HighLight News

      ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ အိမ်မဲမြို့နယ်တာဝန်ခံဒေါ်ဇင်မာသန်းသည် (၁၈.၇.၂၀၂၅)ရက်နေ့၊ နေ့လယ် (၁၄:၀၀) နာရီအချိန်တွင် ပြန်ကြားရေးနှင့်ပြည်သူ့ ဆက်ဆံရေးဦးစီးဌာနတို့နှင့် ပူးပေါင်းကာ စားသုံးသူပြည်သူများအား အိမ်မဲမြို့နယ်၊ ပြန်ကြားရေးနှင့်ပြည်သူ့ ဆက်ဆံရေးဦးစီးဌာန၊ လူထုအခြေပြုဗဟိုဌာန၊ Community Centre ခန်းမတွင် စားသုံးသူအသိပညာပေး  Talk  Show  ပြုလုပ်ခဲ့ပါသည်။

          ထိုသို့ပြောဆွေးနွေးရာတွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူးမှ  စားသုံးသူအသိပညာပေး Talk Show ပြုလုပ်ရခြင်း၏ရည်ရွယ်ချက်အားရှင်းလင်းပြောကြားပြီး၊ စားသုံးသူရေးရာဦးစီးဌာန မြို့နယ်တာဝန်ခံမှ ဌာန၏ မျှော်မှန်းချက်၊ ရည်မှန်းချက်များအား ရှင်းလင်းပြောကြားခဲ့ပြီး၊ စားသုံးသူကာကွယ်ရေးဥပဒေ အခန်း(၁၁)ပါ ကုန်စည်နှင့်စပ်လျဉ်း၍ အာမခံချကပေးခြင်း၊ ပုဒ်မ(၂၄)ပါအချက်အလက်များ၊ အခန်း(၁၂) ကုန်စည်နှင့် စပ်လျဉ်း၍ အာမခံပေးထားမှုပေါ် စားသုံးသူကတောင်းဆိုနိုင်သည့် အခွင့်အရေးပါအချက်အလက်များအား အသေးစိတ်ရှင်းလင်းဟောပြောခဲ့ပြီး၊ စားသုံးသူကာကွယ်ရေးဥပဒေပါကုန်စဉ်နှင့် ဝန်ဆောင်မှုများ၏ ကြော်ငြာခြင်းဆိုင်ရာ တားမြစ်ချက်များနှင့် လိမ်လည်လှည့်ဖျားခြင်းဆိုင်ရာ တားမြစ်ချက်များ၊ ပြစ်မှု့ပြစ်ဒဏ်များအကြောင်းကို အကျယ်တဝံ့ရှင်းလင်းပြောကြားခဲ့ပါသည်။ စီးပွားရေးလုပ်ငန်းရှင်များအနေဖြင့် ဥပဒေပါအချက်အလက်များသိရှိလိုပါက မြို့နယ်စားသုံးသူတာဝန်ခံ ရုံးတွင်လည်းကောင်း၊ စားသုံးသူရေးရာဦးစီးဌာနရုံးချုပ်၏ www.doca.gov.mm web site တွင် ဝင်ရောက်လေ့လာနိုင်ပါကြောင်း၊ စားသုံးသူများနစ်နာမှုရှိလာပါက စားသုံးသူသတင်းပြန်ကြားရေးနှင့် တိုင်ကြားမှုလက်ခံ ဆောင်ရွက်ရေး စင်တာ CICC သို့ လူကိုယ်တိုင်ဖြစ်စေ၊ တယ်လီဖုန်းဖြင့်ဖြစ်စေ တိုင်ကြားနိုင်ကြောင်း အသိပညာပေး ဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

          ဧရာဝတီတိုင်းဒေသကြီးအစားအသောက်နှင့် ဆေးဝါးကွပ်ကဲရေးဦးစီးဌာနမှ တာဝန်ရှိသူများသည် မြို့နယ်အစားအသောက်နှင့် ဆေးဝါးကြီးကြပ်ကွပ်ကဲရေးကော်မတီဝင်များ၊ ပန်းတနော်မြို့နယ် စားသုံးသူရေးရာဦးစီးဌာနမှဝန်ထမ်းများနှင့် ပူးပေါင်း၍ (၁၈.၇.၂၀၂၅) ရက်နေ့တွင် ပန်းတနော်မြို့ပေါ်ရှိ မြို့မဈေးနှင့် စတိုးဆိုင် (၁၁) ဆိုင်ကို ကွင်းဆင်း၍ သုံးစွဲရန်မသင့်ဟုထုတ်​ပြန်ထားသော အလှကုန်များ ရောင်းချခြင်းရှိ/ မရှိ စစ်ဆေးဆောင်ရွက်ခဲ့ပါသည်။

          အလှကုန် ရောင်းချနေသည့် ဆိုင်များအနေဖြင့် မှတ်ပုံတင်ထားသော အလှကုန်များကိုသာရောင်းချရေး၊ စားသုံးသူမိဘပြည်သူများ ဘေးအန္တရာယ်ကင်းရှင်းစွာအသုံးပြုနိုင်စေရေး၊ ထုတ်ကုန်များ လုံခြုံစိတ်ချမှုရရှိစေရေး၊ ကုန်စည်များအပေါ် ယုံကြည်စိတ်ချရမှုရှိစေရေး၊ ကုန်စည်များအပေါ်တွင် ကုန်စည်အမျိုးအစားလိုက်၍ ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြခြင်းရှိ/ မရှိနှင့် သက်တမ်းလွန်‌ နေသောအလှကုန်နှင့်စားသောက်ကုန်များ ရောင်းချခြင်းရှိ/ မရှိတို့ကို စစ်ဆေးခဲ့ပြီးလုပ်ငန်းရှင်များအား အလှကုန်များ ရောင်းချခြင်းနှင့် ပတ်သက်၍ အသိပညာပေးဆွေးနွေးပြောကြားခဲ့ကြောင်း သိရှိရပါသည်။

DOCA(ဧရာဝတီ)

            ဧရာဝတီတိုင်းဒေသကြီး၊​ မအူပင်ခရိုင်၊ မအူပင်မြို့နယ်အတွင်းရှိ ​ဆေးဆိုင်များနှင့် စားသုံးဆီဆိုင်များအား မအူပင်ခရိုင် (FDA)၊ ခရိုင်စားသုံးသူရေးရာဦးစီးဌာန၊ ခရိုင်ကျန်းမာရေးအဖွဲ့၊ စာ်ပင်သာယာရေးအဖွဲ့တို့နှင့်အတူ (၁၈-၇-၂၀၂၅) နေ့နံနက် (၁၀း၃၀) နာရီအချိန်တွင် ကွင်းဆင်းစစ်ဆေးခဲ့ကြောင်း သိရသည်။

        ထိုသို့ စစ်​​ဆေးရာတွင်​ဆေးဆိုင်များအားစစ်​ဆေးရာ၌ ဆေးဝါးရောင်းချခွင့်လိုင်စင်ရှိ/ မရှိ၊ ရောင်းချ​သော ဆေးဝါးများတွင်အညွှန်းများတပ်ဆင်မှုရှိ/ မရှိ၊ (FDA)မှတားမြစ်ထား​သော ​ဆေးဝါးများ​အား ရောင်းချခြင်းရှိ/ မရှိ စစ်​ဆေးခဲ့​ပြီး ပြည်တွင်းထုတ်အမှတ် တံဆိပ်ပါစားသုံးဆီများ စျေးကွက်အတွင်း ဖြန့်ဖြူးရောင်းချမှုများနှင့်ပတ်သက်၍ FDA ထောက်ခံချက်ရှိ/ မရှိ၊ ဈေးကွက်အတွင်း အမှတ်တံဆိပ်ပါရောနှောဆီ (Blended OIL) ဖြန့်ဖြူးရောင်းချမှုများအား မြေပြင်ကွင်းစစ်ဆေးခြင်းများ ဆောင်ရွက်ခဲ့ခြင်းဖြစ်ကြောင်း သိရသည်။

            စစ်ဆေးစဉ်အတွင်း ဈေးကွက်၌ သတ်မှတ်ချက်နှင့် မညီရောင်းချခြင်းများ တားမြစ်ကုန်စည်များ၊ သက်တမ်းလွန်ကုန်စည်နှင့်၊ ဈေးဝါးများရောင်းချခြင်းတွေ့ရှိပါက အမျိုးသားအစားအသောက်ဥပဒေ၊ စားသုံးသူကာကွယ်ရေးဥပဒေ၊ တည်ဆဲဥပဒေများအရ အရေးယူဆောင်ရွက်မည်ဖြစ်ကြောင်းနှင့် ယခုလို စစ်ဆေးဆောင်ရွက်မှုများကို မကြာခဏ ပြုလုပ်မည်ဖြစ်သဖြင့် ဆိုင်ရှင်းများ အထူးအလေးထားလိုက်နာရောင်းချရန်တို့ကို မှာကြားခဲ့ကြောင်း သိရှိရပါသည်။

DOCA(ဧရာဝတီ)

         အသင့်စားမုန့်တွေ စားသုံးမိတာများခြင်းကြောင့် ကလေးငယ်တွေမှာ နှလုံးရောဂါ၊ ကျောက်ကပ်ရောဂါ၊ ကင်ဆာရောဂါစတဲ့ ရောဂါမျိုးတွေ ဖြစ်ပွားနေတာတွေ့ရှိရတာကြောင့် အခြေခံပညာကျောင်းများတွင် ရောင်းချနေသော အသင့်စားမုန့် များကို စစ်ဆေးဆောင်ရွက်ရန်လိုအပ်သဖြင့် ကျန်းမာရေးဦးစီးဌာနနှင့် စားသုံးသူရေးရာဦးစီးဌာနတို့ပူးပေါင်း၍ ကျောင်းအသိပညာပေးခြင်း၊ မုန့်ဈေးတန်းများကို စစ်ဆေးခြင်းများ ဆောင်ရွက်ခဲ့ကြသည်။

            ပန်းတနော် အနောက်ပိုင်းရပ်ကွက် အ-မ-က-၂ ကျောင်းတွင် နံနက်(၀၈၁၅)နာရီအချိန်တွင် စစ်ဆေးခဲကြရာ မုန့်မျိုးစုံနှင့်စားသောက်ကုန်ပစ္စည်းများ ကုန်အညွှန်းအမှတ်အသားများပြည့်စုံ မှန်ကန်စွာဖော်ပြပါရှိမှုရှိ၊ မရှိ၊ သက်တမ်းလွန်မုန့်များ ရောင်းချမှုရှိ၊မရှိ၊ ကျောင်းသား၊ ကျောင်းသူများနှင့် ဆရာ၊ ဆရာများအတွက် ဘေးအန္တရာယ်ကင်းရှင်းပြီး လုံခြုံစိတ်ချရသည့် စားသောက်ကုန်ပစ္စည်းများဖြစ်ရေးတို့ကို ကွင်းဆင်းစစ်ဆေးကြပြီး အစားအသောက် ထုတ်လုပ်ဖြန့်ဖြူးရောင်းချ သူတွေအနေနဲ့ အစားအသောက်မှာ သုံးစွဲရန်ခွင့်မပြုတဲ့ ဆိုးဆေးတွေကို လုံးဝ အသုံးမပြုရန်နဲ့ မုန့်ဈေးတန်း ဆိုင်ရှင်များကို အသိပေးပြောကြားခဲ့ပြီး ကျောင်းကျန်းမာရေးအဖွဲ့မှ ကြပ်မတ်ဆောင်ရွက်ရန် တို့ကိုမှာကြားခဲ့ကြောင်းသိရသည်။

DOCA(ဧရာဝတီ)

           ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ် ဧရာဝတီမြစ်ခွဲမှ (ပန်းလှိုင်)ညောင်တုန်းမြို့နယ်၏ စိုးရိမ်ရေမှတ်-၂၂.၅၀ ပေ အန္တရာယ်ရေမှတ်-၂၄.၅၀ ပေမြို့မြစ်ကမ်းတာအမြင့်-၃ဝ.၅၀ပေ (‌၂၀.၇.၂၀၂၅)ရက်နေ့၊ ညောင်တုန်းမြို့နယ်၏ မိုး‌ရေချိန်-၀.၇၃ လက်မ(၀၆၀၀)နာရီတိုင်းတာ ချက်အရမြစ်ရေအမှတ်-၂၃.၁၅ပေဖြစ်ပါကြောင်း တင်ပြအပ်ပါသည်။ (၂၀၁၆)ခုနှစ်တွင် အမြင့်ဆုံး ရေအမှတ် ၂၆.၄၀ ပေသို့ တက်ရောက်ခဲ့ပါသည်။

         နေ့လယ်ပိုင်း တိုင်းတာချက် စိုးရိမ်ရေမှတ်-၂၂.၅၀ ပေအန္တရာယ်ရေမှတ်-၂၄.၅၀ ပေမြို့မြစ်ကမ်းတာအမြင့်-၃ဝ.၅၀ပေ(‌၂၀.၇.၂၀၂၅)ရက်နေ့၊ ညောင်တုန်းမြို့နယ်၏ မိုး‌ရေချိန်-၀.၇၃ လက်မ(၁၂၀၀)နာရီတိုင်းတာချက် အရမြစ်ရေအမှတ်-၂၃.၀ပေဖြစ်ပါကြောင်း တင်ပြအပ်ပါသည်။ (၂၀၁၆)ခုနှစ်တွင် အမြင့်ဆုံး ရေအမှတ် ၂၆.၄၀ ပေသို့ တက်ရောက်ခဲ့ပါသည်။

       ပန်းတနော်မြို့နယ် ၁၉-၇-၂၀၂၅ ရက်နေ့ မြစ်ရေတိုင်းတာချက် ပန်းတနော်မြို့ မြစ်ရေအမှတ်12:00 PM=18•25ft စိုးရိမ်ရေမှတ်=18•30ft12:00 PM စိုးရိမ်ရေမှတ်အောက်(-0•05ft)ဖြစ်ပါသည်။

          ၂၁-၇-၂၀၂၅ ရက်နေ့ ညောင်တုန်းမြို့နယ်၏ စိုးရိမ်ရေမှတ်-၂၂.၅၀ ပေ ရှိပြီး၊ အန္တရာယ်ရေမှတ်-၂၄.၅၀ ပေ မြို့မြစ်ကမ်းတာအမြင့်-၃ဝ.၅၀ပေ ရှိကြောင်းသိရပြီး၊  (‌၂၁.၇.၂၀၂၅)ရက်နေ့၊ ညောင်တုန်းမြို့နယ်၏ မိုး‌ရေချိန်-၀.၀၈ လက်မ (၁၂၀၀) နာရီတိုင်းတာချက်အရမြစ်ရေအမှတ်-၂၂.၉၀ပေဖြစ်ပါကြောင်း တင်ပြအပ်ပါသည်။ (၂၀၁၆)ခုနှစ်တွင် အမြင့်ဆုံး ရေအမှတ် ၂၆.၄၀ ပေသို့ တက်ရောက်ခဲ့ပါသည်။

DOCA(ဧရာဝတီ)