HighLight News

       ဟင်္သာတခရိုင် အစားအသောက်နှင့် ဆေးဝါးကွပ်ကဲရေးဦးစီးဌာနမှ ဦးဆောင်၍ သက်ဆိုင်ရာဌာနများနှင့် ပူးပေါင်း၍ စားသုံးသူရေးရာဦးစီးဌာန၊ အင်္ဂပူမြို့နယ်တာဝန်ခံသည်  အင်္ဂပူမြို့ပေါ်ရပ်ကွက်ရှိ အိမ်သုံးဆေးရောင်းဝယ်ရေးဆိုင်များတွင် သက်ဆိုင်ရာဌာနများသို့ တရားဝင်မှတ်ပုံတင်ထားခြင်းမရှိသော အိမ်သုံးဆေးဝါးနှင့် သက်တမ်းလွန်ဆေးဝါးများ ရောင်းချမှု ရှိ/ မရှိကို  (၂.၇.၂၀၂၆) ရက်နေ့ နံနက်(၁၀:၀၀)နာရီ အချိန်တွင် ရှောင်တခင် ကွင်းဆင်းစစ်ဆေးခြင်းများကို ဆောင်ရွက်ခဲ့ကြောင်း သိရသည်။

        ထိုသို့ကွင်းဆင်းခဲ့ရာတွင် အစားအသောက်နှင့် ဆေးဝါးကွပ်ကဲရေးဦးစီးဌာန၏ ထောက်ခံချက်မရှိသော ဆေးဝါးများ၊ အရည်အသွေးနှင့် စံချိန်စံညွှန်းစစ်ဆေးမှုခံ ယူထားခြင်းမရှိသည့် အာမခံချက်မရှိသော တရားမဝင်ဆေးဝါးများ၊ Registration မရှိသော ဆေးဝါးများ၊ သက်တမ်းလွန်ဆေးဝါးများ၊ ရောင်းချမှုမရှိကြောင်း တွေ့ရှိရပြီး၊ ဆေးမျိုးစုံအရောင်းဆိုင်များတွင် ရောင်းချလျက်ရှိသော အိမ်သုံးဆေးဝါးများ ဈေးနှုန်းမြှင့်တင်ရောင်းချမှုမရှိခြင်း၊ ဆေးဝါးများပြတ်လပ်မှုမရှိခြင်း၊ ဈေးကစားရည်ရွယ်ချက်ဖြင့် သိုလှောင်ထားမှုမရှိကြောင်း စိစစ်တွေ့ရှိရပါသည်။ ဝယ်ယူသုံစွဲသူများအနေဖြင့် လိုအပ်သောအိမ်သုံးဆေးဝါးများကို လိုအပ်သလို ဝယ်ယူရရှိလျက်ရှိကြောင်း တွေ့ရှိရပြီး  ဆေးမျိုးစုံ အရောင်းဆိုင်(၃)ဆိုင်အား ကွင်းဆင်းစစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA (ဧရာဝတီ)

       (၂.၇.၂၀၂၆)နေ့ နံနက်(၀၉:၀၀)နာရီအချိန်တွင် မြန်အောင်ခရိုင်၊ အင်္ဂပူမြို့နယ် စားသုံးသူ​​ရေး ရာဦးစီးဌာနရုံးတွင် မြို့နယ်တာဝန်ခံ ဒေါ်ယဉ်ယဉ်ထွန်းသည် အင်္ဂပူမြို့နယ်အတွင်း စားအုန်းဆီဖြန့်ဖြူးသည့် လက်ကားကိုယ်စားလှယ်(၆)ဦးနှင့် တွေ့ဆုံ၍ စားအုန်းဆီများအား အလေးချိန် မှန်ကန်စွာထုတ်ပေးရန်၊ သတ်မှတ်ရည်ညွန်းစျေးအတိုင်း ဖြန့်ခွဲရောင်းချရန်၊ သတ်မှတ်အကြိမ်အရေအတွက်များ မှန်ကန်စွာထုတ်ပေးရန်၊ စာရင်းဇယားများသေချာပြုစုထားရှိရန်နှင့် အိမ်ထောင်စုအလိုက်ခွဲဝေမှုများအား ပြည့်မီစွာဖြန့်ဝေရန် ဆွေးနွေးဆောင်ရွက်ခဲ့ကြောင်း သိရသည်။

       အင်္ဂပူမြို့နယ်အတွင်း စားအုန်းဆီဖြန့်ဖြူးလျက်ရှိရာ စားသုံးသူပြည်သူများအား သတ်မှတ်ဈေးနှုန်းဖြင့် အဆင်ပြေချောမွေ့စွာ စားအုန်းဆီဝယ်ယူရရှိနိုင်ရေး၊ တရားမဝင်ရောင်းချမှုများ လျော့နည်းပပျောက်စေရေးရည်ရွယ်၍ စားအုန်းဆီဖြန့်ဖြူးခြင်းလုပ်ငန်းများနှင့် ပတ်သတ်၍ ကျေးရွာ/ ရပ်ကွက်အလိုက်  ဝယ်ယူရမည့်လက်လီအရောင်းဆိုင်၊ အိမ်ထောင်စုများအတွက် စားအုန်းဆီဝယ်ယူ ခွင့်စာအုပ်များပြုလုပ်၍ ခွဲတမ်းအလိုက်ရောင်းချရန် လမ်းညွှန်ချက်များအား လိုက်နာဆောင်ရွက်စေလိုကြောင်း၊ ရပ်ကွက်/ ကျေးရွာနေ ပြည်သူများ လက်ဝယ်အရောက် ဆီစာအုပ်များ ဖြန့်ဖြူးနိုင်ရေး၊ အိမ်ထောင်စုအလိုက် ဆီဝယ်ယူခွင့် စာအုပ်ဖြင့်ရောင်းချခြင်းအား ရာနှုန်းပြည့်ဆောင်ရွက်စေရေး မှာကြားဆွေးနွေးခဲ့ကြောင်း သတင်းရရှိပါသည်။

DOCA (ဧရာဝတီ)

       (၂.၇.၂၀၂၆)ရက်နေ့ နံနက်(၀၉း၀၀)နာရီအချိန်တွင် ဧရာဝတီတိုင်းဒေသကြီး၊ မြန်အောင်ခရိုင်၊ ကြံခင်းမြို့နယ်၊ ဘက်ရဲမြို့ အမှတ်(၁) ရပ်ကွက်ရှိ စည်ပင်သာယာစျေးနှင့် တာကြီးတန်းလမ်းရှိ ကုန်စုံဆိုင်နှင့်ဆေးဆိုင်များတွင် ပုံမှန်ရောင်းချမှုအခြေအနေများ၊ ဆေးဝါးနှင့်အခြားဆက်စပ်ပစ္စည်းများ ပုံမှန်ထက်ဝယ်ယူသုံးစွဲခြင်းများနှင့် မုန့်၊ ဆေးဝါးများ၊ ကန့်သတ်ကုန်ပစ္စည်းတို့ကိုရောင်းချခြင်းနှင့် date လွန်ကုန်ပစ္စည်းများ​ရောင်းချခြင်း ရှိ/ မရှိတို့အား စစ်ဆေးခြင်းနှင့် ထူးခြားမှုတစ်စုံတစ်ရာရှိပါက သတင်းပေးပို့တင်ပြရန် မြို့နယ်အုပ်ချုပ်ရေးမှူး ဦးအောင်ကိုကိုဦးဆောင်၍ ကြံခင်းမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဦးကျော်နိုင်ဝင်း၊ ဘက်ရဲမြို့နယ်မြေရဲစခန်းမှ တာဝန်ရှိသူများ၊  အမှတ် (၁) ရပ်ကွက် အုပ်ချုပ်ရေးမှူး၊ ဘက်ရဲမြို့နယ်စည်ပင်တာဝန်ခံနှင့် ပလကဖ တပ်ဖွဲ့ဝင်များပူးပေါင်း၍ ကွင်းဆင်းစစ်ဆေးခြင်းများကို‌ဆောင်ရွက်ခဲ့ကြောင်း သိရသည်။

     ဈေးကွက်အတွင်း ရောင်းချနေသော ကုန်စည်များအားဝယ်ယူ စားသုံးသူမိဘပြည်သူများအား ဘေးအန္တရာယ်မဖြစ်စေရန် ရည်ရွယ်၍ ပူးပေါင်းအဖွဲ့ဝင်များ ကွင်းဆင်းစစ်ဆေးခဲ့ရာ မုန့်၊ ဆေးဝါးများနှင့် အခြားဆက်စပ်ပစ္စည်းများတွင် ကန့်သတ်ထုတ်ကုန်များနှင့် Date လွန် ကုန်စည်များ ရောင်းချမှုမရှိကြောင်း စစ်ဆေးတွေ့ရှိရပြီး၊ စားသုံးသူရေးရာဦးစီးဌာန မြို့နယ်တာဝန်ခံမှ ကုန်စည်များပေါ်တွင် ကုန်အညွှန်းအမှတ်အသားဖော်ပြခြင်းနှင့်ပတ်သက်၍ မြန်မာနိုင်ငံစားသုံးသူကာကွယ် ရေးကော်မရှင်မှထုတ်ပြန်ကြော်ငြာထားသော ညွှန်ကြားချက် အမှတ်(၂/၂၀၁၉)နှင့်အညီ မြန်မာဘာသာဖြင့် ပြည်စုံစွာဖော်ပြထားသော ကုန်စည်များကိုသာ ရောင်းချရန်နှင့် စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်၏ တာဝန်များအကြောင်း၊ တားမြစ်ချက်များအကြောင်းနှင့် ပြစ်မှုပြစ်ဒဏ်များအကြောင်း စသည်တို့ကို အသိပညာပေး ဆွေးနွေးခဲ့ကြောင်း သိရှိရပါသည်။

DOCA (ဧရာဝတီ)

        စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှုဖြင့် ပခုက္ကူခရိုင် ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်းများသည်စားသုံးသူများ စားသုံးသူကာကွယ်ရေး ဥပဒေအားသိရှိလိုက်နာစေရေး၊ အခွင့်အရေးနှင့်တာဝန်များအားသိရှိပြီး ဘေးအန္တရာယ်ကင်းရှင်းစေရန် ရည်ရွယ်၍ စဉ်ဆက်မပြတ် အသိပညာပေးဆောင်ရွက်လျက်ရှိကြောင်း သိရပါသည်။

       ပခုက္ကူခရိုင်အနေဖြင့်၂၀၂၆ခုနှစ်၊ ဇွန်လအတွင်း ခရိုင်ဦးစီးမှူး ဦးဝေဠုအောင် ဦးဆောင်၍ ဒု-ခရိုင် ဦးစီးမှူး၊ စားသုံးသူရေးရာဌာနခွဲတာဝန်ခံ၊ ပခုက္ကူမြို့နယ်တာဝန်ခံနှင့် ဝန်ထမ်းများသည်  အမှတ်(၄) အခြေခံပညာအထက်တန်းကျောင်း၊ အ.မ.က(၅၆)ဆယ်ရွာ ကျေးရွာနှင့် ပခုက္ကူခရိုင်ဦးစီးမှူးရုံး၌ မိဘပြည်သူများအား အသိပညာပေးခြင်း၊ ဆိပ်ဖြူမြို့နယ်အနေဖြင့်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၌ မူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှုတိုက်ဖျက်ရေး အထိမ်းအမှတ် အခမ်းအနားတွင် အသိပညာပေးခြင်းနှင့် ရွာသစ်ရပ်ကွက်ရှိ “ ဒေါ်နိုင်နိုင်” စာသင်ဝိုင်းတွင် အသိပညာပေးခြင်း၊  ဂန့်ဂေါခရိုင်အနေဖြင့် မြို့နယ်တာဝန်ခံမှ ဂန့်ဂေါမြို့၊ မြောက်ကုန်းရပ်ကွက်ရှိ၊ အ.လ.က ကျောင်းတွင် စားသုံးသူကာကွယ်ရေးအသိပညာ ပေးဆွေးနွေးခဲ့ပြီး ပခုက္ကူခရိုင်မှ (၅)ကြိမ်နှင့် ဂန့်ဂေါခရိုင်မှ(၁)ကြိမ်၊ စုစုပေါင်း(၆)ကြိမ်ဟောပြောဆွေးနွေးခဲ့ပြီး လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(မကွေး)

        စားသုံးသူရေးရာဦးစီးဌာန၊ မကွေးတိုင်းဒေသကြီး၊ ဂန့်ဂေါခရိုင်ဦးစီးမှူးရုံးမှ ဂန့်ဂေါမြို့နယ် တာဝန်ခံ ဒု-ဦးစီးမှူး ဒေါ်ဇာဇာချိုဦးနှင့် အကြီးတန်းစာရေး ဒေါ်ခင်နွဲ့ဝင်းတို့သည် (၁၈.၆.၂၀၂၆)ရက်နေ့၊ နံနက် (၀၉:၀၀)နာရီအချိန်တွင် ဂန့်ဂေါမြို့၊ ကျောတိုက်ရပ်ကွက်ရှိ “အောင်ရွှေပုလဲ” ပဲကြော်လုပ်ငန်းသို့ သွားရောက်၍ ကုန်အညွှန်းအမှတ်အသားများ ပြည့်စုံစွာပါဝင်နိုင်ရေး ကွင်းဆင်းအသိပညာပေးဆွေးနွေးခဲ့ကြောင်း သိရပါသည်။

        မြို့နယ်တာဝန်ခံက ဆွေးနွေးရာတွင် စားသုံးသူကာကွယ်ရေးဥပဒေ၌ ပြဌါန်းထားသော အခန်း(၁၈)ပါ ကုန်အညွှန်းအမှတ်အသားများ ပြည့်စုံစွာဖော်ပြခြင်းဖြင့် ဈေးကွက်အတွင်းရှိ မိမိတို့ ကုန်ပစ္စည်းများကို စားသုံးသူအား ဘေးအန္တရာယ်ကင်းရှင်းစေခြင်း၊ အာမခံချက်ပေးခြင်း၊ သတင်းအချက်အလက်များ ပြည့်စုံမှန်ကန်စွာ ထည့်သွင်းခြင်းတို့ကြောင့် စားသုံးသူများအနေဖြင့် စီးပွားရေးလုပ်ငန်းရှင်အပေါ် ယုံကြည်မှုရှိလာပြီး အကျိုးစီးပွားပိုမိုရရှိလာနိုင်ကြောင်း၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များ၏တာဝန်များ၊ ကုန်အညွန်းအမှတ်အသား ဖော်ပြခြင်းနှင့် ပတ်သက်သည့် ဥပဒေပြဌါန်းချက်များ၊ အရေးယူတားမြစ်ချက်များ၊ ပြစ်မှု/ ပြစ်ဒဏ်များအကြောင်းအား ဆွေးနွေးခဲ့ကြောင်း သိရပါသည်။

      စီးပွားရေးလုပ်ငန်းရှင်သည် မိမိတို့ကုန်စည်၏ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ ပြည့်စုံမှုရှိ/ မရှိ မိမိတို့ဌာနသို့ စိစစ်ခွင့်ပြုချက် တင်ပြလျှောက်ထားနိုင်ကြောင်း၊ ဌာနမှဥပဒေနှင့် အညီ ပြည့်စုံမှန်ကန်သော ကုန်အမှတ်တံဆိပ်များဖြစ်စေရန်  စိစစ်ခွင့်ပြုပေးလျက်ရှိကြောင်း၊ ကုန်အညွှန်းအမှတ်အသား ပြည့်စုံမှုမရှိသည့် ကုန်စည်များတွေ့ရှိလာပါက ဥပဒေအရ အရေးယူဆောင်ရွက်သွားမည်ဖြစ်ကြောင်း လုပ်ငန်းရှင်အား သိရှိနားလည်စေရန် အသေးစိတ်အသိပညာပေး ဆွေးနွေးခဲ့ကြောင်း သိရှိရပါသည်။

DOCA(မကွေး)