HighLight News

          ဖျာပုံခရိုင်၊ ကျိုက်လတ်မြို့နယ်၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနတွင် ကျင်းပပြုလုပ်သည့် စာဖတ်ဝိုင်းတွင် စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် ၂၀၂၆ ခုနှစ်၊ ဧပြီလ (၇) ရက်နေ့၊ နံနက် (၁၀း၀၀) နာရီအချိန်တွင် စာဖတ်ဝိုင်းအတွင်း တက်ရောက်သည့် ကျောင်းသားများအား အသိပညာပေးဟောပြောခဲ့ပါသည်။

          ထိုသို့ဟောပြောရာတွင် စားသုံးသူရေးရာဦးစီးဌာန မြို့နယ်တာဝန်ခံက စားသုံးသူများလုံခြုံ စိတ်ချမှုရရှိစေရန် မျှော်မှန်းချက်ထားရှိပြီး ရည်မှန်းချက်အနေဖြင့် စားသုံးသူအခွင့်အရေးနှင့် စားသုံးသူအကျိုးစီးပွား ကာကွယ်ရေးဆောင်ရွက်ရန်၊ ထုတ်ကုန်များလုံခြုံစိတ်ချရမှုရှိစေရေးဆောင်ရွက်ရန်၊ ကုန်စည်နှင့် ဝန်ဆောင်မှုများ၏ အရည်အသွေးစီမံခန့်ခွဲမှုနှင့် သုတေသနလုပ်ငန်းများဖွင့်ဖြိုးတိုးတက်ရန် စသည့်ရည်မှန်းချက်(၃) ရပ် ထားရှိပါသည်။ ဦးစီးဌာန၏ မျှော်မှန်းချက်၊ ရည်မှန်းချက်များ အောင်မြင်စွာဆောင်ရွက်နိုင်ရေးအတွက် စားသုံးသူကာကွယ်ရေး ဥပဒေကို ဆောင်ရွက်လျက်ရှိပါသည်။

          ကုန်စည်နှင့်စပ်လျဉ်း၍ ကုန်စည်အမျိုးအစားအလိုက်သတ်မှတ်ချက်(၈)ချက်နှင့်အညီ သိသာထင်ရှားစွာ ဖော်ပြရပါမည်။ (၁) ကုန်စည်တံဆိပ်အမှတ်အသား၊ (၂)ကုန်စည်၏အမျိုးအမည်၊ (၃)ထုတ် လုပ်သည့်ရက်စွဲ သက်တမ်းကုန်ဆုံသည့်ရက်စွဲ၊ (၄)ပြည်ပမှတင်သွင်းလာသောကုန်စည်ဖြစ်ပါက တင်သွင်းသူအမည် လိပ်စာ၊ လုပ်ငန်းအမည် လိပ်စာ (၅) ထုတ်လုပ်သည့်နေရာ (၆) ကုန်စည်တွင်ပါရှိသော ကုန်းကြမ်းပစ္စည်းအမျိုးအမည်နှင့် ပစ္စည်း၏ ပမာဏပါဝင်မှုအချိုးအစား (၇) ကျန်းမာရေးဆိုင်ရာဘေး ထွက်ဆိုးကျိုး (သို့) ဓာတ်မတည့်ကြောင်းဖော်ပြချက်နှင့် ကြိုတင်သတိပေးချက် (၈) သက်ဆိုင်ရာအစိုးရဌာနများမှ ဖော်ပြရန်သတ်မှတ်ထားသော အချက်အလက်များဖြစ်သည်ဟု ပြောကြားခဲ့ကြောင်း သတင်းရရှိပါသည်။

DOCA(ဧရာဝတီ)

      (3.၄.2026)ရက်နေ့၊ နံနက်(10:30)နာရီအချိန်တွင် ရန်ကုန်တိုင်းဒေသကြီး၊ စားသုံးသူရေးရာဦးစီးဌာနမှ ဒုတိယတိုင်းဒေသကြီးဦးစီးမှူးဦးဆောင်၍  မြောက်ပိုင်းခရိုင်ဦးစီးမှူးနှင့်ဝန်ထမ်းများ၊ အထွေထွေအုပ်ချုပ်ရေးဦးစီးဌာနမှ ဒုတိယဦးစီးမှူးတို့ပါဝင်သောပူးပေါင်းအဖွဲ့သည် လှိုင်သာယာမြို့နယ်အတွင်းရှိ စားအုန်းဆီလက်လီ အရောင်းဆိုင်(၈)ဆိုင်သို့ ကွင်းဆင်းစစ်ဆေး ဆောင်ရွက်ခဲ့ကြပါသည်။

      ထိုသို့ကွင်းဆင်းစစ်ဆေးရာတွင် လှိုင်သာယာမြို့နယ်အတွင်းရှိ စားအုန်းဆီလက်လီ အရောင်းဆိုင်များမှာ စားသုံးသူရေးရာဦးစီးဌာနမှ အပတ်စဉ်ထုတ်ပြန်ပေးနေသည့် ရည်ညွှန်းဈေးနှုန်းများအပေါ်အခြေခံကာ သတ်မှတ်အမြတ်နှုန်းအတွင်း၌သာ ရောင်းချကြပြီး ဈေးနှုန်းမြှင့်တင်ရောင်းချခြင်းနှင့် သိုလှောင်သိမ်းဆည်းထားခြင်းများမရှိပါကြောင်း စစ်ဆေးတွေ့ရှိပြီး ဒုတိယတိုင်းဒေသ ကြီးဦးစီးမှူးမှ မိမိတို့ဆိုင်များတွင်ရောင်းချနေသော ဈေးနှုန်းများကို စားသုံးသူပြည်သူများ အလွယ်တကူ မြင်တွေ့နိုင်သည့်နေရာ၌ ဆိုင်းဘုတ်ချိတ်ဆွဲဖော်ပြရန်၊ ဆီထုတ်စာအုပ် မှတ်တမ်းများတွင်လည်း ရောင်းချသည့်ရက်စွဲနှင့် ဈေးနှုန်းများကို စနစ်တကျမှတ်တမ်းတင်ထားရှိရန် လမ်းညွှန်မှာကြားခဲ့ပြီး ဈေးနှုန်းများမြှင့်တင်ရောင်းချခြင်းနှင့် ဈေးကစားခြင်းများ စစ်ဆေးတွေ့ရှိပါက အရေးကြီးကုန်စည်နှင့်ဝန်ဆောင်မှုဥပဒေအရ အရေးယူဆောင်ရွက်ခံရမည် ဖြစ်ကြောင်းကိုလည်း အသိပညာပေးပြောကြားခဲ့ကြောင်း သိရှိရပါသည်။

DOCA(ရန်ကုန်)

       ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးမှူးရုံး၌ ဧပြီလ(၂)ရက်နေ့၊ နေ့လယ်(၁၄း၀၀)နာရီအချိန်တွင် ပြန်ကြားရေးနှင့်ပြည်သူ့ ဆက်ဆံရေးဦးစီးဌာနနှင့် စားသုံးသူရေးရာဦးစီးဌာနတို့ ပူးပေါင်း၍ စားသုံးသူကာကွယ်ရေး အသိပညာပေးဟောပြောပွဲ ကျင်းပပြုလုပ်ခဲ့ကြောင်း သိရသည်။ 

    ရှေးဦးစွာ မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန ဒုတိယဦးစီးမှူးက နွေရာသီကျောင်းပိတ်ရက်တွင် ကျောင်းနေအရွယ် လူငယ်လေးများအနေဖြင့် အသိဉာဏ်ပညာ ဗဟုသုတများ ဘက်စုံဖွံ့ဖြိုးတိုးတက်စေရန် စာဖတ်ရှိုန်မြင့်မားစေရန်ရည်ရွယ်၍ ယခုလို အသိပညာပေးလုပ်ငန်းများအား သက်ဆိုင်ရာဌာနများအနေဖြင့် ပူးပေါင်းဆောင်ရွက်ရခြင်းဖြစ်ကြောင်း ပြောကြားပေးခဲ့ပြီး မြို့နယ်စားသုံးသူရေးရာဦးစီးဌာန မြို့နယ်တာဝန်ခံရုံးမှ  ဒေါ်ချိုမီဇင်က စားသုံးသူကာကွယ်ရေးဥပဒေပါ ကုန်အညွှန်းအမှတ်အသားဖော်ပြခြင်းဆိုင်ရာ စီးပွားရေးလုပ်ငန်းရှင်သည် ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့် အညီ သိသာထင်ရှားစွာ ဖော်ပြရမည့်အချက်များ၊ မည်သည့်စီးပွားရေးလုပ်ငန်းရှင်မဆို ပုဒ်မ ၄၁၊ ပုဒ်မခွဲ (ခ)နှင့်(ဆ)တို့ပါ ကုန်စည်အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်မှုအညွှန်း၊ သုံးစွဲပုံနည်းလမ်း၊ ကျန်းမာရေးဆိုင်ရာဘေးထွက်ဆိုးကျိုး(သို့) ဓာတ်မတည့်ကြောင်းဖော်ပြချက်နှင့် ကြိုတင်သတိပေးချက်တို့အား ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု (သို့)တစ်ခု ထက်ပို၍တွဲလျက်ဖြစ်စေ ရေးသားဖော်ပြပါရှိရမည်ဖြစ်ကြောင်း စသည့်စားသုံးသူကာကွယ်ရေး အသိပညာဗဟုသုတများအား အကျယ်တဝင့်ရှင်းလင်းဟောပြောပေးခဲ့ကြောင်း သိရှိရပါသည်။

DOCA(ဧရာဝတီ)

         မအူပင်ခရိုင်၊ ဓနုဖြူမြို့နယ် ဒေသတွင်းဈေးကွက်အတွင်း ရောင်းချနေသော အရသာမှုန့်နှင့် ဟင်းခတ်ပစ္စည်းအမျိုးမျိုးကို စားသုံးသူများ ဘေးအန္တရာယ်ကင်းရှင်းစေရန်အတွက် ဓနုဖြူမြို့နယ် စားသုံးသူရေးရာ ဦးစီးဌာန (DOCA) နှင့် သက်ဆိုင်ရာ စည်ပင်သာယာရေးအဖွဲ့များက ပူးပေါင်း၍ ဧပြီလ ၂ရက်နေ့ ၂၀၂၆ခုနှစ် နံနက် (၀၈း၀၀)နာရီအချိန်က မြို့မဈေးအတွင်း ပုံမှန်ဈေးကွက်စောင့်ကြည့်စစ်ဆေးမှုများ ပြုလုပ်လျက်ရှိပါသည်။

       ဈေးကွက်စောင့်ကြည့်စစ်ဆေးရာတွင် ဓနုဖြူမြို့နယ် စစ်ဆေးရေးအရာရှိမှ မြို့မဈေးကြီးအတွင်း ကုန်စုံဆိုင်များမှ ရောင်းချနေသော ဟင်းခတ်မှုန်နှင့် အရသာမှုန်များ ထုတ်ကုန်များပေါ်တွင် မြန်မာဘာသာဖြင့် ကုန်အညွှန်းအမှတ်အသားများ ပြည့်စုံစွာ ဖော်ပြထားခြင်း ရှိ၊ မရှိ စစ်ဆေးခြင်း၊ အစားအသောက်နှင့် ဆေးဝါးကွပ်ကဲရေးဦးစီးဌာန (FDA) ၏ ထောက်ခံချက်နှင့် ဘေးအန္တရာယ်ကင်းရှင်းမှု ရှိ၊ မရှိ စစ်ဆေးခြင်း၊ စားသုံးရန်မသင့်သော သက်တမ်းလွန်ပစ္စည်းများ ရောင်းချခြင်း ရှိ၊ မရှိ စစ်ဆေးခြင်း၊ ဟင်းခတ်မှုန့်တွင် ဖော်ပြသော အလေးချိန်ဂရမ်များအတိုင်း ပြည်မီမှု ရှိမရှိစစ်ဆေးခြင်းများဆောင်ရွက်ခဲ့ပြီး ယခုကဲ့သို့ စစ်ဆေးခြင်းကို မြို့နယ်အသီးသီးရှိ ကုန်စုံဆိုင်များ နှင့် ဈေးများ တွင် ကွင်းဆင်းဆောင်ရွက်နေပြီး၊ သတ်မှတ်ချက်နှင့် မညီညွတ်သော ထုတ်ကုန်များကို ရောင်းချခြင်းမပြုရန် အသိပညာပေးခြင်းနှင့် သတ်မှတ်ချက်များကို လိုက်နာမှုမရှိသော ကုန်စည်များရောင်းချနေကြောင်း စစ်ဆေးတွေ့ရှိပါက လိုအပ်ပါက စားသုံးသူကာကွယ်ရေးဥပဒေနှင့်အညီ အရေးယူခြင်းများ ဆောင်ရွက်သွားမည်ဖြစ်ကြောင်း မြို့မဈေးကြီးအတွင်း ကုန်စုံဆိုင်(၁၂) ဆိုင်အား ဈေးကွက်စောင့်ကြည့်စစ်ဆေးခဲ့ကြောင်း သိရသည်။

DOCA(ဧရာဝတီ)

       မအူပင်ခရိုင်၊ ညောင်တုန်းမြိုနယ် အထွေထွေအုပ်ချုပ်ရေးဦးစီဌာန အစည်းဝေးခန်းမတွင် ၂၀၂၆ခုနှစ် ဧပြီလ ၃ ရက်နေ့ နံနက် (၁၀း၀၀)နာရီအချိန်တွင် ရပ်ကွက်/ကျေးရွာအုပ်ချုပ်ရေးမှုးများ လပါတ်အစည်းဝေးတွင် စားအုန်းဆီရည်ညွှန်ဈေးဖြင့် ရောင်းချမှုအခြေအနေ မိမိရပ်ကွက်ကျေးရွာအတွင်းရှိ လက်လီဆိုင်များမှ ဈေးနှုန်းမြှင်တင်ရောင်းချမှုမရှိစေရေး ပူးပေါင်းဆောင်ရွက်ရန်နှင့် စားဆီပြတ်လပ်မှုမရှိအောင်ဆောင်ရွက်ထားရှိမှုအား သိရှိနိုင်ရန် လုပ်ငန်းရှင် အသိပညာပေးရှင်လင်းပြောကြားခဲ့ကြောင်း သိရသည်။

           တွေ့ဆုံရှင်းလင်းပွဲတွင် ညောင်တုန်းမြို့နယ် စားသုံးသူရေးရာဦးစီးဌာနမှ မြို့နယ်ဦးစီးမှူး ဦးအောင်လွင် ဦးစီးအရာရှိက ကျေးရွာအုပ်ချုပ်ရေးမှူးများအား စားသုံးသူရေးရာဦးစီးဌာနအနေဖြင့် သင်္ကြန်ရုံးပိတ်ရက်ရှည်ကာလအတွင်း စားသုံးသူများအတွက် စားအုန်းဆီ လုံလောက်စွာရရှိစေရန်နှင့် စနစ်တကျဖြန့်ဖြူးနိုင်ရန် စီမံဆောင်ရွက်ထားရှိမှုများ အစိုးရမှ ခွဲတမ်းချထားပေးသောဆီများကို သတ်မှတ်ရည်ညွှန်းဈေးနှုန်းအတိုင်း ရောင်းချရန်နှင့် အခြင်အတွယ် မှန်ကန်စေရန် လမ်းညွှန်ချက်များကိုလည်းကောင်း၊ ဈေးနှုန်းအဆမတန်မြှင့်တင်ခြင်း၊ အလေးချိန်ခိုးခြင်း သို့မဟုတ် ဈေးကစားရန်ရည်ရွယ်၍ ဆီများကို သိုလှောင်ထားခြင်းများ မပြုလုပ်ရန်နှင့် ပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူမည်ဖြစ်ကြောင်း သတိပေးခဲ့ပြီး၊ သက်ဆိုင်ရာဌာနများမှ ဈေးကွက်အတွင်း ကွင်းဆင်းစစ်ဆေးမှုများ ပြင်းထန်စွာဆောင်ရွက်သွားမည်ဖြစ်ကြောင်းကို  ရှင်းလင်းပြောကြားဆွေးနွေးခဲ့ပြီး အစည်းအဝေးတွင် တက်ရောက်သူ (၄၅) တက်ရောက်ခဲ့ကြောင်း သိရှိရပါသည်။

DOCA(ဧရာဝတီ)