သတင်းနှင့် လှုပ်ရှားမှုများ

ဧရာဝတီတိုင်းဒေသကြီး ဝန်ကြီးချုပ်ဦးတင်မောင်ဝင်းသည် တာဝန်ရှိသူများနှင့်အတူ ဧရာ၀တီတိုင်းဒေသကြီးအတွင်း လယ်ယာထွက်ကုန်ပစ္စည်းများနှင့် ရေထွက်ကုန်ပစ္စည်းများ၊ ပို့ကုန်(၂)ဆ တိုးမြှင့်တင်ပို့နိုင်ရေး တာဝန်ရှိသူများနှင့် တွေ့ဆုံဆွေးနွေးခဲ့သည်။

ဦးစွာ တိုင်းဒေသကြီးဝန်ကြီးချုပ်နှင့်အဖွဲ့သည်  ညောင်တုန်းမြို့နယ်၊ ဗိုလ်မြတ်ထွန်း တံတား၊  ရွှေတောင်တန်းရိပ်သာတွင် ဧရာ၀တီတိုင်းဒေသကြီးအတွင်း လယ်ယာထွက်ကုန်ပစ္စည်း များနှင့် ရေထွက်ကုန်ပစ္စည်းများ၊ ပို့ကုန်(၂)ဆ တိုးမြှင့်တင်ပို့နိုင်ရေး တာဝန်ရှိသူများနှင့် တွေ့ဆုံ ဆွေးနွေးခဲ့ရာတွင်  တိုင်းဒေသကြီးဝန်ကြီးချုပ်က မိမိတို့တိုင်းဒေသကြီးသည်  ဆန်၊ စပါး ထွက်ကုန်များ၊ ပီလောပီနံ၊ ပဲ၊ ပြောင်း၊ ငရုတ်စသည့် သီးနှံများနှင့် ရေထွက်ကုန်ပစ္စည်းများ တင်ပို့လျက်ရှိပါကြောင်း၊ ထိုသို့တင်ပို့လျက်ရှိရာတွင် ပို့ကုန်များ ပိုမိုတိုတက်ထုတ်လုပ်နိုင်ရေးနှင့် ပို့ကုန်နှစ်ဆတင်ပို့နိုင်ရေး သက်ဆိုင်ရာကဏ္ဍအလိုက် ဆောင်ရွက်ထားရှိမှုအခြေအနေများ၊ ကုန်ကြမ်းများဝယ်ယူစုဆောင်းထားရှိမှု၊ အမှာစာရရှိမှုအခြေအနေများ တင်ပြဆွေးနွေးပေးစေ လိုကြောင်းနှင့် ယခုနှစ်တွင်ပို့ကုန်များ ပိုမိုတင်ပို့နိုင်မှုအခြေအနေများ စနစ်တကျမှတ်တမ်း ထားရှိရန်နှင့် ကိန်းဂဏန်းအချက်အလက်များ မှန်ကန်စေရေးဆောင်ရွက်ရန်မှာ ကြားခဲ့သည်။

ဆက်လက်၍  တိုင်းဒေသကြီးအစိုးရအဖွဲ့၊ စီးပွားရေးရာဝန်ကြီးနှင့် ကဏ္ဍစုံ တင်ပို့နေသည့် ကုမ္ပဏီများ၊ စီးပွားရေးလုပ်ငန်းရှင်များက ဆန်နှင့် ဆန်ကွဲ ပို့ကုန်တင်ပို့မှု၊ ပေါင်းဆန်ထုတ်လုပ်မှု၊  ပဲမျိုးစုံတင်ပို့ ရောင်းချမှု၊ အစေ့ထုတ်ပြောင်းတင်ပို့ ရောင်းချမှု၊ ရေထွက်ကုန်ပစ္စည်း တင်ပို့ ရောင်းချမှု၊ အခြေအနေများကို ရှင်းလင်းဆွေးနွေးတင်ပြခဲ့ပြီး တိုင်းဒေသကြီးဝန်ကြီးချုပ်က လိုအပ်သည်များဖြည့်စွက်ဆွေးနွေးခဲ့ပြီး ပေါင်းစပ်ညှိနှိုင်းဆောင်ရွက်ပေးခဲ့ကြောင်း သတင်း ရရှိပါသည်။

DOCA(ဧရာဝတီ)

ဧရာဝတီတိုင်းဒေသကြီးဝန်ကြီးချုပ် ဦးတင်မောင်ဝင်းသည် တာဝန်ရှိသူများနှင့်အတူ မအူပင်ခရိုင်၊ ပန်းတနော်မြို့နယ်၊ ဘုရားချောင်းကျေးရွာအုပ်စုရှိ Global Earth Agro & Aqua Industry Public Co., Ltd သို့သွားရောက်၍ ကုမ္ပဏီ၏ လုပ်ငန်း ဆောင်ရွက်နေမှု အခြေအနေများအား သွားရောက်ကြည့်ရှုအားပေးခဲ့သည်။

ဦးစွာ တိုင်းဒေသကြီးဝန်ကြီးချုပ်နှင့်အဖွဲ့အား ကုမ္ပဏီဥက္ကဋ္ဌနှင့်တာဝန်ရှိသူများက စပါးခွံ လောင်စာသုံး boiler နင့် turbine အသုံးပြုပြီး လျှပ်စစ်ဓါတ်အား ထုတ်လုပ်နိုင်ရေး လုပ်ငန်းခွင် အတွင်း စပါးခွံသိုလှောင်ရုံတည်ဆောက်ပြီးစီးနေမှုအခြေအနေများ၊ စပါးခွံနှင့် အခြားဇီဝ လောင်စာများ သယ်ယူရန် conveyor စနစ်၊ တနာရီ ၆၅ တန် ရေနွေးငွေ့ဘွိုင်လာ ၂ လုံး၊  flue gas တွင် ပါလာနိုင်သည့် အမှုန်များကို သိမ်းဆည်းပေးသည့် Electrostatic Precipitators (ESP)၊ Turbine အဆောက်အဦအတွင်း 30 MW လျှပ်စစ်ဓာတ်အားထုတ်လုပ်နိုင်မည့် 15 MW Steam turbines generators ၂ စုံနှင့် ဆက်စပ်စက်ပစ္စည်းများ၊ ပိုက်လိုင်းများတပ်ဆင်နေမှု၊ လျှပ်စစ် panel များတပ်ဆင်နေမှု လုပ်ငန်းများအားရှင်းလင်းတင်ပြခဲ့ပြီး စပါးခွံသယ်ယူရာတွင် ပိုမိုလျင်မြန်စေရန် လေစုပ်စက်စနစ်ဖြင့် အသုံးပြုရန် စက်ပစ္စည်းရောက်ရှိနေမှုများအား ကြည့်ရှု စစ်ဆေးခဲ့သည်။

ဆက်လက်၍  တိုင်းဒေသကြီးဝန်ကြီးချုပ်နှင့်အဖွဲ့သည် Gasifier control room တွင် gasifier နှင့် gas purification system တို့ကို computer control system ဖြင့် ထိန်းချုပ် လည်ပတ်သည့်စနစ်ကို စတင်စမ်းသပ်သုံးစွဲနေမှု၊ ဘေးထွက်ပစ္စည်းများအနက်မှ biochar များကို  အသုံးပြု၍ အကျိုးပြု ဇီဝပိုးမွှားများပါဝင်သည့် မြေဩဇာများထုတ်လုပ်နိုင်ရေးဆောင်ရွက်နေမှု၊ အခြားဘေးထွက်ပစ္စည်းများဖြစ်သည့် စပါးခွံပေါင်းခံရည်ကိုလည်း ဇီဝပိုးပြေးဆေး အနေဖြင့် အသုံးပြုနိုင်ရန်နှင့် bio tar များကို ဆောက်လုပ်ရေးလုပ်ငန်းသုံး သုတ်ဆေးတွင် အသုံးပြုနိုင်ရန်  စမ်းသပ်ဆောင်ရွက်မှုအခြေအနေများ၊ 12 MW လျှပ်စစ်ဓါတ်အားထုတ်နိုင်မည့် gasifier နှင့် gas engine သုံး  လျှပ်စစ်ဓါတ်အားပေးစက်ရုံတွင် လျှပ်စစ်ဓါတ်အား စမ်းသပ်ထုတ်လုပ်နေမှုနှင့် ရောက်ရှိထားသော gas engine ၂၁ လုံး၊ ဆက်စပ်စက်ပစ္စည်းများနှင့် ပိုက်လိုင်းများ တပ်ဆင်ရေး ဆောင်ရွက်နေမှုများ ရှင်းလင်းတင်ပြခဲ့ပြီး လုပ်ငန်းဆောင်ရွက်နေမှုများအားလှည့်လည်ကြည့်ရှု စစ်ဆေးခဲ့သည်။

ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် ငါးအသားလွာ ပြုပြင်ထုတ်လုပ်မှု နှင့် အအေးခန်းသိုလှောင်ရုံတို့တွင် အပူချိန်ထိမ်းနံရံများတပ်ဆင်ရေးဆောင်ရွက်နေမှုများ၊ zero degree အအေးခန်း တည်ဆောက်နေမှု ၊ အနှုတ် ၂၅ degree automated cold storage warehouse စနစ်တည်ဆောက်ပြီးစီးနေမှုများ၊ automated warehouse system ကို အသုံးပြု၍ အလိုအလျောက် ပစ္စည်းများကို သိုလှောင်ထားရှိနိုင်မှုနှင့် ထုတ်ယူနိုင်မှုစနစ်များအတွက်  စက်ပစ္စည်းများ တပ်ဆင်ထားမှုအခြေအနေများကိုကြည့်ရှုအားပေးခဲ့သည်။

ထို့နောက် သိပ္ပံနည်းကျ အဆင့်မြင့်နည်းပညာအသုံးပြု၍ လှောင်ကန်များဖြင့် အဆင့်ဆင့် မွေးမြူမည့် စနစ်ကိုကျင့်သုံးထားသည့် (၁)ကီလို အရွယ်အစားရှိအကောင်ရေ တစ်သန်း၊ (၁.၅) ကီလိုအရွယ် အစားရှိ အကောင်ရေ (၆)သိန်း မွေးမြူနိုင်သည့် ငါးမွေးကန် ၁၂ စုံ တည်ဆောက် နေမှု လုပ်ငန်းများသို့ သွားရောက် ကြည့်ရှုအားပေးခဲ့ပြီး လုပ်ငန်းဆောင်ရွက် နေမှုများအား ရှင်းလင်းပြသမှုအပေါ် တိုင်းဒေသကြီးဝန်ကြီးချုပ်က လုပ်ငန်းခွင်အန္တရာယ်ကင်းရှင်းစေရေးနှင့် စီမံကိန်းလုပ်ငန်းများ အောင်မြင်စွာဆောင်ရွက်နိုင်ရေးမှာကြားခဲ့ပြီး လိုအပ်သည်များ တင်ပြမှုများ အပေါ် သက်ဆိုင်ရာတာဝန်ရှိသူများနှင့် ပေါင်းစပ်ဆောင်ရွက်ပေးခဲ့ကြောင်း သတင်းရရှိပါသည်။

DOCA(ဧရာဝတီ)

    စားသုံးသူရေးရာဦးစီးဌာန၊ဟင်္သာတမြို့နယ်တာဝန်ခံသည်(၃.၂.၂၀၂၅)ရက်နေ့နေ့လည်(၁၄:၀၀) အချိန်တွင်  ဟင်္သာတခရိုင်စိုက်တိုးမြှင့်အဖွဲ့၊ မြို့နယ်စိုက်တိုးမြှင့် အဖွဲ့ဝင်များ၊ တလုတ္ထော်မြို့ အုပ်ချုပ် ရေးမှူး၊ တလုတ္ထော်တိုက်နယ်ရှိ ကျေးရွာအုပ်ချုပ်ရေးမှူးများနှင့်အတူ ဟင်္သာတမြို့နယ်၊ တလုတ္ထော်မြို့၌ စိုက်ပျိုးထားရှိသော ဆီထွက်သီးနှံ ဆောင်းနေကြာ စိုက်ခင်းသို့ ကွင်းဆင်း စစ်ဆေးခြင်းကို ဆောင် ရွက်ခဲ့ပါသည်။

          အဆိုပါ ဆောင်းနေကြာစိုက်ခင်းသည် ဟင်္သာတမြို့နယ် ၊ တလုတ္ထော်မြို့ ၊အမှတ်(၂) ရပ်ကွက်ရှိ တောင်သူ ဦးမောင်ရှင်၏  ဆောင်းသီးနှံနေကြာ စိုက်ခင်း(၄) ဧက၌ စိုက်ပျိုးထားသော Supersun 41 အမျိုးအစား စိုက်ခင်းတွင် ပျားပုံးထားရှိမှု၊  အောင်မြင်ဖြစ်ထွန်းမှု အခြေအနေများအား ကွင်းဆင်း စစ်ဆေးခဲ့ပြီး၊ အဆိုပါ ဆောင်းနေကြာသီးနှံကို ၂၀၂၅ ခုနှစ် မတ်လ နောက်ဆုံးပတ်တွင် စတင်ရိတ်သိမ်း ရမည်ဖြစ်ကြောင်း သိရှိရပါသည်။

DOCA(ဧရာဝတီ)

          စားသုံးသူရေးရာဦးစီးဌာန၊ ဇလွန်မြို့နယ်တာဝန်ခံသည် (၄.၂.၂၀၂၅)ရက်နေ့ နံနက် (၁၁:၀၀) အချိန်တွင် ဇလွန်မြို့၊ ဒူးယားလမ်း၊ လမ်းမတော်(မ)ရပ်ကွက်ရှိ မြို့နယ် ပဲ၊နှမ်းအသင်းကုန်စည်ဒိုင်၌ ပြည်သူ(၄၅)ဦးအား စားသုံးသူကာကွယ်ရေးအသိပညာပေးဟောပြောခြင်းများကိုဆောင်ရွက်ခဲ့ပါ သည်။

ဟောပြောပွဲတွင် မြို့နယ်တာဝန်ခံ ဦးသန့်ဇင်ဦးက စားသုံးသူကာကွယ်ရေးဥပဒေကို ၂၀၁၉ခုနှစ် မတ်လ(၁၅) ရက်နေ့တွင် အခန်း(၂၅)ခန်း၊ ပုဒ်မ(၈၄)ခုဖြင့် ပြဌာန်းခဲ့ကြောင်း၊ စားသုံးသူ ကာကွယ် ရေးဥပဒေပါ စားသုံးသူအခွင့်အရေးနှင့်တာဝန်များ၊ စားသုံးသူများသည် ကုန်စည်ကို ရွေးချယ်ဝယ်ယူ တတ်စေရန် ကုန်အညွှန်းအမှတ်အသားနှင့် စပ်လျဉ်း၍ ဖော်ပြပါရှိသည့် အချက်အလက်များကို သေချာ စွာစိစစ် ဝယ်ယူနိုင်ရန်၊ အစားအသောက်နှင့် ကုန်စည်တွေပေါ်မှာ ဖော်ပြရမည့် ကုန်အညွှန်း အမှတ် အသားများအကြောင်း၊ ဝယ်ယူအသုံးပြုခဲ့သော ကုန်စည်နှင့် ဝန်ဆောင်မှုများကြောင့် နစ်နာဆုံးရှုံးမှုများ ဖြစ်ပေါ်လာပါက ပြောဆိုတင်ပြတိုင်ကြားခွင့်နှင့် ပြန်လည်ကုစား နိုင်ခွင့်များအကြောင်း၊  ပြစ်မှုနှင့် ပြစ်ဒဏ်များအကြောင်း၊ စားသုံးသူသတင်းပြန်ကြားရေးနှင့်တိုင်ကြားမှု လက်ခံဆောင်ရွက်ရေး စင်တာ (Consumer Information and Complaint Center) CICC ဖွင့်လှစ်ထားရှိမှု အခြေအနေ ကိုလည်း ကောင်း၊ စားသုံးသူရေးရာဦးစီးဌာန၏ လုပ်ငန်း ဆောင်ရွက်ချက်များ အကြောင်း သိရှိလိုပါက www.doca.gov.mm Website တွင် ဝင်ရောက်လေ့လာနိုင်ကြောင်းနှင့် Consumer Call Center 1535 သို့ ဆက်သွယ်မေးမြန်းနိုင်ကြောင်းကိုလည်းကောင်း စသည်တို့ကို အသိပညာပေးဟောပြော ဆွေးနွေးခဲ့ ကြောင်း သိရှိရပါ သည်။

DOCA(ဧရာဝတီ)

          စားသုံးသူရေးရာဦးစီးဌာန၊ အင်္ဂပူမြို့နယ်တာဝန်ခံသည် (၄.၂.၂၀၂၅)ရက်နေ့ နေ့လည်(၁၄:၃၀) အချိန်တွင် အမှတ်(၁)ရပ်ကွက်၊ အခြေခံပညာအထက်တန်းကျောင်းရှိ ငုရွှေဝါခန်းမတွင် ၂၀၂၅ခုနှစ် စဉ်ဆက်ပညာရေးလုပ်ငန်း မြို့နယ်အဆင့်နည်းပြသင်တန်းတွင် ဆရာ/ဆရာမ(၈၈)ဦးအား စားသုံးသူ ကာကွယ်ရေးဥပဒေ၊ အွန်လိုင်းမှတစ်ဆင့်ဝယ်ယူခြင်းနှင်စပ်လျဉ်း၍ သိကောင်းစရာများအကြောင်း အသိပညာပေး ဟောပြောခြင်းကို ဆောင်ရွက်ခဲ့ပါသည်။

          အဆိုပါဟောပြောခြင်းတွင် မြို့နယ်တာဝန်ခံ ဦးဘိုဘိုက စားသုံးသူကာကွယ်ရေးဥပဒေကို ၂၀၁၉ခုနှစ် မတ်လ(၁၅) ရက်နေ့တွင် အခန်း(၂၅)ခန်း၊ ပုဒ်မ(၈၄)ခုဖြင့် ပြဌာန်းခဲ့ကြောင်း၊ စားသုံးသူ ကာကွယ် ရေးဥပဒေပါ စားသုံးသူအခွင့်အရေးနှင့်တာဝန်များ၊ စားသုံးသူ ကာကွယ် ရေးဥပဒေပါ စားသုံးသူအခွင့်အရေးနှင့်တာဝန်များ၊ စားသုံးသူများသည် ကုန်စည်ကို ရွေးချယ်ဝယ်ယူ တတ်စေရန် ကုန်အညွှန်းအမှတ်အသားနှင့် စပ်လျဉ်း၍ ဖော်ပြပါရှိသည့် အချက်အလက်များကို သေချာ စွာစိစစ် ဝယ်ယူနိုင်ရန်၊ အစားအသောက်နှင့် ကုန်စည်တွေပေါ်မှာ ဖော်ပြရမည့် ကုန်အညွှန်း အမှတ် အသားများ အကြောင်း၊ ဝယ်ယူအသုံးပြုခဲ့သော ကုန်စည်နှင့် ဝန်ဆောင်မှုများကြောင့် နစ်နာဆုံးရှုံးမှုများ ဖြစ်ပေါ်လာပါက ပြောဆိုတင်ပြတိုင်ကြားခွင့်နှင့် ပြန်လည်ကုစားနိုင်ခွင့်များအကြောင်း၊  ပြစ်မှုနှင့် ပြစ်ဒဏ်များအကြောင်း၊အွန်လိုင်းမှတစ်ဆင့်ဝယ်ယူခြင်းနှင့်စပ်လျဉ်း၍ သိကောင်းစရာများအကြောင်းမှ အွန်လိုင်းစနစ်ဖြင့်ရောင်းချခြင်းလုပ်ငန်းသည် ကုန်စည် သို့မဟုတ် ဝန်ဆောင်မှုကို ဖြစ်စေ အွန်လိုင်း စနစ်မှ တစ်ဆင့် ဝန်ဆောင်မှုရောင်းချသည့် လုပ်ငန်းဖြစ်ကြောင်း၊ အွန်လိုင်း မှတစ်ဆင့် ဝယ်ယူခြင်းတွင် အားသာချက်နှင့်အားနည်းချက်ဟူ၍ ယှဉ်တွဲဖော်ပြထားပြီး၊ ၎င်းတို့အား အကျယ်တဝင့် ရှင်းလင်း ဆွေးနွေးခဲ့ပါသည်။ စားသုံးသူရေးရာဦးစီးဌာနအနေဖြင့် စားသုံးသူ သတင်းပြန်ကြားရေးနှင့်တိုင်ကြားမှု လက်ခံဆောင်ရွက်ရေးစင်တာ (Consumer Information and Complaint Center) CICC ဖွင့်လှစ် ထားရှိမှု အခြေအနေကိုလည်းကောင်း၊ စားသုံးသူ ရေးရာဦးစီးဌာန၏ လုပ်ငန်းဆောင်ရွက်ချက်များ အကြောင်း သိရှိလိုပါက www.doca.gov.mm Website တွင် ဝင်ရောက်လေ့လာနိုင်ကြောင်းနှင့် Consumer Call Center 1535 သို့ ဆက်သွယ်မေးမြန်းနိုင်ကြောင်းကိုလည်းကောင်း စသည်တို့ကို အကျယ်တဝင့် ရှင်းလင်းဆွေးနွေးခဲ့ပြီး စားးသုံးသူကာကွယ်ရေးလက်ကမ်းစာစောင်များ ဖြန့်ဝေပေးခဲ့ ကြောင်း သိရှိရပါသည်။

DOCA(ဧရာဝတီ)