သတင်းနှင့် လှုပ်ရှားမှုများ

          ကျောက်ဆည်ခရိုင် စားသုံးသူရေးရာဦးစီးဌာနမှ စစ်ဆေးရေးအရာရှိများသည် ဩဂုတ်လ (၂၅) ရက်နေ့တွင် မြို့နယ်စည်ပင်သာယာရေးအဖွဲ့များနှင့် အတူပူးပေါင်း၍ မြစ်သားမြို့နယ်၊ ကူမဲမြို့၊ တောက်ပရစ်ဘုရားလမ်းရှိ သီဟရတနာ ဆန်လက်လီ၊လက်ကားရောင်းချနေသော ဆန်အရောင်း ဆိုင်သို့သွားရောက်၍ ဆန်ဖြန့်ဖြူးရောင်းချမှု အခြေအနေများကို ကွင်းဆင်းစစ်ဆေးခဲ့ပါသည်။ ထိုသို့ စစ်ဆေးရာတွင် မြစ်သားမြို့နယ်၊ ကူမဲမြို့၊ တောက်ပရစ်ဘုရားလမ်းရှိ သီဟရတနာ ဆန်အရောင်းဆိုင်အား စားသုံးသူရေးရာဦးစီးဌာနမှ ဆန်သတ်မှတ်ရည်ညွှန်းဈေးများအား လစဉ်ထုတ်ပြန်ပေးလျက်ရှိကြောင်း၊ ဩဂုတ်လအတွင်း သတ်မှတ်ထားသည့် ရည်ညွှန်းဈေးနှုန်းထက် ဈေးနှုန်းမြှင့်တင်ရောင်းချဖြန့်ဖြူးခြင်း၊ ဈေးကစားရန် ရည်ရွယ်ချက်ဖြင့် ဆန်များကို သိုလှောင်ခြင်းမပြုရန်နှင့် သက်ဆိုင်ရာဌာနတို့၏ လမ်းညွှန်ချက်များကို လိုက်နာဆောင်ရွက်ရန်လိုအပ်ကြောင်း၊ ဆန်တန်ချိန် (၂၅)တန် အထက် သိုလှောင်ပါက မြန်မာ့ဆန်စပါးအွန်လိုင်း (Myanmar Rice Online)တွင် မဖြစ်မနေ မှတ်ပုံတင်ရမည်ဖြစ်ကြောင်း ဆွေးနွေးပြောကြားခဲ့သည်ဟု သတင်းရရှိပါသည်။

DOCA(မန္တလေး)           

           ကျောက်ဆည်ခရိုင် စားသုံးသူရေးရာဦးစီးဌာနမှ စစ်ဆေးရေးအရာရှိများသည် သြဂုတ်လ (၂၅)ရက်နေ့တွင် မြို့နယ်စည်ပင်သာယာရေးအဖွဲ့နှင့် ပူးပေါင်း၍ စဉ့်ကိုင်မြို့ရှိ ဒေါ်လာ စားသုံးဆီအရောင်းဆိုင်သို့ သွားရောက်ပြီး စျေးကွက်စောင့်ကြည့်စစ်ဆေးခြင်း လုပ်ငန်းများဆောင် ရွက်ခဲ့ပါသည်။ ထိုသို့စစ်ဆေးရာတွင် ဆီဆိုင်များအနေဖြင့်စီးပွား‌ရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသည့် ညွှန်ကြားချက်အမှတ်(၁/၂၀၂၁)အား လိုက်နာရမည်ဖြစ်ကြောင်း၊ ပဲဆီ၊ နေကြာဆီ၊ နှမ်းဆီနှင့် ဟင်းသီးဟင်းရွက်ဆီများအား Packaging ဘူးများဖြင့် ရောင်းချရာတွင် ပင်ရင်းပါဝင်ပစ္စည်းကို အခြေခံသော ကုန်စည်၏ အမျိုးအမည်ကို တိကျစွာ မြန်မာဘာသာဖြင့် ဖော်ပြရမည်ဖြစ်ကြောင်း၊ ဥပမာအနေဖြင့် ဟင်းသီးဟင်းရွက်ဆီ(စားအုန်းဆီ)၊ ဟင်းသီးဟင်းရွက်ဆီ (အဆင့်မြင့်စားအုန်းဆီ)ဟု ဖော်ပြရမည်ဖြစ်ပြီး ကုန်စည်၏အသားတင်ပမာဏနှင့် အရွယ်အစားတို့ကို မြန်မာအလေးချိန် ယူနစ်ဖြစ်သော ပိဿာ၊ ကျပ်သားအား မြန်မာဘာသာဖြင့် ဖော်ပြရမည်ဖြစ်ကြောင်း၊ နိုင်ငံတော်မှ သတ်မှတ်ပေးသည့် ရည်ညွှန်းစျေးဖြင့် ရောင်းချသည့် ဆီဆိုင်များအနေဖြင့် ခွဲတမ်းရရှိသော စားအုန်းဆီများကို ရည်ညွှန်းစျေး၊ သယ်ယူပို့ဆောင်ခ ကုန်ကျစရိတ်များ ပေါင်းပြီး ၂ ရာခိုင်နှုန်းအထက် ပိုပြီးရောင်းချခြင်းမရှိရန်လိုအပ်ကြောင်း၊ ထိုသို့ရောင်းချရာတွင် ဆီအရည်အသွေး၊ အလေးချိန်ပြည့်ဝအောင်ရောင်းချရန် ပြောကြားခဲ့ကြောင်း သတင်းရရှိပါသည်။

DOCA(မန္တလေး)

         ကျောက်ဆည်ခရိုင်၊ ကျောက်ဆည်မြို့နယ် ပြည်သူ့ကျန်းမာရေးဦးစီးဌာနမှ ဦး‌ဆောင်၍ မြို့နည်စည်ပင်သာယာရေးအဖွဲ့နှင့် ခရိုင်စားသုံးသူရေးရာဦးစီးဌာနတို့ပါဝင်သောပူးပေါင်းအဖွဲ့များဖြင့် သြဂုတ်လ(၂၆)ရက်နေ့တွင် ကျောက်ဆည်မြို့၊မြို့မစျေးနှင့်အေးမြကြည်လင်စျေးအတွင်းရှိ ကုန်မျိုးစုံ‌ရောင်းချသောဆိုင်များအား ကွင်းဆင်းစစ်ဆေးခဲ့ပါသည်။ ထိုသို့စစ်ဆေးရာတွင် ကျန်းမာရေးဦးစီးဌာနမှ ကျန်းမာရေးမှူးက ဆားများတွင် အိုင်အိုဒင်းဆားပါဝင်မှုရှိ/ မရှိနှင့် ဆားကြမ်းများတွင် အိုင်အိုဒင်းဆားပါဝင်မှုမရှိပါက စားသုံးသူပြည်သူများတွင် လည်ပင်းကြီးရောဂါများဖြစ်ပွားနိုင်သည့် အတွက် အိုင်အိုဒင်းပါဝင်သော ဆားများကိုသာ ရောင်းချရန်လိုအပ်ကြောင်း၊ ဆားများသိုလှောင်ထားရှိရာတွင် အေး၍ခြောက်သွေ့သောနေရာတွင် ထားရန်၊ နေပူထဲတွင်မထားရှိရန်များအားပြောကြားခဲ့ကြောင်း သတင်းရရှိပါသည်။

DOCA(မန္တလေး)

       စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ သာယာဝတီခရိုင် ၊ လက်ပံတန်းမြို့နယ် မင်းရပ်ရက်ကွက်၊ သခင်ဖိုးလှကြီးလမ်းရှိ ဦးသိန်းဦးဇော် စံမဥ္ဇူရေသန့်လုပ်ငန်းရှင်နှင့် (၁၈.၈.၂၀၂၅) ရက်နေ့ ၊နံနက်  ( ၁၁:၀၀ ) နာရီအချိန်တွင်၊ လက်ပံတန်းမြို့နယ်တာဝန်ခံနှင့် ဝန်ထမ်းများမှတွေ့ဆုံ၍ စားသုံးသူ ကာကွယ်ရေး ဥပဒေအခန်း (၁၈)ပါ ကုန်စည်များပေါ်တွင် ကုန်အညွှန်းအမှတ်အသား ‌ဖော်ပြခြင်းနှင့် စပ်လျဉ်း၍ ကုန်စည် အမျိုးအစားအလိုက်  သတ်မှတ်ချက်များနှင့် အညီဖြန့်ဖြူး ရောင်းချရန်၊ ကုန်စည်၏အရည်အသွေး၊ထုတ်လုပ်ရက်စွဲ၊ သက်တမ်းကုန်ဆုံးရက်စွဲများ၊ ထားသိုသိမ်းဆည်းမှု အညွှန်း၊   သုံးစွဲပုံနည်းလမ်းများအားလည်းကောင်း  ဥပဒေအခန်း(၁၀)ပါ စီးပွားရေးလုပ်ငန်းရှင်၏တာဝန်များ၊  ဥပဒေအခန်း(၁၁)ပါကုန်စည်နှင့်စပ်လျဉ်း၍ စားသုံးသူလက်ခံနိုင်သည့်အရည်အသွေးရှိခြင်းကိုအအလေးထားဆောင်ဆောင်ရွက်ရန်အသိပညာပေးဆွေးနွေးဆောင်ရွက်ခဲ့ပြီးလက်ကမ်းစာစောင်ဖြန့်ဝေခဲ့ပါသည်။

DOCA(ပဲခူး)

         စားသုံးသူရေးရာဦးစီးဌာန၊ တောင်ငူခရိုင်ဦးစီးမှူး ဦးမျိုးအောင်သည် ဩဂုတ်လ ၁၆ ရက် နေ့ မွန်းလွဲပိုင်းက ခရိုင်ဦးစီးမှူးရုံး အစည်းအဝေးခန်းမ၌ ရေတာရှည်မြို့နယ်ရှိ စားသုံးဆီလက်လီ လက်ကားရောင်းချသူ (၅)ဦးအား တွေ့ဆုံပြီး ရည်ညွှန်းဈေးဖြင့် ဝယ်ယူခွင့်ရရှိသည့် စားအုန်းဆီ များအား စည်းမျဉ်းစည်းကမ်းများနှင့်အညီ စားသုံးသူပြည်သူအားလုံး လက်ဝယ်သို့ ရောက်ရှိရေး စနစ်တကျ ရောင်းချဖြန့်ဖြူးရန်၊ အမှတ်တံဆိပ်ပါ စားသုံးဆီများအား ရောင်းချရာတွင် ညွှန်ကြား ချက်များနှင့်အညီ ကုန်အညွှန်းအမှတ်အသားများ ပြည့်စုံစွာဖော်ပြသည့် ဆီများကိုသာ ရောင်းချရန် အသိပညာပေး ဆွေးနွေးခဲ့ပါသည်။

              စားသုံးသူရေးရာဦးစီးဌာန ခရိုင်ဦးစီးမှူးသည် စက်မှုကြီးကြပ်ရေးနှင့် စစ်ဆေးရေးဦးစီးဌာန ခရိုင်ဦးစီးမှူးနှင့်အတူ ဩဂုတ်လ ၁၈ ရက်နေ့ နံနက်ပိုင်းက ရေတာရှည်မြို့နယ်၊ မြို့လှမြို့ရှိ Light House Coffee လုပ်ငန်းရှင် ဦးဇေယျာမင်းအား တောင်ငူမြို့ရှိ ပဲခူးတိုင်းဒေသကြီးအစိုရအဖွဲ့ ဒေသထုတ်ကုန်ရောင်းစင်တာ(တောင်ငူ)၌ တွေ့ဆုံပြီး လုပ်ငန်းဆောင်ရွက်မှုနှင့် ဈေးကွက်အခြေ အနေတို့ကို ဆွေးနွေးပြီး စားသုံးသူနစ်နာဆုံးရှုံးမှုမဖြစ်စေရေး အလေးထား ဆောင်ရွက်ရန် ဆွေးနွေးခဲ့ကြောင်း သိရပါသည်။

DOCA(ပဲခူး)