သတင်းနှင့် လှုပ်ရှားမှုများ

စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံရုံးသည်၂၀၂၅ ခုနှစ်၊ ဇန်နဝါရီလ ၂၈ ရက်နေ့ နံနက် ၀၉:၀၀ အချိန်တွင် ကန့်ဘလူမြို့နယ်တာဝန်ခံ ဦးမျိုးဝင်းသန်း နှင့်ဒေါ်အိမွန်ကျော် အကြီးတန်းစာရေးတို့သည်၊ မြို့နယ်ကျန်းမာရေးဦးစီးဌာန၊ ခရိုင်စစစနှင့် ပူးပေါင်း၍ ကန့်ဘလူမြို့၊ အမှတ်(၅)ရပ်ကွက်ရှိ အိမ်သုံးဆေးဝါးအရောင်းဆိုင်များအား ဈေးကွက် စောင့်ကြည့်စစ်ဆေးခဲ့ကြောင်း သိရသည်။

ထိုသို့ကွင်းဆင်းစစ်ဆေးရာ စားသုံးသူများနေ့စဉ် အသုံးပြုလျက်ရှိသော ကုန်စည်နှင့် ဝန်ဆောင်မှုများကို ဘေးအန္တရာယ်ကင်းရှင်းစွာ အသုံးပြုနိုင်စေရန်ရည်ရွယ်၍ ဈေးကွက်အတွင်း ရောင်းချနေသည့် ကလေးအသုံးအဆောင်ပစ္စည်းအမျိုးမျိုးတွင် ကုန်အညွှန်အမှတ်အသားများကို (၂/၂၀၁၉)နှင့်အညီမြန်မာဘာသာဖြင့် ပြည့်စုံစွာဖော်ပြထားခြင်းရှိ/မရှိ စစ်ဆေးခဲ့ကြောင်း၊ လုပ်ငန်း ရှင်များအနေဖြင့် ကုန်စည်များကို အွန်လိုင်းစနစ်ဖြင့်ရောင်းချမည်ဆိုပါက မှတ်ပုံတင်လက်မှတ် လျှောက်ထားရရှိပြီးမှသာ ရောင်းချခွင့်ရှိကြောင်း၊ မှတ်ပုံတင်လက်မှတ်မရှိဘဲ ရောင်းချပါကဥပဒေ အရအရေးယူခံရနိုင်ကြောင်း အသိပညာပေးပြောကြားခဲ့ပြီး လက်ကမ်းစာစောင်များ ဖြန့်ဝေပေးခဲ့ ကြောင်း သတင်းရရှိသည်။

DOCA(စစ်ကိုင်း)

          စစ်ကိုင်တိုင်းဒေသကြီးဦးစီးမှူးရုံးအနေဖြင့် စားသုံးသူပြည်သူများ ထုတ်ကုန်လုံခြုံစိတ်ချရမှု ရှိစေရန်၊ စားသုံးသူအခွင့်အရေးများ အပြည့်အဝရရှိစေရန် စီးပွားရေးလုပ်ငန်းရှင်များ စီးပွားရေး ကျင့်ဝတ်၊ စည်းကမ်းနှင့်အညီဖြောင့်မတ်မှန်ကန်စွာ ဆောင်ရွက်နိုင်ရန်အတွက် တိုင်း၊ ခရိုင်၊ မြို့နယ် အလိုက် စားသုံးသူကာကွယ်ရေးအသိပညာပေးလုပ်ငန်းများ၊ စားသုံးသူတိုင်ကြားမှုဖြေရှင်းခြင်း လုပ်ငန်းများအား ဆောင်ရွက်လျက်ရှိရာ စစ်ကိုင်းတိုင်းဒေသကြီးဉီးစီးမှူးရုံးအနေဖြင့် မုံရွာမြို့၊ ပြည်သူ့အားကစားခန်းမ၌ (၇၇)နှစ်မြောက်လွတ်လပ်ရေးနေ့အထိမ်းအမှတ် MSME ထုတ်ကုန်ပြပွဲ ကျင်းပခြင်း၊ တိုင်းဒေသကြီးဉီးစီးမှူးရုံးတွင် စားသုံးသူကာကွယ်ရေးဆိုင်ရာ အသိပညာပေးသင်တန်း ကျင်းပခြင်း၊ မုံရွာမြို့၊ မုံရွာတက္ကသိုလ်တွင် အသိပညာပေးဟောပြောခြင်း၊  ကလေးခရိုင်ဉီးစီးမှူးရုံး အနေဖြင့် ကလေးခရိုင်၊ ကလေးဝမြို့၊ အလက(ခွဲ)ကျောင်းတွင်လည်ကောင်း၊ ဖောင်းပြင်မြို့၊ ရွှေညောင်ပင်ကျေးရွာရှိ အလယ်တန်းကျောင်းတွင်လည်းကောင်း၊ ကန့်ဘလူခရိုင်ဉီးစီးမှူးရုံးအနေဖြင့် ကန့်ဘလူခရိုင်၊  ကျွန်းလှမြို့၊ ဇီးတောကျေးရွာရှိ အ‌ခြေခံပညာမူလတန်းကျောင်းတွင်လည်းကောင်း၊ ကန့်ဘလူမြို့၊ အမှတ်(၅) ရပ်ကွက်ရှိ ပြည်သူများအားလည်းကောင်း၊ ကန့်ဘလူခရိုင် ပြန်ကြားရေးနှင့် ပြည်သူ့ဆက်ဆံရေးဦးစီးဌာနတွင် Online စနစ်ဖြင့် ရောင်းချခြင်းဆိုင်ရာ ‘Talk Show’ ပြုလုပ်ခြင်း၊ စစ်ကိုင်းခရိုင်ဦး စီးမှူးရုံးအနေဖြင့် စစ်ကိုင်းခရိုင် စစ်ကိုင်းမြို့၊ ကျေးကုန်းကျေးရွာရှိ အလကကျောင်း တွင်လည်းကောင်း၊ စစ်ကိုင်းမြို့၊ မင်းလမ်းရပ်ကွက်ရှိ အမှတ်(၂) အခြေခံပညာအထက်တန်းကျောင်း တွင်လည်းကောင်း၊ မုံရွာခရိုင်ဦးစီးမှူးရုံးအနေဖြင့် မုံရွာခရိုင်၊ ပြန်ကြားရေးနှင့် ပြည်သူ့ဆက်ဆံရေး ဉီးစီးဌာနတွင်  Consumer Call Center (1535)တွင်  စားသုံးသူနှစ်နာမှုများနှင့်စပ်လျဉ်း၍ တိုင်ကြား နိုင်ရေး အသိပညာပေး Talk Show ပြုလုပ်ခြင်း၊  ဘုတလင်ခရိုင်၊ ပြန်ကြားရေးနှင့် ပြည်သူ့ ဆက်ဆံရေးဉီးစီးဌာနတွင်  Online sale ဖြင့် မှတ်ပုံတင်ခြင်းနှင့်ပတ်သက်၍ Talk Show ပြုလုပ်ခြင်း၊  ရွှေဘိုခရိုင်ဦးစီးမှူးရုံးအနေဖြင့် ရွှေဘိုမြို့၊ မြို့ပြနှင့်အိမ်ရာ ဖွံ့ဖြိုးရေးဉီးစီးဌာနတွင်လည်းကောင်း အသိပညာပေးဟောပြောခြင်း စုစုပေါင်း (၁၃)ကြိမ်နှင့် ၂၀၂၅ ခုနှစ်၊ ဇန်နဝါရီလအတွင်း အသိပညာပေးဟောပြောဆွေးနွေးခဲ့ရာ ဌာန၏ မျှော်မှန်းချက်များ၊ ရည်မှန်းချက်တာဝန်များ၊ စားသုံးသူအခွင့်အရေးများ၊ တာဝန်များ၊ ဌာနသို့ ဆက်သွယ် တိုင်ကြားနိုင်သည့်နည်းလမ်းများ၊ ဖြေရှင်းဆောင်ရွက်ပေးခဲ့သည့် စားသုံးသူတိုင်ကြားမှု ဖြစ်စဉ်များကို အသိပညာပေးဟောပြောခဲ့ကြပြီး လက်ကမ်းစာစောင်များ ဖြန့်ဝေပေးခဲ့ပါသည်။

          လုပ်ငန်းရှင်များနှင့်  တွေ့ဆုံဆွေနွေးအသိပညာပေးမှုများကိုလည်း တိုင်းဒေသကြီးဦးစီးမှူးရုံး အနေဖြင့်(၂)ကြိမ်၊ ကလေးခရိုင်ဦးစီးမှူးအနေဖြင့်(၄)ကြိမ်၊ ကသာခရိုင်ဦးစီးမှူးရုံးအနေဖြင့်(၂)ကြိမ်၊ ကန့်ဘလူမြို့နယ်တာဝန်ခံရုံးမှ(၂)ကြိမ်၊ စစ်ကိုင်းတိုင်းခရိုင်ဦးစီးမှူးရုံးအနေဖြင့်(၈)ကြိမ်၊ မုံရွာခရိုင် ဦးစီးမှူးရုံးမှ(၂)ကြိမ်၊ ယင်းမာပင်ခရိုင်ဦးစီးမှူးရုံးအနေဖြင့်(၂)ကြိမ်၊ ရွှေဘိုခရိုင်ဦးစီးမှူးရုံးအနေဖြင့် (၅)ကြိမ်၊ စုစုပေါင်း(၂၇)ကြိမ် ဆောင်ရွက်နိုင်ခဲ့ပါသည်။ ထိုသို့တွေ့ဆုံဆွေးနွေးဆောင်ရွက်ခြင်းများ ပြုလုပ်ရာတွင် စီးပွားရေးလုပ်ငန်းရှင်တို့၏တာဝန်များ၊ လိုက်နာရမည့်အချက်များ၊ ကုန်စည်နှင့် စပ်လျဉ်း၍ ဖော်ပြရမည့်အာမခံများ၊ ရိုးရှင်းမှန်ကန်သောသတင်းအချက်အလက်များ ပြည့်စုံစွာ ပေးရန် စီးပွားရေးလုပ်ငန်းလုပ်ကိုင်ရာတွင် စီးပွားရေးကျင့်ဝတ်၊  စည်းကမ်းနှင့်အညီ ဖြောင့်မတ်      မှန်ကန်စွာ ဆောင်ရွက်ရန်အချက်များကို ရှင်းလင်းဆွေးနွေးအသိပညာပေးခြင်း၊ ရည်ညွှန်းဈေး သတ်မှတ်ထားသောကုန်စည်များအား သတ်မှတ်ရည်ညွှန်းဈေးဖြင့် ရောင်းချစေရေးဆွေးနွေးဟော ပြောခြင်းများဆောင်ရွက်ခဲ့ပြီး စီးပွားရေးလုပ်ငန်းရှင်နှင့်သက်ဆိုင်သော လက်ကမ်းစာစောင်များ၊ စားသုံးသူကာကွယ်ရေးဥပဒေစာအုပ်များ ဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

          ရှမ်းပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူး ဦးရွှေဖြူ၊ ကလောခရိုင်ဦးစီးမှူးရုံး (အောင်ပန်း)၊ ခရိုင်ဦးစီးမှူး ဦးမြင့်နိုင် နှင့် ဝန်ထမ်းများသည် (၂၇-၁-၂၀၂၄) ရက်နေ့မွန်းလွဲ (၀၁း၀၀) နာရီအချိန်တွင် ကလောမြို့နယ်၊ အောင်ပန်းမြို့၊ အောင်ပန်းကုန်စည်ဒိုင်ရုံးသို့ သွားရောက်၍ ကုန်စည်ဒိုင် ဥက္ကဌနှင့်တွေ့ဆုံပြီး ကုန်စည်ဒိုင်ဖွံ့ဖြိုးတိုးတက်ရေးအတွက် ကွင်းဆင်းတွေ့ဆုံဆွေးနွေး ခဲ့ပါသည်။

          အဆိုပါတွေ့ဆုံပွဲတွင် ပြည်နယ်ဦးစီးမှူး ဦးရွှေဖြူမှ ကုန်စည်ဒိုင်ဥက္ကဌနှင့်အဖွဲ့ဝင်များအား ကုန်စည်ဒိုင်၏ လုပ်ငန်းဆောင်ရွက်နေမှုအခြေအနေများ၊ ကုန်စည်ဒိုင်တစ်ခုဖြစ်ပေါ်ရန်အဓိကလို အပ်ချက်များအကြောင်း၊ အောင်မြင်သော ကုန်စည်ဒိုင်တစ်ခု၏ လည်ပတ်မှု လုပ်ငန်းစနစ်များ အကြောင်းနှင့် ‌ဒေသထွက်သီးနှံများ ဈေးကွက်တင်ပို့နိုင်မှု အခြေအနေများ၊ ကုန်စည်များ တင်ပို့ရောင်းချရာတွင် ရင်ဆိုင်တွေ့ကြုံရသောအခက်အခဲများမေးမြန်းဆွေးနွေးခဲ့ပြီး ကုန်စည်ဒိုင် ဥက္ကဌ ဦးခင်မောင်ဝင်းက တင်ပြဆွေးနွေးရာတင် ကုန်စည်ဒိုင်အဖွဲ့ ဖွဲ့စည်းသည်မှာကြာမြင့်နေပြီ ဖြစ်ပါကြောင်း၊ ကုန်စည်ဒိုင် ပြန်လည်သက်ဝင်လှုပ်ရှားနိုင်ရန် တက်ကြွစွာပါဝင်ဆောင်နိုင်သည့် အဖွဲ့ဝင်သစ်များပြန်လည်ရွေးချယ်ပြီး ကုန်စည်ဒိုင်ဖွံ့ဖြိုးတိုတက်အောင်ဆောင်ရွက်သွားမည်ဖြစ် ကြောင်းနှင့် ကုန်စည်များအား တင်ပို့ရောင်းချရာတွင် တွေ့ကြုံရသော သယ်ယူပို့ဆောင်မှုအခက် အခဲများ ဆွေးနွေးခဲ့ကြောင်း သတင်းရရှိပါသည်။

          ၂၈-၁-၂၀၂၅ နေ့ (အင်္ဂါနေ့)၊ မွန်းလွဲ(၁၃:၀၀)နာရီအချိန်၌ မြင်းခြံမြို့၊ အမှတ်(၂) အခြေခံပညာ အထက်တန်းကျောင်းခန်းမတွင် ပြည်ထောင်စုနေ့အကြိုဟောပြောပွဲနှင့် စားသုံးသူကာကွယ်ရေး ဥပဒေအကြောင်း သိကောင်းစရာများ ဟောပြောပွဲ ကျင်းပဆောင်ရွက် ခဲ့ပါသည်။

          မြင်းခြံခရိုင်စားသုံးသူရေးရာဦးစီးဌာန၊ ခရိုင်ဦးစီးမှူး ဦးသန်းစိုး(လက်ထောက်ညွှန်ကြား ရေးမှူး)က (၇၈)ကြိမ်မြောက် ပြည်ထောင်စုနေ့အကြိုဟောပြောပွဲ အခမ်းအနားကျင်းပ ရခြင်းအကြောင်းနှင့် အဖွင့်အမှာစကားပြောကြားပြီး မြင်းခြံခရိုင်ပြန်ကြားရေးနှင့်ပြည်သူ့ ဆက်ဆံရေးဦးစီးဌာန၊ ခရိုင်ဦးစီးမှူး ဒေါ်အေးအေးနွဲ့(လက်ထောက်ညွှန်ကြားရေးမှူး)မှ ပြည်ထောင်စုနေ့ဖြစ်ပေါ်လာပုံသမိုင်းကြောင်း၊ ပြည်ထောင်စုစိတ်ဓာတ် ထက်သန်မှုကြောင့် လွတ်လပ်ရေး၏အခြေခံ အုတ်မြစ် ဖြစ်သော ပြည်ထောင်စုနေ့တွင် နိုင်ငံ့ခေါင်းဆောင်ကြီးများ၏ တက်တက်ကြွကြွ တာဝန် ထမ်းဆောင်နိုင်ခဲ့ပုံများ၊ မြန်မာ့ဇာတိသွေး၊ဇာတိမာန်တက်ကြွစေရန် ကမ္ဘာကျော်မြန်မာသူရဲကောင်းတို့၏ စွမ်းဆောင်မှုများ၊ “စာအုပ်စာပေလူ့မိတ်ဆွေ” ဆိုသည့်အတိုင်း စာဖတ်ခြင်း၏အကျိုးကျေးဇူးများကို အကျယ်တဝင့် ရှင်းလင်းပြောကြား ခဲ့ပါသည်။

          စားသုံးသူရေးရာဦးစီးဌာန၊ ခရိုင်ဦးစီးမှူးရုံးမှ ဦးဝင်းထွန်းဦး(ဦးစီးမှူး)က စားသုံးသူ ကာကွယ်ရေးဥပဒေပါပြဌာန်းချက်များ၊ ကုန်စည်များဝယ်ယူသုံးစွဲရာတွင် ကုန်အညွှန်းအမှတ် အသားများ ပြည့်စုံစွာပါဝင်သော ကုန်စည်များကိုဝယ်ယူသုံးစွဲနိုင်မှသာ ဘေးကင်းလုံခြုံ စိတ်ချရမှုရှိနိုင်မည်ဖြစ်ကြောင်း၊ ကုန်စည်များဝယ်ယူရာတွင် သက်ဆိုင်ရာဌာနများ၏ ထောက်ခံ ချက်နှင့် ကုန်အညွှန်းအမှတ်အသားများ စိစစ်ရွေးချယ်ဝယ်ယူသုံးစွဲကြရန်နှင့် အလေ့အကျင့်များ ရှိစေရန်လိုအပ်ပါကြောင်း၊ နစ်နာဆုံးရှံးမှုများရှိပါက Cell Center 1535 သို့ဖုန်းခေါ်ဆို တိုင်ကြားနိုင်ကြောင်းနှင့် လက်တွေ့ဖုန်းခေါ်ဆိုကာ ရှင်းလင်းဆွေးနွေးခဲ့ပါသည်။

          ဟောပြောပွဲသို့   ဆရာ/ဆရာမ၊ ကျောင်းသား/ ကျောင်းသူများ၊ ကျောင်းမုန့်ဈေး ရောင်းချသူများ စုစုပေါင်း(၂၅၀)ဦး တက်ရောက်ခဲ့ပြီး မြင်းခြံခရိုင်စားသုံးသူရေးရာဦးစီးဌာန၊ ခရိုင်ဦးစီးမှူးဦးဆောင်၍ ကျောင်းကျန်းမာရေးအဖွဲ့နှင့်အတူ ကျောင်းမုန့်ဈေးတန်းတွင် ရောင်းချ နေသော ကုန်စည်များကို စစ်ဆေးခဲ့ကြောင်းသိရသည်။

DOCA(မန္တလေး)

          စားသုံးသူရေးရာဦးစီးဌာန၊ မြင်းခြံခရိုင်ဦးစီးမှူးရုံးသည် စားသုံးသူကာကွယ်ရေး လုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးတိုးတက်ရေးကိစ္စရပ်များကိုလည်း ဆောင်ရွက် လျက်ရှိရာ စားသုံးသူရေးရာဦးစီးဌာနမှ ဝန်ထမ်းများသည် (၂၇-၁-၂၀၂၅)ရက်နေ့၊ နံနက်(၀၈:၃၀)နာရီအချိန်တွင် မြင်းခြံမြို့ရှိ စားအုန်းဆီလက်လီ/လက်ကား ရောင်းချနေသော ဆိုင်များအား သွားရောက်ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

          ထိုသို့ ကွင်းဆင်းဆောင်ရွက်ရာတွင် စားအုန်းဆီလက်လီ/လက်ကားရောင်းချလျက်ရှိသော လုပ်ငန်းရှင်များအနေဖြင့် စားအုန်းဆီများဖြန့်ဖြူးရောင်းချရာတွင် (၂%)အမြတ်ထက် ကျော်လွန် ၍ ရောင်းချခြင်းမပြုရန်၊ အလေးချိန် အချိန်အတွယ်မှန်ကန်စွာရောင်းချပေးရန်၊ သတ်မှတ် ရည်ညွှန်းဈေးဖြင့် ရောင်းချရန်၊ ဈေးကစားရန်ရည်ရွယ်ချက်ဖြင့် သိုလှောင်ခြင်းများ မပြုလုပ်ကြ ရန်၊ ဈေးနှုန်းများကို အများမြင်သာအောင် Vinylများဖြင့် ချိတ်ဆွဲရောင်းချလျက်ရှိပြီး ဌာနမှ ထုတ်ပြန်ထားသည့် အမိန့်၊ညွှန်ကြားချက်များနှင့်အညီ ရောင်းချဖြန့်ဖြူးကြရန်တို့ကို ရှင်းလင်း ပြောကြားခဲ့ပြီး စားအုန်းဆီခွဲတမ်းများကို သတ်မှတ်စည်းမျဉ်းစည်းကမ်းများနှင့်အညီ စနစ်တကျ ဖြန့်ဖြူးရောင်းချကြရန် ဆွေးနွေးပြောကြားခဲ့ပါသည်။

DOCA(မန္တလေး)