သတင်းနှင့် လှုပ်ရှားမှုများ

   စားသုံးသူရေးရာဦးစီးဌာနသည် စားသုံးသူပြည်သူများ ကုန်စည်နှင့်ဝန်ဆောင်မှုများသုံးစွဲရာတွင် ထိခိုက်နစ်နာမှုမရှိစေရေး၊ လုံခြုံစိတ်ချရမှုရှိစေရေး၊ လုပ်ငန်းရှင်များအနေဖြင့် ဥပဒေပြဌာန်းချက်များနှင့် အညီထုတ်လုပ်ရောင်းချမှု ရှိစေရေး၊ လုံခြုံစိတ်ချရမှုမရှိသော ကုန်စည်များ လျော့နည်းပပျောက်သွား စေရေးတို့အတွက် နေရာစုံ၌ ဈေးကွက်စောင့်ကြည့်စစ်ဆေးခြင်းများကို အစဉ်တစိုက်ဆောင်ရွက်လျက် ရှိပါသည်။

          ထိုသို့ဆောင်ရွက်ရာတွင် မြင်းခြံခရိုင်စားသုံးသူရေးရာဦးစီးဌာနမှ ဦးတင်ဇော်ထွေး (ဒု-ခရိုင် ဦးစီးမှူး) ဦးဆောင်၍ စစ်ဆေးရေးမှူးများသည် (၁၀.၁.၂၀၂၆)ရက်နေ့၊ နေ့လည်(၁၃:၃၀) နာရီ အချိန် တွင် မြင်းခြံမြို့ရှိ အမှတ်(၇)ရပ်ကွက်ရှိ နှင်းပန်းဖြူ ကုန်စုံဆိုင်တွင် ရောင်းချနေသော သွားတိုက်ဆေး အမှတ်တံဆိပ်အမျိုးမျိုးအား ဈေးကွက်စောင့်ကြည့်စစ်ဆေးခြင်းကို ဆောင်ရွက်ခဲ့ပါသည်။ အဆိုပါ သွားတိုက်ဆေးအမျိုးမျိုးတွင် ကုန်အညွှန်းအမှတ်အသားများ ပြည့်စုံစွာဖော်ပြထားခြင်းရှိ/မရှိ၊ သက်ဆိုင် ရာဌာနထောက်ခံချက်များပါဝင်မှုရှိ/မရှိတို့ကိုစစ်ဆေးခဲ့ကြရာ သတ်မှတ်ချက်များနှင့် ကိုက်ညီမှုရှိသော ကုန်စည်များကိုသာ ရောင်းချမှုရှိကြောင်းတွေ့ရှိရပြီး စားသုံးသူရေးရာဦးစီးဌာနအနေဖြင့် စားသုံးသူ ပြည်သူများ ကုန်ပစ္စည်းများကို ဝယ်ယူသုံးစွဲရာတွင် လုံခြုံစိတ်ချရမှုရှိပြီး၊ ဘေးအန္တရာယ်ကင်းရှင်း စေရန်နှင့် ဖြစ်သင့်ဖြစ်ထိုက်သောဈေးနှုန်းများနှင့်သာ ဝယ်ယူသုံးစွဲနိုင်ရေး၊ ထိခိုက်နစ်နာဆုံးရှုံးမှုများ မဖြစ်ပေါ်စေရေးတို့အတွက် စဉ်ဆက်မပြတ်ဈေးကွက်စောင့်ကြည့်စစ်ဆေးမှုများ ဆောင်ရွက်သွား မည်ဖြစ်ကြောင်းသိရသည်။

DOCA(မန္တလေး)

    စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံးမှ ဒေါ်ဇင်မာဦး (ဦးစီးအရာရှိ) သည်  (၇.၁.၂၀၂၆)ရက်နေ့တွင် အစားအသောက်နှင့် ဆေးဝါးကွပ်ကဲရေးဦးစီးဌာန ၊ မန္တလေးတိုင်း ဒေသကြီးဦးစီးမှူးရုံးမှ ဦးဆောင်၍  အောင်မြေသာစံမြို့နယ် အစားသောက် နှင့်ဆေးဝါးကြီးကြပ် ကွပ်ကဲရေး ကော်မတီဝင်များဖြစ်သော အထွေထွေအုပ်ချုပ်ရေးဦးစီးဌာန၊ မြန်မာနိုင်ငံရဲတပ်ဖွဲ့၊ စားသုံးသူရေးရာဦးစီးဌာန၊ ပြည်သူ့ကျန်းမာရေးဦးစီးဌာနတို့ပါဝင်သောအဖွဲ့သည် မြို့နယ်အတွင်း ရှိ လင်းရောင်ဦး(အထွေထွေရောဂါကုဆေးရုံ)မှ အထူးထိန်းချုပ်ဆေးဝါးများ လက်လီရောင်းချခွင့် လိုင်စင်(အသစ်)လျှောက်ထားခြင်းနှင့် ဆေးဆိုင်တွင် ဆေးဝါးထားသိုမှု၊ ဖြန့်ဖြူးရောင်းချမှုနည်း စနစ်များ သတ်မှတ်ချက်နှင့်ကိုက်ညီမှုရှိ/မရှိနှင့် ပတ်သက်၍ ကွင်းဆင်းစစ်ဆေးမှုအားပူးပေါင်း ပါဝင်ဆောင်ရွက်ခဲ့ပါကြောင်းနှင့် စားသုံးသူကာကွယ်ရေးဆိုင်ရာ အသိပညာပေးဆွေးနွေးခဲ့ကြောင်း သိရှိရပါသည်။      

DOCA(မန္တလေး)    

      ဇန်နဝါရီလ (၉)ရက်နေ့ စစ်ကိုင်းတိုင်းဒေသကြီး၊ တိုင်းဒေသကြီးအစိုးရအဖွဲ့ရုံး၊ ဝန်ကြီး ချုပ် ဦးဆောင်၍ အစည်းအဝေးခန်းမ(၁)တွင် ဌာနဆိုင်ရာတိုင်းဒေသကြီးဦးစီးမှူးများနှင့် လုပ်ငန်းညှိ့နှိုင်းအစည်းအဝေးကျင်းပပြုလုပ်ရာ တိုင်းဒေသကြီးဦးစီးမှူးမှ တက်ရောက်ခဲ့ပြီး ဝန်ကြီးချုပ်၏ လမ်းညွှန်ချက်များအား သိရှိလိုက်နာဆောင်ရွက်ပေးကြပါရန် ထပ်ဆင့်လမ်းညွှန်မှာကြားခဲ့ကြောင်း သိရသည်။

          တိုင်းဦးစီးမှူးက အရာထမ်းများအနေဖြင့် ပြည်သူများနှင့်  ဆက်ဆံဆောင်ရွက်ကြရာတွင် ပြေပြစ်စွာဆက်ဆံရေး၊ လုပ်ငန်းသဘောအရ ထောက်ခံချက်များလာယူပါက အစဉ်ပြေအောင် ဆောင်ရွက်ပေးနိုင်ရေး၊ စားအုန်းဆီနှင့် ပါတ်သက်၍ ဖြန့်ဖြူးရောင်းချရာတွင် ဆီကားများအား ပြည်သူအထိအမှန်အကန်ရောင်းချနိုင်ရေး၊ တာဝန်ကျဝန်ထမ်းများက ကြပ်မတ်ကြီးကြပ်ဆောင်ရွက်ရေး၊ လုံခြုံရေးကိုအသိ၊ သတိရှိရှိနေထိုင်ကြရေး၊  ပြည်ထောင်စုနေ့ပိတ်ရက်တွင် အသွားအလာများ အထူးသတိထား၍ သတင်းပို့စနစ်များနှင့် အသိပေးနေထိုင်သွားကြရေး၊ ရုံးတွင်းရုံးပြင်သန့်ရေး ၊မီးဘေးလုံခြုံရေး၊ လုပ်ငန်းဆောင်ရွက်မှုများသည် စေတနာမေတ္တာထား အောင်မြင်စွာလုပ်ကိုင်နိုင်ကြရန်နှင့် စစ်ဆေးရေးဂိတ်များတွင် တာဝန်ချထားသော ဝန်ထမ်းများအနေဖြင့်ငွေ တောင်ခံခြင်းမပြုလုပ်ရန် ဝန်ကြီးချုပ်မှလည်းအထူး သတိပေးဆောင်ရွက်နိုင်ရေးများကိုမှာကြား၍ မိသားစုစည်းလုံးမှု အသွင်ဖြင့်ပူးပေါင်း ဆောင်ရွက်ကြ ပါရန်လမ်းညွှန်မှုပြုခဲ့ပါကြောင်း သတင်းရရှိပါသည်။

DOCA(စစ်ကိုင်း)

  မန္တလေးတိုင်းဒေသကြီး၊ ညောင်ဦးမြို့၊ အခြေခံပညာအထက်တန်းကျောင်း၌(၃.၁.၂၀၂၆) ရက်နေ့၊ နံနက် ၀၉:၃၀ နာရီအချိန်တွင် ကျင်းပပြုလုပ်သော ပညာရေးစုံညီပွဲတော်သို့ တက်ရောက် လာသော ဌာနဆိုင်ရာဝန်ထမ်းများ၊ ဆရာ/ဆရာမများ၊ ကျောင်းသား/ကျောင်းသူများ၊ ကျောင်းသား မိဘများအား ကုန်စည်နှင့်ဝန်ဆောင်မှုများ ဝယ်ယူသုံးစွဲရာတွင် ကုန်အညွှန်းအမှတ်သားများ ပြည့်စုံစွာဖော်ပြပါရှိသော ကုန်ပစ္စည်းများကိုသာဝယ်ယူသုံးစွဲကြရန်နှင့်ရွေးချယ်မှုများ ပြုလုပ်တတ်စေ ရန်၊ နစ်နာဆုံးရှုံးမှုများအား အရေးဆိုတိုင်ကြားနိုင်ရန် ခရိုင်စားသုံးသူရေးရာဦးစီးဌာန၊ ခရိုင်တာဝန်ခံ မှ စားသုံးသူကာကွယ်ရေးအကြောင်း သိကောင်းစရာများအား အသိပညာပေးဟောပြောဆွေးနွေးခဲ့ ပါသည်။ အဆိုပါ ဟောပြောဆွေးနွေးပွဲတွင် စားသုံးသူရေးရာဦးစီးဌာန ခရိုင်တာဝန်ခံ ဦးတင်မျိုးခိုင် (ဦးစီးအရာရှိ)က စားသုံးသူကာကွယ်ရေးဥပဒေပါ စားသုံးသူ၏အခွင့်အရေးနှင့်တာဝန်များအကြောင်း စားသုံးသူ၏အဓိပ္ပာယ်နှင့် ကုန်အညွှန်းအမှတ်အသားများအကြောင်း၊ ကုန်စည်နှင့်ဝန်ဆောင်မှုများ ဝယ်ယူသုံးစွဲခြင်းကြောင့် နစ်နာဆုံးရှုံးမှုများ ဖြစ်ပေါ်လာပါက အရေးဆိုတိုင်ကြားနိုင်ပါကြောင်းနှင့် တိုင်ကြားနိုင်သည့် နည်းလမ်းများ၊ နေရာများကိုရှင်းလင်းဆွေးနွေးခဲ့ရာ ကျောင်းသား/ ကျောင်းသူ များမှ ဟောပြောဆွေးနွေးမှုနှင့်ပတ်သက်၍ သိရှိလိုသည့် အကြောင်းအရာများအား မေးမြန်းဆွေးနွေးရာ ခရိုင်တာဝန်ခံမှပြန်လည်ရှင်းလင်း ဆွေးနွေးခဲ့ပြီး အဆိုပါဟောပြောပွဲသို့ ဌာနဆိုင်ရာဝန်ထမ်း(၈)ဦး၊ ဆရာ/ဆရာမ(၃၅)ဦး၊ ကျောင်းသား/ ကျောင်းသူ (၂၅၀)ဦး၊ စုစုပေါင်း (၂၉၃)ဦး တက်ရောက်ခဲ့ ကြောင်းသိရသည်။

DOCA(မန္တလေး)

           ၂၀၂၆ခုနှစ်၊ ဇန်နဝါရီလ (၆)ရက်နေ့ နံနက် (၁၃:ဝဝ) နာရီအချိန်တွင် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ အစည်းအဝေးခန်းမ-၁၊ ရုံးအမှတ် (၅၂)၊ နေပြည်တော်တွင် ပြည်ထောင်စုဝန်ကြီး ဦးဆောင်၍ မြန်မာနိုင်ငံစားသုံးသူကာကွယ်ရေးကော်မရှင် (၁/၂၀၂၆) လုပ်ငန်းညှိနှိုင်းအစည်းအဝေးကို ကျင်းပပြုလုပ်ခဲ့ရာ ဒုတိယဝန်ကြီး၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ဒုတိယဝန်ကြီး၊ ပြည်ထဲရေးဝန်ကြီးဌာန၊ အမြဲတမ်းအတွင်းဝန်၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ဆက်သွယ်ရေးညွှန်ကြားမှုဦးစီးဌာန၊ အထွေထွေအုပ်ချုပ်ရေးဦးစီးဌာန၊ ဥပဒေကြမ်းစိစစ်ရေးဦးစီးဌာန၊ မူပိုင်ခွင့်ဉီးစီးဌာန၊ အစားအသောက်နှင့် ဆေးဝါးကွပ်ကဲရေးဦးစီးဌာန၊ စားသုံးသူရေးရာဦးစီးဌာန၊ ကုန်သွယ်ရေးဦးစီးဌာနနှင့် မြန်မာကုန်သွယ်မှုမြှင့်တင်ရေးအဖွဲ့တို့မှ ညွှန်ကြားရေးမှူးချုပ်များ၊ စားသုံးသူကာကွယ်ရေးဆိုင်ရာကျွမ်းကျင်သူ၊ ဒုတိယညွှန်ကြားရေးမှူးချုပ်များ၊ စားသုံးသူရေးရာဉီးစီးဌာနမှ တာဝန်ရှိပုဂ္ဂိုလ်များနှင့် ပြည်ထောင်စုနယ်မြေ၊ တိုင်းဒေသကြီး/ ပြည်နယ် စားသုံးသူရေးရာကော်မတီဥက္ကဌနှင့် အဖွဲ့ဝင်များက အွန်လိုင်းစနစ်ဖြင့် တက်ရောက်ခဲ့ကြောင်း သိရှိရပါသည်။

       အဆိုပါ အစည်းအဝေးတွင် မြန်မာနိုင်ငံစားသုံးသူကာကွယ်ရေးကော်မရှင် ဥက္ကဌ၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီးက အဖွင့်အမှာစကားပြောကြားခဲ့ကြောင်း သိရသည်။ ဆက်လက်၍ မြန်မာနိုင်ငံစားသုံးသူကာကွယ်ရေးကော်မရှင်အတွင်းရေးမှူးက မြန်မာနိုင်ငံစားသုံးသူကာကွယ်ရေးကော်မရှင် လုပ်ငန်းညှိနှိုင်းအစည်းအဝေး (၂/၂၀၂၅) ၏ ဆုံဖြတ်ချက်များအပေါ် ဆောင်ရွက်ပြီးစီးမှုအခြေအနေတင်ပြခြင်း၊ လုပ်ငန်းဆောင်ရွက်မှုအခြေအနေများရှင်းလင်းတင်ပြခြင်း၊ အမှာစာများဖတ်ကြားတင်ပြခြင်းနှင့် မြန်မာနိုင်ငံစားသုံးသူကာကွယ်ရေးကော်မရှင်ဥက္ကဌက အမှာများအပေါ် အဆုံးအဖြတ်ပေးခြင်း၊ မြန်မာနိုင်ငံစားသုံးသူကာကွယ်ရေးကော်မရှင်အဖွဲ့များက ဆွေးနွေးတင်ပြခြင်း၊ ပြည်ထောင်စုနယ်မြေ၊ တိုင်းဒေသကြီး/ ပြည်နယ် စားသုံးသူရေးရာကော်မတီဥက္ကဌများက ဆွေးနွေးတင်ပြခြင်း၊ တက်ရောက်လာသူများက အထွေထွေဆွေးနွေးခြင်းနှင့်  မြန်မာနိုင်ငံစားသုံးသူ ကာကွယ်ရေးကော်မရှင် ဥက္ကဌ၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ပြည်ထောင်စု ဝန်ကြီးက နိဂုံးချုပ်အမှာစကား ပြောကြားခဲ့ကြောင်း သတင်းရရှိပါသည်။

DOCA(စစ်ကိုင်း)