သတင်းနှင့် လှုပ်ရှားမှုများ

          ၁၂.၂.၂၀၂၅ ရက်နေ့ မှ ၁၆.၂.၂၀၂၅ ရက်နေ့ထိ  ရန်ကုန်မြို့ ပြည်သူ့ရင်ပြင်တွင် ကျင်းပခဲ့သည့် ၇၈ ကြိမ်မြောက် ပြည်ထောင်စုနေ့ ရန်ကုန်တိုင်းဒေသကြီး ကဏ္ဍအလိုက် ဌာနဆိုင်ရာပြခန်းများတွင် စားသုံးသူရေးရာဦးစီးဌာန ရန်ကုန်တိုင်းဒေသကြီးဦးစီးမှူးရုံးက စားသုံးသူကာကွယ်ရေးဆိုင်ရာ အသိပညာပေးပြခန်း(၁)ခန်း ပါဝင် ပြသခဲ့ပါသည်။ ပြခန်းဖွင့်ပွဲ အခမ်းအနားကို ရန်ကုန်တိုင်းဒေသကြီး ဝန်ကြီးချုပ်ဦးစိုးသိန်းနှင့်တကွ တိုင်းဒေသကြီးအစိုးရ အဖွဲ့ဝင်ဝန်ကြီးများ၊ ဌာနဆိုင်ရာများမှတာဝန်ရှိသူများ၊ စားသုံးသူရေးရာဦးစီးဌာန ရန်ကုန်တိုင်း‌ ဒေသကြီးမှ ရန်ကုန်တိုင်းဒေသကြီးဦးစီးမှူး ဦးကျော်ကျော်လွင်နှင့် အရာထမ်းအမှုထမ်းများ တက်ရောက်ခဲ့ကြောင်း သိရပါသည်။ ပြခန်းတွင် ကုန်အညွှန်းအမှတ်အသားနှင့်ပြည့်စုံသော နမူနာကုန်ပစ္စည်းများ၊ စားသုံးသူအသိပညာပေးကာတွန်းများ၊ စားသုံးသူရေးရာဦးစီးဌာနက ထုတ်ပြန်ထားသည့် စာအုပ်စာတမ်းများနှင့် စားသုံးသူရေးရာဦးစီးဌာန ရန်ကုန်တိုင်းဒေသကြီး၏ လုပ်ဆောင်ချက် Video Clip ကို ပြသခဲ့ပြီး ပြခန်း တာဝန်ခံများက လာရောက်လေ့လာသည့် သူများအား စားသုံးသူ၏အခွင့်အရေး ၈ ချက်၊ စီးပွားရေးလုပ်ငန်းရှင်၏တာဝန်များ၊ နစ်နာဆုံးရှုံးမှု များဖြစ်ပေါ်ပါက တိုင်ကြားနိုင်သည့် နည်းလမ်းများ၊ စားသုံးသူအခွင့်အရေးနှင့်တာဝန်များနှင့် ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့် ဖော်ပြရမည့်အချက်များကို ရှင်းလင်း ပြောကြားခဲ့ပါသည်။ ထို့အပြင် ပြခန်းသို့လာရောက်ကြည့်ရှုသူများအား ကုန်အညွှန်းအမှတ်အသား နှင့် သက်ဆိုင်သည့်အကြောင်းအရာများ၊ စားသုံးသူတိုင်ကြားနိုင်သည့်နည်းလမ်းများနှင့် အွန်လိုင်း မှတစ်ဆင့် ဝယ်ယူသည့်အခါ သတိပြုသင့်သည့်အချက်များပါဝင်သည့် လက်ကမ်းစာဆောင် များလည်း ဖြန့်ဝေခဲ့ကြောင်း သိရှိရပါသည်။

DOCA(ရန်ကုန်)

            ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် မော်ကျွန်းမြို့နယ် တာဝန်ခံ ဦးမင်းဇော်လတ်နှင့်ဝန်ထမ်းများသည် (၁၃.၂.၂၀၂၅)ရက်နေ့ နေ့လည်(၁၁:၃၀)အချိန်တွင် (၁၂)ရပ်ကွတ်ရှိ ဦးကျော်မောင်ဂိုထောင်တွင်ရောင်းချနေသော စားအုန်းဆီများအား သတ်မှတ်ရည်ညွှန်းဈေးဖြင့် ရောင်းချပေး နေခြင်း ရှိ/မရှိ ကွင်းဆင်းစစ်ဆေးခဲ့ပါသည်။

            ထိုသို့ကွင်းဆင်းစစ်ဆေးဆောင်ရွက်ရာတွင် မော်ကျွန်းမြို့နယ်တာဝန်ခံမှ (၁၂)ရပ်ကွက်ရှိ လက်လီ/လက္ကားရောင်းချနေသော ဦးကျော်မောင်ဂိုထောင်တွင် သတ်မှတ်ရည်ညွှန်းဈေးဖြင့် ရောင်းချနေခြင်း ရှိ/မရှိ စစ်ဆေးပြီး ခွဲတမ်းရရှိသောစားအုန်းဆီရောင်းချနေမှုအပေါ် သတ်မှတ်ရည်ညွှန်းဈေးဖြင့်သာ ရောင်းချရန်၊ ဈေးနှုန်းမြှင့်တင်ရောင်းချခြင်းမရှိစေရန်၊ အလေးချိန်ပြည့်ဝမှန်ကန်စွာရောင်းချရန်၊ ထုတ်ပြန် ထားသည့်စည်းမျဉ်းစည်းကမ်းများနှင့်အညီ စနစ်တကျဖြန့်ဖြူးရောင်းချရန် ရှင်းလင်းပြောကြားခဲ့ပြီး စားအုန်းဆီ လက်လီ/လက္ကားရောင်းချနေမှုအခြေအနေနှင့် လက်ရှိဖြစ်ပေါ်နေသော စားအုန်းဆီဈေးနှုန်း ကြီးမြင့်နေမှုကိုမိမိတို့အနေဖြင့် စားသုံးသူပြည်သူများအား သက်သာသောဈေးနှုန်းဖြင့် ရောင်းချပေးရန်၊ ဈေးနှုန်းမြှင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ထားရှိခြင်းများတွေ့ရှိပါက အရေးကြီးကုန်စည်နှင့်ဝန်ဆောင်မှု ဥပဒေအရအရေးယူဆောင်ရွက်သွားမည်ဖြစ်ကြောင်း စားအုန်းဆီဆိုင် ပိုင်ရှင်ဦးကျော်မောင်အား ရှင်းလင်းဆွေးနွေးပြောကြားခဲ့ပါသည်။

DOCA(ဧရာဝတီ)

            စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ဧရာဝတီတိုင်း ဒေသကြီး၊ မြောင်းမြခရိုင်၊ မြောင်းမြမြို့နယ် စားသုံးသူရေးရာဦးစီးဌာန ခရိုင်ဦးစီးမှူးရုံး၌ (၁၄.၂.၂၀၂၅) ရက်နေ့ ညနေ(၃:၀၀)အချိန်တွင် ခရိုင်ဦးစီးမှူး ဦးဇော်လင်းအောင်နှင့် ဝန်ထမ်းများသည် ဖေဖော်ဝါရီလ အတွက် စက်မှုလုပ်ငန်းသုံးဆီခွဲတမ်းရရှိသော လုပ်ငန်းရှင်များအား ခေါ်ယူတွေ့ဆုံ၍ ဆီထုတ်ယူရရှိနိုင်ရေး နှင့် လိုက်နာရမည့်စည်းကမ်းချက်များအား ဟောပြောဆွေးနွေးခဲ့ပါသည်။

            ထိုသို့ဟောပြောဆွေးနွေးရာတွင် ခရိုင်ဦးစီးမှူးမှ တက်ရောက်လာသောလုပ်ငန်းရှင်များအား ဖေဖော်ဝါရီလအတွက်စက်မှုသုံးဆီ ခွဲတမ်းရရှိမှုအပေါ် ငွေပေးသွင်းရေး၊ ဆီထုတ်ယူရေး၊ ဆီထုတ်ကိုယ်စား လှယ်မှအမြန်ဆုံးဆောင်ရွက်ရန်နှင့် လုပ်ငန်းအတွက်ရရှိသော စက်မှုသုံးစားအုန်းဆီများအား မိမိလုပ်ငန်း၌ သာအသုံးပြုရန်နှင့်ပြင်ပသို့ ပြန်လည်ရောင်းချခြင်း မပြုလုပ်ရန်ဌာနမှ ကြပ်မတ်ဆောင်ရွက်သွားမည် ဖြစ်ကြောင်း အသိပေးညွှန်ကြားဆွေးနွေးခဲ့ပါသည်။ ခွဲတမ်းရရှိသောစားအုန်းဆီများအား စက်မှုလုပ်ငန်းသုံး လုပ်ငန်းရှင်များမှ မိမိတို့ရရှိလာသောဆီခွဲတမ်းများအတွက် ငွေကြေးမျာကိုအချိန်မီပေးသွင်းရန်၊ ဆီပေပါများ ကိုလည်းအချိန်နှင့်တပြေးညီပေးပို့နိုင်ပါရန်နှင့် လိုအပ်သည်များကိုလည်းဆက်လက်ဆွေးနွေးခဲ့ပါသည်။

DOCA(ဧရာဝတီ)

            ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် မော်ကျွန်းမြို့နယ် တာဝန်ခံ ဦးမင်းဇော်လတ်နှင့် ဝန်ထမ်းများသည် (၁၃.၂.၂၀၂၅)ရက်နေ့ နေ့လည်(၂:၀၀)အချိန်တွင် အ.ထ.က(၁)၌ ကျင်းပသော မြို့နယ်အဆင့် ဆင့်ပွားနည်းပြသင်တန်းတွင် ဆရာ/ဆရာမ များအား စားသုံးသူ အသိပညာပေး ဟောပြောဆောင်ရွက်ခဲ့ပါသည်။

ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ မော်ကျွန်းမြို့နယ် တာဝန်ခံမှ မိတ်ဆက်စကားပြောကြားပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေး ဥပဒေ (၂၀၁၉)ပါ ပြဌာန်းချက်များမှ စားသုံးသူ၏ အခွင့်အရေးနှင့် တာဝန်များ၊ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊ စားသုံးသူ ကာကွယ်ရေးဥပဒေ အခန်း(၁၈)ပါ ပုဒ်မ(၄၁) ပုဒ်မခွဲ(ခ)နှင့်(ဂ)တို့ပါ ကုန်စည်၏ အမျိုးအမည်၊ အရွယ်အစား၊ အရေအတွက်နှင့် အသားတင်အလေးချိန်၊ သုံးစွဲပုံနည်းလမ်းနှင့် ထုတ်လုပ်သည့်ရက်စွဲ၊ သက်တမ်းကုန်ဆုံးသည့်ရက်စွဲ၊ ထုတ်လုပ်မှုအမှတ်စဉ်တို့အား အသေးစိတ်ရှင်းလင်းဟောပြောခဲ့ပြီး၊ Online Sale ရောင်းချခြင်းနှင့် ပတ်သက်၍လည်း Online  မှဝယ်ယူရရှိသောကုန်ပစ္စည်းများနှင့်စပ်လျဉ်း၍ အသိပညာပေးခြင်း၊  Online Sale ရောင်းချသူများအားမှတ်ပုံတင်ဆောင်ရွက်နိုင်ရန် အသိပညာပေးဟောပြောဆောင်ရွက်ခဲ့ပါသည်။ ဟောပြောပွဲသို့ ဆရာ/ဆရာမ စုစုပေါင်း(၅၀)ဦး တက်ရောက်ခဲ့ကြောင်း သိရှိရပါသည်။

DOCA(ဧရာဝတီ)

            ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် အိမ်မဲမြို့နယ် တာဝန်ခံ ဒေါ်ဇင်မာသန်းနှင့် ဝန်ထမ်းများသည် (၁၄.၂.၂၀၂၅)ရက်နေ့ နေ့လည်(၃:၀၀)အချိန်တွင် အ.ထ.က(၂)  ဗိမာန်ခန်းမ၌ကျင်းပသော မြို့နယ်အဆင့် ဆင့်ပွားနည်းပြသင်တန်းတွင် ဆရာ/ဆရာမ များအား စားသုံးသူ အသိပညာပေး ဟောပြောဆောင်ရွက်ခဲ့ပါသည်။

ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ အိမ်မဲမြို့နယ် တာဝန်ခံမှ မိတ်ဆက်စကားပြောကြားပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေး ဥပဒေ (၂၀၁၉)ပါ ပြဌာန်းချက်များမှ စားသုံးသူ၏ အခွင့်အရေးနှင့် တာဝန်များ၊ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊ စားသုံးသူ ကာကွယ်ရေးဥပဒေ အခန်း(၁၈)ပါ ပုဒ်မ(၄၁) ပုဒ်မခွဲ(ခ)နှင့်(ဂ)တို့ပါ ကုန်စည်၏ အမျိုးအမည်၊ အရွယ်အစား၊ အရေအတွက်နှင့် အသားတင်အလေးချိန်၊ သုံးစွဲပုံနည်းလမ်းနှင့် ထုတ်လုပ်သည့်ရက်စွဲ၊ သက်တမ်းကုန်ဆုံးသည့်ရက်စွဲ၊ ထုတ်လုပ်မှုအမှတ်စဉ်တို့အား အသေးစိတ်ရှင်းလင်းဟောပြောခဲ့ပြီး၊ Online Sale ရောင်းချခြင်းနှင့် ပတ်သက်၍လည်း Online  မှဝယ်ယူရရှိသောကုန်ပစ္စည်းများနှင့်စပ်လျဉ်း၍ အသိပညာပေးခြင်း၊  Online Sale ရောင်းချသူများအားမှတ်ပုံတင်ဆောင်ရွက်နိုင်ရန် အသိပညာပေးဟောပြောဆောင်ရွက်ခဲ့ပါသည်။ ဟောပြောပွဲသို့ သင်တန်းသား ဆရာ/ဆရာမ စုစုပေါင်း(၉၀)ဦး တက်ရောက်ခဲ့ကြောင်း သိရှိရပါသည်။

DOCA(ဧရာဝတီ)