သတင်းနှင့် လှုပ်ရှားမှုများ

      ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် ဆန်စက်လုပ်ငန်းရှင်များ အသင်းရုံးတွင် (၁.၉.၂၀၂၅) နေ့လယ် (၁၃:၀၀) နာရီအချိန်တွင် လုပ်ငန်းရှင်(၇)ဦးအား စားသုံးသူကာကွယ်ရေး အသိပညာပေးခြင်းကို ဆောင်ရွက်ခဲ့ပါသည်။

          မြို့နယ်တာဝန်ခံက စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်နှင့် တားမြစ်ချက်များ၊သိုလှောင်ရုံများ Myro တွင် မှတ်ပုံထားရှိိနိုင်ရေး ဆောင်ရွက်နေမှုများအား တိုင်းဒေသကြီး အစိုးရဖွဲ့သို့ စာရင်းပြုစုပေးပို့ရသည့် အတွက် အသင်းရုံးမှ ပူးပေါင်းကူညီ ဆောင်ရွက်ပေးရန် နှင့် ထုတ်လုပ်သူလုပ်ငန်းရှင်များအနေဖြင့် ထုတ်လုပ်သည့် ကုန်ပစ္စည်းများအား ထုတ်ကုန်လုံခြုံစိတ်ချရမှုရှိစေရေးနှင့် စံချိန်စံညွှန်းအရည်အသွေးမီ ကုန်ပစ္စည်းများ ထုတ်လုပ်ရာတွင် ထုပ်ပိုးမှုနည်းစနစ်များ ပါဝင်ရမည့်အချက်များ၊ စားသုံးသူကာကွယ်ရေးဥပဒေပါ စီမံခန့်ခွဲမှုနည်းလမ်း များဖြင့် ပြစ်မှုပြစ်ဒဏ်များ ၊စားသုံးသူနစ်နာဆုံးရှုံးမှုဖြစ်ပေါ်လာပါက Call Centre 1535 သို့ ဆက်သွယ်တိုင်ကြားနိုင်ကြောင်း၊ စားသုံးသူများသာမက လုပ်ငန်းရှင်များပါ စားသုံးသူကိစ္စရပ်များနှင့် စပ်လျဉ်း၍ သိလိုသည်များကို မေးမြန်းဖြေကြားခဲ့ကြောင်း အသိပညာပေးဟောပြောခဲ့မှုအရ သတင်း ရရှိပါသည်။

(Docaဧရာဝတီ)

       ကျိုက်လတ်မြို့နယ်ရှိ Wilmar Myanmar Riceland. Kyaiklat.L.td မှ  ကျိုက်လတ်မြို့နယ် အတွင်းရှိ စပါးများကို နိုင်ငံတော်မှ ထုတ်ပြန်ထားသည့် ရည်ညွှန်းဈေးဖြင့် ဝယ်ယူ ကြိတ်ခွဲလျက် ရှိပါသည်။ ပေါင်းဆန်အနေဖြင့် တန်(၁၀၀) ၂၄ နာရီ ထုတ်လုပ်နိုင်ပြီး ဆန်စက် အနေဖြင့် တန်(၂၅၀) ၂၄ နာရီ ထုတ်လုပ်နိုင်ပါသည်။ကြိတ်ခွဲထုတ်လုပ်ပြီး ဆန်နှင့် ပေါင်းဆန်၊ ဇကွဲ၊ ဖွဲနု များကို ရန်ကုန် သီလဝါရှိ “ဝေမာ” ကုမ္ပဏီ သို့ ပို့ဆောင်ပေးလျက်ရှိပါသည်။

          ကျိုက်လတ်မြို့နယ်ရှိ “ဝေမာ” ဆန်စက်မှ အထိုင်ဝယ်ယူရရှိထားသည့် စပါးများကို ပေါင်းဆန်တန်းမြင့် (၂၄) နာရီ တန်(၅၀၀) ကျ အဆင့်မြင့်နေသည့် ကာလအတွင်း ရန်ကုန်သီလဝါရှိ “ဝေမာ” စက်ရုံသို့ စပါးများ သယ်ယူကြိတ်ခွဲခွင့်ကို တိုင်းဒေသကြီး အစိုးရ အဖွဲ့သို့ တင်ပြလျောက်ထား ခဲ့ရာ ဧရာဝတီတိုင်းဒေသကြီး အစိုးရအဖွဲ့မှ စပါးတင်း(၁၇၆၀၀၀၀) တန်ချိန်အား ဖြင့် (၄၀၀၀၀) အား သယ်ယူခွင့် ပြုပါသည်။

          ထိုသို့ သယ်ယူရာတွင် သက်ဆိုင်ရာ မြို့နယ်အုပ်ချုပ်ရေးမှူး ၊ စားသုံးသူရေးရာ၊ လူဝင်ကြီးကြပ်ရေးနှင့် ပြည်သူ့အင်အားဦးစီးဌာန၊ ဆန်စပါးလုပ်ငန်းရှင်၊ မီးသတ်ဦးစီးဌာန တို့ (ပူးပေါင်း)အဖွဲ့နှင့်အတူ ခရိုင်အထွေထွေ အုပ်ချုပ်ရေးမှူး ၊ ခရိုင်စားသုံးသူရေးရာတို့မှ ပူးပေါင်း၍ ဆန်အရည်အသွေး စစ်ဆေးပြီးမှ သယ်ယူခွင့် ပြုပါသည်။

          ကျိုက်လတ်”ဝေမာ” ဆန်စက်မှ သီလဝါသို့ “အေးချမ်းခွန်အား-၅” ရေယာဉ်ဖြင့် စပါးတန်ချိန် (၁၀၄၂) တန်၊ စပါးတင်း (၄၅၈၄၈) အား တင်ဆောင်ထားရှိမှုကို စစ်ဆေးဆောင်ရွက်ခဲ့ပြီး ထွက်ခွာခွင့် ပြုခဲ့ကြောင်း သတင်းရရှိပါသည်။

(Docaဧရာဝတီ)

      ဧရာဝတီတိုင်းဒေသကြိီး၊ ဖျာပုံခရိုင် ၊ ဒေးဒရဲမြို့နယ် စားသုံးသူရေးရာဦးစီးဌာနမှ မြို့နယ် တာဝန်ခံနှင့် ဝန်ထမ်းတို့သည် မြို့နယ်အုပ်ချုပ်ရေးအဖွဲ့နှင့်အတူ (၁.၉.၂၀၂၅) နေ့လယ်  (၁၅:၀၀) နာရီ အချိန်တွင် ဒေးဒရဲမြို့၊ အမှတ်(၂) ရပ်ကွက်၊ ပဒုမ္မာလမ်းရှိ “မင်္ဂလာနက်” Wifi ဝန်ဆောင်မှုလုပ်ငန်းမှ တာဝန်ရှိသူနှင့် တွေ့ဆုံ၍ မေးမြန်းဆွေးနွေးခဲ့ပါသည်။

          Wifi ဝန်ဆောင်မှုလုပ်ငန်းမှ တာဝန်ရှိသူက ဒေးဒရဲမြို့တွင် “မင်္ဂလာနက်” Wifi ကို တပ်ဆင်အသုံးပြုသည့် အိမ်ထောင်စု (၄၀၀) ခန့်ရှိကြောင်း၊ တပ်ဆင်အသုံးပြုသူများမှာ မြို့ပေါ် ရပ်ကွက်ရှိ အိမ်ထောင်စု များ ဖြစ်ကြောင်းသိရသည်။“မင်္ဂလာနက်” Wifi အသုံးပြုမှုအနေဖြင့် တစ်လလျှင် ကုန်ကျစရိတ်မှာ 10 Mbps  (၂၇၀၀၀) ကျပ်၊ 20 Mbps (၃၆၀၀၀) ကျပ်၊30 Mbps  (၄၅၀၀၀) ကျပ်၊50 Mbps  (၆၅၀၀၀) ကျပ် အထိ အမျိုးအစားလိုက် တန်ဖိုးပေးချေရကြောင်း သိရသည်။ ဝန်ဆောင်မှုအနေဖြင့် အင်တာနက်လိုင်း ပြင်ဆင်ခြင်းများကို (၂၄) နာရီအတွင်း ဝန်ဆောင်မှုပေးလျက်ရှိပြီး တာဝါတိုင်မှ လိုင်းပြတ်တောက်မှုဖြစ်လျှင် ရက်အနည်းငယ် ကြန့်ကြာ ကြောင်း ရှင်းလင်းဆွေးနွေးခဲ့ပြီး မြို့နယ်တာဝန်ခံမှ စားသုံးသူများ စိတ်ကျေနပ်မှုရှိစေရေးအတွက် ဝန်ဆောင်မှုကဏ္ဍများအကြောင်း ထပ်မံ ရှင်းလင်းဆွေးနွေးခဲ့ကြောင်း ကွင်းဆင်းစစ်ဆေးခဲ့မှုအရ သတင်းရရှိပါသည်။

(Doca ဧရာဝတီ)

      ဒေးဒရဲမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဦးသိန်းမောင်နှင့် ဝန်ထမ်းတို့သည် (၁.၉.၂၀၂၅) နံနက် (၁၀:၀၀) နာရီအချိန်တွင် ဒေးဒရဲမြို့နယ်၊ အမှတ်(၃) ရပ်ကွက်၊ ကမ်းနားလမ်းရှိ “မိဘမေတ္တာ” ဆန်စက်သို့ MSMEs ဖွံ့ဖြိုးတိုးတက်ရေးကွင်းဆင်းစိစစ်ခြင်းကို ဆောင်ရွက်ခဲ့ကြပါသည်။

          မြို့နယ်တာဝန်ခံမှ MSMEs ဖွံ့ဖြိုးတိုးတက်ရေးအတွက် ခေတ်မီ စက်ကိရိယာများ တပ်ဆင်ထား ရှိမှု အခြေအနေ၊ ထုတ်လုပ်ရာတွင် ဆန်အရည်အသွေး ပြည့်မီမှုရှိ/မရှိ ၊ ထုပ်ပိုးမှုနည်း စနစ်များ၊ ထုတ်ကုန်အရည်အသွေး ပြည့်ဝမှုရှိစေရေးနှင့် စားသုံးသူများဘေးအန္တရာယ် ကင်းရှင်းစေရေးအတွက် အရည်အသွေးပြည့်မီသော ထုတ်ကုန်များ ထုတ်လုပ်နိုင်ရေးနှင့် စပ်လျဉ်း၍ MSMEs ဖွံ့ဖြိုးတိုးတက်ရေးအတွက် ကွင်းဆင်းစိစစ်ခဲ့ကြောင်း သတင်းရရှိပါသည်။

(Doca ဧရာဝတီ)

      ဧရာဝတီတိုင်းဒေသကြိီး၊ ဖျာပုံခရိုင် ၊ ဒေးဒရဲမြို့နယ် စားသုံးသူရေးရာဦးစီးဌာနမှ မြို့နယ် တာဝန်ခံနှင့် ဝန်ထမ်းတို့သည် မြို့နယ်အုပ်ချုပ်ရေးအဖွဲ့နှင့်အတူ (၁.၉.၂၀၂၅) နံနက် (၁၀:၀၀) နာရီအချိန်တွင် ဒေးဒရဲမြို့နယ်၊ အုန်းပင်ကျေးရွာနှင့် လမုဝကျေးရွာရှိ  ဆန်စက်များသို့ MSMEs ဖွံ့ဖြိုး တိုးတက်ရေးနှင့် Gasifire အသုံးပြုနေမှု အခြေအနေများအား ကွင်းဆင်းစစ်ဆေးခဲ့ကြပါသည်။

          အဆိုပါကွင်းဆင်းစစ်ဆေးရာတွင် MSMEs ဖွံ့ဖြိုးတိုးတက်ရေးအတွက် ဆန်ထုတ်လုပ်မှုနှင့် ပက်သက်၍ အရည်အသွေးပြည့်မီစေရေး၊ အချင်အတွယ်များ ပြည့်မီမှန်ကန်မှုရှိ/မရှိ ၊ ဆန်စပါး ဈေးနှုန်း ဈေးကွက်အခြေအနေ၊ ဈေးကွက်အတွင်းထုတ်လုပ်ရောင်းချတင်ပို့နိုင်မှု အခြေအနေတို့ကိုစစ်ဆေးခဲ့ သည်။ Gasifire အသုံးပြု၍ ဆန်စက်လည်ပတ်ရာတွင် သဘာဝပတ်ဝန်းကျင် ထိခိုက်မှုမရှိစေရေး၊ အထူးအလေးထားဆောင်ရွက်ရန် ၊ သတ်မှတ်ထားသည့် စည်းမျဉ်းစည်းကမ်းများနှင့် လည်ပတ် မောင်းနှင်ရန်၊ Gasifire စနစ်မှ ထွက်ရှိသည့် ရေဆိုးများကို ရေစစ်ကန်စနစ်ဖြင့် ဆောင်ရွက်ထားရှိမှု အခြေအနေ၊စပါးခွံ ဂိုဒေါင်များ စနစ်ကျစွာ ဆောက်လုပ်ထားမှုရှိ/မရှိ တို့ကို ဌာနဆိုင်ရာ အဖွဲ့များဖြင့် ကွင်းဆင်းစစ်ဆေးခဲ့ကြောင်း သတင်းရရှိပါသည်။

(Doca ဧရာဝတီ)