စားသုံးသူရေးရာဦးစီးဌာန၊ မအူပင်ခရိုင်၊ ဒုခရိုင်ဦးစီးမှူး ဦးအောင်ဇော်ဦးနှင့် ဝန်ထမ်းများ၊ မိတ်ဖက်ဌာနများဖြစ်သော ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ကျန်းမာရေးဦးစီးဌာန၊ အားကာ/ဦးစီးဌာနတို့နှင့် ပူးပေါင်း၍ (၈.၁၂.၂၀၂၅)နေ့တွင် (၁၁း၀၀) နာရီအချိန်တွင် မအူပင်မြို့ ၉ ရပ်ကွက်ရှိ အ.ထ.က(၄)ကျောင်းတွင် ကျောင်းသူး/ ကျောင်းသူ (၁၄၀)ဦးနှင့် ဆရာ/ ဆရာမ (၄)ဦးအား စားသုံးသူကာ ကွယ်ရေးအသိပညာပေးဟော ပြောခဲ့ပါသည်။
အဆိုပါဟောပြောပွဲတွင် စားသုံးသူရေးရာဦးစီးဌာန၊ မှ ဦးအောင်ဇော်ဦး ဦးစီးအရာရှိက စားသုံးသူကာကွယ်ရေးဥပဒေ(၂၀၁၉)ပါ ဥပဒေအကြောင်းများ၊ စားသုံးသူ၏အခွင့်အရေး(၈)ချက်နှင့် လိုက်နာရမည့် တာဝန်(၄)ချက်၊ စီးပွားရေးလုပ်ငန်းရှင်၏ တာဝန်များ၊ စားသုံးသူများကုန်စည်ကို ရွေးချယ် ဝယ်ယူတက်စေရန် ကုန်အညွှန်းအမှတ်အသားနှင့်စပ်လျဉ်း၍ ဖော်ပြပါရှိသည့် အချက်များကို သိရှိနိုင်ရန် အချက်များကိုရှင်းလင်းခြင်း၊ ကုန်စည်ဝယ်ယူရာတွင် သေချာကြည့်ရှုမှတ်သား၍ ဝယ်ယူနိုင်ရန် လည်းကောင်း၊ ကုန်စည်ဝန်ဆောင်မှုကို စားသုံးသူများမှရွေးချယ်ဝယ်ယူရာတွင် အာမခံချက်နှင့် စပ်လျဉ်း၍ စားသုံးသူက တောင်းဆိုနိုင်သည့်အခွင့်အရေး၊ စားသုံးသူအခွင့်အရေး နစ်နာဆုံးရှုံးမှုရှိလာပါက စားသုံးသူရေးရာဦးစီး ဌာန၏ Consumer Call Center ဝန်ဆောင်မှုကို ဆက်သွယ်၍ Consumer Call Center နံပါတ် ၁၅၃၅ သို့ ခေါ်ဆိုတိုင်ကြားမေးမြန်းနိုင်ကြောင်း ရှင်းလင်းဟောပြောဆွေးနွေးခဲ့ပါသည်။ ဟောပြောပွဲတက်ရောက်သူ ကျောင်းသား/ ကျောင်းသူများမှ သိရှိလိုသည့်များကို မေးမြန်းကြပြီး တာဝန်ရှိသူမှ ပြန်လည်ရှင်း လင်းခဲ့ပါသည်။
ဆက်လက်၍ စစ်ဆေးရေးအရာရှိက မုန့်မျိုးစုံနှင့်စားသောက်ကုန်ပစ္စည်းများ ကုန်အညွှန်းအမှတ်အသားများ ပြည့်စုံမှန်ကန်စွာဖော်ပြပါရှိမှုရှိ/မရှိ၊ သက်တမ်းလွန် မုန့်များရောင်းချမှုရှိ/မရှိ၊ ကျောင်းသား/ ကျောင်းသူများ၊ ဆရာ/ဆရာမများအတွက် ဘေးအန္တရာယ်ကင်းရှင်းပြီး လုံခြုံစိတ်ချရသည့် စားသောက်ပစ္စည်းများ မုန့်ဈေးတန်းမှ မုန့်များကို ကြည်ရှု့စစ်ဆေးကြပြီး ဒေသတွင်း အစားအသောက် ထုတ်လုပ်ဖြန့်ဖြူး ရောင်းချသူများရှိပါက အစားအသောက်များထုတ်လုပ်ရာတွင် ခွင့်ပြုချက်မရှိသော ဆိုးဆေးတွေကို လုံးဝအသုံးမပြုရန်နှင့် တားမြစ်လွန်ကဲသကြားဆေးများကို သုံးစွဲခြင်းမပြုရန် မုန့်ဈေးတန်းဆိုင်ရှင်များကို အသိပညာပေးပြောကြားခဲ့ပြီး ကျောင်းကျန်းမာရေးအဖွဲ့မှ ကြပ်မတ်ဆောင်ရွက်ရန်တို့ကို မှာကြားခဲ့ကြောင်း သိရှိပါသည်။
DOCA(ဧရာဝတီ)