သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး ကန့်ဘလူမြို့နယ်တာဝန်ခံရုံးသည် တိုင်းဒေသကြီးဦးစီးမှူး၏လမ်းညွှန်မှု၊ ခရိုင်ဦးစီးမှူး၏ကြီးကြပ်မှုတို့ဖြင့် စားသုံးသူကာကွယ်ရေး လုပ်ငန်းများကို ဆောင်ရွက်လျက်ရှိကြောင်း၊ တာဝန်ခံ ဦးမျိုးဝင်းသန်းသည် ၂၀၂၅ ခုနှစ်၊ မတ်လ ၁၀ ရက် မွန်းလွဲ(၁၄:၀၀)နာရီအချိန်တွင် ကန့်ဘလူခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန Community Centre ခန်းမတွင် ခရိုင်ပြန်/ဆက်ဦးစီးဌာနနှင့် စားသုံးသူရေး ရာဦးစီးဌာနတို့ပူးပေါင်း၍ ကမ္ဘာ့စားသုံးသူအခွင့်အရေးများနေ့ အထိမ်းအမှတ် အသိပညာပေး Talk Show ပြုလုပ်ခဲ့ကြောင်း သိရသည်။

ကန့်ဘလူမြို့နယ်တာဝန်ခံ ဦးမျိုးဝင်းသန်းက “ကမ္ဘာ့စားသုံးသူအခွင့်အရေးများနေ့” အခမ်း အနားကို နှစ်စဉ်မတ်လ(၁၅)ရက်နေ့ရောက်တိုင်း ကမ္ဘာ့နိုင်ငံအသီးသီးမှာကျင်းပကြသလို၊ မြန်မာ နိုင်ငံမှာလည်း ၂၀၁၆ ခုနှစ်မှစတင်၍ နှစ်စဉ်ကျင်းပလျက်ရှိကြောင်း၊ ယခုနှစ် ကမ္ဘာ့စားသုံးသူအခွင့် အရေးများနေ့ အထိမ်းအမှတ်ဆောင်ပုဒ်မှာ “လူနေမှုဘဝအစဉ်တည်တံ့ဖို့ မျှတအသွင်ကူးပြောင်းစို့” ဖြစ်ကြောင်း၊ ဆောင်ပုဒ်၏ရည်ရွယ်ချက်များအကြောင်း ၊ ကမ္ဘာ့စားသုံးသူအခွင့်အရေး များနေ့ကို ကျင်းပရတဲ့ရည်ရွယ်ချက်ကိုလည်းကောင်း၊ စားသုံးသူကာကွယ်ရေးဥပဒေပါ စားသုံးသူအခွင့်အရေး များတွင် ပါဝင်သည့် “ကောင်းမွန်သာယာသောလူနေမှုအဆင့်အတန်းနှင့် ပတ်ဝန်းကျင်တွင်နေထိုင် နိုင်ခွင့်” ဆိုသည့်အတိုင်း ရရှိခံစားနိုင်စေရန် ယနေ့မှစ၍ စားသုံးသူပြည်သူများ၊ စီးပွားရေးလုပ်ငန်း ရှင်များကလည်း  စားသုံးသူရေးရာဦးစီးဌာနနှင့်အတူ ပူးပေါင်းပါဝင် ဆောင်ရွက်ကြရန် လိုအပ် ကြောင်း အသိပညာပေး ဆွေးနွေးပြောကြားခဲ့ကြောင်း သိရသည်။

DOCA(စစ်ကိုင်း)

                   ကလေးမြို့၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနရုံးတွင် ဌာနဆိုင်ရာ ဝန်ထမ်းများအား ( ၁၁.၃.၂၀၂၅ )ရက်နေ့၊ နံနက်( ၁၁: ၃၀ )အချိန်၌ ကမ္ဘာ့စားသုံးသူအခွင့်အရေးများ နေ့အထိမ်းအမှတ်အဖြစ် စားသုံးသူရေးရာဦးစီးဌာန၊ ခရိုင်ဦးစီးမှူး ဒေါ်သန်းသန်းဝင်း ဦးဆောင်၍ ဝန်ထမ်းများနှင့်အတူ ဟောပြောပွဲကျင်းပပြုလုပ်ခဲ့ပါသည်။

          အဆိုပါဟောပြောပွဲတွင် ကမ္ဘာ့စားသုံးသူအခွင့်အရေးများနေ့ဖြစ်ပေါ်လာပုံ၊ နှစ်စဉ် မတ်လ (၁၅)ရက်နေ့တွင် မြန်မာနိုင်ငံအနှံ့အပြား၌ စားသုံးသူရေးရာဦးစီးဌာနမှ ဟောပြောပွဲများကျင်းပပြုလုပ် ၍ အခမ်းအနားပွဲများဖြင့် ကျယ်ကျယ်ပြန့်ပြန့် ကျင်းပပြုလုပ်လာကြကြောင်းနှင့် စားသုံးသူ ရေးရာဦးစီးဌာနမှ လုပ်ငန်းရှင်များအနေဖြင့် စားသုံးသူကိစ္စရပ်များနှင့် ပတ်သက်၍ မေးမြန်းလိုပါက Consumer Call Center ( 1535 )သို့လည်းဆက်သွယ်၍ မေးမြန်းနိုင်ပါကြောင်း၊ ကုန်ပစ္စည်းများ ဝယ်ယူအသုံးပြုမည်ဆိုပါက ကုန်အညွှန်းအမှတ်အသား ပြည့်စုံမှသာ စိတ်ချယုံကြည်စွာ စားသုံးနိုင် မည်ဖြစ်သည့်အတွက် မိမိတို့ဝယ်ယူမည့် ပစ္စည်းများကို သေချာစွာစိစစ်၍ ဝယ်ယူအသုံးပြုကြရန် လိုအပ်ပါကြောင်း၊ ကုန်ပစ္စည်းများကို ဈေးကွက်ကျယ်ပြန့်စေရန်အတွက် ကြော်ငြာခြင်း၊ လှည့်လယ် ရောင်းချခြင်းများတွင် ရောင်းသူ၏ တိုက်တွန်းနှိုးဆော်ချက်ဖြင့် ဝယ်ယူခြင်းမပြုဘဲ မိမိတို့စိတ်ကြိုက် ရွှေးချယ်၍ဝယ်ယူရန် လိုအပ်ပါကြောင်း၊ ပြည်ပနိုင်ငံများမှမြန်မာနိုင်ငံအတွင်းသို့ တင်သွင်းလာသော ကုန်ပစ္စည်းများကို မြန်မာဘာသာဖြင့်ဖော်ပြရန် ညွှန်ကြားချက်အမှတ်၊ ၂/၂၀၁၉ ခုနှစ်၊ ဒီဇင်ဘာလ ၃ ရက်နေ့တွင် ထုတ်ပြန်ကြေညာခဲ့ပြီး ကုန်စည်အုပ်စုအလိုက် ပါဝင်ရမည့်အချက်အလက်များကို အသေးစိတ်ဖော်ပြပါရှိရမည်ဖြစ်သည့်အတွက် ဝယ်ယူအသုံးပြုသူများအနေဖြင့် မိမိတို့ဝယ်ယူသည့် ကုန်ပစ္စည်းများကို သတိပြု၍ဝယ်ယူအသုံးပြုကြရန်နှင့် ဝန်ဆောင်မှုကိစ္စရပ်များနှင့်ပတ်သက်၍ လုပ်ငန်းရှင်များဘက်မှ အာမခံချက်ပေးထားသည့် ရက်အကန့်အသတ်အတွင်းသာ အကြုံးဝင်ပြီး သတ်မှတ်ရက်ကျော်လွန်ပါက အသုံးမဝင်တော့ပါကြောင်း၊ အသုံးပြုသူများအနေဖြင့်လည်း ကုန်ပစ္စည်း ၏ဗူးခွံပေါ်နှင့် အတွင်းဗူးတွင်ပါဝင်သည့် လမ်းညွှန်ချက်များအတိုင်း လိုက်နာ ဆောင်ရွက်ရမည်ဖ ြစ်ပါကြောင်း၊ စားသုံးသူရေးရာဦးစီး ဌာန၏လုပ်ငန်းဆောင်တာများနှင့် ပတ်သက်၍ မိမိသိလိုသည့် အကြောင်းအရာများအား တယ်လီဖုန်း ဖြင့်ဖြစ်စေ၊ လူကိုယ်တိုင် လာရောက်၍ဖြစ်စေ မေးမြန်းနိုင်ပါ ကြောင်းနှင့် လိုအပ်သည်များကိုလည်း ကူညီဆောင်ရွက်ပေး သွားမည်ဖြစ်ကြောင်း ပြောကြား၍ အသိပညာပေးဟောပြောခြင်းကို (၁၂:၀၀)နာရီ အချိန်တွင် အခမ်းအနားပြီးဆုံးကြောင်း သတင်းရရှိရပါ သည်။

DOCA(စစ်ကိုင်း)       

၂၀၂၅ ခုနှစ်၊ မတ်လ(၁၅)ရက်နေ့တွင် ကျရောက်သော  ကမ္ဘာ့စားသုံးသူအခွင့်အရေးများနေ့ကို ဂုဏ်ပြုကြိုဆိုသောအားဖြင့် ရွှေဘိုခရိုင်၊ စားသုံးသူရေးရာဦးစီးဌာနမှ (၁၁.၃.၂၀၂၅)ရက်နေ့တွင် နံနက်(၉:၀၀)နာရီအချိန်တွင် ရွှေဘိုမြို့ သူနာပြုသင်တန်းကျောင်း၌ ကမ္ဘာ့စားသုံးသူအခွင့်အရေးများနေ့ အခမ်းအနားကျင်းပခဲ့ပါသည်။

အခမ်းအနားကို အပိုင်း(၂)ပိုင်းဖြင့် ဆောင်ရွက်ခဲ့ပါသည်။ ပထမပိုင်းအခမ်းအနားကို အစီအစဉ်အစီအစဉ်(၇)ခုဖြင့် ကျင်းပခဲ့ပြီး ရွှေဘိုခရိုင်စီမံအုပ်ချုပ်ရေး အဖွဲ့ဥက္ကဌက အဖွင့်အမှာစကား ပြောကြားခြင်း၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးက ကမ္ဘာ့စားသုံးသူအခွင့်အရေးများနေ့ အကြောင်းနှင့် တစ်နှစ်တာလုပ်ငန်းဆောင်ရွက် ချက်များကိုရှင်းလင်းခြင်း၊ ကမ္ဘာ့စားသုံးသူအခွင့်အရေးများ နေ့Video Clipပြသခြင်း၊ မှတ်တမ်းတင်ဓါတ်ပုံရိုက်ကူးခြင်း၊ ဧည့်ခံကျွေးမွေးခြင်းတို့ဖြစ်ကြောင်း၊  ဒုတိယပိုင်းအခမ်းအနားကို အစီအစဉ်(၂)ခုဖြင့် ကျင်းပခဲ့ပြီး စားသုံးသူကာကွယ်ရေးဥပဒေအား ရှင်းလင်းဆွေးနွေးခြင်းနှင့် အခမ်းအနားပြီးမြောက်ကြောင်းကြေငြာခြင်းတို့ဖြစ်ကြောင်း၊ အခမ်းအနားသို့ ရွှေဘိုခရိုင်စီမံအုပ်ချုပ်ရေး အဖွဲ့ဥက္ကဌနှင့်အဖွဲ့ဝင်များ၊  ခရိုင်အဆင့်ဌာနဆိုင်ရာအကြီးအကဲများ၊ သူနာပြုသင်တန်းကျောင်းမှ သင်တန်းသား၊သင်တန်းသူများ စုစုပေါင်း(၁၆၇)ဦးတက်ရောက်ခဲ့ပြီး  အခမ်းအနားကို (၁၀:၃၀)နာရီအချိန်တွင် ပြီးမြောက်ခဲ့ကြောင်း သတင်းရရှိပါသည်။

DOCA(စစ်ကိုင်း)

          ၂၀၂၅ ခုနှစ်၊ မတ်လ (၁၀) ရက်နေ့၊ နေ့လည် (၁၃:၃၀) နာရီအချိန်တွင် ရှမ်းပြည်နယ်(အရှေ့ပိုင်း)၊ စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှ စစ်ဆေးရေးမှူး ဦးအောင်းလင်းဦး(ဦးစီးမှူး) ဦးဆောင်၍ စက်မှုကြီးကြပ်နှင့်စစ်ဆေးရေးဦးစီးဌာနတို့နှင့်ပူးပေါင်း၍ ကျိုင်းတုံမြို့၊ ရပ်ကွက်(၄)၊ ပေါက်ထိုက်ရပ်အတွင်းရှိ “ဝက်ဝံ” အမှတ်တံဆိပ် မုန့်တီခြောက်ထုတ်လုပ်သည့် လုပ်ငန်းအား ထုတ်ကုန်များလုံခြုံစိတ်ချရမှုရှိစေရန် ဈေးကွက်စောင့်ကြည့်စစ်ဆေးခြင်းနှင့် စီးပွားရေးလုပ်ငန်းရှင် တွေ့ဆုံဆွေးနွေးခြင်း ဆောင်ရွက်ခဲ့ပါသည်။

          ထိုသို့စစ်ဆေးရာတွင် “ဝက်ဝံ” အမှတ်တံဆိပ် မုန့်တီခြောက်လုပ်ငန်းသည် စားသုံးသူကာ ကွယ်ရေးဥပဒေအခန်း (၁၈)ပါ “ကုန်အညွှန်းအမှတ်အသားဖော်ပြခြင်း”နှင့် ပတ်သက်၍ ပြည့်စုံစွာ ဖော်ပြထားပြီး ထုတ်ကုန်များကိုလည်း သန့်ရှင်းသပ်ရပ်စွာ ထုတ်လုပ်ဖြန့်ချိသည်ကို စစ်ဆေးတွေ့ ရှိရပါသည်။ ထို့နောက် စစ်ဆေးရေးမှူးနှင့် တာဝန်ရှိသူများသည် “ဝက်ဝံ” အမှတ်တံဆိပ် မုန့်တီခြောက် ထုတ်လုပ်သည့် လုပ်ငန်းရှင်အား စားသုံးသူဘေးအန္တရာယ်ကင်းရှင်းစေရေး အလေးထားဆောင်ရွက် ရန်၊ ကုန်ကြမ်းများစနစ်တကျ သိုလှောင်ရန်နှင့် စားသုံးသူကာကွယ်ရေးဥပဒေအခန်း (၁၀)ပါ “စီးပွားရေးလုပ်ငန်းရှင်၏တာဝန်များ”ကို လိုက်နာဆောင်ရွက်ရန် ဆွေးနွေးခဲ့ကြပါသည်။

DOCA(ရှမ်း)

          ၂၀၂၅ ခုနှစ်၊ မတ်လ (၁၀)ရက်နေ့၊ နံနက် (၀၉:၃၀) နာရီအချိန်တွင် စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှ စစ်ဆေးရေးမှူး ဦးအောင်လင်းဦး (ဦးစီးမှူး) ဦးဆောင်၍ ခရိုင်အစား အသောက်နှင့်ဆေးဝါးကွပ်ကဲရေးဦးစီးဌာနတို့နှင့်ပူးပေါင်းကာ နောင်ကျောက်ရပ်၊ ရပ်ကွက် (၂) အတွင်းရှိ “စန်းရေ” အမှတ်တံဆိပ် သောက်ရေသန့်ထုတ်လုပ်ရေးစက်ရုံအား ထုတ်ကုန်များလုံခြုံ စိတ်ချရမှုရှိစေရေးနှင့် ကုန်အညွှန်းအမှတ်အသား ပြည့်စုံစွာ ဖော်ပြပါရှိရေးတို့နှင့် ပတ်သက်၍ ဈေးကွက်စောင့်ကြည့်စစ်ဆေးခဲ့ပြီး သောက်ရေသန့်ထုတ်လုပ်သည့် စီးပွားရေးလုပ်ငန်းရှင်နှင့်လည်း တွေ့ဆုံဆွေးနွေးခြင်းလုပ်ငန်း ဆောင်ရွက်ခဲ့ပါသည်။

          ထိုသို့ ဈေးကွက်စောင့်ကြည့်စစ်ဆေးခြင်းဆောင်ရွက်ရာတွင် “စန်းရေ” အမှတ်တံဆိပ် သောက်ရေသန့် ထုတ်လုပ်ရေးလုပ်ငန်းအနေဖြင့် သက်ဆိုင်ရာဌာန၏ ထောက်ခံချက်များနှင့် ကုန်အညွှန်းအမှတ်အသားများပြည့်စုံစွာ ဖော်ပြထားသည်ကို တွေ့ရှိရပါသည်။

          ဆက်လက်၍ စစ်ဆေးရေးမှူးနှင့် တာဝန်ရှိသူများသည် စားသုံးသူကာကွယ်ရေး ဥပဒေအခန်း (၁၀)ပါ “စီးပွားရေးလုပ်ငန်းရှင်၏တာဝန်များ”ကို သိရှိလိုက်နာဆောင်ရွက်စေရန် အသိပညာပေး ဆွေးနွေးခြင်းလုပ်ငန်း ဆောင်ရွက်ခဲ့ပါသည်။

DOCA(ရှမ်း)