်များအား အွန်လိုင်းတွင်ဈေးဝယ်ယူခြင်းနှင့်ပတ်သက်၍ အသိပညာပေး

စားသုံးသူရေးရာဦးစီးဌာန၊ ရေတာရှည်မြို့နယ်တာဝန်ခံ ဦးဇော်ဇော်ထွေးသည် ဇန်နဝါရီ လ ၁၀ ရက်နေ နံနက်ပိုင်းတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန ရေတာရှည်မြို့နယ်ရုံး၌ ကျင်းပပြုလုပ်သည့် စာဖတ်ဝိုင်းသို့ တက်ရောက်လာသည့် စာပေဝါသနာရှင်များအား အွန်လိုင်းတွင် ဈေးဝယ်ယူခြင်းနှင့်ပတ်သက်၍ သိကောင်းစရာများကို အသိပညာပေးပြောကြားခဲ့ပါသည်။

စားသုံးသူရေးရာဦးစီးဌာန၊ မြို့နယ်တာဝန်ခံသည် အွန်လိုင်းတွင် ဈေးဝယ်ခြင်းနှင့် ပတ်သက်၍ အားသာချက်၊ အားနည်းချက်များ၊ လိမ်လည်မှုပုံစံများ၊ စီစစ်သင့်သည့်အချက်များ၊ စားသုံးသူနစ်နာဆုံးရှုံးမှုမဖြစ်စေရေးအတွက် သက်ဆိုင်ရာဌာန၏ ဆောင်ရွက်ချက်များကို အသိ ပညာပေး ဆွေးနွေးခဲ့ပါသည်။

ထို့နောက် တက်ရောက်လာသည့် စာပေဝါသနာရှင်များ၏ မေးမြန်းဆွေးနွေးချက်များကို ပြန်လည်ရှင်းလင်းဆွေးနွေးခဲ့ကြောင်းနှင့် အသိပညာပေးဆွေးနွေးပွဲသို့ ပြန်ကြားရေးနှင့်ပြည်သူ့ ဆက်ဆံရေးဦးစီးဌာန၊ မြို့နယ်ဦးစီးမှူး ဒေါ်သောဇင်အောင်နှင့် စာပေဝါသနာရှင်(၈)ဦး တက် ရောက်ကြောင်းသိရပါသည်။

DOCA(ပဲခူး)

ရေတာရှည်မြို့ ဝေဝေအွန်လိုင်းစနစ်ဖြင့် ရောင်းချခြင်းလုပ်ငန်းသို့သွားရောက်တွေ့ဆုံ

သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးမှ ဒုတိယခရိုင်ဦးစီးမှူး ဦးမင်းဇော်နှင့် စစ်ဆေးရေးမှူးများသည် ခရိုင်အစားအသောက်နှင့် ဆေးဝါးကွပ်ကဲရေးဦးစီးဌာနမှ တာဝန်ရှိသူများ နှင့်အတူ ဇန်နဝါရီလ ၁၃ ရက်နေ့ နေ့လည်ပိုင်းတွင် တောင်ငူခရိုင်၊ ရေတာရှည်မြို့ရှိ ‘ဝေဝေ’ အွန်လိုင်းစနစ်ဖြင့်ရောင်းချခြင်းလုပ်ငန်းသို့ သွားရောက်တွေ့ဆုံဆွေးနွေးခဲ့ပါသည်။

ဒုတိယခရိုင်ဦးစီးမှူးနှင့်အဖွဲ့သည် မှတ်ပုံတင်ထားရှိမှုနှင့် မြေပြင်အခြေအနေများကို စစ်ဆေးကြည့်ရှုရာ လုပ်ငန်းရှင် ဒေါ်ခင်မာဝေက ရှင်းလင်းပြသပါသည်။ ဒုတိယခရိုင်ဦးစီးမှူးက စားသုံးသူနစ်နာဆုံးရှုံးမှုမဖြစ်စေရေးအတွက် အလေးထား ဆောင်ရွက်ရန်၊ မှတ်ပုံတင်ထားရှိသည့် ကုန်စည်အမျိုးအစားများကိုသာ ရောင်းချရေးညွှန်ကြားချက်ကို အလေးထား လိုက်နာဆောင်ရွက်ရန် အသိပညာပေးပြောကြားခဲ့ပါသည်။

‘ဝေဝေ’အွန်လိုင်းစနစ်ဖြင့်ရောင်းချခြင်းလုပ်ငန်းသည် FDA မှ အတည်ပြုပြီးသည့်ဆေးဝါး၊ ကုသရေးသုံးပစ္စည်းများနှင့် ဖြည့်စွက်အစာများကို ရောင်းချရန်မှတ်ပုံတင်ထားရှိပြီး Jolie C အသင့် ဖျော်ကော်ဖီမှုန့်များကို အွန်လိုင်းစနစ်ဖြင့်ရောင်းချကြောင်း သိရပါသည်။

DOCA(ပဲခူး)

ဟင်းခတ်အမွှေးအကြိုင်ပစ္စည်းများတွင် ကုန်အညွှန်းအမှတ်အသား ပြည့်စုံမှုရှိ/ မရှိ ကွင်းဆင်းစစ်ဆေး

သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ ဝန်ထမ်းများသည် ၂၀၂၅ ခုနှစ်၊ ဇန်နဝါရီလ(၁၇) ရက်နေ့ ၊ နေ့လယ် (၁၃:၀၀) နာရီအချိန်တွင် ပုဇွန်တောင်ဈေးအတွင်း ရောင်းချနေသော ကုန်မျိုးစုံဆိုင်များရှိ ဟင်းခတ်အမွှေးအကြိုင်ပစ္စည်းများတွင် ကုန်အညွှန်းအမှတ်အသား ပြည့်စုံမှုရှိ/မရှိ ကွင်းဆင်းစစ်ဆေးခဲ့ကြောင်း သိရှိရပါသည်။

အဆိုပါ စစ်ဆေးရာတွင် ပုဇွန်တောင်ဈေးအတွင်းရှိ ကုန်စုံဆိုင်ကြီးများတွင် ရောင်းချနေ သော မြန်မာရနံ့ငြုပ်ကောင်းမှုန့်၊ အများကြိုက်မဆလာ၊ AJT-NO-MOTO အချိုမှုန့်၊ Shark ငါးသေတ္တာတို့တွင် FDA ထောက်ခံချက်များ ပြည့်စုံစွာ ပါဝင်မှုရှိ/မရှိနှင့် ပါဝင်ပစ္စည်း ပြည့်စုံစွာ ဖော်ပြထားခြင်းရှိ/မရှိ ၊ သက်တမ်းကုန်ဆုံးရက်နှင့် ထုတ်လုပ်သည့်ရက်စွဲများ ဖော်ပြထားရှိမှု အခြေအနေ၊ ကုန်အညွှန်းအမှတ်အသားဖော်ပြထားရှိမှုအခြေအနေ၊ အလေးချိန်/ပမာဏ နှင့် ဓာတ်မတည့်ကြောင်း ဖော်ပြချက်များ ပါဝင်မှုရှိ/မရှိတို့ကို ကွင်းဆင်းစစ်ဆေးခဲ့ရာ ပြည့်စုံမှုရှိကြောင်း တွေ့ရှိရပြီး ကုန်အညွှန်းအမှတ်အသားမပြည့်စုံသော ကုန်စည်များ ရောင်းချခြင်းမပြုရန် သတိပေးအကြံပြုခဲ့ကြောင်း သတင်းရရှိပါသည်။

DOCA(ရန်ကုန်)

တောင်ငူမြို့ရှိ ဆေးဆိုင်များတွင် ဈေးကွက်စောင့်ကြည့်စစ်ဆေး

သတင်းနှင့် လှုပ်ရှားမှုများ

တောင်ငူခရိုင် အစားအသောက်နှင့်ဆေးဝါးကွပ်ကဲရေးဦးစီးဌာနသည် တောင်ငူမြို့ပေါ်ရှိ ဆေးဆိုင်များ၌ ဈေးကွက်စောင့်ကြည့်စစ်ဆေးခြင်းဆောင်ရွက်ရာတွင် ပူးပေါင်းကူညီဆောင်ရွက်ပေး နိုင်ပါရန် ညှိနှိုင်းချက်အရ စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးမှ စစ်ဆေးရေးမှူး ဦးနေစိုးထက်သည် ဇန်နဝါရီလ ၁၃ ရက်နေ့ နံနက်ပိုင်းတွင် အဖွဲ့ဝင်ဌာနဆိုင်ရာများနှင့်အတူ ပူးပေါင်း ဆောင်ရွက်ခဲ့ပါသည်။

ပူးပေါင်းအဖွဲ့သည် တောင်ငူမြို့ပေါ်ရှိ ဆေးဆိုင်ကြီးများ၌ တရားမဝင်ဆေးဝါးများနှင့် ရက်လွန်ဆေးဝါးများ ရောင်းချခြင်းရှိမရှိကို ကြည့်ရှုစစ်ဆေးပြီး သက်ဆိုင်ရာ ဌာနဆိုင်ရာများ အလိုက် သိသင့်သိထိုက်သည်များကို အသိပညာပေးပြောကြားပါသည်။ စားသုံးသူရေးရာဦးစီးဌာနမှ စစ်ဆေးရေးမှူးက မြန်မာနိုင်ငံ စားသုံးသူကာကွယ်ရေး ကော်မရှင် ညွှန်ကြားချက်အမှတ် ၂/၂၀၁၉ နှင့်အညီ ကုန်အညွှန်းအမှတ်အသား ဖော်ပြထားခြင်းမရှိသော ဆေးဝါးများကို ရောင်းချခြင်းမပြုရန်၊ စားသုံးသူနစ်နာဆုံးရှုံးမှုမဖြစ်စေရေးကို အလေးထားဆောင်ရွက်ရန် အသိပညာပေးပြောကြားခဲ့ပါ သည်။

ပူးပေါင်းအဖွဲ့တွင် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ရဲတပ်ဖွဲ့မှူးရုံး၊ မြို့နယ်ပြည်သူ့ကျန်းမာရေးဦးစီးဌာန၊ မြို့နယ်မွေးမြူရေးနှင့်ကုသရေးဦးစီးဌာနနှင့် မြို့နယ်စည်ပင် သာယာရေးအဖွဲ့တို့မှ တာဝန်ရှိသူများ ပူးပေါင်းပါဝင်ဆောင်ရွက်ခဲ့ကြောင်း သိရပါသည်။

DOCA(ပဲခူး)

ခရမ်းချဉ်သီးနှင့်ကျန်းမာရေး

သတင်းနှင့် လှုပ်ရှားမှုများ

မြန်မာနိုင်ငံသည် နွေ၊မိုး၊ဆောင်း ဥတုသုံးပါးနှင့်ညီညွှတ်သောကြောင့် ဒေသမရွေး အသီးအနှံ များစိုက်ပျိုးဖြစ်ထွန်းကြပါသည်။ ထိုသီးနှံများထဲမှ ခရမ်းချဉ်သီးသီးနှံသည် ဒေသမရွေးလွယ်ကူစွာ စိုက်ပျိုးနိုင်သော သီးနှံတစ်မျိုးဖြစ်ပါသည်။ ခရမ်းချဉ်သီးကြိုက်နှစ်သက်သူများသည် လက်ဖက်နှင့် သော်လည်းကောင်း၊ အချို့သူများသည် ရေဆေး၍အလုံးလိုက်သော်လည်းကောင်း စားသုံးကြပါ သည်။ ထို့အပြင် ခရမ်းချဉ်သီးကို ယိုထိုး၍လည်းစားသုံးကြပါသည်။ ခရမ်းချဉ်သီးသည် အာဟာရ ဖြစ်စေရန် တစ်ခုတည်းအတွက်သာမက ကျန်းမာရေးကောင်းမွန်စေရန်အတွက်လည်း အထောက် အကူပြုသော အသီးနှံတစ်မျိုးဖြစ်ပါသည်။

ခရမ်းချဉ်သီးတွင်လိုင်ကိုလင်းပိုဝင်မှုကြောင့်ဆီးကြိတ်ကင်ဆာ၊ အူမကြီးကင်ဆာနှင့် အစာ အိမ်ကင်ဆာများမဖြစ်စေရန် ကာကွယ်ပေးနိုင်သည့်အပြင် ကင်ဆာဆဲလ်များပွားများ လာမှုကိုလည်း အကောင်းဆုံးကာကွယ်ပေးနိုင်ပါသည်။ ခရမ်းချဉ်သီးအားပုံမှန်စားသုံးပေးခြင်းဖြင့် ရုတ်တရက် နှလုံးရပ်ခြင်း၊ လေဖြတ်ခြင်းကဲ့သို့သော အသက်အန္တရာယ်ထိခိုက်စေသော ရောဂါများမှလည်း ကာကွယ်ပေးနိုင်သည်။ အဆုတ်ကိုကျန်းမာစေသည့် အသီးအနှံတစ်မျိုးလည်းဖြစ်ပါသည်။ ထို့ကြောင့် ခရမ်းချဉ်သီးသည် ကျန်းမာရေးအတွက်များစွာ အထောက်အကူပြုသော အသီးအနှံတစ်မျိုး ဖြစ်ကြောင်း ရေးသားတင်ပြလိုက်ပါသည်။

DOCA(ပဲခူး)

စစ်ကိုင်းမြို့၊ အမှတ်(၂) အ.ထ.ကတွင် စားသုံးသူကာကွယ်ရေးဥပဒေအကြောင်း သိကောင်းစရာများ ဟောပြော

သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ စစ်ကိုင်းခရိုင်၊ ခေတ္တခရိုင်ဦးစီးမှူး ဦးဆောင်၍ ၂၀၂၅ခုနှစ်၊ ဇန်နဝါရီလ ၁၇ ရက်နေ့က စစ်ကိုင်းမြို့၊ မင်းလမ်းရပ်ရှိ အမှတ်(၂)အခြေခံပညာ အထက်တန်းကျောင်း ၌ ဆရာ/ဆရာမ (၁၄)ဦး၊ ကျောင်းသား/ကျောင်းသူ (၁၅၆)ဦး စုစုပေါင်း (၁၇၀)ဦးအား စားသုံးသူ ကာကွယ်ရေး ဥပဒေအကြောင်း သိကောင်းစရာများ အသိပညာပေးဟောပြောပွဲ ပြုလုပ်ခဲ့ပါသည်။

အဆိုပါဟောပြောပွဲတွင် စားသုံးသူရေးရာဦးစီးဌာန၊ စစ်ကိုင်းမြို့နယ်တာဝန်ခံ ဒေါ်ကေသီအောင် (ဦးစီးမှူး)က စားသုံးသူရေးရာဦးစီးဌာန ဖြစ်ပေါ်လာပုံ သမိုင်းနှင့် ဌာန၏ မျှော်မှန်းချက်၊ ရည်မှန်းချက် တာဝန်များ၊ လုပ်ငန်းတာဝန်များအကြောင်း၊ စားသုံးသူကာကွယ်ရေး ဥပဒေအခန်း(၉) ပုဒ်မ(၁၉)နှင့် ပုဒ်မ(၂၀)တွင် ပြဌာန်းထားသည့် စားသုံးသူအခွင့်အရေး(၈)ချက်နှင့် စားသုံးသူ၏ တာဝန်များ အကြောင်း အကျယ်တဝင့် ရှင်းလင်းပြောကြားခြင်း၊ စစ်ကိုင်းခရိုင်၊ ခေတ္တခရိုင်ဦးစီးမှူး ဒေါ်ခင်မြတ်မူက စားသုံးသူကာကွယ်ရေးဥပဒေကို ၂၀၁၉ခုနှစ်၊ မတ်လ(၁၅)ရက်နေ့၊ ပြည်ထောင်စုလွှတ်တော်ဥပဒေ အမှတ်၉။ ဖြင့် ပြဌာန်းခဲ့ပြီး၊ အခန်း(၂၅)ခန်းနှင့် ပုဒ်မ ၈၄ ခု ပါဝင်ကြောင်း စားသုံးသူကာကွယ်ရေး ဥပဒေအခန်း (၁၈)၊ ပုဒ်မ(၄၁)တွင် စီးပွားရေးလုပ်ငန်းရှင်သည် ကုန်အညွှန်းအမှတ်အသား ဖော်ပြခြင်း နှင့်စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့်အညီ သိသာထင်ရှားစွာ ဖော်ပြမည့် အချက် (၈)ချက်ကို အသေးစိတ် ရှင်းလင်းပြောကြားခြင်း၊ ပုဒ်မ ၄၁၊ ပုဒ်မခွဲ(ခ)နှင့် ပုဒ်မခွဲ(ဆ)တို့ပါ ကုန်အညွှန်းအမှတ်အသား ဖော်ပြရာတွင် မြန်မာဘာသာဖြင့် ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍ တွဲလျက်ဖြစ်စေ ရေးသားဖော်ပြရမည်ဖြစ်ကြောင်း၊ ပုဒ်မ(၄၃)ပါ ပြဌာန်း ချက်နှင့် ကိုက်ညီမှုမရှိသည့် ကုန်စည်ကို ထုတ်လုပ်ခြင်း၊ ကုန်သွယ်ခြင်း သို့မဟုတ် ရောင်းချခြင်းမပြု ရန်၊ ပုဒ်မ(၆၇)နှင့် ပုဒ်မ(၆၈)ပါ တားမြစ်ချက်တစ်ရပ်ရပ်ကို ဖောက်ဖျက် ကျူးလွန်ကြောင်း ပြစ်မှုထင်ရှားစီရင်ခြင်းခံရလျှင် ထိုသူကို နှစ်နှစ်ထက်မပိုသော ထောင်ဒဏ်ဖြစ်စေ၊ ကျပ်သိန်း ၂၀၀ ထက် မပိုသော ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်နိုင်ပါကြောင်း၊ စားသုံးသူ တိုင်းမှာ စားသုံးသူ အခွင့်အရေးများရှိကြောင်း၊ စားသုံးသူအခွင့်အရေးနစ်နာဆုံးရှုံးမှုများဖြစ်ပေါ်ပါက မိမိတို့ဌာနသို့ လူကိုယ်တိုင် ဖြစ်စေ၊ ဖုန်းဖြင့်ဖြစ်စေ၊ Website လိပ်စာမှာ www.doca.gov.mmတို့ဖြင့် ဖြစ်စေ၊ Call Center နံပါတ် 1535 တို့ဖြစ်စေ တိုင်ကြားနိုင်ပါကြောင်း ရှင်းလင်းပြောကြားပြီး တိုင်ကြားရန် လိပ်စာများပါသည့် ပန်းဖလက်များဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

စစ်ကိုင်းမြို့၊ လေ့ကျင့်ရေး အ.လ.ကတွင် စားသုံးသူကာကွယ်ရေးဥပဒေအကြောင်း သိကောင်းစရာများ ဟောပြော

သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ စစ်ကိုင်းခရိုင်၊ ခေတ္တခရိုင်ဦးစီးမှူး ဦးဆောင်၍ ၂၀၂၅ခုနှစ်၊ ဇန်နဝါရီလ ၁၆ ရက်နေ့က စစ်ကိုင်းမြို့၊ဈေးကုန်းရပ်ရှိ လေ့ကျင့်ရေးအလယ်တန်းကျောင်း၌ ဆရာ/ ဆရာမ(၁၀)ဦး၊ ကျောင်းသား/ကျောင်းသူ(၁၁၀)ဦး စုစုပေါင်း(၁၂၀)ဦးအား စားသုံးသူကာကွယ်ရေး ဥပဒေအကြောင်း သိကောင်းစရာများ အသိပညာပေးဟောပြောပွဲ ပြုလုပ်ခဲ့ပါသည်။

အဆိုပါဟောပြောပွဲတွင် စားသုံးသူရေးရာဦးစီးဌာန၊ စစ်ကိုင်းမြို့နယ်တာဝန်ခံ ဒေါ်ကေသီအောင် (ဦးစီးမှူး)က စားသုံးသူကာကွယ်ရေး ဥပဒေအခန်း(၉) ပုဒ်မ(၁၉)နှင့် ပုဒ်မ(၂၀)တွင် ပြဌာန်းထားသည့် စားသုံးသူအခွင့်အရေး(၈)ချက်နှင့် စားသုံးသူ၏ တာဝန်များအကြောင်း အကျယ်တဝင့် ရှင်းလင်းပြော ကြားခြင်း၊ စစ်ကိုင်းခရိုင်၊ ခေတ္တခရိုင်ဦးစီးမှူး ဒေါ်ခင်မြတ်မူက စားသုံးသူရေးရာဦးစီးဌာန ဖြစ်ပေါ်လာပုံ သမိုင်းနှင့် ဌာန၏ မျှော်မှန်းချက်၊ ရည်မှန်းချက်တာဝန်များ၊ လုပ်ငန်းတာဝန်များအကြောင်း စားသုံးသူ ကာကွယ်ရေးဥပဒေကို ၂၀၁၉ခုနှစ်၊ မတ်လ(၁၅)ရက်နေ့၊ ပြည်ထောင်စုလွှတ်တော်ဥပဒေ အမှတ်၉။ ဖြင့် ပြဌာန်းခဲ့ပြီး၊ အခန်း(၂၅)ခန်းနှင့် ပုဒ်မ ၈၄ ခု ပါဝင်ကြောင်း စားသုံးသူ ကာကွယ်ရေးဥပဒေအခန်း (၁၈)၊ ပုဒ်မ(၄၁)တွင် စီးပွားရေးလုပ်ငန်းရှင်သည် ကုန်အညွှန်း အမှတ်အသားဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် သတ်မှတ် ချက်များနှင့်အညီ သိသာထင်ရှားစွာ ဖော်ပြမည့် အချက် (၈)ချက်ကို အသေးစိတ် ရှင်းလင်းပြောကြားခြင်း၊ ပုဒ်မ ၄၁၊ ပုဒ်မခွဲ(ခ)နှင့် ပုဒ်မခွဲ(ဆ)တို့ပါ ကုန်အညွှန်း အမှတ်အသား ဖော်ပြရာတွင် မြန်မာဘာသာဖြင့် ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍ တွဲလျက်ဖြစ်စေ ရေးသားဖော်ပြရမည်ဖြစ်ကြောင်း၊ ပုဒ်မ(၄၃)ပါ ပြဌာန်း ချက်နှင့် ကိုက်ညီမှုမရှိသည့် ကုန်စည်ကို ထုတ်လုပ်ခြင်း၊ ကုန်သွယ်ခြင်း သို့မဟုတ် ရောင်းချခြင်းမပြု ရန်၊ ပုဒ်မ(၆၇)နှင့် ပုဒ်မ(၆၈)ပါ တားမြစ်ချက်တစ်ရပ်ရပ်ကို ဖောက်ဖျက်ကျူးလွန်ကြောင်း ပြစ်မှု ထင်ရှားစီရင်ခြင်းခံရလျှင် ထိုသူကို နှစ်နှစ်ထက်မပိုသော ထောင်ဒဏ်ဖြစ်စေ၊ ကျပ်သိန်း ၂၀၀ ထက် မပိုသော ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်နိုင်ပါကြောင်း၊ စားသုံးသူတိုင်းမှာ စားသုံးသူ အခွင့်အရေးများရှိကြောင်း၊ စားသုံးသူအခွင့်အရေးနစ်နာဆုံးရှုံးမှုများဖြစ်ပေါ်ပါက မိမိတို့ဌာနသို့ လူကိုယ်တိုင် ဖြစ်စေ၊ ဖုန်းဖြင့်ဖြစ်စေ၊ Website လိပ်စာမှာ www.doca.gov.mmတို့ဖြင့် ဖြစ်စေ၊ Call Center နံပါတ် 1535 တို့ဖြစ်စေ တိုင်ကြားနိုင်ပါကြောင်း ရှင်းလင်းပြောကြားပြီး တိုင်ကြားရန် လိပ်စာများ ပါသည့် ပန်းဖလက်များဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

မုံရွာမြို့၊ တိုင်းဒေသကြီးအသေးစားစက်မှုလက်မှုလုပ်ငန်းဦးစီးဌာနတွင် ကျင်းပပြုလုပ်သည့် လူသုံးကုန်ထုတ်လုပ်မှုနည်းပညာသင်တန်း၌ စားသုံးသူကာကွယ်ရေး အသိပညာပေး ဟောပြော

သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ မုံရွာခရိုင်ဦးစီးမှူးရုံးမှ မုံရွာမြို့နယ်တာဝန်ခံသည် စားသုံးသူကာ ကွယ်ပေးရေး၊ အသိပညာများတိုးပွားရရှိစေရေး အသိပညာပေးဟောပြောပွဲ အခမ်းအနားကို ဇန်နဝါရီ လ ၁၃ ရက် နံနက် (၁၀:၀၀) နာရီအချိန်က မုံရွာမြို့၊ တိုင်းဒေသကြီး အသေးစားစက်မှုလက်မှု လုပ်ငန်း ဦးစီးဌာနတွင် ကျင်းပပြုလုပ်သည့် လူသုံးကုန်ထုတ်လုပ်မှုနည်းပညာသင်တန်း၌ စားသုံးသူ ကာကွယ် ရေးအသိပညာပေး ဟောပြောပွဲကျင်းပပြု လုပ်ခဲ့ရာသင်တန်း ဆရာ/ဆရာမများနှင့် သင်တန်း သား/သူ စုစုပေါင်း ( ၃၀) ဦး တက်ရောက် ခဲ့ကြကြောင်းသိရပါသည်။

အခမ်းအနားတွင် စားသုံးသူရေးရာဦးစီးဌာန၊ ခရိုင်ဦးစီးမှူးရုံးမှ မုံရွာမြို့နယ်တာဝန်ခံက တိုင်းဒေသကြီး၊ အသေးစားစက်မှုလက်မှုလုပ်ငန်းဦးစီးဌာနတွင် ကျင်းပပြုလုပ်သည့် လူသုံးကုန်ထုတ် လုပ်မှုနည်းပညာ သင်တန်းသား /သူများအား အသိပညာများတိုးပွားရရှိစေရေးအတွက် အသိပညာပေး ဟောပြောပွဲများ ဆောင်ရွက်ရခြင်းနှင့် ပတ်သက်၍ မိမိတို့ဝန်ကြီးဌာန၊ ဦးစီးဌာနတို့၏ လုပ်ငန်း ဆောင်ရွက်ချက်များကို မိတ်ဆက်အမှာစကား ပြောကြားခြင်း၊ စီးပွားရေးလုပ်ငန်းရှင်များ၏ တာဝန် များပြောကြားခဲ့ပြီးစားသုံးသူကာကွယ်ရေးဥပဒေပါကုန်အညွှန်းအမှတ်အသားပြည့်စုံသည့် စားသောက် ကုန်များ ထုတ်လုပ်သင့်ကြောင်း၊ စားသုံးသူများတိုင်ကြားရမည့် နည်းလမ်းများနှင့် လူကိုယ်တိုင် သော်လည်းကောင်း၊ ဖုန်းဖြင့်လည်းကောင်း တိုင်ကြားနိုင်ကြောင်းနှင့် တိုင်ကြားမှုများ အပေါ်ဌာနမှ ဖြေရှင်း ဆောင်ရွက်ခဲ့သည့် အမှုတွဲများအကြောင်း၊ အွန်လိုင်းစနစ်ဖြင့် ရောင်းချခြင်းလုပ်ငန်းများမှတ်ပုံ တင်ခြင်း အကြောင်းများကို သိပညာ ပေးဟောပြော ဆွေးနွေးခဲ့ပါသည်။

ထို့နောက် တက်ရောက်လာသည့် သင်တန်းသူ/သားများက စားသုံးသူကာကွယ်ပေးရေး ဥပဒေပါ အကြောင်းအရာများ၊ အွန်လိုင်းစနစ်ဖြင့် ရောင်းချခြင်းလုပ်ငန်းများနှင့် ပတ်သက်၍ သိလိုသည့် မေးမြန်းချက်များအပေါ် တာဝန်ရှိသူများက အပြန်အလှန်ရှင်းလင်း ဆွေးနွေးခဲ့ကြပြီး လက်ကမ်းစာ စောင်များဖြန့်ဝေခြင်းများ ဆောင်ရွက်ခဲ့ကြောင်းသိရှိရပါသည်။

DOCA(စစ်ကိုင်း)

ကျွန်းလှမြို့၊ သစ်ရာမြိုင်ရပ်ကွက်အတွင်းရှိ ကုန်မျိုးစုံရောင်းဝယ်ရေးဆိုင်များအား ဈေးကွက်စောင့်ကြည့်စစ်ဆေး

သတင်းနှင့် လှုပ်ရှားမှုများ

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံသူရေးရာဦးစီးဌာန၊ ကျွန်းလှမြို့နယ် တာဝန် ခံရုံးအနေဖြင့် စားသုံးသူပြည်သူများ ဘေးအန္တရာယ် ကင်းရှင်းစေရေးနှင့် ထုတ်ကုန်များ လုံခြုံစိတ်ချရမှု ရှိစေ ရေးအတွက် ဈေးကွက်စောင့်ကြည့် စစ်ဆေးခြင်းများကို ဆောင်ရွက်လျက်ရှိရာ ၂၀၂၄ ခုနှစ်၊ ဇန်နဝါရီလ (၂၁)ရက်နေ့ နံနက် (၀၈;၃၀)နာရီ အချိန်တွင် ကျွန်းလှမြို့၊ သစ်ရာမြိုင်ရပ်ကွက်အတွင်းရှိ ကုန်စုံဆိုင်များအား ကျွန်းလှမြို့နယ်တာဝန်ခံသည် မိတ်ဖက်ဌာနများဖြင့် ပူးပေါင်းကာ ဈေးကွက်စောင့်ကြည့်စစ်ဆေးခြင်း ဆောင် ရွက်ခဲ့ကြောင်း သိရှိရပါသည်။

ထိုသို့ဈေးကွက်စောင့်ကြည့်စစ်ဆေးခြင်းဆောင်ရွက်သည့် ကျွန်းလှမြို့၊ သစ်ရာမြိုင်ရပ်ကွက်အတွင်းရှိ ကုန်စုံဆိုင်များတွင် ရောင်းချနေသော အသင့်သောက်အချိုရည်အမျိုးမျိုးနှင့် အခြားကုန်ပစ္စည်းများတွင် ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍မြန်မာနိုင်ငံစားသုံးသူကာကွယ်ရေးကော်မရှင်၏ညွှန်ကြား ချက်အမှတ်(၂/၂၀၁၉)နှင့်အညီ ကုန်စည်အုပ်စုအလိုက် မြန်မာဘာသာဖြင့် ကုန်အညွှန်းအမှတ်အသား ဖော်ပြရမည့် အသေးစိတ်စိစစ်ချက်များအတိုင်း ပြည့်စုံစွာထည့်သွင် ဖော်ပြထားခြင်း ရှိ/မရှိ နှင့် သက်တမ်း လွန် ကုန်စည်များ ရောင်းချနေခြင်း ရှိ/မရှိ တို့အား လစဉ် လျာထားချက်များ သတ်မှတ်ထားသည်ထက် ကျော်လွန်အောင် ဈေးကွက်စောင့်ကြည့် စစ်ဆေးခြင်းများကို စဉ်ဆက်မပြတ် ဆောင်ရွက်လျက်ရှိကြောင်း၊ ကုန်မျိုးစုံရောင်းချသည့် စီးပွားရေးလုပ်ငန်းရှင်များအား စားသုံးသူကာကွယ်ရေးဥပဒေပါ စီးပွားရေးလုပ်ငန်း ရှင်၏ လိုက်နာဆောင်ရွက်ရမည့် တာဝန်များကို သိရှိနားလည်ထားရန်လိုကြောင်း ၊ ထုန်ကုန်လုံခြုံ စိတ်ချ ရမှုရှိပြီး ကုန်အညွှန်းအမှတ်အသား ပြည့်စုံသော၊ သက်ဆိုင်ရာဌာန၏ ထောက်ခံချက် ပါရှိသော ကုန်စည်များ ကိုသာ ရောင်းချရန် အသိပညာပေးခဲ့ပြီး မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက် အမှတ် (၂/၂၀၁၉) ကုန်အညွှန်းအမှတ်အသား အသေးစိတ်စိစစ်ချက်များပါရှိသော လက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

ကျွန်းလှမြို့ “စမိုင်းလ်” ကိတ်နှင့်မုန့်မျိုးစုံ လုပ်ငန်းရှင်အား တွေ့ဆုံအသိပညာပေး

သတင်းနှင့် လှုပ်ရှားမှုများ

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စစ်ကိုင်းတိုင်းဒေသကြီး၊ စားသုံးသူရေးရာဦးစီး ဌာန၊ ကန့်ဘလူခရိုင်ဦးစီးမှူးရုံး လက်အောက်ရှိ ကျွန်းလှမြို့နယ်တာဝန်ခံ ဒေါ်ဝေဝေအောင်သည် ၂၀၂၅ ခုနှစ် ၊ ဇန်နဝါရီလ(၂၁)ရက်နေ့ နံနက်(၁၀;၀၀)အချိန်တွင် စစ်ကိုင်းတိုင်းဒေသကြီး၊ ကန့်ဘလူခရိုင် ၊ ကျွန်းလှမြို့၊ သစ်ရာမြိုင်ရပ်ကွက်ရှိ” စမိုင်းလ် “ကိတ်နဲ့မုန့်မျိုးစုံ လုပ်ငန်းရှင် နှင့် သွားရောက် တွေ့ဆုံ ဆွေးနွေး အသိပညာ ပေးခြင်းဆောင်ရွက်ခဲ့ပါသည်။

ထိုသို့တွေ့ဆုံဆွေးနွေးရာတွင်စားသုံးသူရေးရာဦးစီးဌာန၊ ကျွန်းလှမြို့နယ်တာဝန်ခံမှ စားသောက် ကုန် ထုတ်လုပ်ရောင်းချသည့် လုပ်ငန်းရှင်များနှင့်ပတ်သက်၍ စားသုံးသူအကာအကွယ် ပေးရေးဥပဒေပါ စီးပွားရေးလုပ်ငန်းရှင်များ လိုက်နာဆောင်ရွက်ရမည့် အချက်များအကြောင်း၊ အခန်း(၁၈)ပါကုန်အညွှန်း အမှတ်အသားနှင့်ပတ်သက်၍ စားသုံးသူကာကွယ်ရေးကော်မရှင်က ထုတ်ပြန်ထားသည့် ညွှန်ကြားချက် အမှတ် (၂/၂၀၁၉)နဲ့အညီ ကုန်ပစ္စည်းများပေါ်တွင် မြန်မာစာဖြင့် မဖြစ်မနေဖော်ပြရမည့် အသေးစိတ် စိစစ်ချက်များကို ဖော်ပြထားခြင်း ရှိ/မရှိ တို့အတွက် ” စမိုင်းလ် “ကိတ်နဲ့မုန့်မျိုးစုံ လုပ်ငန်းသို့ သွားရောက် ကွင်းဆင်းစစ်‌ဆေးခဲ့ပါသည်။ အသင့်စားရသောမုန့်များဖြစ်သည့်အတွက် သန့်ရှင်းမှုရှိစေရေး မုန့်များ ထုတ်လုပ်မှုအဆင့်ဆင့်တွင်လည်း သန့်ရှင်းသပ်ရပ်စွာ ထုတ်လုပ်စေရေး နှင့်ဒေသတွင်းထုတ်လုပ်သည့် ထုတ်ကုန်များ ထုတ်လုပ်ရာတွင် မိမိတို့ စားသုံးသူရေးရာဦးစီးဌာနသို့ ကုန်အညွှန်းအမှတ်အသား လျှောက်ထားပြီး ကုန်အညွှန်းအမှတ်အသားများ ပြည့်စုံမှန်ကန်စွာ ထည့်သွင်း ဖေါ်ပြထားခြင်းရှိ/မရှိ မိမိတို့မြို့နယ်အတွင်း ထုတ်လုပ်နေသော လုပ်ငန်းရှင်များ ၊ မုန့်မျိုးစုံလုပ်ငန်းများ နှင့် အစားအသောက် ထုတ်လုပ်နေသည့် လုပ်ငန်းရှင့်များကိုလည်း ကျွန်မတို့ စားသုံးသူရေးရာဦးစီးဌာနမှ ကုန်အညွှန်းအမှတ် အသား ပြည့်စုံစွာ ဖော်ပြခြင်းနှင့် ပတ်သက်ပြီး အခမဲ့ဆောင်ရွက်ပေးနေကြောင်း နှင့် ကုန်အညွှန်း အမှတ် အသား ပြည့်စုံမှု မရှိသေးသည့်လုပ်ငန်းရှင်များကို ကုန်အညွှန်းအမှတ်အသား ပြည့်စုံအောင် ထည့်သွင်း၍ ကုန်အညွှန်း အမှတ်အသား လျှောက်ထားရန် စကားလက်ဆင့်ကမ်း တိုက်တွန်းပြောကြားပေးရန်နှင့် လုပ်ငန်းရှင်များကို စားသုံးသူကာကွယ်ပေးရေး ဥပဒေပါ စားသုံးသူအခွင့်အရေး(၈)ချက်အကြောင်း ကုန်အညွှန်းအမှတ်အသားများအကြောင်း ဥပဒေပါ ပြစ်မှု ပြစ်ဒဏ်များအကြောင်း နှင့် မိမိတို့ စာသုံးသူ အခွင့်အရေးများကို လိုက်နာဖို့လိုသလို စားသုံးသူအခွင့်အရေးများကိုလည်း သိရှိပြီး တောင်းဆိုတတ် ဖိုလည်း လိုအပ်ကြောင်း အကျယ်တဝင့် ရှင်းလင်းဆွေးနွေးပြောကြားပြီး (၂/၂၀၁၉)ပါ လက်ကမ်းစာစောင် ဖြန့်ဝေပေးခဲ့ပါသည်။

DOCA(စစ်ကိုင်း)

Languages

Main menu

သတင်းနှင့် လှုပ်ရှားမှုများ

ရေတာရှည်မြို့တွင် စာပေဝါသနာရှင်များအား အွန်လိုင်းတွင်ဈေးဝယ်ယူခြင်းနှင့်ပတ်သက်၍ အသိပညာပေး

ရေတာရှည်မြို့ ဝေဝေအွန်လိုင်းစနစ်ဖြင့် ရောင်းချခြင်းလုပ်ငန်းသို့သွားရောက်တွေ့ဆုံ

ဟင်းခတ်အမွှေးအကြိုင်ပစ္စည်းများတွင် ကုန်အညွှန်းအမှတ်အသား ပြည့်စုံမှုရှိ/ မရှိ ကွင်းဆင်းစစ်ဆေး

တောင်ငူမြို့ရှိ ဆေးဆိုင်များတွင် ဈေးကွက်စောင့်ကြည့်စစ်ဆေး

ခရမ်းချဉ်သီးနှင့်ကျန်းမာရေး

စစ်ကိုင်းမြို့၊ အမှတ်(၂) အ.ထ.ကတွင် စားသုံးသူကာကွယ်ရေးဥပဒေအကြောင်း သိကောင်းစရာများ ဟောပြော

စစ်ကိုင်းမြို့၊ လေ့ကျင့်ရေး အ.လ.ကတွင် စားသုံးသူကာကွယ်ရေးဥပဒေအကြောင်း သိကောင်းစရာများ ဟောပြော

ကျွန်းလှမြို့ “စမိုင်းလ်” ကိတ်နှင့်မုန့်မျိုးစုံ လုပ်ငန်းရှင်အား တွေ့ဆုံအသိပညာပေး

Pages

You are here

သတင်းနှင့် လှုပ်ရှားမှုများ

Pages