သတင်းနှင့် လှုပ်ရှားမှုများ

      ဖျာပုံခရိုင်၊ ကျိုက်လတ်မြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဦးမိုးမင်းသန်းနှင့် ဝန်ထမ်းတို့သည် ၂၀၂၅ ခုနှစ်၊ ဩဂုတ်လ (၅) ရက်နေ့၊ နံနက် (၁၀:၀၀) နာရီအချိန်တွင် ဆန်စက်ပိုင်ရှင်များ အသင်းရုံး၌ ဆန်/စပါး သိုလှောင်ရုံပိုင်ရှင်များနှင့် တွေ့ဆုံဆွေးနွေးခဲ့ကြပါသည်။ သိုလှောင်ရုံများတွင် ဆန့်ဝင်အင်အားထက်ပိုသိုလှောင်ပါက အရေးယူမည်ဟူသော ကောလဟာလ ထွက်ပေါ်နေသည်မှာ မဟုတ်မှန်ကြောင်း၊ စပါးတင်း ၂၅၀၀ နှင့် အထက်၊ ဆန်အိတ် ၅၀၀ နှင့် အထက် ဆံ့ဝင်သည့် သိုလှောင်ရုံများသာ တရားဝင်မှတ်ပုံတင် ရမည်ဖြစ်ကြောင်း၊ မှတ်ပုံတင်ထားပြီးသော သိုရုံများတွင် တစ်လတစ်ခါ ရ/ထုတ်/လက်ကျန် စာရင်းများ တင်ပေးကြရန်နှင့် လိုင်စင်ရပြီး သိုလှောင်ရုံများ အနေဖြင့် သက်တမ်းတိုးစနစ်ဖြင့် ဆက်လက်မှတ်ပုံတင်ထားရှိနိုင်ကြောင်း တွေ့ဆုံ ဆွေးနွေးခဲ့မှု အပေါ် သတင်းရရှိပါသည်။

DOCA(ဧရာဝတီ)

       ဧရာဝတီတိုင်းဒေသကြီး၊ ဖျာပုံခရိုင် ၊ ဒေးဒရဲမြို့နယ် စားသုံးသူရေးရာဦးစီးဌာနမှ မြို့နယ် တာဝန်ခံနှင့် ဝန်ထမ်းတို့သည် ၂၀၂၅ ခုနှစ်၊ ဩဂုတ်လ (၅) ရက်နေ့၊ နံနက် (၁၀:၀၀) နာရီအချိန်တွင် စည်ပင်သာယာရေးအဖွဲ့နှင့် ပူးပေါင်း၍ မြို့မဈေးကြီးအတွင်းရှိ ဘူးဆီ အမျိုးမျိုးရောင်းချသည့် ဆိုင်များ အား ကွင်းဆင်းစစ်ဆေးခဲ့ကြပါသည်။

     မြို့နယ်တာဝန်ခံက ရောင်းချနေသော ဘူးဆီများအား စားသုံးသူကာကွယ်ရေး ဥပဒေ အခန်း(၁၈) ၊ ပုဒ်မခွဲ (၄၁) အရ  ကုန်အညွှန်းအမှတ်အသားနှင့် ပက်သက်၍ စစ်ဆေးခဲ့ပြီး ဈေးကွက် အတွင်းရောင်းချနေသော ဘူးသွင်းဆီများ ဖြစ်သော အမေထွားမြေပဲဆီ၊ ဘဲလေးမြေပဲဆီ၊ Lotus ဟင်းသီးဟင်းရွက်ဆီ၊ ရွှေအုံ မြေပဲဆီဘူးများတွင် FDA ထောက်ခံချက်အမှတ်နှင့် ကုန်အညွှန်း အမှတ်အသား ဖော်ပြချက်များကို ညွှန်ကြားချက်နှင့်အညီ ဖော်ပြထားရှိကြောင်း ကွင်းဆင်းစစ်ဆေးခဲ့ကြောင်း သတင်းရရှိပါသည်။

DOCA(ဧရာဝတီ)

      ၂၀၂၅ ခုနှစ်၊ ဇူလိုင်လ ၂၅ ရက်နေ့၊ (၁၅:၀၀)နာရီချိန် မြင်းခြံခရိုင် စားသုံးသူရေး ရာဦးစီးဌာန၌ မြို့နယ်အတွင်းရှိ MSMEလုပ်ငန်းများ ဖွံ့ဖြိုးတိုးတက်ရေးအတွက် စားသုံးသူ ရေးရာဦးစီးဌာန၊ မြင်းခြံခရိုင်ဦးစီးမှူး ဦးသန်းစိုးနှင့် မြင်းခြံမြို့နယ်အတွင်းရှိ MSMEလုပ်ငန်းရှင်များ တွေ့ဆုံဆွေးနွေးပွဲ အခမ်းအနား ကျင်းပခဲ့ပါသည်။

               ခရိုင်ဦးစီးမှူး ဦးသန်းစိုးက ဆွေးနွေးပြောကြားရာတွင် MSMEလုပ်ငန်းများတွင် အသုံးပြုရန် အတွက် စက်မှုလုပ်ငန်းသုံးစားအုန်းဆီများကို နိုင်ငံတော်မှရောင်းချထုတ်ပေးခဲ့ ပါကြောင်း၊ ယခုလည်း ဆက်လက်ထုတ်ပေးသွားမည်ဖြစ်ပြီး MSMEလုပ်ငန်းများတွင် အသုံးပြု ရမည့် စားအုန်းဆီ များအား လုပ်ငန်းရှင်များ လျှောက်ထားခဲ့သည့် စက်မှုလုပ်ငန်းများတွင် အမှန်တကယ်အသုံး ပြုရမည်ဖြစ်ပါကြောင်း၊ စားအုန်းဆီသည် အရေးကြီးကုန်စည် အမျိုးအစား တွင်ပါဝင်သဖြင့် သတ်မှတ်လုပ်ငန်းမှလွဲ၍ အခြားနည်းဖြင့် ပြန်လည်သယ်ယူ၊ ရောင်းချ၊ သုံးစွဲခွင့်မရှိပါကြောင်း၊လုပ်ငန်းရှင်များ၏လစဉ် စားအုန်းဆီလိုအပ်ချက်များကို ကွင်းဆင်းစိစစ်၍ လုပ်ငန်းပမာဏအလိုက် ခွင့်ပြုပေး လျက်ရှိပါကြောင်း၊ စားသုံးသူရေးရာဦးစီးဌာနအနေဖြင့် MSME လုပ်ငန်းများဖွံ့ဖြိုးတိုးတက်စေရေး၊ ကုန်စည်နှင့် ဝန်ဆောင်မှုများနှင့်ပတ်သက်၍ စားသုံးသူများ ထိခိုက်နစ်နာမှုမဖြစ်ပေါ်စေရေး ကာကွယ်ပေးခြင်း၊ ကုန်စည်များတွင် စားသုံးသူကာကွယ်ရေး ဥပဒေပါ ကုန်အညွှန်းအမှတ် အသားများ ပြည့်စုံမှန်ကန်စွာဖော်ပြစေရေးတို့ကို အသိပညာပေး ဆွေးနွေးပြောကြားခဲ့ကြောင်း သိရသည်။

DOCA (မန္တလေး)

    ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ် စားသုံးသူရေးရာဦးစီးဌာန မြို့နယ်ဦးစီးမှူးရုံးမှ ဒေါ်ချိုမီဇင် ဒုဦးစီးမှူးနှင့် ဝန်ထမ်းများသည် ၂၉.၇.၂၀၂၅  နံနက်ပိုင်းတွင် ညောင်တုန်း မြို့ပေါ်ရှိ  အလှကုန်ပစ္စည်းများ ရောင်းချနေ​သော ကုန်စုံဆိုင်များသို့သွားရောက်၍ ကုန်စည်များပေါ်တွင် စားသုံးသူ ကာကွယ်ရေး ဥပဒေအခန်း ၁၈ ပါ ပြဌာန်းချက်များအရ ကုန်အညွှန်းအမှတ်အသားများ ပြည့်စုံစွာဖော်ပြခြင်း ရှိ/မရှိ ကွင်းဆင်းစစ်ဆေးခဲ့​ကြောင်း သိရသည်။

     ထိုသို့စစ်ဆေးရာတွင်  စားသုံးသူရေးရာဦးစီးဌာနမှ ဒေါ်ချိုမီဇင် ဒုဦးစီးမှူးသည် ညောင်တုန်း မြို့ပေါ်ရှိ ကျော်ကျော်စတိုးဆိုင်၊ သီဟစတိုးဆိုင်၊ မြတ်မွန်စတိုးဆိုင်၊ မအေးသော်အလှကုန်ဆိုင် (၄)ဆိုင်မှ ရောင်းချနေသော စျေးကွက်အတွင်း ထုတ်လုပ်တင်သွင်း ရောင်းချလျက်ရှိ​သော အလှကုန်ပစ္စည်း အမျိုးမျိုးပေါ်တွင် စီးပွားရေးလုပ်ငန်းရှင်များသည် စားသုံးသူကာကွယ်ရေး ဥပ​ဒေ ပုဒ်မ (၄၃)အရ ကုန်အညွှန်းအမှတ်အသားများ ဖော်ပြရာတွင် မြန်မာဘာသာဖြင့်ဖြစ်​စေ၊ မြန်မာဘာသာနှင့် အခြားဘာသာ တစ်ခု(သို့) တစ်ခုထက်ပို၍ဖြစ်​စေ တွဲလျက် ဖော်ပြရမည်ဖြစ်​ကြောင်း စီးပွားရေးလုပ်ငန်းရှင်များအ​နေဖြင့်  လိုက်နာ​ဆောင်ရွက်ခြင်း ရှိ/ မရှိ စျေးကွက်​စောင့်ကြည့်စစ်​ဆေးခြင်း​ဖြစ်ကြောင်း သိရသည်။

DOCA (ဧရာဝတီ)

    ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်တွင် ကုန်စျေးနှုန်း တည်ငြိမ်ကျဆင်းရေးအတွက် စားသုံးဆီဆိုင်များ၊ ဆန်ဆိုင်များအား သတ်မှတ်ရည် ညွှန်းစျေးများအတိုင်း ရောင်းချခြင်းရှိ/မရှိနှင့် ကုန်ညွှန်းအမှတ်အသားများပါရှိရေး ကွင်းဆင်းစစ် ဆေးခြင်းကို  မြို့သစ်မြို့၊ မြို့မစျေးနှင့် ရပ်ကွက်များရှိ ကုန်စုံဆိုင်များနှင့် ဆန်ဆိုင်များသို့ (၂၈.၇.၂၀၂၅) ရက်နေ့ နံနက် (၀၉:၃၀) အချိန်က ကွင်းဆင်းစစ်ဆေးခဲ့သည်။

   ထိုသို့ စစ်ဆေးရာ၌ မြို့နယ်အထွေထွေအုပ်ချုပ်ရေးဦးစီးဌာနမှတာဝန်ရှိသူများ၊ မြို့နယ်စည်ပင်သာယာရေးအဖွဲ့မှ တာဝန်ရှိသူများ၊ စားသုံးသူရေးရာဦးစီးဌာနမှ ဒေါ်ချိုမီဇင် ဒုဦးစီးမှူး နှင့် ဝန်ထမ်းများ ပူးပေါင်းကာ မြို့မစျေးအတွင်းရှိ ဆန်ဆိုင်များ၊ စားသုံးဆီအရောင်းဆိုင်များသို့ဝင်ရောက်၍ စားသုံးဆီနှင့်ဆန်များ အားရောင်းချပေးရာ၌ ကုန်းညွန်းအမှတ် အသားများကပ်ထားခြင်းရှိ/မရှိ၊ ဆန်များအား သတ်မှတ်ထားသည့် စျေးနှုန်းထက်ကျော် လွန်ရောင်းချခြင်းမပြုလုပ်ရန် ၂၀၂၅ခုနှစ် ဇူလိုင်လ ရည်ညွှန်းဈေးအပေါ် သင့်တင်မျှတစွာ တွက်ချက်ရောင်းချနေမှုများကု ကွင်းဆင်းစစ်ဆေးခြင်း ၊ ဆန်သိုလှောင်ရုံများ မှတ်ပုံတင်သက်တမ်းပြည့်မြောက်ပါက ထပ်မံသက်တမ်းတိုးဆောင်ရွက်ရန်ကို ဆိုင်ရှင်များအား မှာကြားခဲ့ပြီး ညောင်တုန်းမြို့နယ်မှ ဆန်/စပါး သိုလှောင်ရုံ ၇၅လုံး သက်တမ်းတိုးဆောင်ရွက်ပီဲးစီးပြီဖြစ်ကြောင်းကို ဆိုင်ပိုင်ရှင်နှင့် ဆန်ကုန်သည်များအား ပညာပေးပြောကြားခဲ့ကြောင်း သိရသည်။

DOCA (ဧရာဝတီ)